Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⵢⵓⵣⵏ ⵜⴰⴱⵔⴰⵜ ⵉ ⵢⵉⵎⴷⵔⴰⵡⵏ ⴳ ⵜⵙⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵡⴰⵙⵙ ⴰⵏⴰⵎⵓⵔ ⵏ ⵜⵎⴳⵓⵔⵉ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⵢⵓⵣⵏ ⵜⴰⴱⵔⴰⵜ ⵉ ⵢⵉⵎⴷⵔⴰⵡⵏ ⴳ ⵜⵙⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵡⴰⵙⵙ ⴰⵏⴰⵎⵓⵔ ⵏ ⵜⵎⴳⵓⵔⵉ

29 ⵎⴰⵕⵚ 2023 Version Imprimable
ⴹⴹⴰⵕⵍⴱⵉⴹⴰ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵜⴰⴱⵔⴰⵜⵜ ⴳ ⵡⴰⵙⵙ ⵏ ⵓⴽⵕⴰⵙ ⵉ ⵢⵉⵎⴷⵔⴰⵡⵏ ⴳ ⵜⵙⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵡⴰⵙⵙ ⴰⵏⴰⵎⵓⵔ ⵏ ⵜⵎⴳⵓⵔⵉ ⵏⵏⴰ ⵜⵙⵏⵎⴰⵍⴰ ⵜⵖⵔⵎⵜ ⵏ ⵜⴳⵎⵎⵉ ⵜⵓⵍⵉⵍⵜ.

ⵀⴰⴷ ⴰⴹⵕⵉⵙ ⵏ ⵜⴱⵔⴰⵜⵜ ⵏⵏⴰ ⵉⵖⵔⴰ ⵓⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⵎⴰⵙⵙ ⵕⵉⵢⵢⴰⴹ ⵎⵣⵡⴰⵔ:

ⵉⵙⵙⵓⵙⵎ ⴰⵖ ⴰⴷ ⵏⴰⵣⵏ ⵜⴰⴱⵔⴰⵜ ⴰⴷ ⵉ ⵢⵉⵎⴷⵔⴰⵡⵏ ⴳ ⵜⵙⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵡⴰⵙⵙ ⴰⵏⴰⵎⵓⵔ ⵏ ⵜⵎⴳⵓⵔⵉ ⴷ ⵉⵙⵙⵓⵙⵎ ⴰⵖ ⴰⴷ ⵏⵙⵏⵉⵍ ⴰⵎⵓⵙⵙⵓ ⴰⴷ ⵙ ⵜⵣⵎⵎⴰⵔ ⵏ ⵜⵖⴹⴼⵜ ⵏⵏⴰ ⵏⴰⴽⴽⴰ ⵉ ⵢⵉⴳⵔ ⴰⴷ ⴰⵎⵖⵓⴷⵓ ⵙⴳ ⵢⵉⴳⵔ ⴰⴷ ⴰⴷⵎⵙⴰⵏ ⴰⵏⴰⵎⵓⵔ ⵏⵏⴰ ⵉⴳⴰⵏ ⴰⵎⵙⴱⵓⵖⵍⵓ ⵏ ⵜⵏⴼⵍⵉⵜ ⵜⴰⵏⴰⵎⵓⵏⵜ ⴷ ⵜⴷⵎⵙⴰⵏⵜ ⵢⵓⵎⴰⵏ ⵉⴳⴰⵏ ⵜⴰⵙⵓⵍⴰⵏⵜ ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵍⴱⴷⵓ ⵏ ⵜⴱⵔⴰⵜ ⴰⴷ .

ⵎⴰ ⴰⵏⵏ ⴰⴼ ⵏⵙⵙⵓⵜⵔ ⴰⴷ ⵉⵜⵜⵓⵙⵎⴰⴷ ⵡⴰⵙⵙ ⴰⴷ ⵉ ⵉⵎⵓⵙⵙⵓⵜⵏ ⵉⴷⵎⵙⴰⵏⵏ ⵉⵎⵇⵔⴰⵏⵏ ,ⵉⴳ ⵢⴰⵏ ⵓⵏⵎⵓⵇⵇⴰⵔ ⴰⵙⴳⴳⵯⴰⵙⴰⵏ ⵏ ⵉⴳⵔ ⴰⴷ ⴷ ⵉⵏⵎⵎⴰⵙⵙⵓⵜⵏ ⵏⵏⵙ ,ⵎⴽⵍⵍⵉ ⵏⴰⵇⵇⵔⴰ ⴰⴷ ⵉⵍⵉⵏⵜ ⵜⵙⵙⵓⵜⵍⵉⵏ ⵏⵏⵙ ⵢⴰⴹⵏ ⴳ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ⵏⵏⵖ,ⴰⴼⴰⴷ ⴰⴷ ⵜⵜⵓⵙⵙⴰⵏⵏⵜ ⵜⵣⵎⵎⴰⵔ ⴷ ⵜⵣⵔⴰⵡⵜ ⵅⴼ ⵉⵎⵓⴽⵔⵉⵙⵏ ⵏⵏⴰ ⵉⵣⴷⵉⵏ ⴷ ⴽⵓ ⵜⴰⵙⴳⴰ .ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ 

ⵉⴱⵓⵖⵍⴰ ⵍⵎⵖⵔⵉⴱ ⴽⵉⴳⴰⵏ ⵏ ⵢⵉⴳⵔ ⴰⴷ ⴳ ⵜⴳ ⵔⵉⵡⵉⵏ ⴰⴷ ⵙ ⵓⵙⵔⴰⴳ ⵍⵍⵉⵖ ⵉⵕⵥⵎ ⵉⴳⵔ ⵏ ⵜⵎⴳⵓⵔⵉ ⵅⴼ ⵜⴷⵎⵙⴰ ⵜⴰⵎⴰⴹⵍⴰⵏⵜ ⴷ ⵓⴹⴼⵓⵕ ⵏ ⵜⵙⵜⵕⴰⵜⵉⵊⵉⵜ ⵢⵓⵎⴰⵏ. ⵉⴼⵔⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ 

ⵜⵜⵓⵙⴽⴰⵔ ⵜⵙⵜⵕⴰⵜⵉⵊⵉⵜ ⴷⴷⵅ ⴰⴼⴰⴷ ⴰⴷ ⵜⵙⴽⵔ ⴳ ⵜⵎⴳⵓⵔⵉ ⵜⴰⵎⵙⴱⵓⵖⵍⵓⵜ ⵏ ⵜⴷⵎⵙⴰ ⴰⴼⴰⴷ ⴰⴷ ⵜⴼⴽ ⴽⵉⴳⴰⵏ ⵏ ⵜⵎⵍⴷⵉⵡⵉⵏ ⵏ ⵜⵡⵡⵓⵔⵉ ⴷ ⵓⵙⴷⵓⵙ ⵏ ⵉⵙⵙⵔⵏⵓⵜⵏ ⵉ ⵜⵏⴰⴼⵓⵜ ⵏ ⵉⵏⵎⵓⵔⵉⵏ,ⵙ ⵓⵙⴷⵓⵙ ⵏ ⵜⵔⴰⵜⵙⴰ ⵏ ⵜⵓⵚⴽⵉⵡⵜ ⴷ ⵜⴰⵔⵏⴰ , ⴷ ⵉⵙⴳⴳⴷⵏ ⵏ ⵉⵏⵎⴰⵍⵍⵓⵜⵏ ⴰⴼⴰⴷ ⴰⴷ ⵉⵣⴷⴷⵉⴳ ⵡⴰⵢⴷⴰ ⵏ ⵜⵡⵡⵓⵔⵉⵡⵉⵏ ⵢⴰⵍⵉ ⵓⵙⵡⵉⵔ ⵏ ⵜⵏⴰⵥⴰⵕⵜ ⵜⴰⵎⵖⵔⵉⴱⵉⵜ .ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ .

ⵙ ⵜⵣⵎⵎⴰⵔ ⵏ ⵓⵎⵙⴰⵙⴰ ⴰⵙⵔⵜⴰⵏ ⵏⵏⴰ ⵉⵍⵍⴰⵏ ⴳ ⵍⵎⵖⵔⵉⴱ ⴷ ⵓⴷⵎⵙⴰⵏ ⴷ ⵜⵣⵎⵎⴰⵔ ⵏ ⵜⵎⴳⵓⵔⵉ ⵙ ⵓⵙⴽⵓ ⵏ ⵜⵉⵜⵉⵇⵏⵉⵢⵢⵉⵏ ⵏ ⵜⵎⴳⵓⵔⵉ ⵜⴰⵎⵖⵔⵉⴱⵉⵜ ⵏⵏⴰ ⵉⴳⴰⵏ ⴰⵎⵙⵎⵓⵙⵙⵓ ⵏ ⵓⴼⴰⵔⵙ.ⵉⵙⵙⴽⵜⵉ ⴱⴰⴱ ⵏ ⵡⴰⴷⴷⵓⵔⴰ ⴳⵍⵍⵉⴷ .

ⵎⴽⵍⵍⵉ ⵜⴳⴰ ⵜⴳⵍⴷⵉⵜ ⴰⵙⴰⵜⵓⵔ ⴳ ⵉⴳⵔ ⵏ ⵜⵏⴼⵔⵓⵜ ⵏ ⵓⵙⴰⴷⵓⵔ ⴳ ⵓⵙⵡⵉⵔ ⴰⴼⵔⵉⵇⵉ ⵙⴳ ⵓⵙⴱⵓⵖⵍⵉ ⵏ ⵓⵎⴰⵣⵉⵔ ⴷ ⵉⴼⴰⵔⵙⵏ ⵏ ⵜⴽⵔⵣⴰ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⴰⵔ ⵜⵙⴽⴰⵔ ⵜⴽⵔⵣⴰ ⵉⴼⴰⵔⵙⵏ ⵉⴷⵓⵙⵏ ⵉⵍⴰⵏ ⵉⵜⴳⴰⵔⵏ ⵏ ⵓⵖⵓⴷⵓ ⴰⵎⴰⴹⵍⴰⵏ ⵏⵏⴰ ⵓⵙⴽⴰⵔⵏ ⵙ ⵓⵙⵙⵓⵜⵔ ⵏ ⴽⵓ ⵜⴰⵎⵏⴰⴹⵜ.ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ .

ⴳ ⵜⵙⴳⴰ ⵏⵏⵙ ⵜⵉⵡⵙ ⵜⵎⴳⵓⵔⵉ ⵏ ⵓⵙⴰⴷⵓⵔ ⴰⵏⴰⵎⵓⵔ ⴳ ⵓⵙⴷⵓⵙ ⵏ ⵉⴼⴰⵔⵙⵏ ⵏ ⵉⵙⵍⵎⴰⵏ ⴷ ⵜⴽⵔⵣⴰ ⴷ ⵓⵙⴱⵓⵖⵍⵓ ⵏ ⵜⴰⵜⵜⵓⵢⵜ ⵏ ⵓⵙⴰⴷⵓⵔ  ⵎⴽⵍⵍⵉ ⵉⵎⵢⴰⵏⴰⵡ ⵉⴳⵔ ⵏ ⵏⵏⴰⵙⵉⵊ ⴷ ⵢⵉⵍⵎ ⵜⵉⵍⵉ ⴰⵜⵉⴳ ⴳ ⵓⵙⵡⵉⵔ ⴰⵎⴰⴹⵍⴰⵏ .ⵉⵏⵏⴰ ⵙⵓⵍ ⴰⴱ ⵏ ⵡⴰⴷⴷⵓⵔ 

ⵉⵥⵥⵉⴹⵕ ⵓⴼⴰⵔⵙ ⵎⵏⵉⴷ ⵏ ⵉⵎⵓⴽⵔⵉⵙⵏ , ⵙⴳ ⵜⵉⵍⴰⵍ ⵏ ⵉⴳⵔ ⵏ ⵜⵎⴳⵓⵔⵉ ⴷ ⵉⴳⵔⴰⵏ ⵢⴰⴹⵏ ⵏⵏⴰ ⵉⴱⵓⵖⵍⴰⵏ ⵛⵉⴳⴰⵏ ,ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⵏ ⵓⵙⵙⵓⴼⵖ ⵏ ⵉⴼⴰⵔⵙⵏ ⴰⵢⴰⵏⵏ ⴰⴷ ⵢⵉⵡⵙⵏ ⴳ ⵓⴼⵓⵖ ⵙⴳ ⵜⴰⵙⵙⴰⵙⵜ ⵏ ⴽⵓⴼⵉⴷ 19 ⵜⵉⵡⵙ ⴳ ⵓⵙⴷⵓⵙ ⵏ ⵜⴷⵎⵙⴰ ⵜⴰⵏⴰⵎⵓⵔⵜ.ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ 

ⵜⴰⵙⵙⴰⵙⵜ ⵜⴰⵎⴰⴹⵍⴰⵏⵜ ⵏ ⵓⵣⵎⵣ ⴰⴷ ⵏⵏⴰ ⵉⵜⵜⵓⵙⵙⴰⵏⵏ ⵙ ⵓⵏⵅⵉⴱⴱⵍ ⴰⵙⵔⵜⴰⵏ ⵉⵍⵉⵏ ⵛⵉⴳⴰⵏ ⵏ ⵜⵎⵏⴰⴹⵉⵏ ⵏ ⵉⴱⴽⴽⵉⴹⵏ ⴷ ⵓⵙⵏⴼⵍ ⵏ ⵓⵏⵣⵡⵉ ⴰⵡⴷ ⵏⵜⵜⴰ ⴷ ⵓⵙⴰⵜⵜⵓⵢ ⵏ ⵡⴰⵜⵉⴳⵏ ⴷ ⵓⵛⵃⵓ ⵏ ⵡⴰⵜⵉⴳⵏ ⵉⵎⴰⴹⵍⴰⵏⵏ ,ⵜⴰⵎⴳⵓⵔⵉ ⵜⴰⵏⴰⵎⵓⵔⵜ ⴰⵙⵙ ⴰⴷ ⵜⵜⵓⵙⵏⵉⵍ ⴰⴼⴰⴷ ⴰⴷ ⵜⵙⵙⴷⵓⵙ ⴰⴼⴰⵔⵙ ⴰⵏⵎⵏⴰⴹ ⵜⵙⴽⵔ ⴳⵉⵙ ⴰⵏⴰⵥⴰⵕ ⵜⵙⴰⵜⵜⵓⵢ ⴰⵙⵡⵉⵔ ⵏ ⵍⵎⵖⵔⵉⴱ ⴳ ⵛⵉⴳⴰⵏ ⵏ ⵉⴳⵔⴰⵏ.ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ .

ⵉⵇⵇⴰⵏⴷ ⴰⴷ ⵏⵣⵣⵉⴹⵕ ⴰⴼⴰⴷ ⴰⴷ ⵏⴽⵛⵎ ⵜⴰⵙⵓⵜ ⵜⴰⵎⴳⵓⵔⴰⵏⵜ ⵜⴰⵎⴰⵢⵏⵓⵜ ⵏⵏⴰ ⵉⵙⴽⴰⵏ ⵅⴼ ⵜⴰⵜⵜⵓⵢⵜ ⴰⴼⴰⴷ ⴰⴷ ⵜⵔⵏⵓ ⵜⴰⵏⴰⵥⴰⵕⵜ ⴰⴷ ⵜⵙⵖⴰⵡⵙⴰ ⵜⵎⴰⵣⵉⵔⵜ ⵏⵏⵖ ⵙ ⵜⵣⵎⵎⴰⵔ ⵜⵉⵎⴰⵢⵏⵓⵜⵉⵏ ⴷ ⵜⵣⵎⵎⴰⵔ ⵏⵏⴰ ⵢⴰⴽⴽⴰⵏ ⵜⵉⵎⵍⴷⵉⵡⵉⵏ ⵏ ⵜⵡⵡⵓⵔⵉ.ⵎⴰⵢⴰⴷ ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ .

ⵉⵇⵇⴰⵏⴷ ⴼ ⵉⴳⵔ ⵏ ⵜⵎⴳⵓⵔⵉ ⴰⴷ ⵢⴰⴽⴽⴰ ⵜⵉⵎⵍⴷⵉⵡⵉⵏ ⵏ ⵜⵡⵡⵓⵔⵉ ⵉ ⵢⵄⵔⵔⵉⵎⵏ ⵓⵔ ⵉⵍⵍⵉ ⵓⴱⵓⵖⵍⵓ ⴱⵍⴰ ⴰⵡⴷⴰⵏ ⵏⵏⴰ ⴷ ⴷⴰⵔ ⵜⵉⵣⵎⵎⴰⵔ ⵜⵉⵎⴰⴹⵍⴰⵏⵉⵏ ⵉⵏⵏⴰ ⴱⴰⴱ ⵏ ⵡⴰⴷⴷⴷⵓⵔ ⴳ ⵜⴱⵔⴰⵜ ⴰⴷ ⵜⴳⵍⴷⴰⵏⵜ .

Dernière modification : 29 ⵎⴰⵕⵚ 2023
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B5%93%E2%B5%A3%E2%B5%8F-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C-%E2%B5%89-%E2%B5%A2%E2%B5%89%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%9C%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C-%E2%B5%8F-%E2%B5%A1%E2%B4%B0%E2%B5%99%E2%B5%99-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94-%E2%B5%8F-%E2%B5%9C%E2%B5%8E%E2%B4%B3%E2%B5%93%E2%B5%94%E2%B5%89