ⵉⵏⵏⴰ ⵓⵙⵉⵡⴹ ⵏ ⵜⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵏⵏⴰ ⵉⵜⵜⴰⵡⵙⵏ ⴳ ⵓⵙⴽⴽⵉⵔ ⵏ ⵜⵓⵎⵍⴰⵢⵉⵏ ⴰⴷ ⴷ ⴽⵉⴳⴰⵏ ⵏ ⵉⵎⴰⴷⵔⴰⵡⵏ ⵢⴰⴹⵏⵉⵏ ⵎⴰⵙ ⵜⵏⵏⵓⵕⵥⵎ 24 ⵏ ⵡⴰⵏⵙⴰ ⵏ ⵓⵙⵏⵓⴱⴳ ⴳ ⵓⴳⵏⵙ ⵏ ⵍⵎⵖⵔⵉⴱ ⴷ ⴱⵕⵕⴰ ⵏⵏⵙ ⴰⴼⴰⴷ ⴰⴷ ⵜⵙⵏⵓⴱⴳ ⵉⴷⵡⴰⵍⵏ ⵏ ⵉⵎⵖⵔⵉⴱⵉⵏ ⵏⵏⴰ ⵉⵔⴰⵏ ⴰⴷ ⴷ ⴽⵛⵉⵎⵏ ⵙ ⵍⵎⵖⵔⵉⴱ, ⴷ ⵡⵉⵏⵏⴰ ⵉⵔⴰⵏ ⴰⴷ ⴰⵖⵓⵍⵏ ⴳ ⵎⴰⴷ ⵉⵜⵜⴳⴳⴰⵏ ⴽⵕⴰⴹ ⵢⵉⵔⵏ ⴷ ⵓⵣⴳⵏ .
ⴳ ⵓⴳⵏⵙ ⵏ ⵍⵎⵖⵔⵉⴱ, ⵉⵏⵏⴰ ⵓⵙⵉⵡⴹ ⵎⴰⵙ ⵏⵏⵓⵕⵣⵎⵏ 18 ⵏ ⵡⴰⵏⵙⴰ ⵏ ⵓⵙⵏⵓⴱⴳⴳ ⵓⵙⵕⵙⵉⵡ ⵏ ⵟⴰⵏⵊⴰ ⴰⵏⴰⵎⵎⴰⵙ, ⵟⴰⵏⵊⴰ ⵜⵉⵖⵔⵎⵜ,ⵍⵃⵓⵙⴰⵢⵎⴰ ⴷ ⵏⵏⴰⴹⵓⵕ, ⴷ ⵡⴰⴳⴳⵓⵔ ⵏ ⵙⴱⵜⴰ ⴷ ⵡⴰⴳⴳⵓⵔ ⵏ ⵎⵍⵉⵍⵉⵢⴰ, ⴷ ⵓⵣⴰⴳⵯⵣ ⵏ ⵎⵓⵃⵎⵎⴰⴷ ⵍⵅⴰⵎⵉⵙ ⵏ ⵜⴳⵎⵎⵉ ⵜⵓⵎⵍⵉⵍⵜ, ⴷ ⵕⵕⴱⴰⵟ ⵙⵍⴰ,ⵡⵊⴷⴰ ⴰⵏⵊⴰⴷ, ⴰⴳⴰⴷⵉⵔ ⵍⵎⴰⵙⵉⵔⴰ, ⴼⴰⵙ ⵙⴰⵢⵙ, ⴰⵎⵓⵔ ⵏ ⵡⴰⴽⵓⵛ ⵍⵎⵏⴰⵕⴰ,ⴷ ⵜⴰⵏⵊⴰ ⴱⵏ ⴱⴰⵟⵟⵓⵟⴰ, ⴷ ⵡⴰⵏⵙⴰ ⵏ ⵓⵙⵓⵏⴼⵓ ⵟⴰⵏⵊⴰ ⴰⵏⴰⵎⵎⴰⵙ ⴷ ⵍⵊⴱⵀⴰ ⴷ ⵜⴰⵣⴰⵖⵉⵏ ⴷ ⵙⴰⵎⵉⵔ ⵍⵎⴹⵢⴰⵇ .
ⴱⵕⵕⴰ ⵏ ⵍⵎⵖⵔⵉⴱ ⵏⵏⵓⵕⵥⵎⵏ ⵙⴹⵉⵙ ⵡⴰⵏⵙⴰⵜⵏ ⵏⵏⴰ ⵍⵍⴰⵏⵉⵏ ⴳ ⵉⵙⵕⵙⵉⵡⵏ ⵏ ⵓⵕⵓⴱⴱⴰ, ⴰⵍⵎⵉⵕⵢⴰ, ⵜⵉⴳⵣⵉⵔⵜ ⵜⴰⵣⴳⵣⴰⵡⵜ, ⵎⵓⵜⵕⵢⴰⵍ,ⵙⴱⵜⴰ,ⵎⴰⵕⵙⵉⵍⵢⴰ, ⵊⵉⵏⵡⴰ .
ⵜⵙⵓⵍ ⵜⵉⴽⴽⵉ ⵏ ⵜⵏⴰⴼⵓⵜⵉⵏ ⵏ ⵓⵙⵏⵓⴱⴳ ⴷ ⵜⵉⵏ ⵜⴷⵓⵙⵉ ⴳ ⵓⵙⵡⵉⵔ ⵏ ⵡⴰⵎⵎⴰⵙⵏ ⵏ ⵓⵙⵏⵓⴱⴳ ⵏⵏⴰ ⵉⵡⴰⵍⴰⵏ ⵉ -ⵎⴰⵕⵃⴰⴱⴰ- ⴳ ⵓⴳⵏⵙ ⴷ ⴱⵕⵕⴰ ⵏ ⵜⴰⵎⵓⵔⵜ ⵏⵏⵖ, ⴷ ⵜⵏⴰⴼⵓⵜⵉⵏ ⵜⵉⵏⴰⵎⵓⵏⵉⵏ ⴳ ⵓⴳⵏⵙ ⵏ ⵉⵖⵔⵔⵓⴱⴰ ⴳ ⵙⵏⴰⵜ ⵜⵓⵎⴰⵏⵉⵏ ⵜⵉⵎⴳⴳⵓⵔⴰ .
ⵉⵏⵏⴰ ⵓⵙⵉⵡⴹ ⵎⴰⵙⴷ ⵉⵖ ⵔⴰⴷ ⵉⵎⵓⵔⵙ ⵎⴰ ⴰⴷ ⵜⵙⴷⴷⵉⴷ ⵜⵎⵔⵙⵍⵜ 1400 ⵏ ⵓⴳⵎⴰⵎ ⴳ ⵉⴳⵎⴰⵎⵏ ⵏ ⵜⵎⵔⵙⵍⵜ ⴷ ⵉⵎⴰⵡⴰⵙⵏ ⵉⵏⴰⵎⵓⵏⵏ ⴷ ⵉⵙⴳⵏⴰⴼⵏⴰⴼⴰⴷ ⴰⴷ ⵙⵍⵍⴰⵏ ⵉ ⵉⵙⵙⵓⵜⵓⵔⵏ ⵏ ⵉⵎⵖⵔⵉⴱⵉⵏ ⵏ ⴱⵕⵕⴰ ⴰⴼⴰⴷ ⴰⴷⴰⵙⵏ ⴼⴽⵉⵏ ⴰⵏⵏⴰⵍ .
ⵉⵣⴰⵢⴷ ⵓⵙⵉⵡⴹ ⵎⴰⵙⴷ ⵉⵎⵢⴰⵡⴰⴹⵏ ⵏ ⵜⵎⵔⵙⵍⵜ ⵍⵍⴰⵏ 7 ⵏ ⵓⵙⵙⴰⵏ ⴰⴽⴽⵯ ⴷ 24 ⵏ ⵜⵙⵔⴰⴳⵜ ⴳ ⵓⵙⴰⵜⵉ ⵏ ⵓⵙⵉⵔⴰ ⴰⵏⴰⵎⵎⴰⵙ ⵏ ⵓⵣⴷⴰⵢ ⴰⴼⴰⴷ ⴰⴷ ⵜⵎⵢⴰⵡⴰⴹⵏ ⵙⴳ ⵍⵎⵖⵔⵉⴱ ⴳ ⵓⵟⵟⵓⵏ ⴰⵣⴳⵣⴰⵡ 0800002323 d 0808690793 ⵓⵟⵟⵓⵏ ⵢⴰⴹⵏ ⵏⵏⴰ ⵜⵜⵓⵙⵔⴰⵙⵏ ⵉ ⵉⵎⵖⵔⵉⴱⵉⵏ ⵏ ⴱⵕⵕⴰ ⵖⵉⵏ ⴰⴷ ⵏⵢⴰⵍⴽⴰⵎⵏ ⴷ ⵓⵟⵟⵓⵏⵏ ⴰⴷ :
ⵉⵟⴰⵍⵢⴰ ( ⵊⴰⵏⴰⵡⴰ) 00393406859385
ⴼⵕⴰⵏⵚⴰ ( ⵎⴰⵕⵙⵉⵍⵢⴰ) 0033601351071
ⴼⵕⴰⵏⵚⴰ (ⵙⵉⵜ)0033619594359
ⵙⴱⴱⴰⵏⵢⴰ ( ⵎⵓⵜⵕⵢⴰⵍ ) 0034631243474
ⵙⴱⴱⴰⵏⵢⴰ ( ⴰⵍⵎⵉⵕⵢⴰ) 0034612428784
ⵙⴱⴱⴰⵏⵢⴰ ( ⵜⵉⴳⵣⵉⵔⵜ ⵜⴰⵣⴳⵣⴰⵡⵜ ) 0034612586780