Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⵉⵔⵥⵎ ⴰⵎⵎⴰⵙ ⵏ ⵡⴰⵍⵍⴰⵙ ⵏ ⵓⵙⵎⵓⵜⵜⴳ ⴰⵎⵢⵉⵎⴰⵏ ⴷ ⵓⵏⴰⵎⵓⵏ ⴳ ⵡⴰⵎⵎⴰⵙ ⴰⵎⵙⴳⵏⴰⴼ ⴰⵖⵉⵡⴰⵏ ⵉⴱⵏ ⵕⵓⵛⴷ ⴳ ⵜⴳⵎⵎⵉ ⵜⵓⵎⵍⵉⵍⵜ , ⵏⵏⴰ ⵜⵙⴽⵔ ⵜⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⵏ ⵓⵎⵢⴰⵡⴰⵙ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⵉⵔⵥⵎ ⴰⵎⵎⴰⵙ ⵏ ⵡⴰⵍⵍⴰⵙ ⵏ ⵓⵙⵎⵓⵜⵜⴳ ⴰⵎⵢⵉⵎⴰⵏ ⴷ ⵓⵏⴰⵎⵓⵏ ⴳ ⵡⴰⵎⵎⴰⵙ ⴰⵎⵙⴳⵏⴰⴼ ⴰⵖⵉⵡⴰⵏ ⵉⴱⵏ ⵕⵓⵛⴷ ⴳ ⵜⴳⵎⵎⵉ ⵜⵓⵎⵍⵉⵍⵜ , ⵏⵏⴰ ⵜⵙⴽⵔ ⵜⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⵏ ⵓⵎⵢⴰⵡⴰⵙ

05 ⵉⴱⵔⵉⵔ 2023 Version Imprimable
ⵜⵉⴳⵎⵎⵉ ⵜⵓⵎⵍⵉⵍⵜ - ⵉⴱⴷⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵅⴼ ⵓⵏⵏⵓⵕⵥⵎ ⵏ ⵡⴰⵎⵎⴰⵙ ⵏ ⵡⴰⵍⵍⴰⵙ ⵏ ⵓⵙⵎⵓⵜⵜⴳ ⴰⵎⵢⵉⵎⴰⵏ ⴷ ⵓⵏⴰⵎⵓⵏ ⴳ ⵡⴰⵎⵎⴰⵙ ⴰⵎⵙⴳⵏⴰⴼ ⴰⵖⵉⵡⴰⵏ ⵉⴱⵏ ⵕⵓⵛⴷ ⴳ ⵜⴳⵎⵎⵉ ⵜⵓⵎⵍⵉⵍⵜ ⴰⵙⵙ ⴰⴷ ⴽⵕⴰⵚ,

ⵎⴰ ⴰⴷ ⵉⴳⴰ ⵢⴰⵏ ⵓⵙⵏⴼⴰⵕ ⴰⵎⵢⵉⵡⴰⵙ ⵏⵏⴰ ⵉⵎⵎⴰⵍⵏ ⴰⵙⵎⴽⵍ ⵏⵏⴰ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵢⵉⴳⵔ ⵏ ⵜⵔⵓⵙⵉ ⵙ ⵓⵎⴰⵜⴰ ⴷ ⵜⵔⵓⵙⵉ ⵜⴰⵎⵢⵉⵎⴰⵏⵜ ⵙ ⵜⵥⵍⴰⵢⵜ

ⵉⴳⴳⴰ ⴱⴰⴱ ⵏ ⵡⴰⴷⴷⵓⵔ ⵏ ⵓⴳⵍⵍⵉⵙ ⴳ ⵓⵣⵎⵓⵣⵣⵓ ⴰⴷ, ⵙ ⵜⵔⵣⵣⵓⴼⵜ ⵏ ⴽⵉⴳⴰⵏ ⵏ ⵡⴰⵎⵎⴰⵙⵏ, ⵏⵏⵉ ⵉ ⵖⴰ ⵉⵕⴰⵃⵏ ⵖⵔ ⵓⴽⴼⴼⵍ ⵙ ⵓⵎⵎⵄⴹⵕ ⵏ ⵡⴰⵏⵍⵍⵉ ⵉ ⴷ ⵢⵓⵙⵉⵏ ⵙ ⵉⵎⵅⵓⵎⴱⴰⵍ ⵏ ⵢⵉⵎⴰⵏ ⵉⵇⵇⵙⵃⵏ, ⵃⵎⴰ ⴰⴷ ⴽⴽⵙⵏ ⵓⵖⵓⵍⵏ ⵏ ⵓⵎⵎⵓⵄⴹⵕ ⴰⴷ ⵓⵙⵏⴽⴽⵔ ⵙ ⵓⵙⵙⵉⴷⴼ ⵏⵏⵙ ⴰⵏⴰⵎⵓⵏ ⴷ ⵓⵣⵣⵓⵍⴰⵏ.

ⵉⴽⵛⵛⵎ ⵓⵙⵏⴼⴰⵔ ⴰⴷ ⵉ ⵜⴳⴳⴰ ⵜⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵏ ⵜⵡⵉⵣⴰ ⵙ ⵉⵙⵙⴰⵔⵓⵜⵏ ⵉⵡⵡⴹⵏ 10.5 ⵎⵍⵢⵓⵏ ⵓⴷⵔⵉⵎ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵎⵔⵙⵍⵜ ⵉⵜⵜⵅⵙⵏ ⴰⴷ ⵉⵙⵏⴰⵍⵍ ⵉⴳⵔ ⴰⴷⵓⵙⴰⵏ ⴰⵏⴰⵎⵓⵔ ⵙ ⵓⵙⵎⵖⵔ ⴰⴼⵙⴰⵔ ⴰⴷⵓⵙⴰⵏ ⵉ ⵉⵍⵍⴰⵏ, ⴷ ⵓⵙⵙⵉⴷⴼ ⵏ ⵉⵎⵣⴷⴰⵖ ⵉ ⵎⵓ ⵅⵓⵚⵚⴰⵏ ⵉⴳⵏⴼⵉⵜⵏ, ⴷ ⵓⵙⵙⵉⴷⴼ ⵏ ⵉⵊⵊⵏ ⵓⵎⵍⴰⴷⴰⵙ ⴷ ⴰⵏⴰⵎⵓⵏ ⵃⵎⴰ ⴰⴷ ⵎⵓⵏⵏ ⴰⴽⴷ ⵉⵎⵀⵍⴰⴽ ⴷ ⵉⵏⴱⵖⵓⵔⵏ.

ⵉⵜⵜⴰⴷⴼ ⵡⴰⵎⵎⴰⵙ ⵏ ⵓⵄⴰⵡⴷ ⵏ ⵓⵙⵖⵔⵜ ⵏ ⵢⵉⵎⴰⵏ ⴷ ⵓⵏⴰⵎⵓⵏ, ⵉ ⵜⵉⵡⴹ 2100 ⵎⵉⵜⵔ ⴰⵎⴽⴽⵓⵥ, ⵉ ⵉⵍⵍⴰⵏ ⴷⴰⵅⵍ ⵉ ⵡⴰⵎⵎⴰⵙ ⵏ ⵓⴳⵏⴼⵉ ⴰⵏⵉⵎⴰⵏ ⴰⵙⴷⴰⵡⴰⵏ ⴱⵏ ⵕⵓⵛⴷ, ⵅ ⵢⵉⴳⵔ ⵏ ⵓⴳⵏⴼⵉ ⵉ ⴷⵉ ⵍⵍⴰⵏ ⵉⵅⵅⴰⵎ ⵏ ⵓⵥⵍⴰⵢ ⵏ ⵓⴱⵙⵉⴽⵓⵍⵓⵊⵉ, ⴷ ⵓⴳⵏⴼⵉ ⵅ ⵓⴱⵔⵉⴷ ⵏ ⵜⵉⵎⵎⵙⴽⵔⵜ, ⴷ ⵜⵢⴰⴷⵓⵣⵜ ⵜⴰⵙⵖⵏⴰⵏⵜ, ⵎⴰⵎⴽ ⵉⵍⵍⴰ ⵉⴳⵔ ⴰⵙⵢⵓⵙⵢⵓ ⴰⵙⴳⵎⴰⵏ ⵉ ⴷⵉ ⵍⵍⴰⵏ ⵜⵉⵎⵥⵍⴰⵢⵉⵏ ⵖⵔ ⵉⵊⵊⵏ ⵓⵅⵅⴰⵎ ⵜⵓⴳⵜⵓⵥⵍⴰⵢⵜ ⴷ ⵉⴱⵔⵉⴷⵏ ⵏ ⵓⵙⴳⵏⴼⵉ ⴷ ⵓⴱⵔⵉⴷ ⵏ ⵓⵙⵏⵡⵉ ⴷ ⵜⵥⵓⵕⵉⵡⵉⵏ ⴷ ⵉⴷⵇⵇⵉ ⴷ ⵜⵃⴼⴼⴰⴼⵜ ⴷ ⵓⵙⵏⵖⵎⵙ

ⵜⵜⵅⵙⵏ ⵉⵙⵏⴼⴰⵔⵏ ⵏ ⵜⵡⵓⵔⵉ ⴰⴷ ⵙⵙⵎⵖⵔⵏ ⵣⴳ ⵓⴼⵔⴰⵊ ⵏ ⵉⵎⵓⴹⴰⵏ ⵙ ⵉⵙⵢⴰⴼⵓⵜⵏ ⵏⵏⵙ, ⴷ ⵓⵙⵙⵎⵖⴰⵔ ⵅ ⵜⵡⵓⵔⵉ, ⴷ ⵓⵙⵎⵖⵔ ⵏ ⵜⵣⵎⵎⴰⵔ ⵏⵏⵙⵏ ⵅ ⵓⵙⵏⴼⵍⵓⵍ, ⴷ ⵜⴷⵔⴰⵡⵜ ⴳ ⵓⵙⵙⵉⴷⴼ ⵏⵏⵙⵏ ⴰⵏⴰⵎⵓⵏ ⴷ ⵎⴰⵏⵉ ⵉⵍⵍⴰⵏ ⵉⵎⵅⵓⵎⴱⴰⵍ ⵉ ⵓⵔ ⵉⵜⵜⵡⴰⵙⵏⵏ ⵉⵣⵡⴰⵔⴻⵏ ⵄⵎⴰ ⴰⴷ ⴰⵡⴹⵏ ⴰⴷ ⴷⴷⵔⵏ ⵜⵓⴷⵔⵜ ⵜⴰⵏⴰⵎⵓⵏⵜ ⵄⵎⴰ ⴰⴷ ⵎⵙⴰⵡⴰⴹⵏ.

ⵎⴰⵎⴽ ⵉ ⵖⴰ ⵉⵡⵡⴹ ⵡⴰⵎⵎⴰⵙ, ⵉ ⴷⵉ ⵉⵍⵍⴰ ⵉⵊⵊⵏ ⵓⵙⴳⵓⵎ ⴷ ⴰⵎⵙⵙⵓⴳⵓⵔ ⴷ ⵜⴷⴰⵍⵉⵡⵉⵏ ⴷ ⵓⵙⵙⵉⵡⵍ ⵅ ⴰⵔⵔⵓⵎⵜ ⴷ ⵜⵥⵓⵕⵉ ⴷ ⵜⵓⵏⵏⵓⵏⵜ ⴷ ⵜⵙⴷⵍⵉⵙⵜ ⴷ ⵓⵅⵅⴰⵎ ⵏ ⵓⵙⵍⵉⵍⵉ ⴷ ⵉⵙⴰⵢⵔⴰⵔⵏ ⴷ ⵓⵙⵏⵓⴱⴳ ⵏ ⵉⵣⵓⵔⴰⴳ, ⵉ ⵉⵡⵡⴹⵏ ⵓⴳⴳⴰⵔ ⵣⵉ 1300 ⵏ ⵓⵎⵓⵀⵍⴰⴽ ⴳ ⵓⵙⴳⴳⵯⴰⵙ ⵏ ⵍⴰⴳⴳⵯⴰⵊ ⵉ ⵜⴻⵜⵜⴳⴳ ⵜⵎⵓⴹⵉⵏⵜ ⴰⴷ, ⵎⴰⵎⴽ ⴰⴷ ⵉⵙⵙⵎⵖⵔ ⵣⴳ ⵓⵙⴱⵓⵖⵍⵓ ⵏ ⵜⵣⵎⵎⴰⵔ ⵏⵏⵙⵏ ⴰⴷ ⵖⵔⵙⵏ ⵉⵍⵉ ⵛⴰ ⵏ ⵜⵣⵎⵎⴰⵔ ⵜⵉⵣⵣⵓⵍⴰⵏⵉⵏ ⴷ ⵓⵙⵙⵎⵖⴰⵔ ⵏ ⵜⵡⴰⵛⵉⵜ ⵏⵏⵙⵏⵜ ⵙ ⵓⵙⵡⵓⵏⴼⵓ.

ⵃⵎⴰ ⴰⴷ ⵉⴳⴳ ⵜⵉⵡⵓⵔⵉ ⵏⵏⵙ, ⵉⵅⴷⴷⵎ ⵡⴰⵎⵎⴰⵙ ⵏ ⵓⵙⵙⵖⵔⵜ ⴰⵏⵉⵎⴰⵏ ⴷ ⵓⵏⴰⵎⵓⵏ ⵏ ⵡⴰⵎⵎⴰⵙ ⵏ ⵓⵙⴳⵏⴼⵉ ⴰⵙⴷⴰⵡⴰⵏ ⵏ ⴱⵏ ⵕⵓⴷ ⴷ ⵉⵊⵊⴻⵏ ⵓⴳⴰⵍⵓⴼ ⴷⴰⴳⵙ 05 ⵏ ⵉⵎⵙⵙⴳⵏⴰⴼ ⵉⵎⵥⵍⴰⵢ (03 ⴳ ⵓⵙⴳⵏⴼⵉ, 02 ⴳ ⵜⵓⵙⵙⵏⴰ ⵜⴰⵏⵉⵎⴰⵏⵜ) ⴰⴽⴷ ⵓⵖⵣⴷⵉⵙ ⵏ ⵜⴷⵓⵙⵉ ⵜⴰⵏⵉⵎⴰⵏⵜ ⴷ ⵉⵡⵜ ⵏ ⵜⵚⴹⵎⴰ ⴷⴰⴳⵙ 07 ⵏ ⵉⵎⵙⵎⵓⵜⵜⴰⴳ ⴳ ⵉⴳⵔ ⵏ ⵜⵃⴼⴼⴰⴼⵜ ⴷ ⵓⵙⵏⵖⵎⵙ ⴷ ⵓⵙⵏⵡⵉ ⴷ ⵜⵓⵏⵏⵓⵏⵜ ⴷ ⵓⵎⵣⴳⵓⵏ ⴷ ⵉⴷⵇⵇⵉ ⴷ ⵜⵥⵓⵕⵉ ⵜⴰⵙⴳⵏⴰⴼⵜ.

ⵡⵛⵉⵏ ⴰⵎⵎⴰⵙ ⵏ ⵓⵙⵙⵖⵔⵜ ⴰⵏⵉⵎⴰⵏ ⴷ ⵓⵏⴰⵎⵓⵏ, ⵉ ⵉⵍⵍⴰⵏ ⴷ ⵜⴰⴷⵔⴰⵡⵜ ⴳⵔ ⵜⴰⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙ ⵙⵎⵎⵓⵙ, ⴷ ⵡⴰⵎⵎⴰⵙ ⴰⴳⵏⴼⴰⵏ ⴰⵙⴷⴰⵡⴰⵏ ⵏ ⴱⵏ ⵕⵓⵛⴷ ⵏ ⵜⴳⵎⵎⵉ ⵜⵓⵎⵍⵉⵍⵜ ⴷ ⵜⵏⴰⴼⵓⵜ ⵏ ⵜⵓⵊⵊⵉⵜ ⵜⴰⵏⵉⵎⴰⵏⵜ ⴳ ⵡⴰⵎⵎⴰⵙ ⴰⴳⵏⴰⴼ ⴰⵙⴷⴰⵡⴰⵏ ⵏ ⴱⵏ ⵕⵓⵛⴷ ⵙ ⵜⵡⵉⵣⴰ ⴰⴽⴷ "ⵜⴰⴳⵔⴰⵡⵜ ⵏ ⵜⴷⵓⵙⵉ ⵜⴰⵏⵉⵎⴰⵏⵜ" ⵉ ⵉⵍⵍⴰⵏ ⴷ ⵜⴰⵎⵙⵎⵓⵏⵜ ⵉ ⵉⵥⵍⵓⵏ ⴳ ⵉⴳⵔ ⴰⴷ, ⵍⵓⵅ ⵡⵡⴹⵏ 156 ⵏ ⵓⵎⵀⵍⵓⴽ ⵅ ⵓⵙⵡⵉⵔ ⵏ ⵡⴰⵎⵎⴰⵙ.

ⵉⵜⵜⴰⵙ ⴷ ⵓⵙⵏⴼⴰⵔ ⴰⴷ ⵃⵎⴰ ⴰⴷ ⵉⵎⵎⵔⵏⵉ ⵖⵔ ⵜⵙⵏⵜⴰⵢⵉⵏ ⵜⵉⵙⴳⵏⴰⴼⵉⵏ ⵜⵉⵏⴰⵎⵏⵓⵏⵉⵏ ⵉ ⵜⴻⵜⵜⴳⴳ ⵜⵉⵎⵔⵙⵍⵜ ⵃⵎⴰ ⴰⴷ ⵙⵙⵎⵖⵔⵏ ⴰⵖⴰⵡⴰⵙ ⵏ ⵓⵙⴳⵏⴼⵉ ⵅⴼ ⵓⵙⵡⵉⵔ ⵏ ⵜⵙⴳⴰ, ⵓⵍⴰ ⴽⵟⵕ ⵙ ⵜⵡⴰⴳⴳⵉⵜ ⵏ ⵡⴰⵎⵎⴰⵙ ⵉⵙⴳⵏⴰⴼⵏ ⵜⵎⴰ ⵏ ⵙⵉⴷⵉ ⵎⵓⵎⵏ ⴷ ⵜⵎⴷⵉⵏⵜ ⵜⴰⵎⴰⵢⵏⵓⵜ ⵏ ⵕⵕⵃⵎⴰ ⴷ ⵡⴰⵎⵎⴰⵙ ⵉⴷⵓⵙⴰⵏⵏ ⵏ ⵡⴰⴷⴰⵙ ⵉⵥⵍⵉⵏ ⴳ ⵙⵉⴷⵉ ⵄⵜⵎⴰⵏ (ⴰⵎⵎⴰⵙ ⴰⴷⵓⵙⴰⵏ ⵜⴰⵙⴽⴼⵍⵜ ⵜⵉⵙ ⵙⵏⴰⵜ) ⴷ ⵎⵓⵍⴰⵢ ⵕⵛⵉⴷ (ⴰⵎⵎⴰⵙ ⴰⴷⵓⵙⴰⵏ - ⴰⵏⵉⵎⴰⵏ - ⴰⵏⴰⵎⵓⵏ).

 

Dernière modification : 05 ⵉⴱⵔⵉⵔ 2023
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B5%94%E2%B5%A5%E2%B5%8E-%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%A1%E2%B4%B0%E2%B5%8D%E2%B5%8D%E2%B4%B0%E2%B5%99-%E2%B5%8F-%E2%B5%93%E2%B5%99%E2%B5%8E%E2%B5%93%E2%B5%9C%E2%B5%9C%E2%B4%B3-%E2%B4%B0%E2%B5%8E%E2%B5%A2%E2%B5%89%E2%B5%8E%E2%B4%B0%E2%B5%8F-%E2%B4%B7-%E2%B5%93%E2%B5%8F%E2%B4%B0%E2%B5%8E%E2%B5%93%E2%B5%8F-%E2%B4%B3-%E2%B5%A1%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B4%B0%E2%B5%8E%E2%B5%99%E2%B4%B3%E2%B5%8F%E2%B4%B0%E2%B4%BC