ⴰⵏⵎⵓⵇⵇⴰⵔ ⴰⴷ ⵏⵏⴰ ⵔⴰⴷ ⵉⵙⵙⵏⵜⵉ ⴳ ⵜⵉⵣⵉ ⵜⵉⵙⵙ ⵜⵥⴰⵟ ⵏ ⵣⵉⴽⴽ ⴳ ⵡⴰⵏⵙⴰ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⴳ ⵕⵕⴱⴰⵟ ⵔⴰⴷ ⵉⵎⵔⴰⵔⴰ ⴰⵡⴰⵍ ⴷ ⵜⵉⵍⴰⵍ ⵏ ⵜⵏⵎⵀⴰⵍⵜ ⵏ ⵡⴰⵔⵔⴰⵜⵏ ⵉⴳⵍⴷⴰⵏⵏ ⴳ ⵓⵃⵟⵟⵓ ⴷ ⵜⵓⵟⵟⵓⵏⴰⵏⵜ ⵏ ⵡⴰⵔⵔⴰⵜⵏ ⵉⴳⵍⴷⴰⵏⵏ , ⵏⵏⴰ ⵉⵍⵍⴰⵏ ⴳ ⵓⵙⵡⵉⵔ ⴰⵎⴰⴹⵍⴰⵏ ⴳ ⵎⴰⴷ ⵉⵣⵍⵉⵏ ⵙ ⵓⵃⵟⵟⵓ ⵏ ⵡⴰⵔⵔⴰⵜⵏ .
ⵎⴽⵍⵍⵉ ⵔⴰⴷ ⵢⵉⵍⵉ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵜⵉⵍⴰⵍ ⵏ ⵜⵏⵎⵀⴰⵍⵜ ⴳ ⵓⴼⵔⴰⴳ ⴷ ⵓⵙⴷⵓⵙ ⵏ ⵓⵔⵣⵣⵓ ⴰⵎⴰⵙⵙⴰⵏ , ⴷ ⵓⵙⴷⵓⵙ ⵏ ⵓⴼⴰⵔⵙ ⵏ ⵓⵎⵣⵔⵓⵢ ⵙⴳ ⵓⵙⵏⵎⴰⵍⴰ ⵏ ⴽⵉⴳⴰⵏ ⵏ ⵉⴼⵙⴰⵔⵏ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⵎⴰⴹⵍⴰⵏ, ⴷ ⵓⴼⴰⵔⵙ ⵏ ⵉⵙⵓⵔⴰ ⵓⵏⵜⵉⵎⵏ .
ⵜⵍⵍⴰ ⵎⴰⵙⵙⴰ ⴱⴰⵀⵉⵊⴰ ⵙⵙⵉⵎⵓ ⴳ ⵜⵡⵡⵓⵔⵉ ⵢⴰⴷ ⵏⵏⵙ ⵙⴳ ⵓⵙⴳⴳⵯⴰⵙ ⵏ 2008 ⵍⵍⵉⵖ ⵜⵍⵍⴰ ⴳ ⴽⵉⴳⴰⵏ ⵏ ⵜⴰⵢⵎⵓⵏⵉⵏ ⴷ ⵜⵎⵔⵙⴰⵍ ⴰⵎ ⵜⴰⵢⵎⵓⵏⵜ ⵜⴰⵎⴰⵙⵙⴰⵏⵜ ⵏ ⵜⴰⵎⵓⵏⵜ ⵜⴰⵎⴰⴹⵍⴰⵏⵜ ⵏ ⵓⴼⵔⴰⴳ ⵏ ⵜⴰⵢⵙⵉ ⴷ ⴽⵉⴳⴰⵏ ⵏ ⵜⵎⵏⴰⴹⵉⵏ ⵏⵏⴰⵖ ⵍⵍⴰⵏ ⵉⵎⵓⴽⵔⵉⵙⵏ , ⴷ ⵜⴰⵢⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵓⵎⵣⵔⵓⵢ ⵏ ⵜⵙⵔⴷⴰⵙⵜ, ⵓⵍⴰ ⵜⴰⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵓⵔⵣⵣⵓ ⴰⵎⵣⵔⵓⵢⴰⵏ .
ⵜⴳ ⵎⴰⵙⵙⴰ ⵙⵙⵉⵎⵓ ⵜⴰⵙⵍⵎⴰⴷⵜ ⵜⴰⵙⴷⴰⵡⴰⵏⵜ ⵏ ⵓⵎⵣⵔⵓⵢ ⴰⵜⵔⴰⵔ ⴷⴰⵔⵙ ⴽⵉⴳⴰⵏ ⵏ ⵜⵥⵕⵉⴳⵉⵏ ⵙ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷ ⵜⴼⵕⴰⵏⵙⵉⵙⵜ , ⵜⵉⵡⵙ ⵓⵍⴰ ⴳ ⴽⵉⴳⴰⵏ ⵏ ⵉⵎⵓⵙⵙⵓⵜⵏ ⵉⵎⴰⵙⵙⴰⵏⵏ ⴷ ⵜⵉⵡⵙ ⴰⵡⴷ ⴳ ⵉⵏⵎⵓⵇⵇⴰⵔⵏ ⵉⵎⴰⴹⵍⴰⵏⵏ .
ⵔⴰⴷ ⵢⵉⵍⵉ ⵓⵣⵓⵣⵣⵔ ⵏ ⵓⵏⵎⵓⵇⵇⴰⵔ ⴰⴷ ⴳ ⵜⴱⴰⴷⵓⵜ ⵏ ⵎ24 ⴷ ⵜⵏⵣⵡⴰⵢⵜ ⵏ ⵉⵏⵖⵎⵉⵙⵏ ⵏ ⵍⵎⵖⵔⵉⴱ,ⵔⵉⵎ ⵕⴰⴷⵢⵓ ⵏⵏⴰ ⵉⵡⴰⵍⴰⵏ ⵉ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⴷ ⵜⵏⴰⴼⵓⵜ ⴰⵡⴷ ⵏ ⵎⴰⴱ ⵓⵙⵔⵉⴷ ⴳ ⵡⴰⵏⵙⴰ ⵏ ⵎⴰⴱ ⵉⴽⵙⴱⵕⵉⵙ ⴷ ⵡⴰⵏⵙⴰ ⵏ ⵓⵎⵢⴰⵡⴰⴹ ⴰⵏⴰⵎⵓⵏ ⵏⵏⴰ ⵉⵥⵍⵉⵏ ⵙ ⵜⵙⵏⵓⵔⴰⵢⵜ .
ⵉⴳⴰ ⵓⵏⵎⵓⵇⵇⴰⵔ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵢⴰⵏ ⵡⴰⵢⴷⴰ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵉⵙⵏⵜⴰⵍ ⵏ ⵡⴰⵙⵙ ⴰⴷ ⴳ ⵉⴳⵔⴰⵏ ⵏ ⵡⴰⵎⵓⵏ ⴷ ⵜⵙⵔⵜⵉⵜ ⴷ ⵜⴷⵍⵙⴰ ⵓⵍⴰ ⵜⴰⴷⵎⵙⴰ, ⵙ ⵜⵡⵉⵙⵉ ⵏ ⵉⵏⵎⵎⴰⵙⵙⵓⵜⵏ ⴷ ⵜⵓⴷⵎⴰⵡⵉⵏ ⵢⴰⴹⵏ ⵉⵎⵢⴰⵏⴰⵡⵏ ⴷ ⴽⵉⴳⴰⵏ ⵏ ⵉⵏⴰⵖⵎⴰⵙⵏ .