Published on MAPNews (https://www.mapnews.ma/am)

Accueil > ⵜⵙⵡⵓⵔⵉ ⵜⵎⴰⵡⴰⵙⵜ ⵏ ⵜⴷⵍⵙⴰ ⴷ ⵉⵄⵔⵔⵉⵎⵏ ⴷ ⵓⵎⵚⴰⵡⴰⴹ ⵅⴼ ⵓⵙⵖⵉⵡⵙ ⵏ ⵓⵙⵎⵀⵍ ⵏ ⵜⵎⴰⵣⵉⵖⵜ ( ⵎⴰⵙⵙ ⴱⵏⵙⵄⵉⴷ)

ⵜⵙⵡⵓⵔⵉ ⵜⵎⴰⵡⴰⵙⵜ ⵏ ⵜⴷⵍⵙⴰ ⴷ ⵉⵄⵔⵔⵉⵎⵏ ⴷ ⵓⵎⵚⴰⵡⴰⴹ ⵅⴼ ⵓⵙⵖⵉⵡⵙ ⵏ ⵓⵙⵎⵀⵍ ⵏ ⵜⵎⴰⵣⵉⵖⵜ ( ⵎⴰⵙⵙ ⴱⵏⵙⵄⵉⴷ)

09 ⵉⵏⵏⴰⵢⵔ 2023 Version Imprimable
ⵕⵕⴱⴰⵟ - ⵉⵙⴷⴷⵉⵙ ⵓⵎⴰⵡⵙⴰⵙ ⵏ ⵜⴷⵍⵙⴰ ⴷ ⵉⵄⵔⵔⵉⵎⵏ ⴷ ⵓⵎⵙⴰⵡⴰⴹ ⵎⴰⵙⵙ ⵎⵓⵃⵎⵎⴰⴷ ⵎⵀⴷⵉ ⴱⵏⵙⵄⵉⴷ ⴰⵙⵙ ⴰⴷ ⴰⵢⵏⴰⵙ , ⵎⴰⵙ ⴷ ⵜⴰⵎⴰⵡⴰⵙⵜ ⵜⵙⵡⵓⵔⵉ ⵅⴼ ⵓⵣⵣⵓⴳⵣ ⵏ ⵓⵙⵖⵉⵡⵙ ⵏ ⵓⵙⵎⵀⵍ ⵏ ⵜⵎⴰⵣⵉⵖⵜ ⵙⴳ ⵜⵓⴳⵜ ⵏ ⵜⵙⵏⵜⴰⵢ.

ⵉⵙⴰⵡⵍ ⵎⴰⵙⵙ ⴱⵏⵙⵄⵉⴷ ⴳ ⵓⵙⴼⵙⵔ ⵏ ⵜⵎⵔⴰⵔⵓⵜ ⵏⵏⵙ ⵏ ⵢⴰⵏ ⵓⵙⵇⵇⵙⵉ ⴰⵎⵉⵡⴰⵏ ⵅⴼ ⵓⵣⵣⵓⴳⵣ ⵏ ⵜⵎⴰⵣⵉⵖⵜ, ⵏⵏⴰ ⵜⵙⵙⵏⴽⴷ ⵜⵔⴰⴱⴱⵓⵜ ⵜⴰⵎⵓⵙⵙⴰⵏⵜ, ⴷ ⵎⴰⵙ ⴷ ⵙⴳ ⵜⵉⵙⵏⵜⴰⵢ ⴰⴷ ⵉⵇⵇⴰⵏ ⴷ ⴰⴷ ⵜⵉⵍⵉ ⵜⴼⵓⴳⵍⴰ ⵙ ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ , ⴷ ⵓⵙⵏⵎⴰⵍⴰ ⵏ ⵉⵍⵎⵓⴳⴳⴰⵔⵏ ⵏⵏⴰ ⴷⴰⵔ ⵜⴰⵣⴷⴰⵢⵜ ⵙ ⵜⵎⴰⵣⵉⵖⵜ, ⴷ ⵡⴰⵏⵏⴰⵍ ⵏ ⵜⵡⵓⵔⵉⵡⵉⵏ ⵏ ⵜⵎⴰⵣⵉⵖⵜ ⵏⵏⴰ ⵉⵣⴷⵉⵏ ⴰⴽⴷ ⵜⴰⴷⵍⵙⴰ ⴷ ⵜⵥⵓⵕⵉ ⴷ ⵜⵙⴽⵍⴰ, ⴷ ⴰⴷ ⵢⵉⵍⵉ ⵎⴰⴷ ⵉⴳⴰⵏ 160 ⵏ ⵡⵓⵏⵏⴰ ⵉⵙⴰⵡⴰⵍⵏ ⵙ ⵜⵎⴰⵣⵉⵖⵜ ⴳ ⵜⵎⵔⵙⴰⵍ ⵏⵏⴰ ⵉⵣⴷⵉⵏ ⴰⴽⴷ ⵢⵉⴳⵔ ⵏ ⵜⴷⵍⵙⴰ ⴰⴼⴰⴷ ⴰⴷ ⴱⵓⵖⵍⵓⵏⵜ ⵜⵡⵓⵔⵉⵡⵉⵏ ⵏ ⵓⵙⴱⵔⵔⴽ.

ⵉⵙⴰⵡⵍ ⴰⵡⴷ ⴳ ⵓⵙⴰⵜⵉ ⴰⴷ ⵎⴰⵙ ⵜⵙⵡⵓⵔⵉ ⵜⵎⴰⵡⴰⵙⵜ ⵅⴼ ⵓⵙⴽⴰⵔ ⵏ ⵢⴰⵏ ⵡⴰⵜⵉⴳ ⴰⵥⵕⴼⴰⵏ ⵉⵥⵍⵉⵏ ⵙ ⵜⵖⵓⵔⵉⵡⵉⵏ ⵏ ⵜⵎⴰⵣⵉⵖⵜ, ⴰⵡⴷ ⵜⵉⵙⵎⵖⵓⵔⵉⵏ ⵏ ⵓⵙⴱⵖⵙⵖ ⴳ ⵓⵙⴰⵜⵉ ⵏ ⵜⵙⵎⵖⵓⵕⵜ ⵏⵓⴷⵍⵉⵙ ⵏ ⵍⵎⵖⵔⵉⴱ ⵙⴳ "ⵜⴰⵙⵎⵖⵓⵔⵜ ⵏ ⵜⵖⵓⵔⵉⵡⵉⵏ ⵏ ⵜⵎⴰⵣⵉⵖⵜ " ⴷ " ⵜⵙⵎⵖⵓⵔⵜ ⵏ ⵓⵙⵏⴼⵍⵓⵍ ⴰⵎⴰⵣⵉⵖ" ⴰⵡⴷ ⴰⵣⵎⴻⵎⵎ ⵏ ⵡⴰⵢⴷⴰ ⴰⵎⴰⵣⵉⵖ ⴳ ⵜⵍⴳⴰⵎⵜ ⵏ ⵡⴰⵢⴷⴰ ⴰⵎⴰⴹⵍⴰⵏ ⵏ ⵍⵢⵓⵏⵉⵙⴽⵓ, ⴷ ⴰⴷ ⵜⵉⵍⵉ ⵜⵎⴰⵣⵉⵖⵜ ⴳ ⵡⴰⵏⵙⴰ ⴰⵍⵉⴽⵜⵔⵓⵏⵉ ⵏⵏⴰ ⵉⵥⵍⵉⵏ ⵙ ⵜⵎⴰⵡⴰⵙⵜ , ⴷ ⵓⴹⴼⵓⵔ ⵏ ⵎⴰⴷ ⵉⵍⵍⴰⴱ ⴳ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵓⴷⵍⵉⵙ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ

ⵉⵙⵎⴷ ⵎⴰⵙⵙ ⴱⵏⵙⵄⵉⴷ ⵎⴰⵙ ⵜⵙⵡⵓⵔⵉ ⵜⵎⴰⵡⴰⵙⵜ ⴰⴷ ⵜⵉⵍⵉ ⵜⵎⴰⵣⵉⵖⵜ ⴳ ⵉⵙⴼⵙⵔⵏ ⴷ ⵜⵉⵍⴰⵍ ⵏⵏⵙ , ⴰⵡⴷ ⴰⵙⵏⵎⴰⵍⴰ ⵏ ⵜⵙⵓⵜⴰⵍ ⵏ ⵓⵙⵎⵓⵜⵜⴳ ⴳ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ .

ⵉⵙⴰⵡⵍ ⵓⵎⴰⵙⴰⵢ ⴰⵏⴱⴹⴰⵏ ⵅⴼ ⵜⴼⵔⴽⵉⵡⵓⵏ ⵏⵏⴰ ⴳ ⵉⵣⵔⵉ ⵓⵣⵣⵓⴳⵣ ⵏ ⵓⴹⵕⵉⵚ ⴰⵣⵔⴼⴰⵏ ⵏⵏⴰ ⵉⵣⴷⵉⵏ ⴰⴽⴷ ⵓⵙⵎⵀⵍ ⵏ ⵜⵎⴰⵣⵉⵖⵜ, ⵉⵙⴰⵡⵍ ⴰⵡⴷ ⵅⴼ ⵓⵙⴼⴼⵓⵖ ⵏ ⵡⴰⵔⵔⴰ ⵉⵣⴷⵉⵏ ⴷ ⵜⵙⵇⵇⵉⵎⵜ ⵜⴰⵎⴰⵡⵙⴰⵙⵜ ⵜⴰⴷⵓⵍⴰⵏⵜ ⵏⵏⴰ ⵉⴹⴼⵔⵏ ⴰⵙⵜⴰⵍ ⵏ ⵓⵙⵀⵍ ⵏ ⵜⵎⴰⵣⵉⵖⵜ, ⴷ ⵜⵡⵓⵔⵉ ⵏ ⵢⵉⴳⵔ ⵏ ⵜⴷⵍⵙⴰ ⵏⵏⴰ ⵉⴳⴰⵏ ⵜⵉⵔⵔⴰ ⵉ ⵜⵙⵇⵇⵉⵎⵜ ⴰⴷ , ⴰⵡⴷ ⴰⵙⵙⵖⵥⵏ ⵅⴼ ⵓⵙⵖⵉⵡⵙ ⴰⵏⴱⴹⴰⵏ ⵏⵙⵉⴷⴼⴰⵏ ⵏⵏⴰ ⵉⵣⴷⵉⵏⴱⴷ ⵓⵙⵎⵀⵍ ⵏ ⵜⵎⴰⵣⵉⵖⵜ, ⵏⵏⴰ ⵅⴼ ⵜⵙⵡⵓⵔⵉ ⵜⵙⵇⵇⵉⵎⵜ ⵜⴰⵎⴰⵡⴰⵙⵜ , ⴷ ⵓⵙⵙⵖⵥⵏ ⵅⴼ ⵓⵙⴽⴰⵔ ⵏ ⵜⵙⵇⵇⵉⵎⵉⵏ ⵏⵏⴰ ⵉⵥⵍⵉⵏ ⵙ ⵓⵙⵏⵜⵍ ⴰⴷ , ⴷ ⵓⵙⵓⵖⵍ ⵏ ⵓⵙⵖⵉⵡⵙ ⴰⴷ ⵙ ⵜⵎⴰⵣⵉⵖⵜ ⴷ ⴰⴷ ⵜ ⴰⵣⵏ ⵉ ⵎⴰⵕⵕⴰ ⵉⵎⵙⴽⴰⵔⵏ ⵏⵏⴰ ⵉⵥⵍⵉⵏ ⵙ ⵓⵣⵣⵓⴳⵣ ⴷ ⵓⵙⵎⵀⵍ ⵏ ⵜⵎⴰⵣⵉⵖⵜ.

 

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%99%E2%B5%A1%E2%B5%93%E2%B5%94%E2%B5%89-%E2%B5%9C%E2%B5%8E%E2%B4%B0%E2%B5%A1%E2%B4%B0%E2%B5%99%E2%B5%9C-%E2%B5%8F-%E2%B5%9C%E2%B4%B7%E2%B5%8D%E2%B5%99%E2%B4%B0-%E2%B4%B7-%E2%B5%89%E2%B5%84%E2%B5%94%E2%B5%94%E2%B5%89%E2%B5%8E%E2%B5%8F-%E2%B4%B7-%E2%B5%93%E2%B5%8E%E2%B5%9A%E2%B4%B0%E2%B5%A1%E2%B4%B0%E2%B4%B9-%E2%B5%85%E2%B4%BC-%E2%B5%93%E2%B5%99%E2%B5%96%E2%B5%89%E2%B5%A1%E2%B5%99-%E2%B5%8F-%E2%B5%93%E2%B5%99%E2%B5%8E%E2%B5%80%E2%B5%8D-%E2%B5%8F-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B5%8E%E2%B4%B0%E2%B5%99%E2%B5%99-%E2%B4%B1%E2%B5%8F%E2%B5%99%E2%B5%84%E2%B5%89%E2%B4%B7