ⵉⵏⵏⴰ ⵓⵙⵉⵡⴹ ⵏ ⵓⵎⴰⵔⵉⵙ ⴰⵏⴰⵎⵎⴰⵙ ⵏ ⵉⵔⵣⵣⵓⵜⵏ ⵓⵏⴱⵉⴹⵏ ⵎⴰⵙⴷ ⴰⵎⵎⴰⵥ ⵏ ⵉⵖⵡⵡⴰⵖⵏ ⵏⵏⴰ ⵙⴽⵔⵏ ⵉⵙⵔⴷⴰⵙ ⵏⵏⴰ ⵉⵡⴰⵍⴰⵏ ⵉ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵃⵟⵟⵓ ⵏ ⵜⴰⵎⵓⵔⵜ ⵜⵜⵢⴰⵎⴰⵥⵏ ⴳ ⵡⴰⵛⵜⵓⴽⵏ ⴰⵢⵜ ⴱⴰⵀⴰ ⵍⵍⵉⵖ ⵜⵜⵢⴰⵎⴰⵥⵏ ⵡⵉⵢⵢⴰⴹ ⴳ ⵙⴱⴱⴰⵏⵢⴰ ⴳ ⵜⵙⴳⴰ ⵏ ⴰⵍⵎⵉⵔⵢⴰ .
ⵉⵔⵣⵣⵓⵜⵏ ⵏⵏⴰ ⵉⵜⵜⵓⵙⴽⴰⵔⵏ ⵎⴰⵙⴷ ⵉⵖⵡⵡⴰⵖⵏ ⴰⵔ ⵙⴽⴰⵔⵏ ⵜⵉⵡⵡⵓⵔⵉⵡⵉⵏ ⵏⵏⵙⵏ ⵏ ⵜⵖⵡⵡⴰⵖⵜ ⴷ ⴰⵔ ⵜⵜⴰⵡⵉⵏ ⵡⵉⵢⵢⴰⴹ ⵙ ⵉⵙⵡⵉⵏⴳⵉⵎⵏ ⵏⵏⵙⵏ ⵍⵍⵉⵖ ⴷⴰⵔⵙⵏ ⵜⵉⵣⴷⴰⵢⵉⵏ ⴷ ⴰⵢⵜ ⴷⴰⵄⵉⵛ ⵏⵏⴰ ⵉⵜⵜⵓⵙⵙⴰⵏⵏ ⵙ ⵜⵖⵡⵡⴰⵖⵜ ⵏⵏⵙ .
ⵜⵜⵢⴰⵎⴰⵥⵏ ⵉⵖⵡⵡⴰⵖⵏ ⴰⴷ ⴳ ⵢⴰⵜ ⵜⴰⴷⴷⴰⵔⵜ ⴳ ⵡⴰⵛⵜⵓⴽⵏ ⵍⵍⵉⵖ ⴳⵉⵙ ⵜⵜⵢⴰⴼⴰⵏ ⴽⵉⴳⴰⵏ ⵏ ⵉⵎⴰⵙⵙⵏ ⴷ ⵉⵏⵎⴰⵍⵍⵓⵜⵏ ⵓⵟⵟⵓⵏⴰⵏⵏ ⴷ ⵉⵎⴰⵙⵙⵏ ⵉⵜⵉⵇⵏⵉⵢⵢⵏ ⴷ ⵓⵍⵓⴼⵏ ⵏ ⵡⵓⵣⵣⴰⵍⴷ ⵡⴰⵔⵔⴰⵜⵏ ⵏ ⴷⴰⵄⵉⵛ .
ⵉⵜⵜⵓⵙⵔⴰⵙ ⵓⵖⵡⵡⴰⵖ ⴷⴷⵓ ⵓⵃⵟⵟⵓ ⴷ ⵓⵔⵣⵣⵓ ⵓⵏⴱⵉⴹ ⴷⴷⵓ ⵜⵏⴰⵍⵉⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜⵏⵏⴰ ⵉⴳⴰⵏ ⵜⴰⵎⵙⵜⴳⴳⴰⵔⵜ ⴼ ⵜⵖⵡⵡⴰⵖⵜ ⵎⴽⵍⵍⵉ ⵍⵍⴰⵏ ⴰⵡⴷ ⵙⵉⵏ ⴷⴰⵔ ⵉⵎⵙⵜⴳⴳⴰⵔⵏ ⵏ ⵙⴱⴱⴰⵏⵢⴰ .
ⵉⵔⵣⵣⵓⵜⵏ ⴰⴷ ⵜⵜⵓⵙⴽⴰⵔⵏ ⵙ ⵓⵎⵢⴰⵡⴰⵙ ⴳⵔ ⵍⵎⵖⵔⵉⴱ ⴷ ⵙⴱⴱⴰⵏⵢⴰ ⴰⴼⴰⴷ ⴰⴷ ⴳⵉⵏ ⵜⵜⵎⵉ ⵉ ⵜⵓⵎⴰⵏⵜ ⴰⴷ ⵏ ⵜⵖⵡⵡⴰⵖⵜ ⵏⵏⴰ ⵉⵍⴰⵏ ⴳⵔ ⵜⵎⵉⵣⴰⵔ ⴰⴷ ⵙ ⵙⵏⴰⵜ , ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵍⵍⴰⵏ ⴽⵉⴳⴰⵏ ⵏ ⵉⵏⵎⴰⵍⵍⵓⵜⵏ ⴳ ⵓⵙⴰⵜⵉ ⴰⴷ ⵏⵏⴰ ⵉⵏⵣⵣⵖⵏ ⴼ ⵜⵖⵡⵡⴰⵖⵜ ⴳⵔ ⵙⴱⴱⴰⵏⵢⴰ ⴷ ⵍⵎⵖⵔⵉⴱ .