Published on MAPNews (https://www.mapnews.ma/am)

Accueil > ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵉⵏⵙⵙⵅⵉⴼ ⵢⴰⵜ ⵜⴷⴰⴱⵓⵜ ⵏ ⵓⵎⴽⵍⵉ ⵉ ⵉⴳⴳⴰ ⵓⴳⵍⵍⵉⴷ ⵙ ⵓⵎⵡⴰⵊⴱ ⵏ ⵓⴽⵜⴰⵢ ⵡⵉⵙ 67 ⵏ ⵓⵚⴽⵓ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵉⵏⵙⵙⵅⵉⴼ ⵢⴰⵜ ⵜⴷⴰⴱⵓⵜ ⵏ ⵓⵎⴽⵍⵉ ⵉ ⵉⴳⴳⴰ ⵓⴳⵍⵍⵉⴷ ⵙ ⵓⵎⵡⴰⵊⴱ ⵏ ⵓⴽⵜⴰⵢ ⵡⵉⵙ 67 ⵏ ⵓⵚⴽⵓ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ

15 ⵎⴰⵢⵢⵓ 2023 Version Imprimable
ⵕⵕⴱⴰⵟ - ⵉⴱⴷⵔ ⴷ ⵓⵙⵉⵡⴹ ⵏ ⵜⵏⴰⵔⴰ ⵜⴰⵎⴰⵜⵜⵓⵢⵜ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ, ⵎⴰⵙ ⴷ ⵙ ⵢⴰⵏ ⵓⵡⴰⵔⴷⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵎⵖⴰⵔ ⴰⵎⵇⵇⵔⴰⵏ ⴷ ⵓⵏⵙⵙⵉⵅⴼ ⵏ ⵍⴰⵔⴽⴰⵏ ⵉⵎⴰⵜⵓⵜⵏ ⵏ ⵜⴰⵎⴰⵜⵜⵓⵢⵜ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ, ⵉⵏⵙⵙⵉⵅⴼ ⴱⴰⴱ ⵏ ⵡⴰⵜⵜⵓⵢ ⴰⴳⵍⴷⵓⵏ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴰⵙⵙ ⵏ ⵓⵙⴰⵎⴰⵙ ⴳ ⵓⵙⴰⴳⵔⴰⵡ ⵏ ⵉⴼⵙⵢⴰⵏⵏ ⴳ ⵕⵕⴱⴰⵟ, ⵢⴰⵜ ⵜⴷⴰⵖⵓⵜ ⵏ ⵓⴽⵎⵍⵉ ⵉ ⵉⴳⴳⴰ ⵓⴳⵍⵍⵉⴷ ⵙ ⵓⵎⵡⴰⵊⴱ ⵏ ⵓⴽⵜⴰⵢ ⵡⵉⵙ 67 ⵏ ⵓⵚⴽⵓ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ.

ⵡⴰⵎⵉ ⵉⵡⵡⴹ ⴱⴰⴱ ⵏ ⵡⴰⵜⵜⵓⵢ ⴰⴳⵍⴷⴰⵏ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵖⵔ ⵓⵙⴰⴳⵔⴰⵡ ⵏ ⵉⴼⵙⵢⴰⵏⵏ, ⵉⵙⵍⵍⵎ ⵅⴼ ⵓⵜⵓⵢ ⵏⵏⵙ ⵜⴰⵚⴹⵎⴰ ⵎⵓⵃⵎⵎⴰⴷ ⴱⵕⵉⴹ, ⴰⵎⴳⴳⵓⵡⵙ ⴰⵎⴰⵜⵓ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ ⴷ ⵓⵎⵖⴰⵔ ⵏ ⵜⵎⵏⴰⴹⵜ ⵏ ⵉⴼⴼⵓⵙ, ⴷ ⵎⴰⵊⵓⵔ ⴰⵎⴰⵜⵓ ⵄⴱⴷⵍⵍⴰⵀ ⴱⵓⵟⴰⵍⴱ ⴷ ⵓⵎⵖⴰⵔ ⵏ ⵍⵎⵃⴰⵍⵍⴰ ⵜⴰⵄⵙⴽⵔⵉⵜ ⵏ ⵕⵕⴱⴰⵟ-ⵙⵍⴰ, ⵎⴰⵏⵉ ⵉ ⵖⴰ ⵉⵙⴼⵔ ⵓⵜⵓⵢ ⵏⵏⵙ ⵜⵜⵛⴽⵉⵍⴰ ⵏ ⵓⵏⴱⵉⴹ ⵏ ⵓⵔⴰⵇⵇ ⴰⵎⴰⵜⵓ ⵉ ⴰⵙ ⵉⴼⴽⴰⵏ ⵙⵙⵍⴰⵎ.

ⴰⴽⴷ ⵓⵢⴰ, ⵉⵙⵍⵍⵎ ⵅⴼ ⴱⴰⴱ ⵏ ⵓⵜⵓⵢ ⴰⴳⵍⴷⴰⵏ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵄⴰⵣⵉⵣ ⴰⵅⵏⵏⵓⵛ, ⴷ ⵓⵎⴰⵡⵙⴰⵙ ⵓⴽⴱⵉⵔ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⴽⵍⴼⵏ ⵙ ⵜⵎⵙⵙⵓⴳⵓⵔⵜ ⵏ ⵓⵏⵣⴰⵖ ⴰⵏⴰⵎⵓⵔ ⵎⴰⵙⵙ ⵄⴱⴷⵍⵍⴰⵟⵉⴼ ⵍⵓⴷⵢⵉ, ⴷ ⵜⵙⴹⵎⴰ ⵜⴰⵎⵣⵡⴰⵔⵓⵜ ⵎⵓⵃⵎⵎⴰⴷ ⵀⵔⵎⵓ ⴰⵎⵖⴰⵔ ⵏ ⵉⵊⴹⴰⵕⵎⵉⵢⵉⵏ ⵉⴳⵍⴷⴰⵏⵏ, ⴷ ⵜⵚⴹⵎⴰ ⵍⵄⴰⴱⴷ ⵄⴰⵍⴰⵡⵉ ⴱⵓⵃⵎⵉⴷ ⴰⵎⴳⴳⵉⵡⵙ ⵏ ⵜⴷⵡⴰⵙ ⵜⵉⴳⵍⴷⴰⵏⵉⵏ ⵏ ⵓⴳⵏⵏⴰ, ⴷ ⵓⵏⴱⴷⴰⴷ ⵎⵓⵃⵎⵎⴰⴷ ⵟⵟⵃⵉⵏ ⵙⴳ ⵜⴷⵡⴰⵙ ⵜⵉⴳⵍⴷⴰⵏⵉⵏ ⵜⵉⵍⴰⵏⵉⵏ.

ⵉⵃⴰⴹⵕ ⴳ ⵜⴷⴰⴱⵓⵜ ⴰⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵛⴰ ⵙⴳ ⵉⵎⵛⵛⵉⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ, ⴷ ⵉⴳⵎⴰⵎⵏ ⵏ ⵓⴷⵉⵡⴰⵏ ⴰⴳⵍⴷⴰⵏ, ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ ⴷ ⵉⵎⵇⵇⵔⴰⵏⵏ ⵉⴼⵙⵢⴰⵏⵏ ⵏ ⵜⵏⴰⵔⴰ ⵜⴰⵎⴰⵜⵓⵜ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ, ⴷ ⵉⵎⵃⴹⴼⴰⵔ ⵉⵄⵙⴽⵔⵉⵢⵏ ⵉⴱⵕⵕⴰⵏⵉⵢⵏ ⵉⵍⵍⴰⵏ ⴳ ⵕⵕⴱⴰⵟ, ⴰⴽⴷ ⵛⴰ ⵏ ⵜⵓⴷⵎⴰⵡⵉⵏ ⵜⵉⵖⵔⵎⴰⵏⵉⵏ ⴷ ⵜⵄⵙⴽⴰⵔⵉⵢⵉⵏ.

ⵉⵜⵜⵓⵙⵎⵖⵔ ⵙ ⵓⴽⵜⴰⵢ ⵡⵉⵙ 67 ⵏ ⵓⵚⴽⵓ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ ⵙ ⵍⵎⵃⴰⵍⵍⴰⵜ ⵜⵉⵄⵙⴽⵔⵉⵢⵉⵏ ⴷ ⵜⵎⵢⵉⵡⴰⵏ ⵉⴹⴼⴼⵕⵏ ⵉ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ, ⵙ ⵜⴼⵓⴳⵍⴰ ⴰⴷ, ⵏⵏⴰ ⵉⵥⵍⵉⵏ ⵙ ⵡⴰⵣⵓⵍ ⵉ ⵓⵛⵏⵢⴰⵍ ⴷ ⵓⵡⴰⵔⴷⵉ ⴰⵡⵙⵙⴰⵏ ⵉ ⵉⵙⵙⵎⵏⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵎⵖⴰⵔ ⴰⵎⴰⵜⵓ ⵓⵏⵙⵙⵉⵅⴼ ⵏ ⵍⴰⵔⴽⴰⵏ ⵉⵎⴰⵜⵓⵜⵏ ⵏ ⵜⴰⵎⴰⵜⵜⵓⵢⵜ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ ⵖⵔ ⴰⵢⵜ ⴱⴰⴱ ⵏ ⵜⴷⵡⴰⵙ ⴰⴷ, ⵎⴰⵏⵉ ⵉⴼⴽⴰ ⴽⵔⴰ ⵏ ⵍⴰⵡⵙⵉⵎⴰ ⴷ ⵉⴼⵙⴰⵔⵏ ⵉⵙⵔⴷⴰⵙⵏ.

Dernière modification : 15 ⵎⴰⵢⵢⵓ 2023
Source URL: https://www.mapnews.ma/am/activites-princieres/%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B5%8E%E2%B4%BD%E2%B4%BD%E2%B5%93%E2%B5%99%E2%B5%93-%E2%B5%8F-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B5%89%E2%B5%8F%E2%B5%99%E2%B5%99%E2%B5%85%E2%B5%89%E2%B4%BC-%E2%B5%A2%E2%B4%B0%E2%B5%9C-%E2%B5%9C%E2%B4%B7%E2%B4%B0%E2%B4%B1%E2%B5%93%E2%B5%9C