Published on MAPNews (https://www.mapnews.ma/am)

Accueil > ⵉⴷⴷⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵎⴰⵍⵉ
  1. Accueil
  2. Activités royales

ⵉⴷⴷⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵎⴰⵍⵉ

18 ⵛⵓⵜⴰⵏⴱⵉⵔ 2013 Version Imprimable
ⵕⵕⴱⴰⵟ - ⵉⴷⴷⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ,ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⵜⴰⴷⴳⴳⵯⴰⵍⵜ ⵏ ⵓⴽⵕⴰⵙ ⵙ ⵜⴳⴷⵓⴷⴰⵏⵜ ⵏ ⵎⴰⵍⵉ, ⴰⴼⴰⴷ ⴰⴷ ⵉⴷⵔⵓ ⵖ ⵜⴼⵓⴳⵍⴰ ⵏ ⵜⵙⵍⵙⴰⵡⵜ ⵏ ⵓⵏⵙⵙⵉⵅⴼ ⵏⵏⵙ ⴰⵎⴰⵢⵏⵓ, ⵎⴰⵙⵙ ⴱⵕⴰⵀⵉⵎ ⴱⵓⴱⴰⴽⴰⵕ ⴽⵉⵜⴰ.

ⴰⵔⵣⴰⴼ ⴰⴷ ⵢⵓⵛⴽⴰⴷ ⴷⴼⴼⵉⵔ ⵏ ⵜⵙⵏⵜⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵏ ⵓⵚⵚⵔⵙⴰ ⵏ ⵢⴰⵏ ⵓⵙⴳⵏⴰⴼ ⴰⵙⵔⴷⴰⵙ ⵉⵜⵎⵓⵜⵜⵓⵢⵏ ⵖ ⴱⴰⵎⴰⴽⵓ, ⴷ ⵓⵙⴽⴽⵉ ⵏ ⵢⴰⵜ ⵜⵡⵉⵙⵉ ⵉ ⵓⴳⴷⵓⴷ ⵏ ⵎⴰⵍⵉ ⴳⵯⵎⴰⵜⵏⵖ. ⵔⴰⴷ ⵉⵎⵍ ⵜⵉⴽⵍⵉⵜ ⴰⴹⵏⵉⵏ ⵉⵎⵢⴰⵙⵙⴰⵜⵏ ⵥⵉⵍⵏⵉⵏ ⵍⵍⴰⵏⵉⵏ ⴳⵔ ⵜⵎⵓⵔⴰ ⵙ ⵙⵏⴰⵜ.

ⵍⵍⵉⵖ ⵔⴰⴷ ⵉⵕⴰⵃ ⴱⴰⴱ ⵏ ⵡⴰⴷⴷⵓⵔ, ⵉⵣⵣⵓⵍ ⵜ ⵓⵏⵙⵙⵉⵅⴼ ⵓⵍⴰ ⵙⵓⵍ ⵎⵏⵏⴰⵡ ⵏ ⵉⵎⵙⵜⴳⴳⴰⵔ ⵏ ⵜⵏⴱⴰⴹⵜ ⴷ ⵉⵏⵎⵖⵓⵔⵏ ⴰⴹⵏⵉⵏ ⵏ ⵍⵄⵚⴽⵕ ⴷ ⵓⵖⵔⵉⵎ.

ⵉⵎⵓⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵙⵏⵓⴱⴳ ⴰⴷ ⵢⴰⵏ ⵓⴽⴰⴱⴰⵕ ⵉⴳⴰⵏ ⴰⵎⵙⴷⴷⵓⵔ, ⵍⵍⵉ ⵖ ⵍⵍⴰⵏ ⵙⵍⴰⵡⴰⵏ ⴰⴽⴽⵯ ⵉⵎⵛⵛⵉⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵟⵟⴰⵢⵉⴱ ⵍⴼⴰⵙⵉ ⵍⴼⵉⵀⵔⵉ ⴷ ⴼⵓⴰⴷ ⵄⴰⵍⵉ ⵍⵀⵉⵎⵎⴰ.

ⵍⵍⴰⵏ ⴷⵉⴳⵙ ⵓⵍⴰ ⵉⴳⵯⵎⴰⵎⵏ ⴰⴹⵏⵉⵏ ⵏ ⵜⵏⴱⴰⴹⵜ ⴷ ⵡⵉⵏ ⵜⵙⵔⴷⴰⵙⵜ.
 

Dernière modification : 18 ⵛⵓⵜⴰⵏⴱⵉⵔ 2013
Source URL: https://www.mapnews.ma/am/activites-royales/%E2%B5%89%E2%B4%B7%E2%B4%B7%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%99-%E2%B5%8E%E2%B4%B0%E2%B5%8D%E2%B5%89#comment-0