ⵉⵙⵏⵓⴱⴳ ⵎⴰⵙⵙ ⴱⵓⵕⵉⵟⴰ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵣⴰⵎⴱⵢⴰ ⵢⵉⵡⵉⵏ ⵢⴰⵜ ⵜⴱⵔⴰⵜ ⵉⵜⵜⵢⵓⵔⴰⵏ ⵙⴳ ⵓⵏⵙⵙⵉⵅⴼ ⵏ ⵜⵎⴰⵣⵉⵔⵜ ⵏⵏⵙ ⵉ ⴱⴰⴱ ⵏ ⵡⴰⴷⴷⵓⵔ

30 ⵎⴰⵢⵢⵓ 2023 Version Imprimable

ⵕⵕⴱⴰⵟ - ⵉⵙⵏⵓⴱⴳ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴱⵢⵉⵏ ⵣⴷⵖⵉⵏ ⴳ ⴱⵕⵕⴰ ⵏⴰⵚⵕ ⴱⵓⵕⵉⵟⴰ ⴰⵙⵙ ⵏ ⵓⵙⵉⵏⴰⵙ ⵖ ⵕⵕⴱⴰⵟ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕ ⴷ ⵓⵎⵢⴰⵡⴰⵙ ⴰⵎⴰⴹⵍⴰⵏ ⴳ ⵓⵡⴰⵏⴽ ⵏ ⵣⴰⵎⴱⵢⴰ ⵙⵜⴰⵏⵍⵉ ⴽⴰⵙⵓⵏⴳⵓ ⴽⴰⴽⵓⴱⵓ ⵢⵉⵡⵉⵏ ⵜⴱⵔⴰⵜ ⵉⵜⵜⵢⵓⵔⴰⵏ ⵙⴳ ⵓⵏⵙⵙⵉⵅⴼ ⵏ ⵜⴰⴳⴷⵓⴷⴰⵏⵜ ⵏ ⵜⵎⴰⵣⵉⵔⵜ ⵏ ⵣⴰⵎⴱⵢⴰ ⵀⴰⴽⵉⵏⴷⵉ ⵀⵉⵛⵉⵍⵉⵎⴰ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ .

ⴳ ⵜⵉⵏⴰⵡⵜ ⵏ ⵜⵏⵖⵎⴰⵙⵜ ⴷⴼⴼⵉⵔ ⵏ ⵉⵎⴹⵉⴽⵉⵕⵏ ⴷ ⵎⴰⵙⵙ ⴱⵓⵕⵉⵟⴰ ⵉⵏⵏⴰ ⵎⴰⵙⵙ ⴽⴰⴽⵓⴱⵓ ⵎⴰⵙ " ⵢⵉⵡⵉ ⵜⴰⴱⵔⴰⵜ ⵙⴳ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵣⴰⵎⴱⵢⴰ ⵀⴰⴽⵉⵏⴷⵉ ⵀⵉⵛⵉⵍⵉⵎⴰ ⵉ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ".

ⵉⵙⴷⴷⵉ ⵎⴰⵙⵙ ⴽⴰⴽⵓⴱⵓ ⴳ ⵓⵙⵜⵉ ⴷⵖ ⵎⴰⵙ ⵉⵎⵙⴰⵙⵏ ⴷ ⵉⴽⵏⵉ ⵏⵏⵙ ⴰⵎⵖⵔⴱⵉ ⵏ ⵓⵙⴷⵓⵙ ⵏ ⵉⵎⵢⴰⵙⵙⴰⵏ ⵉⵙⵏⵔⴰⵏ ⴳ ⴰⴽⴽⵯ ⵏ ⵉⴳⵔⵏ .

ⵉⵣⵓⵍ ⵓⵎⴰⵡⵙⴰⵙ ⴰⵣⴰⵎⴱⵉ ⵏ ⵜⵖⵔⴰ ⵏ ⵉⵎⵢⴰⵙⵙⴰⵏ ⵉⵙⵔⵜⴰⵏⵏ ⴷ ⵉⴷⵉⴱⵍⵓⵎⴰⵙⵢⵉⵏ ⴳⵔ ⵙⴰⵏⵜ ⵜⵎⵉⵣⴰⵔ ⴷ ⵉⵙⴽⴽⵯⵜⵉ ⵎⴰⵙ ⵜⴳⴰ ⵣⴰⵎⴱⵢⴰ ⵙⴳ ⵉⵡⴰⵏⴽⵏ ⵏ ⵉⴼⴼⵓⵙ ⴰⴼⵔⵉⵇⵉ ⵉⵕⵥⵎⵏ ⵜⴰⵙⵇⵓⵙⵏⵓⵜ ⵜⴰⵎⴰⵜⴰⵢⵜ ⴳ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵎⴰⵢⴰⴷ ⵉⴳⴰⵏ ⵜⵎⴰⵜⴰⵔⵜ ⵏ ⵡⴰⵏⵏⴰⵍ ⵏ ⵣⴰⵎⴱⵢⴰ ⵏ ⵜⵎⵖⵔⴱⵉⵜ ⵏ ⵜⵏⵣⵔⵓⴼⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%8E%E2%B4%B0%E2%B5%99%E2%B5%99-%E2%B4%B1%E2%B5%93%E2%B5%95%E2%B5%89%E2%B5%9F%E2%B4%B0-%E2%B4%B0%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99-%E2%B5%8F-%E2%B5%9C%E2%B5%96%E2%B4%B0%E2%B5%A1%E2%B5%99%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B4%B1%E2%B5%95%E2%B5%95%E2%B4%B0-%E2%B5%8F-%E2%B5%A3%E2%B4%B0%E2%B5%8E%E2%B4%B1%E2%B5%A2%E2%B4%B0-%E2%B5%A2%E2%B5%89%E2%B5%A1%E2%B5%89%E2%B5%8F-%E2%B5%A2%E2%B4%B0%E2%B5%9C-%E2%B5%9C%E2%B4%B1%E2%B5%94%E2%B4%B0%E2%B5%9C-%E2%B5%89%E2%B5%9C%E2%B5%9C%E2%B5%A2%E2%B5%93%E2%B5%94%E2%B4%B0%E2%B5%8F-%E2%B5%99%E2%B4%B3