Published on MAPNews (https://www.mapnews.ma/am)

Accueil > ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴱⴰⵎⴰⴽⵓ
  1. Accueil
  2. Activités royales

ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴱⴰⵎⴰⴽⵓ

18 ⵛⵓⵜⴰⵏⴱⵉⵔ 2013 Version Imprimable
ⴱⴰⵎⴰⴽⵓ - ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵢⵉⵎⵓⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⵖ ⵉⴹ ⵏ ⵓⴽⵕⴰⵙ ⴱⴰⵎⴰⴽⵓ, ⴰⴼⴰⴷ ⴰⴷ ⵉⴷⵔⵓ ⵖ ⵜⴼⵓⴳⵍⴰ ⵏ ⵜⵙⵍⵙⴰⵡⵜ ⵏ ⵓⵏⵙⵙⵉⵅⴼ ⵏⵏⵙ ⴰⵎⴰⵢⵏⵓ, ⵎⴰⵙⵙ ⴱⵕⴰⵀⵉⵎ ⴱⵓⴱⴰⴽⴰⵕ ⴽⵉⵜⴰ.

ⵉⵣⵣⵓⵍ ⵓⵏⵙⵙⵉⵅⴼ ⵏ ⵎⴰⵍⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵍⵉ ⵖ ⴷ ⵉⴳⴳⵯⵉⵣ ⵖ ⵓⵣⴰⴳⵯⵣ ⴰⴳⵔⴰⵖⵍⴰⵏ ⵏ ⴱⴰⵎⴰⴽⵓ « ⵙⵏⵓ».

ⴷⴼⴼⵉⵔ ⵏ ⵓⵙⵏⵓⴱⴳ ⵍⵍⵉ ⵖ ⵜⵍⵍⴰ ⵜⵉⴽⴽⵉⵜ ⵏ ⵉⴳⵓⵎⵎⴰ ⵏ « ⴽⵓⵍⴰ», ⵣⵣⵓⵍⵏ ⵎⵏⵏⴰⵡ ⵏ ⵉⴳⵯⵎⴰⵎⵏ ⵏ ⵜⵏⴱⴰⴹⵜ ⵏ ⵎⴰⵍⵉ ⴷ ⵉⵎⵙⵜⴳⴳⴰⵔ ⴰⴹⵏⵉⵏ ⵏ ⴱⴰⵎⴰⴽⵓ, ⵓⵍⴰ ⵙⵓⵍ ⴰⵎⵙⵇⴰⴷ ⵏ ⵍⵎⵖⵔⵉⴱ ⴳ ⵎⴰⵍⵉ ⴷ ⵉⴳⵯⵎⴰⵎⵏ ⵏ ⵜⵎⵙⵇⴰⴷⵜ ⵏ ⵍⵎⵖⵔⵉⴱ ⴷ ⵉⵎⵙⵜⴳⴳⴰⵔ ⵏ ⵜⵎⵔⵙⴰⵍ ⵏ ⵍⵎⵖⵔⵉⴱ ⵖ ⴱⴰⵎⴰⴽⵓ.

ⵜⵉⵎⵔⴰⵡⵉⵏ ⵏ ⵉⵎⵖⵔⵉⴱⵉⵢⵏ ⵣⴷⵖⵏⵉⵏ ⴳ ⵎⴰⵍⵉ ⴰⴷ ⴷ ⵓⵛⴽⴰⵏ ⵙ ⵓⵣⴰⴳⵯⵣ ⵏ ⴱⴰⵎⴰⴽⵓ, ⵍⵍⵉ ⵖ ⵙⴽⵔⵏ ⵢⴰⵏ ⵓⵙⵏⵓⴱⴳ ⵉⵔⵖⴰⵏ ⵉ ⴱⴰⴱ ⵏ ⵡⴰⴷⴷⵓⵔ, ⵎⴰⵢⴰⴷ ⴰⵔ ⵉⵎⵎⴰⵍ ⵎⴰⵙ ⵜⵖⵓⴷⴰ ⵜⵉⴷⴷⵓⴽⵍⴰ ⵉⵍⵍⴰⵏ ⴳⵔ ⵍⵎⵖⵔⵉⴱ ⴷ ⵎⴰⵍⵉ.

ⵉⵣⵣⵓⵍ ⴱⴰⴱ ⵏ ⵡⴰⴷⴷⵓⵔ ⵎⵉⴷⴷⵏ ⴰⴷ ⵍⵍⵉ ⵙⵔⵙ ⵉⵙⵎⵔⵃⴱⴰⵏ.

ⵓⵙⵉⵏ ⵜⴰⵡⵍⴰⴼⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵉⵛⵏⵢⴰⵍⵏ ⵏ ⵜⵎⵓⵔⴰ ⵙ ⵙⵏⴰⵜ, ⵙⵏⵉⵎⵎⵔⵏ ⴱⴰⴱ ⵏ ⵡⴰⴷⴷⵓⵔ ⵅⴼ ⵜⵓⴳⴳⴰⵙ ⵏⵏⵙ ⵍⵍⵉ ⴱⴷⴷⴰ ⵉⵙⴽⴰⵔ ⴰⴼⴰⴷ ⴰⴷ ⵉⵙⴷⵓⴷ ⵜⴰⵣⴷⴰⵢⵉⵏ ⴳⵔ ⵍⵎⵖⵔⵉⴱ ⴷ ⵎⴰⵍⵉ.

ⵉⵎⵓⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵙⵏⵓⴱⴳ ⴰⴷ ⵢⴰⵏ ⵓⴽⴰⴱⴰⵕ ⵉⴳⴰⵏ ⴰⵎⵙⴷⴷⵓⵔ, ⵍⵍⵉ ⵖ ⵍⵍⴰⵏ ⵙⵍⴰⵡⴰⵏ ⴰⴽⴽⵯ ⵉⵎⵛⵛⵉⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵟⵟⴰⵢⵉⴱ ⵍⴼⴰⵙⵉ ⵍⴼⵉⵀⵔⵉ ⴷ ⴼⵓⴰⴷ ⵄⴰⵍⵉ ⵍⵀⵉⵎⵎⴰ.
ⵍⵍⴰⵏ ⴷⵉⴳⵙ ⵓⵍⴰ ⵉⴳⵯⵎⴰⵎⵏ ⴰⴹⵏⵉⵏ ⵏ ⵜⵏⴱⴰⴹⵜ ⴷ ⵡⵉⵏ ⵜⵙⵔⴷⴰⵙⵜ.
 

Dernière modification : 18 ⵛⵓⵜⴰⵏⴱⵉⵔ 2013
Source URL: https://www.mapnews.ma/am/activites-royales/%E2%B5%89%E2%B5%8D%E2%B4%BD%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B4%B1%E2%B4%B0%E2%B5%8E%E2%B4%B0%E2%B4%BD%E2%B5%93#comment-0