Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉⵙⵙⵉⵅⴼ ⵢⴰⵏ ⵓⵙⵇⵇⵉⵎ ⴰⵏⵎⴰⵡⵙⴰⵙ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉⵙⵙⵉⵅⴼ ⵢⴰⵏ ⵓⵙⵇⵇⵉⵎ ⴰⵏⵎⴰⵡⵙⴰⵙ

21 ⵎⴰⵢⵢⵓ 2023 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵙ ⵜⵎⵓⵏⵉⵜ ⴰⴽⴷ ⵓⴳⵍⴷⵓⵏ ⴱⴰⴱ ⵏ ⵡⴰⵜⵜⵓⵢ ⴰⴳⵍⴷⴰⵏ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴰⵙⵙ ⵏ ⵓⵙⵉⵎⵡⴰⵙ, ⴳ ⵉⴱⵔⴳⵎⵎⵉ ⴰⴳⵍⴷⴰⵏ ⴳ ⵕⵕⴱⴰⵟ, ⵢⴰⵏ ⵓⵙⵇⵇⵉⵎ ⴰⵏⵎⴰⵡⵙⴰⵙ, ⵉⵜⵜⵡⴰⴳⴳ ⵃⵎⴰ ⴰⴷ ⵉⴷⵜⵜⴻⵜ ⵅⴼ ⵛⴰ ⵏ ⵉⵙⵏⴼⴰⵔⵏ ⴷ ⵉⵎⵔⵙⵓⵎⵏ ⵉⵇⵇⵏⵏ ⴳ ⵉⴳⵔ ⴰⵄⵙⴽⵔⵉ ⴷ ⴽⵔⴰ ⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ.

ⴳ ⵜⵉⵣⵡⵔⵉ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ, ⵉⵙⵙⵇⵙⴰ ⴱⴰⴱ ⵏ ⵓⴷⴷⵓⵔ, ⴰⴷ ⵜ ⵉⵃⴼⴹ ⵕⴱⴱⵉ, ⵎⴰⵙⵙ ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⴰ ⵜⴰⵢⵉⵍⴰⵏⵜ ⴷ ⵜⴳⵎⵉ ⵜⵓⵙⵓⵏⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ ⵅⴼ ⵉⴳⵓⵎⴰⴹ ⵏ ⵓⵙⴳⴳⵯⴰⵙ ⴰⴷ ⴰⵏⴼⵍⴰⵃ, ⴷ ⵜⵎⵙⵍⴰⵢⵉⵏ ⵉ ⵖⴰ ⵜⴳⴳ ⵜⵏⴱⴰⴹⵜ ⵃⵎⴰ ⴰⴷ ⵜⵙⴷⵓⵙ ⵉⴼⵍⵍⴰⵃⵏ ⵙ ⵙⵙⵉⴱⴱⵜ ⵏ ⵓⵍⵓⵢ ⵏ ⵡⴰⵜⵉⴳⵏ ⵜⵉⵎⵣⵡⵓⵔⴰ ⵏ ⵜⴼⵍⵍⴰⵃⵜ, ⴷ ⵓⵙⵓⵊⴷ ⴰⵚⴱⵃⴰⵏ ⵏ ⵓⵙⴳⴳⵯⴰⵙ ⴰⵏⴼⵍⴰⵃ ⴷ ⵢⵓⵙⵉⵏ.

ⴰⴽⴷ ⵓⵢⵏⵏⵉ, ⵙ ⵜⴰⵢⵏⵉⵜ ⵏⵏⵙ ⵜⴰⵎⵇⵇⵔⴰⵏⵜ ⵏⵏⵉ ⵉ ⵉⵜⵜⵉⵛ ⴱⴰⴱ ⵏ ⵓⴷⴷⵓⵔ, ⴰⴷ ⵜ ⵉⵄⵣⵣⴰ ⵕⴱⴱⵉ, ⴰⵎⵖⴰⵔ ⴰⵎⵇⵇⵔⴰⵏ ⴷ ⵓⵏⵙⵙⵉⵅⴼ ⵏ ⵍⴰⵔⴽⴰⵏ ⵏ ⵓⵎⵙⴽⵙⵉ ⴰⵎⴰⵜⵓ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ, ⵉ ⴰⵢⵜ ⵉⴳⵎⴰⵎⵏ ⴳ ⵢⵉⴳⵔⴰⵏ ⵉⵏⵏⵓⵃⵢⴰⵏ, ⵙ ⵓⵙⵎⵓⵜⵜⴳ ⴰⵜⵔⴰⵔ ⴷ ⵓⵙⵙⵖⵔⵜ ⵃⵎⴰ ⴰⴷ ⴳⴳⵏ ⵜⵡⵓⵔⵉ ⵏⵏⵙⵏ ⴰⵎⵏ ⵜⵏⵏⴰ, ⵅⵏⵏⵉ ⵉⴷⵜⵜⴻⵜ ⴱⴰⴱ ⵏ ⵡⵓⴷⴷⵓⵔ ⵅ ⵉⵙⵏⴼⴰⵔⵏ ⵏ ⵉⵎⵔⵙⵓⵎⵏ ⴰⴷ:

- ⴰⵙⵏⴼⴰⵔ ⵏ ⵓⵎⵔⵙⵓⵎ ⵉⵇⵇⵏⵏ ⵙ ⵓⵙⴷⵓⵙ ⵏ ⵜⵉⵏⵎⵍ ⵜⴰⵄⵙⴽⵔⵉⵜ ⵏ ⵜⵎⵙⵙⵓⴳⵓⵔⵜ;

- ⴰⵙⵏⴼⴰⵔ ⵏ ⵓⵎⵔⵙⵓⵎ ⵏ ⵓⵙⵏⴼⵍ ⴷ ⵓⵙⵎⴰⴷ ⵏ ⵉⵎⵔⵙⵓⵎ ⵉⵇⵇⵏⵏ ⵙ ⵓⵙⴷⵓⵙ ⵏ ⵜⵉⵏⵎⴰⵍ ⵜⴰⴳⵏⵡⴰⵏⵜ ⵜⴰⴳⵍⴷⴰⵏⵜ;

- ⴰⵙⵏⴼⴰⵔ ⵏ ⵓⵎⵔⵙⵓⵎ ⵏ ⵓⵙⵏⴼⵍ ⴷ ⵓⵙⵍⴰⵎⴷ ⵏ ⵓⵎⵔⵙⵓⵎ ⵉⵇⵇⵏⵏ ⵙ ⵓⵙⴷⵓⵙ ⵏ ⵜⴽⴰⴷⵉⵎⵉⵜ ⵏ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵜⴰⴳⵔⴰⵖⵍⴰⵏⵜ ⵏ ⵓⵙⴰⵢⵍⴰⵍ ⴰⵖⵔⵎⴰⵏ,.

ⴳ ⵢⵉⴳⵔ ⵏ ⵓⴷⵓⵙ ⵏ ⵜⵡⵓⵣⴰ ⴷ ⵜⵎⴷⵔⴰⵡⵜ ⵍⵍⵉ ⵉⵙⵎⵓⵏⴰⵏ ⵍⵎⵖⵔⵉⴱ ⴷ ⴽⵔⴰ ⵏ ⵜⵎⵓⵔⴰ ⵜⵉⵛⵇⵉⵇⵉⵏ ⴷ ⵜⵎⴷⴷⵓⴽⴰⵍ, ⴷ ⵓⵙⵙⴷⵓⵙ ⵏ ⵓⵎⴽⴰⵏ ⵏⵏⵙ ⵅⴼ ⵓⵙⵡⵉⵔ ⴰⵎⵏⵥⴰⵡ ⴷ ⵓⴳⵔⴰⵖⵍⴰⵏ, ⵉⴷⵜⵜⴻⵜ ⵓⵙⵇⵇⵉⵎ ⴰⵏⵎⴰⵡⵙⴰⵙ ⵅ ⵜⴰⵎⵜ ⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ, ⵙⵙⵏⴰⵜ ⵣⵣⴳⵉⵙⵏⵜ ⴷ ⵜⵉⴳⵓⵢⴰⵡⵉⵏ ⴷ ⵚⴹⵉⵚⵜ ⵎⵙⴱⴹⴰⵏⵜ, ⵇⵇⵏⵏⵜ ⵙ ⵓⵙⴰⵢⵔⴰⵔ ⴰⵄⵔⴰⴱ ⴷ ⵓⵎⵙⵍⵎ, ⴰⵙⵢⵔⴰⵔ ⴰⴼⵔⵉⴽⴰⵏ, ⴰⵙⴰⵢⵔⴰⵔ ⴰⴳⵜⵓⵎⵡⵡⴰ.

ⵅⴼ ⵓⵙⵡⵉⵙ ⵡⵉⵙ ⵏ ⵜⴳⵓⵢⴰⵡⵉⵏ, ⵇⵇⵏⵏⵜ ⵜⵎⵢⴰⵇⴰⵏⵉⵏ ⵙ ⵓⵙⴷⵉⵙ ⵏ ⵜⵏⴰⴼⵓⵜⵉⵏ ⵏ ⵡⴰⵙⵙⴰⵢ ⴰⴳⵏⵡⴰⵏ ⴰⴽⴷ ⵜⴳⵍⴷⵉⵜ ⵜⴰⵄⵔⴰⴱⵜ ⵜⴰⵙⴰⵄⵓⴷⵉⵜ ⴷ ⵓⵙⵡⵉⵣⵉ ⴳ ⵢⵉⴳⵔ ⵜⵎⵍⵍⴰⵃⵜ ⵜⴰⵙⴱⴱⴰⴱⵏⵜ ⴰⴽⴷ ⵜⴰⴳⴷⵓⴷⴰ ⵏ ⴷⵊⵉⴱⵓⵜⵉ.

ⵎⴰ ⵜⵉⵎⵢⴰⵇⵇⴰⵏⵉⵏ ⵜⵉⴳⵜⵓⵎⵡⵡⴰⵉⵏ, ⵣⴷⵉⵏⵜ ⵙ ⵉⴳⵔⴰⵏ ⵉⵎⵙⴱⴹⴰⵏ, ⴰⵎ ⵓⵏⵄⴰⵎ ⵙ ⵜⵖⵓⵔⵉⵡⵉⵏ ⵏ ⵓⵙⵍⵎⴰⴷ ⴰⵎⴰⵜⵓⵢ ⴷ ⵉⵙⵍⴽⵉⵏⵏ ⵏⵏⵙ ⴷ ⵜⵙⴽⵯⴼⴰⵍ ⵜⵉⵎⴰⵙⵙⴰⵏⵉⵏ ⴳ ⵜⵎⵓⵔⴰ ⵏ ⵡⴰⵄⵔⴰⴱⵏ, ⴷ ⵓⵙⴷⵓⵙ ⴰⵙⵉⵍⴰⵏ ⵏ ⵡⴰⵎⵎⴰⵙ ⵏ ⵜⵡⵓⵔⵉ ⵏ ⵜⵎⴰⴷⴷⴰⵙⵜ ⵏ ⵓⵙⵡⵉⵣⵉ ⴰⵎⵙⵍⵎ, ⴷ ⵓⵙⴷⵓⵙ ⴰⵙⵉⵍⴰⵏ ⵏ ⵡⴰⵎⵎⴰⵙ ⴰⴼⵔⵉⵍⴰⵏ ⵏ ⵜⴳⵎⵉ ⵏ ⵉⵙⵓⴳⴰⵎ ⵏ ⵉⵣⵓⵖⴰⵣ, ⴷ ⵜⵎⵢⴰⵇⵇⴰⵏⵉⵏ ⵙ ⵢⴰⵏ ⵓⵙⵎⴷⵢⴰ ⵏ ⵡⴰⵎⵎⴰⵙ ⴰⴳⵔⴰⵖⵍⴰⵏ ⵏ ⵓⵙⵙⴳⵎⵉ ⵏ ⵜⵙⵔⵜⴰⵢ ⵏ ⵓⵣⵡⴰⴳ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ.

ⵙ ⵉⵏⵙⵙⵉⵅⴼⵏ ⵉⵇⵇⵏⵏ ⵖⵔ ⵡⵏⵏⵉ ⵏ ⵡⵉⵙ 49 ⵏ ⵓⴷⵙⵜⵓⵔ:

- ⵙ ⵜⵙⵓⵎⵔⵜ ⵙⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵓⵙⵙⵓⵊⴷ ⴷ ⵡⴰⵎⴰⵏ, ⵉⵃⵢⵢⵏ ⴱⴰⴱ ⵏ ⵡⵓⴷⴷⵓⵔ, ⴰⴷ ⵜ ⵉⵃⴼⴹ ⵕⴱⴱⵉ, ⵟⴰⵕⵉⵇ ⵍⵄⵔⵓⵙⵉ, ⴰⵏⵙⵙⵉⵅⴼ ⵏ ⵜⵎⵙⵙⵓⴳⵓⵔⵜ ⵜⴰⴳⵔⴰⵡⴰⵏⵔ ⴷ ⵜⵎⴷⵔⴰⵡⵜ ⵏ ⵓⵙⵙⵢⴰⴼⵓ ⵏ ⵍⵎⵉⵙⴰⵏ;

- ⵙ ⵜⵙⵓⵎⵔⵜ ⵙⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵜⵙⵏⵜⴰⵢⵜ ⵏ ⵜⵎⴰⵡⵙⴰⵙⵜ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵙⵣⴷⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ ⵡⵓⴷⴷⵓⵔ, ⵉⵄⵢⵢⵏ ⴱⴰⴱ ⵏ ⵓⴷⴷⵓⵔ ⵃⵎⵙⵏⵉ ⵍⵖⵣⴰⵡⵉ ⴳ ⵓⵔⴰⵇ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵜⴰⴳⵔⴰⵡⴰⵏⵜ ⵏ ⵜⴳⵔⵓⵎⵎⴰ ⵏ ⵓⵃⵢⵢⵍ ⵍⵄⵓⵎⵔⴰⵏ;

- ⵙ ⵜⵙⵓⵎⵔⵜ ⵙⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⴰ ⵜⴰⵢⵉⵍⴰⵏⵜ ⴷ ⵜⴳⵎⵉ ⵜⵓⵙⵓⵏⴰⵏⵜ ⴷ ⵡⴰⵎⴰⵏ ⵏ ⵜⴳⴰⵏⴰⵉⵏ, ⵉⵄⵄⵢⵏ ⵓⴳⵍⵍⵉⴷ ⵎⵓⵃⵎⵎⴰⴷ ⴼⴽⵔⴰⵜ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵜⴰⴳⵔⴰⵡⴰⵏⵜ ⵏ ⵓⵎⵔⵡⴰⵙ ⴰⵏⴼⵍⴰⵃ.

- ⵙ ⵜⵙⵓⵎⵔⵜ ⵙⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵓⵎⵓⵜⵜⵓ ⴰⵏⵥⴹⴰⵕ ⴷ ⵜⴳⵎⵓ ⵜⴰⵙⵓⵍⴰⵏⵜ, ⵉⵜⵜⴼⴹⴹⵍ ⴱⴰⴱ ⵏ ⵡⵓⴷⴷⵓⵔ ⴰⴷ ⵜ ⵉⵃⴼⴹ ⵕⴱⴱⵉ, ⵙ ⵓⵄⵢⵢⵏ ⵏ :

• ⵎⴰⵙⵙ ⵎⵓⵃⵎⵎⴰⴷ ⴱⵏ ⵢⴰⵃⵢⴰ, ⴳ ⵓⵔⴰⵇ ⵏ ⵓⵏⵎⵀⴰⵍ ⴰⵎⴰⵜⵓ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵜⵙⵙⴱⵃ ⵜⴰⵥⴹⵔⴰⵏⵜ;

• ⵎⴰⵙⵙ ⵙⴰⵄⵉⴷ ⵎⵓⵍⵍⵉⵏ ⴳ ⵓⵔⴰⵇ ⵏ ⵓⵏⵎⵀⴰⵍ ⴰⵎⴰⵜⵓ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵜⵖⵍⵍⵉⵙⵜ ⴷ ⵙⵙⵍⴰⵎⵜ ⴳ ⵉⴳⵔⴰⵏ ⴰⵏⴰⵡⴰⵡⵉ ⴷ ⵉⵛⵄⴰⵄⵉ.

- ⵙ ⵜⵙⵓⵎⵔⵜ ⵙⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵓⵍⵓⵊⵙⵜⵉⴽ, ⵉⵜⴼⴹⴹⵍ ⴱⴰⴱ ⵏ ⵡⵓⴷⴷⵓⵔ ⵃⵎⴰ ⴰⴷ ⵉⵄⵢⵢⵏ ⵖⴰⵙⵙⴰⵏ ⵍⵎⵛⵔⴼⵉ, ⴳ ⵓⵔⴰⵇ ⵏ ⵓⵏⵎⵀⴰⵍ ⴰⵎⴰⵜⵓ ⵏ ⵜⵙⵏⵓⵔⴰⵢⵜ ⵏ ⵜⴳⵎⵉ ⴷ ⵉⵏⵀⵣⵣⵉⵜⵏ ⵉⵍⵓⵊⵉⵙⵜⵉⴽⵢⵏ;

- ⵙ ⵜⵙⵓⵎⵔⵜ ⵙⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵉⵃⵓⴷⵔⵉⵢⵏ ⴷ ⵜⴷⵍⵙⴰ ⴷ ⵓⵎⵙⴰⵡⴰⴹ, ⵉⵄⵢⵢⵏ ⴱⴰⴱ ⵏ ⵡⵓⴷⴷⵓⵔ ⵎⴰⵙⵙ ⴼⵓⴰⴷ ⵄⴰⵔⵉⴼ, ⴰⵏⵎⵀⴰⵍ ⴰⵎⴰⵜⵓ ⵏ ⵜⵙⵏⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ".

Dernière modification : 21 ⵎⴰⵢⵢⵓ 2023
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B0%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%A2%E2%B4%B0%E2%B5%8F-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B4%B0%E2%B5%8F%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99