ⴳ ⵡⴰⵙⵙ ⴰⴷ, ⴳⴳⵉⵏ ⵉⵛⵉⵔⵔⴰⵏ ⵉ ⵢⵓⴹⵏⵏ ⵙ ⵜⵓⵜⵉⵙⵜ ⵛⴰ ⵏ ⵉⵙⴼⵙⴰⵔⵏ ⵏ ⵜⵥⵓⵕⵉ ⵅⴼ ⵡⴰⵟⵟⴰⵙ ⵏ ⵉⵙⴳⵓⵎⵏ, ⴰⵎ ⵜⵉⵍⴰⵍⵜ ⵏ ⵜⵡⴰⵛⵓⵏⵜ ⴳ ⵓⵙⵡⵉⵣⵉ ⴰⴽⴷ ⵓⵃⵏⵊⵉⵔ ⵉ ⵢⵓⴹⵏⵏ ⵙ ⵜⵎⴰⴹⵓⵏⵜ ⴰⴷ, ⴷ ⵜⵎⵓⵖⵍⵉ ⵏ ⵡⴰⵎⵓⵏ ⵅⵔ ⵜⵓⵜⵉⵙⵜ, ⴷ ⵓⵙⵙⵉⴷⴼ ⵏ ⵉⵔⴱⴰⵏ ⵉ ⵢⵓⴹⵏⵏ ⵙ ⵜⵎⴰⴹⵓⵏⵜ ⴰⴷ ⴳⵔ ⵉⵃⵏⵊⵉⵔⵏ ⴷ ⵡⴰⵜⵉⴳⵏ ⵜⵉⵖⵔⵎⴰⵏⵉⵏ.
ⵜⴰⴼⵓⴳⵍⴰ ⴰⴷ, ⵏⵏⴰ ⵎⵉⵏ ⵖⵔ ⴷ ⵢⵓⵙⴰ ⵙ ⵓⵍⴰⵡⵏ ⴰⴽⴽ, ⴰⵏⴱⴱⴰⴹ ⵏ ⵜⵎⵏⴱⴰⴹⵜ ⵏ ⵄⵉⵏ ⵛⵛⵇ ⵎⵓⵏⵉⵔ ⵃⵎⵎⵓ, ⵃⵎⴰ ⴰⴷ ⵙⵙⵏⵏ ⵜⵉⵏⴼⴽⴰⵢⵉⵏ ⴷ ⵜⵣⵎⵎⴰⵔ ⵏ ⵉⵛⵉⵔⵔⴰⵏ ⵉ ⵢⵓⴹⵏⵏ ⵙ ⵜⵓⵜⵉⵙⵜ, ⴰⴷ ⵔⵔⵏ ⵜⴰⵢⵏⵉⵜ ⵉ ⵓⵙⵎⵓⵏⵉ ⵏ ⵜⵡⴰⵛⵓⵏⵄⵏ ⴷ ⵓⵙⵙⵍⵎⴷ ⴷ ⵜⵉⵏⵊⵊⵉⵜⵉⵏ ⵃⵎⴰ ⴰⴷ ⵃⴹⴰⵏ, ⴰⴷ ⵚⵓⵏⵏ ⵉⵃⵏⵊⵉⵔⵏ ⴰⴷ.
ⵙ ⵓⵣⵎⵓⵣⵣⵓ ⴰⴷ ⵜⵏⵏⴰ ⵜⴰⵏⵙⵙⵉⵅⴼⵜ ⵏ ⵜⵎⵎⵙⵓⵏⵜ ⵜⵓⵔⵉⵢⵢⴰ ⵎⴱⵔⵓⴽ, ⵎⴰⵙ ⴷ ⴰⵙⵙ ⴰⴷ ⵉⵙⵜⵡⴰⵀⵎⵎⴰ ⴰⵎⵉⵏⵣⵉ ⴷ ⴰⵣⵎⵓⵣⵣⵓ ⵏ ⵓⵙⴼⵔⴽ ⵙ ⵜⵎⴰⴹⵓⵏⵜ ⴰⴷ, ⵜⵏⵏⴰ ⵎⴰⵙ ⴷ ⴰⵎⵎⴰⵙ ⵏ ⴰⵎⴰⵍ ⵏ ⵉⵃⵏⵊⵉⵔⵏ ⵉⵎⵓⵜⴰⵙ ⴷ ⵉⵎⵄⴹⴰⵔ ⵉⵔⵡⴰⵙⵏ ⴳ ⵄⵉⵏ ⵛⵛⵇ, ⵉ ⵢⵍⵍⴰⵏ ⴷ ⵉⵊⵊⵏ ⵣⵉ ⵙⵎⵎⵓⵙ ⵏ ⵡⴰⵎⵎⴰⵙⵏ ⵏ ⵜⵎⵙⵎⵓⵏⵜ ⵏ ⴰⵎⴰⴳ ⴳ ⵜⴳⵎⵎⵓ ⵜⵓⵎⵍⵉⵍⵜ, ⵉⵙⵙⵏⵓⴱⴳ 100 ⵏ ⵓⵃⵏⵊⵉⵔ ⵉ ⴷⵉ ⵉⵍⵍⴰ ⵜⵓⵜⵉⵙⵜ. ⵜⵡⴽⴽⴷ ⵉⵍⴰ ⴰⴷⵢⴰⴳⵏⵓⵙⵜⵉⴽ ⵏ ⵣⵉⴽ ⵏ ⵓⵃⵏⵊⵉⵔ ⵉ ⵢⵓⴹⵏⵏ ⵙ ⵜⵎⴰⴹⵓⵏⵜ ⴰⴷ, ⴰⴷ ⵉⵊⵊ ⴰⴳⵏⴼⵉ ⵏⵏⵙ ⵉⵣⵎⵎⵔ ⴰⴷ ⵢⴰⵍⵉ, ⴰⴷ ⵉⵜⵜⵡⴰⵙⵙⵉⴷⴼ ⴳ ⵜⵉⵏⵎⵍ ⵜⴰⵎⴰⵜⵓⵜ, ⵎⴰⵎⵛ ⵜⵎⵍⴰ ⵉⵍⴰ ⴰⵟⵟⴰⵚ ⵏ ⵉⵃⵏⵊⵉⵔⵏ ⵏ ⵜⵓⵜⵉⵙⵜ ⵜⵜⵡⴰⵙⵙⵉⴷⴼⵏ ⴳ ⵜⵉⵏⵎⴰⵍ ⵜⵉⵎⴰⵜⵓⵜⵉⵏ, ⵡⵡⴹⵏ ⴰⴷ ⴳⴳⵏ ⵜⵉⵏⵇⵇⴰⴹ ⵜⵉⵚⴱⵃⴰⵏⵉⵏ.
ⵜⵎⵍⴰ ⵎⴰⵙⵙⴰ ⵎⴱⵔⵓⴽ ⵎⴰⵙ ⴷ ⴰⵎⵎⴰⵙ ⴰⴷ ⴰⵔ ⵢⴰⴽⴽⴰ ⴽⵉⴳⴰⵏ ⵏ ⵜⵏⴰⴼⵓⵜⵉⵏ, ⵙ ⵉⵎⵓⵙⵙⵓⵜⵏ ⵉ ⵉⵇⵇⵏⵏ ⵙ ⵓⴳⵏⴼⵉ ⵏ ⵓⵙⵜⵓⵜⵍⴰⵢ ⴷ ⵜⵥⵓⵕⵉⵡⵉⵏ ⴷ ⵓⵎⵣⴳⵓⵏ ⴷ ⵎⵓⵙⵉⴽⴰ ⴷ ⵓⵙⵏⵖⵎⵙ ⴷ ⵓⵙⵎⵓⵏⵉ ⴰⵏⵉⵎⴰⵏ, ⵎⴰⵏⵉ ⵉⵍⴰ ⵜⵅⵙ ⴰⴷ ⵜⴱⴷⴷⵍ ⵜⴰⵎⵓⵖⵍⵉ ⵏ ⵡⴰⵎⵓⵏ ⵉ ⵉⵇⵇⵏⵏ ⵙ ⵜⵓⵜⵉⵙⵜ, ⵎⵉⵏⵣⵉ ⵉⵊⵊⵏ ⵓⵃⵏⵊⵉⵔ ⵉⵜⵜⵎⵙⴱⴹⴰ ⴰⴽⴷ ⵉⵏⵏⵉⴹⵏ ⵎⵉⵏⵣⵉ ⵉⵣⵎⵎⵔ ⵙ ⵜⵉⴹⴰⴼ ⴷ ⵓⵙⵡⵉⵣⵉ ⴷ ⵓⵙⵎⵓⵜⵜⴳ ⵉⵚⴱⵃⵏ, ⵙ ⵢⴰⵏ ⵓⴱⵔⵉⴷ ⴳ ⵓⵙⴱⵓⵖⵍⵓ ⵏ ⵡⴰⵎⵓⵏ.
ⵉⵙⴼⵓⴳⴳⵍ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵓⵙⴼⵔⵓⵍ ⵙ ⵜⵎⴹⵓⵏⵜ ⵏ ⵜⵓⵜⵉⵙⵜ, ⴳ ⵡⴰⵙⵙ ⵏ 02 ⴰⴱⵔⵉⴽ ⴳ ⵓⵙⴳⴳⵯⴰⵙ, ⴳ ⵓⵣⵎⵓⵣⵣⵓ ⵏ ⵓⵙⵙⵔⵖⵉ ⵏ ⵜⵉⴼⴰⵡⵜ ⵅⴼ ⵓⴱⵔⵉⴷ ⴳ ⵜⵎⴰⴹⵓⵏⵜ ⵏ ⵜⵓⵜⵉⵙⵜ ⴳ ⵡⴰⵎⵓⵏ ⴷ ⵓⵙⵉⵡⴹ ⵏ ⵉⵡⵜⵜⴰⵙⵏ ⵏ ⵜⵏⴼⵍⵉⵜ ⵉⵙⵉⵖⴰⵏ.