ⴰⴹⵕⵉⵙ ⵏ ⵜⴱⵔⴰⵜⵜ ⵜⴰⴳⵍⴷⴰⵏⵜ ⵏⵏⴰ ⵉⵖⵔⴰ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⵎⴰⵙⵙ ⵃⵎⴰⴷ ⵜⵜⴰⵡⴼⵉⵇ, ⴰⵙⵙ ⵏ ⵓⵙⵉⵎⵡⴰⵙ ⵓⵔⵜⴰ ⵎⵎⵓⴷⴷⵉⵏ ⵉⵎⵃⵓⵊⵊⴰ ⵉⵎⵣⵡⵓⵔⴰ ⵙⴳ ⵓⵣⴰⴳⵣ ⵏ ⵕⵕⴱⴰⵟ ⵙⵍⴰ :

ⵙⴳ ⵜⵎⵢⵓⵔⵜ ⵏⵏⵖ ⵏⵏⴰ ⵏⵎⵢⴰⵔ ⴰⴼⴰⴷ ⴰⴷ ⵏⴼⴽ ⵉⵏⴰⵡ ⵉ ⵓⴷⵡⴰⵍ ⴰⵎⵣⵡⴰⵔⵓ ⵏ ⵉⵎⵃⵓⵊⵊⴰ ⵍⵍⵉⵖ ⵏⴳⴰ ⴰⴳⵍⴷⵓⵏ ⵏ ⵉⵎⵓⵎⵏⵏ ⵏⵏⴰ ⵉⴼⴼⵔⴳⵏ ⵜⵉⵖⴰⵡⵙⵉⵡⵉⵏ ⵉⵥⵍⵉⵏ ⴷ ⴷⴷⵉⵏ ⵍⵉⵙⵍⴰⵎ ⴷ ⵉⵜⴳⴰⵔⵏ ⵉⴳⵔⵔⴰⵎⵏ ⵏ ⵜⵎⴰⵣⵉⵔⵜ ⵏⵏⵖ , ⴰⵔ ⵏⵜⵜⴰⵣⵏ ⵜⴰⴱⵔⴰⵜⵜ ⴰⴷ ⵉ ⵉⵎⵃⵓⵊⵊⴰⵏ ⴰⴽⴽⵯ ⵏ ⵓⵙⴳⴳⵯⴰⵙ ⴰⴷ ⵙ ⵜⵖⴹⴼⵜ ⵏⵏⴰ ⵏⴰⴽⴽⴰ ⵉ ⵎⴰⵏⴷ ⵜⵉⵖⴰⵡⵙⵉⵡⵉⵏ ⴰⴷ ⵏ ⵍⵉⵙⵍⴰⵎ, ⵍⵍⵉⵖ ⵉⵏⵏⴰ ⴱⴰⴱ ⵏ ⵉⴳⵏⵡⴰⵏ ((وأذن في الناس بالحج يأتوك رجالا، وعلى كل ضامر يأتين من كل فج عميق ليشهدوا منافع لهم ويذكروا اسم الله في أيام معلومات)). ⵎⴰⵢⴰⴷ ⵉⵏⵏⴰ ⴱⴰⴱ ⵏⵡ ⴰⴷⴷⵓⵔ ⴳⵍⴱⵓ ⵏ ⵜⴱⵔⴰⵜ ⴰⴷ ⵜⴰⵎⴰⵜⴰⵢⵜ .

ⴰⵡⵜⵜⴰⵙ ⵏⵏⵖ ⴰⴼⴰⴷ ⴰⴷⴰⵡⵏ ⵏⵎⵍ ⵜⵓⵎⵍⴰⵢⵉⵏ ⵏⵏⵖ ⴰⴼⴰⴷ ⴰⴷ ⵜⵙⴽⵔⵎ ⴰⴽⴽⵯ ⵉⵏⵏⴰ ⵙ ⵜⵙⵖⴰⵡⵙⴰⵎ ⴳ ⵓⵎⵓⴷⴷⵓ ⵏⵏⵓⵏ ⵙ ⵍⵃⵉⵊⵊ, ⵏⵙⵙⵓⵜⵔ ⴰⵡⵏ ⴰⵎⵓⵔⵙ ⴷ ⵍⵅⵓⵛⵓⵄ, ⵙ ⵜⵖⵔⵉ ⵏ ⴷⴷⵓⵄⴰ "لبيك اللهم لبيك، لبيك لا شريك لك لبيك، إن الحمد والنعمة لك والملك، لا شريك لك."ⵎⴰⵢⴰⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ .

ⵜⵍⵍⴰⵎ ⴳ ⵓⴱⵔⵉⴷ ⴰⴼⴰⴷ ⴰⴷ ⵜⵎⵙⴰⴼⴰⴹⵎ ⴷ ⵡⴰⵎⵓⵔ ⵏⵏⵖ ⵙ ⵜⴳⵎⵎⵉ ⵏ ⵕⴱⴱⵉ ⵏⵏⴰ ⵉⴳⴰⵏ ⵢⴰⵏ ⵓⴷⵖⴰⵔ ⴰⵎⵣⵡⴰⵔⵓ ⴳ ⵓⵎⴰⴹⴰⵍ ⵏⵏⴰ ⵉⴳⴰⵏ ⴰⴳⵯⵔⵔⴰⵎ ⴰⴷ ⵜⵎⵎⵓⴷⴷⵓⵎ ⴳ ⵜⵏⴼⵔⵓⵜ ⵜⴰⴹⵓⵎⴷ ⴳ ⵜⴰⵢⵢⴰⴹ ⵎⴰⵢⴰⴷ ⵉⴼⵔⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ .

ⴳ ⵓⵙⴰⵜⵉ ⴰⴷ ⴰⵔⴰⵡⵏ ⵏⵜⵜⵉⵏⵉ ⴰⴷ ⴳⵉⵡⵏ ⵜⵉⵍⵉ ⵜⵜⴰⵇⵡⴰ ⵏⵏⴰ ⵉⴳⴰⵏ ⵍⵄⵡⵉⵏ ⵉⴷⵓⵙⵏ ⴷ ⵓⵎⵢⴰⵎⴰⵥ ⵏ ⵉⵎⵓⵎⵏⵏ ⴳⵔⴰⵜⵙⵏ ⴳ ⵎⴰⵏⵏⴰ ⴷ ⵄⴰⵕⴰⴼⴰ ⵓⵔ ⵉⵍⵍⵉ ⵓⵏⵓⵃⵢⵓ ⴳⵔⴰⵜⵙⵏ ⴰⴽⴽⵯ ⴳ ⵓⴷⵖⴰⵔ ⴰⴷ , ⴳⴰⵏ ⴰⴽⴽⵯ ⵢⴰⵏ ⵎⵏⵉⴷ ⵏ ⴱⴰⴱ ⵏ ⵉⴳⵏⵡⴰⵏ .ⵉⵙⵓⵍ ⵉⵏⵏⴰ ⴱⴰⴱ ⵏⵡ ⴰⴷⴷⵓⵔ .

ⵔⴰⴷ ⴽⵯⵏ ⵏⵙⵙⴽⵯⵜⵉ ⵉⵎⵃⵓⵊⵊⴰ ⵏⵏⵖ ⵙ ⵜⴼⴰⴷⵉⵡⵉⵏ ⵏ ⵍⵎⴰⵏⴰⵙⵉⴽ ⵏ ⵍⵃⵉⵊⵊ ⴷ ⵓⵎⵙⴰⵡⴰⴹ ⴷ ⵕⴱⴱⵉ ⵓⵔ ⴳⵉⵙ ⵜⵓⵔⴷⴰ ⵎⴰⵙ ⴰⴽⴽⵯ ⵜⵙⵙⵏⵎ ⵜⵉⴼⴰⴷⵉⵡⵉⵏ ⵏ ⴰⵢⵍⵍⵉ ⵜⵔⴰⵎ ⴳ ⵓⴷⵖⴰⵔ ⴰⵏⵏ ⴰⴳⵯⵔⵔⴰⵎ, ⵙ ⵜⵓⵎⵍⴰⵢⵉⵏ ⵏ ⵉⵎⴰⵙⵙⴰⵏⵏ ⵏⵏⵖ ⴷⴷⵓ ⵜⵏⴰⵍⵉⵜ ⵏ ⵜⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⴷ ⵜⵣⵎⵎⴰⵔ ⵏ ⵓⵎⴰⵡⵙⴰⵙ ⵏⵏⵙ ⴳ ⵉⴳⵔ ⴰⴷ, ⴰⴼⴰⴷ ⴰⴷ ⵜⴰⵏⴼⵎ ⵉ ⵉⵏⵅⵉⴱⴱⵉⵍⵏ ⴳⵔ ⵉⵡⴷⴰⵏ ⵍⵍⵉⵖ ⵉⵏⵏⴰ ⴱⴰⴱ ⵏ ⵉⴳⵏⵡⴰⵏ ((الحج أشهر معلومات فمن فرض فيهن الحج فلا رفث ولا فسوق ولا جدال في الحج وما تفعلوا من خير يعلمه الله وتزودوا فإن خير الزاد التقوى واتقون يا أولي الألباب)).ⵎⴰⵢⴰⴷ ⵉⵔⵏⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ.

ⴳⴰ ⵜ ⵏⵏ ⵜⵉⵣⵎⵎⴰⵔ ⴰⴼⴰⴷ ⴰⴷ ⵜⵙⴽⵔⵎ ⵍⵎⴰⵏⴰⵙⵉⴽ ⵏⵏⵓⵏ ⵙ ⵜⵖⴰⵔⴰⵙⵜ ⴷ ⵢⵓⵙⴰⵏ, ⴰⴼⴰⴷ ⴰⴷ ⵜⴳⵓⵍⵓⵎ ⴰⵡⵜⵜⴰⵙ ⵏⵏⵓⵏ ⵙⴳ ⵍⵃⵉⵊⵊ ⵏ ⵓⵙⴳⴳⴰⵙ ⴰⴷ , ⵙ ⵓⵙⵖⵥⵏ ⵏ ⵡⴰⵡⴰⵍ ⵏ ⵓⵎⴰⵣⴰⵏ ⵏ ⴱⴰⴱ ⵏ ⵉⴳⵏⵡⴰⵏ “الحج المبرور ليس له جزاء إلا الجنة”.ⵉⵙⵓⵍ ⵉⵏⵏⴰ ⴱⴰⴱ ⵏⵡ ⴰⴷⴷⵓⵔ 

ⵉⵇⵇⴰⵏⴷ ⴰⴷ ⵜⵙⴽⵔⵎ ⵙ ⵉⵜⴳⴰⵔⵏ ⵏ ⵜⵏⴼⵔⵓⵜ ⵏⵏⴰ ⵅⴼ ⵍⵍⴰⵏ ⴰⵢⵜ ⵜⵏⴼⵔⵓⵜ ⵏ ⵜⵎⵜⵜⴰ ⵏ ⵙⵙⴰⵄⵓⴷⵉⵢⵢⴰ ⵍⵍⵉⵖ ⵉⵡⵣⵏ ⴰⴼⴰⴷ ⴰⴷ ⵜⵙⴳⵓⵏⴼⵓⵎ , ⵙⴳ ⴷⴰⵔ ⴳⵎⴰⵜⵏⵖ ⴰⴳⵍⵍⵉⴷ ⵙⴰⵍⵎⴰⵏ ⴱⵏ ⵄⴱⴷⵍⵄⵣⵉⵣ ⴰⴷ ⴰⵙ ⵉⴼⴽ ⴱⴰⴱ ⵏ ⵉⴳⵏⵡⴰⵏ ⵜⴰⴷⵓⵙⵉ ⵏⵏⵙ ⴷ ⵍⵄⵎⵕ ⵢⴰⵜⵜⵓⵢⵏ ⵉⵎⵢⴰⵎⴰⵥ ⴷ ⴳⵯⵎⴰⵙ ⴳⵯⵎⴰⵜⵏⵖ ⴰⵏⵙⵙⵉⵅⴼ ⵏ ⵉⵎⴰⵡⴰⵙⵏ ⴰⴷ ⵜ ⵉⵏⵚⵕ ⴱⴰⴱ ⵏ ⵉⴳⵏⵡⴰⵏ .

ⵜⵙⵙⵏⵎ ⴰⴽⴽ ⵎⴰⵙ ⵔⴰⴷ ⵜⵎⴰⴳⴳⴰⵔⵎ ⴷ ⴰⵢⵜⵎⴰⵜⵏⵖ ⴳ ⵓⵎⴰⴹⴰⵍ ⴰⴽⴽ ⴳ ⵡⴰⴽⴰⵍ ⴰⵏⵏ ⴰⴳⵯⵔⵔⴰⵎ, ⴳⴰⵜ ⴰⵎ ⵉⵎⵙⵇⴰⴷⵏ ⵏ ⵡⴰⵎⵓⵔ ⵏⵏⵓⵏ , ⴷ ⵜⵖⵔⵎⴰ ⵏⵏⵓⵏ ⵜⴰⵇⵇⴱⵓⵔⵜ, ⵎⵢⴰⴷⴰⵙ ⴰⵜ ⴷ ⵉⵡⴷⴰⵏ ⴰⴽⴽⵯ ⵜⵎⵙⴰⴷⴷⴰⵔⵎ ⴰⵏⴼ ⴰⵜ ⵉ ⵓⵏⵅⵉⴱⴱⵍ ⴷ ⵉⴱⴽⴽⵉⴹⵏ,ⵙ ⵓⵙⴽⴽⵉⵔ ⵙ ⵡⴰⵡⴰⵍ ⵏ ⴱⴰⴱ ⵏ ⵉⴳⵏⵡⴰⵏ ((ولتكن منكم أمة يدعون إلى الخير ويأمرون بالمعروف وينهون عن المنكر وأولئك هم المفلحون)) ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ 

ⵉⵔⵖⵓⴷ ⴰⵡⵏ,ⵙ ⵜⵖⴰⵡⵙⴰ ⵏⵏⴰ ⵔⴰⴷ ⵜⵙⴽⵔⵎ ⵙ ⵓⵔⵣⴰⴼ ⵉ ⵡⴰⴽⴰⵍ ⴰⵏⵏ ⴰⴳⵯⵔⵔⴰⵎ ⴰⵙⵎⴹⵍ ⵏ ⵉⵎⴳⴳⵓⵔⴰ ⵏ ⵍⴰⵏⴱⵉⵢⴰ ⵥⵥⴰⵍⵍ ⴰⵜ ⴼⵍⵍⴰⵙ .