Published on MAPNews (https://www.mapnews.ma/am)

Accueil > ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⵜⵙⵙⵉⵅⴼ ⵜⴰⴼⵓⴳⵍⴰ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵎⵖⴰⵔⵜ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⵜⵙⵙⵉⵅⴼ ⵜⴰⴼⵓⴳⵍⴰ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵎⵖⴰⵔⵜ

08 ⵎⴰⵕⵚ 2023 Version Imprimable
ⵕⵕⴱⴰⵟ - ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ , ⵜⴰⵏⵙⵙⵉⵅⴼⵜ ⵏ ⵜⴰⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵏ ⵍⵎⵖⵔⵉⴱ,ⴰⵙⵙ ⵏ ⵓⴽⵕⴰⵙ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵎⵖⴰⵔⵜ .

ⵙ ⵜⵎⵍⴷⴰ ⴰⴷ , ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵔⵢⴰⵎ ⴰⵙⵏⴳⵎⴹ ⵅⴼ ⵜⵎⵢⴰⵇⵇⴰⵏⵉⵏ ⵏ ⵜⴷⵔⴰⵡⵜ ⵏⵏⴰ ⵉⵣⴷⵉⵏ ⴷⵜⵉⴽⴽⵉ ⵏ ⵉⵡⵜⵜⴰ ⵏ ⵜⴽⵕⴹⵉ ⵏ ⵜⵖⵙⵙⴰ ⴳ ⵡⴰⵢⴷⴰ ⴰⵡⵡⵓⵔⴰⵏ ⴷ ⵓⴷⵎⵙⴰⵏ ⴰⵎⴰⵜⴰⵢ ⴷ ⵓⵙⵍⵉⴷ, ⴷ ⵓⵙⴱⵓⵖⵍⵓ ⵏ ⵡⴰⴷⴷⴰⴷ ⵏ ⵓⵙⵡⵡⵓⵔⵉ ⵏ ⵜⵎⵖⴰⵔⵜ ⴳ ⵓⴳⴰⵎⴰ ⴷ ⵡⴰⵢⴷⴰ ⵓⵖⵔⵉⵎ, ⴷ ⵜⵉⴽⴽⵉ ⵏ ⵉⵡⵜⵜⴰ ⵏ ⵜⴽⵕⴹⵉ ⵏ ⵜⵖⵙⵙⴰ ⵙⴳ ⵓⵙⵏⴼⵍⵓⵍ ⴰⵜⵉⴽⵏⵓⵍⵓⵊⵉ ⴷ ⵜⵡⵡⵓⵔⵉ ⵏ ⵡⴰⴷⴰⵙ .

ⵎⴽⵍⵍⵉ ⵜⵣⵍⵉ ⵜⴼⵓⴳⵍⴰ ⴷⴷⵅ ⵙ ⵜⵉⴽⴽⵉ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⵙⵎⵖⵓⵔⵜ ⵏ ⵍⴰⵍⵍⴰ ⵎⵔⵢⴰⵎ ⵏ ⵓⵙⵏⴼⵍⵓⵍ ⵉ ⴽⵕⴰⴹⵜ ⵏ ⵜⵎⵖⴰⵔⵉⵏ ⵉⵙⵜⵜ ⵍⴰⵍ ⵏ ⵉⵙⵏⴼⴰⵕⵏ ⵏⵏⴰ ⴷ ⵉⴷⴷⴰⵏ ⵙ ⵓⴳⴰⵎⴰ .

ⴹⴰⵕⵜ ⵏ ⵜⵉⴳⴳⵉⵜ ⵏ ⵡⴰⵎⵎⴰⵙ ⵏ ⵡⴰⵎⵓⵏ ⵏ ⵜⵡⵜⵎⵉⵏ ⵏ ⵍⵎⵖⵔⵉⴱ ⵏ ⵓⵙⵏⴼⵍⵓⵍ "ⴰⵙⵏⴼⵍⵓⵍ ⵏⵏⵙ" ⵏⵏⴰ ⵎⵓ ⵉⴳⴰ ⵓⵡⵜⵜⴰⵙ ⵏⵏⵙ ⴰⴷ ⵢⵉⵍⵉ ⵢⴰⵏ ⵓⵙⴰⵢⵔⵓⵔ ⵏ ⴷ ⵓⵏⵍⵍⵉ ⴰⵏⴰⵎⵓⵏ ⴰⴼⴰⴷ ⴰⴷ ⵉⵍⵉⵏ ⵉⴼⵙⵙⴰⵢⵏ ⵉⵙⵏⴼⵍⵓⵍⵏ ⵏ ⵜⵎⵓⴽⵔⵉⵙⵉⵏ ⵏ ⵉⵣⵔⴼⴰⵏ ⵏ ⵜⵡⵜⵎⵉⵏ, ⵙⵍⴰⵡⴰⵏ ⴰⴽⴽⵯ ⵜⵉⴷ ⵉⵥⵍⵉⵏ ⵙ ⵜⵎⵓⵟⵟⵓⵏⵜ ⴷ ⵜⵥⵓⵕⵉ, ⵜⴹⴼⵕ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵔⵢⴰⵎ ⴰⴷ ⵜⵙⵙⵏⴽⴷ ⵏ ⵉⴼⵙⵙⴰⵢⵏ ⵉⵎⵓⵟⵟⵓⵏ ⵏⵏⴰ ⵉⵥⴷⵉⵏ ⴰⴽⴷ ⵓⵣⴰⵡⴰⵔ ⴰⵎⴰⵏⴰⵡ ⵏⵏⴰ ⵙⴱⵓⵖⵍⴰⵏⵜ ⵜⵙⵏⵓⵔⴰⵢⵉⵏ ⵜⵉⴳⴷⵓⴷⵏⵉⵏ ⵏ ⵡⴰⵎⵓⵏ ⴰⵏⴰⵎⵓⵔ ⵏ ⵜⵡⵜⵎⵉⵏ ⵏ ⵍⵎⵖⵔⵉⴱ ⴷ ⵉⵙⵏⴼⵍⵓⵍⵏ ⵏ ⵍⵀⴰⴽⴰⵜⵓⵏ ⵉⵄⵔⵔⵉⵎⵏ

ⴹⴰⵕⵜ ⵏ ⵎⴰ ⴰⴷ ⵉⵜⵜⴰⵡⵙⵏⴽⴰⴷ ⵢⴰⵏ ⵓⵙⴰⵔⵓ ⵅⴼ ⵓⵣⴰⵡⴰⵔ ⴰⵎⴰⵏⴰⵡ ⴷ ⵜⵉⵏⴷⵉ ⵏ ⵜⴷⵔⴰⵡⵜ ⵜⴰⴷⵎⵙⴰⵏⵜ ⵏ ⵜⴰⵡⵜⵎⵜ ⵜⴰⵎⵖⵔⴰⴱⵉⵢⵜ ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⵙⵏⴼⵍ ⴰⵏⴰⵎⵓⵏ ⴷ ⵓⴷⵍⵙⴰⵏ.

ⵎⴽ ⵍⵍⵉ ⵙ ⵉⵙⵙⵉⵜⵜⴳ ⴰⵙⵎⴷⵢⴰ ⴰⵎⵣⴷⴰⵖ ⵏ ⵓⴼⵏⵉⵇ ⵏ ⵡⴰⵎⵓⵏⵏ ⵉⵏⴰⵎⵓⵏⵏ ⵉ ⵉⵎⵣⴷⴰⵖⵏ ⴳ ⵍⵎⵖⵔⵉⴱ ⵎⴰⵙⵙ ⵍⵡⵉⵙ ⵎⵓⵔⴰ ⴳ ⵜⴳⵓⵔⵉ ⵏ ⵏⵏⵙ ⵙ ⵜⵎⵍⴷⴰ ⵏ ⵜⵏⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵏⵏⴰ ⵉⴱⴷⴷⵏ ⵅⴼ ⵜⵏⴽⵔⴰ ⵙ ⵉⵣⵔⴼⴰⵏ ⵏ ⵜⵎⵖⴰⵔⵜ ⵏⵏⴰ ⵎⵉ ⵉⵖⵍⵉ ⵡⴰⴷⴷⴰⴷ ⵏⵏⵙⵏⵜ ⴳ ⵜⵓⴳⵜⵜ ⵏ ⵉⴳⵔⴰⵏ ⵎⴰ ⴰⴷ ⵙ ⵓⵎⵢⴰⵡⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵍⵍⵉ ⵉⴼⴽⴰⵏ ⵉ ⵜⵡⵜⵎⵉⵏ ⵢⴰⵏ ⵓⴷⵖⴰⵔ ⵏⵏⴰ ⴰⵙⵏⵜ ⵉⴳⴰⵏ.

ⵎⴽ ⵍⵍⵉ ⵙ ⵉⵙⵙⵉⵜⴳ ⴰⵡⴷ ⵜⵡⵓⵔⵉ. ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵔⵢⴰⵎ ⴳ ⵓⵙⴰⵜⵉ ⴰⴳⵔⴰⵖⵍⴰⵏ ⴷ ⵓⵏⴰⵎⵓⵏ, ⵏⵏⴰ ⵉⵍⵍⴰⵏ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵜⵎⵙⴽⵔⵜ ⵏ ⵉⵣⵔⴼⴰⵏ ⵉⴷⵍⵙⴰⵏ ⴷ ⵓⴱⵓⵖⵍⵓ ⴰⵙⵓⵍⴰⵏ ⴳ ⵍⵎⵖⵔⵉⴱ, ⵙⵍⴰⵡⴰⵏ ⴰⴽⴽⵯ ⴳ ⵢⵉⴳⵔ ⵏ ⵜⴷⵓⵙⵉ ⴷ ⵡⴰⴷⴷⵓⵔ ⵏ ⵜⵎⵖⴰⵔⵜ, ⴰⵡⴷ ⵜⵡⵓⵔⵉ ⴰⴷ ⵉⴷⵓⵙⵏ ⵏⵏⴰ ⵉⵥⴷⵉⵏ ⵙ ⵓⵣⴰⵡⴰⵔ ⴰⵎⴰⵏⴰⵡ ⵙ ⵜⵎⵖⴰⵔⵜ, ⵍⵍⵉ ⵉⴳⴰⵏ ⵢⴰⵏ ⵓⵙⵏⵜⵍ ⵏⵏⴰ ⵅⴼ ⵉⵜⴼⵙⵙⴰ ⵡⴰⵎⵓⵏ, ⵎⴽ ⵍⵍⵉ ⵙ ⵉⴳⴰ ⴰⵡⴷ ⵢⴰⵏ ⵓⵎⴷⵢⴰ ⵏ ⵜⴰⵏⵏⴰⵢⵜ ⵏ ⵍⴰⵍ ⵏ ⵜⴰⵜⵜⵓⵢⵜ, ⴰⵡⴷ ⵜⴰⵡⵓⵔⵉ ⵏⵏⵙ ⵅⴼ ⵜⵎⵏⵜⵉⵍⵜ ⵏ ⵉⵣⵔⴼⴰⵏ ⵏ ⵜⵡⵜⵎⵉⵏ ⴳ ⵍⵎⵖⵔⵉⴱ ⴳ ⵓⵙⴰⵜⵉ ⴰⴳⵔⴰⵖⵍⴰⵏ.

ⴳ ⵜⵙⴳⴰ ⵏⵏⵉⴹⵏ ⵎⴰⵙⵙ ⵎⵓⵔⴰ ⴰⵙⵙⵏⵜⵉ ⵏ ⵡⴰⵍⵍⴰⵍ ⴰⵏⴰⵎⵓⵔ ⵏ ⵓⵙⴱⴷⴷⴰⴷ ⵏ ⵓⵣⴰⵡⴰⵔ ⴰⵎⴰⵏⴰⵡ ⵜⴰⵎⵣⵡⴰⵔⵓⵜ ⴳ ⵍⵎⵖⵔⵉⴱ, ⵜⴳⴰ ⵢⴰⵜ ⵜⴰⵎⵏⴰⴹⵜ ⵜⴰⴼⵔⵉⵇⵜ, ⴰⵡⴷ ⵜⴰⵙⵙⵏⵜⵉⵜ ⴰⴷ ⵜⴳⴰ ⵜⴰⵢⴰⴼⵓⵜ ⵏ ⵉⴼⵙⵙⴰⵢⵏ ⵉⵙⵏⴼⵍⵓⵍⵏ ⴷ ⵜⵎⵔⴰⵔⵓⵜⵉⵏ ⵏ ⵜⵎⵏⵜⵉⵍⵜ ⵏ ⵓⵣⴰⵡⴰⵔ ⵏ ⵜⵎⵖⴰⵔⵜ ⵏⵏⴰ ⴳ ⵉⵍⵍⴰ ⵓⵣⴰⵡⴰⵔ ⴰⵎⴰⵏⴰⵡ.

ⴳ ⵜⵎⵍⴷⴰ ⴰⴷ ⵜⵏⵙⵙⵉⵅⴼ ⵍⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⴳⵎⴹ ⵅⴼ ⵜⵎⵢⵇⵇⴰⵏⵜ ⵊⴰⵔ ⵢⵉⴳⵔ ⴰⵎⴰⵜⴰⵢ ⵓ ⵓⵎⵥⵍⴰⵢ ⴰⴷⵎⵙⴰⵏ ⴷ ⴰⵎⵔⵙⴰⵍ.

ⵉⵙⴳⵎⴹ ⴳ ⵜⵎⵢⵇⵇⴰⵏⵜ ⴰⴷ ⵜⴰⵎⵣⵡⴰⵔⵓⵜ ⵏⵏⴰ ⵉⵣⴷⵉⵏ ⴷ ⵓⵙⴱⴷⴷⴰⴷ ⵏ ⵓⵣⴰⵡⴰⵔ ⴰⵎⴰⵏⴰⵡ ⴳ ⵡⴰⵎⵎⴰⵙ ⴰⵣⵣⵓⵍⵍⴰⵏ ⴷ ⵓⴷⵎⵙⴰⵏ ⴰⵎⴰⵜⴰⵢ ⴷ ⵓⵎⵥⵍⴰⵢ, ⴷ ⵓⵙⴳⴰⴷⴷⵉ ⵏ ⵡⴰⴷⴷⴰⴷ ⵏ ⵜⵡⵓⵔⵉ ⴳ ⵓⵙⴰⵜⵉ ⵓⵙⵓⵏ ⴷ ⵓⴳⵔⴰⵖⵍⴰⵏ, ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⴰⵙⵙⵏⵜⵉⵜ ⵜⴰⵎⵥⵥⴰⵏⵜ ⴷ ⵜⵡⵓⵔⵉ ⴷ ⵜⵙⵓⴳⴰⵔ, ⵎⴰⵙⵙ ⵢⵓⵏⵙ ⵙⴽⵓⵔⵉ ⴷ ⵓⵏⵙⵙⵉⵅⴼ ⵏ ⵡⴰⵎⵓⵏ ⴰⵎⴰⵜⴰⵢ ⵏ ⵜⵙⵙⵏⵜⴰⵢⵉⵏ ⵎⴰⵙⵙ ⵛⴰⴽⵉⴱ ⵍⵄⵍⵊ ⴷ ⵎⴰⵙⵙⴰ ⵏ ⵏⴰⵄⵉⵎⴰ ⴰⵛⵔⴽⵓⴽ ⵏ ⵡⴰⵎⵓⵏ ⴰⵏⴰⵎⵓⵔ ⵏ ⵜⵡⵜⵎⵉⵏ ⵏ ⵍⵎⵖⵔⵉⴱ.

ⵜⴰⵎⵢⴰⵇⵇⴰⵏⵜ ⵜⵉⵙⵙ ⵙⵏⴰⵜ ⵜⵣⴷⵉ ⵙ ⵓⵙⴱⴷⴷⴰⴷ ⵏ ⵓⵣⴰⵡⴰⵔ ⴰⵎⴰⵏⴰⵡ ⵙⴳ ⵓⵙⵏⴼⵍⵓⵍ ⴰⵜⵉⴽⵏⵓⵍⵓⵊⵉ ⴷ ⵜⵡⵓⵔⵉ ⴳ ⵓⵏⵎⴰⵍⴰ, ⵉⵙⴳⵎⴹⵙⵜ ⴰⵎⵓⵔⵉ ⴰⵎⴰⵜⴰⵢ ⵏ ⵓⴳⵍⵍⵉⴷ ⴳ ⵜⵙⵏⴱⴰⴹⵜ ⴰⵏⵙⵙⵉⵅⴼ ⵜⴰⵎⵓⵔⵉ ⵜⴰⵎⴰⵜⴰⵢⵜ ⵎⴰⵙⵙ ⵍⵃⵙⵏ ⴷⴷⴰⴽⵉ, ⴷ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ ⵎⴰⵙⵙ ⵛⴰⴽⵉⴱ ⴱⵏⵎⵓⵙⴰ ⴷ ⵜⵎⴰⵡⴰⵙⵜ ⵏ ⵓⵎⵢⴰⵡⴰⵙ ⵏ ⵓⵙⵉⴷⴼ ⴰⵏⴰⵎⵓⵔ ⴷ ⵜⴰⵡⵊⴰ ⵎⴰⵙⵙⴰ ⵄⴰⵡⴰⵟⵉⴼ ⴷ ⵜⵎⴰⵡⴰⵙⵜ ⵏ ⵓⵙⵏⴼⵍ ⴰⵎⵓⵟⵟⵓⵏ ⴷ ⵓⵙⴳⴰⴷⴷⵉ ⵏ ⵜⵎⵙⵙⵙⵓⴳⵔⵜ ⵎⴰⵙⵙⴰ ⵖⵉⵜⴰ ⵎⵣⵡⴰⵔ ⴷ ⵎⴰⵙⵙⴰ ⵏⴰⵄⵉⵎⴰ ⴰⵛⵔⴽⵓⴽ.

 

Dernière modification : 08 ⵎⴰⵕⵚ 2023
Source URL: https://www.mapnews.ma/am/activites-princieres/%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B4%B0%E2%B5%8E-%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%A1%E2%B4%B0%E2%B5%99%E2%B5%99-%E2%B4%B0%E2%B5%8E%E2%B4%B0%E2%B4%B9%E2%B5%8D%E2%B4%B0%E2%B5%8F-%E2%B5%8F-%E2%B5%9C%E2%B5%8E%E2%B5%96%E2%B4%B0%E2%B5%94%E2%B5%9C