ⵍⵎⵖⵔⵉⴱ ⵉⵏⴱⴳⵉ ⵏ ⵓⴱⵓⵔⵓⵣ ⵏ ⵓⵎⴰⴳⵔ ⵏ ⵉⵍⵍ ⵓⵎⵍⵉⵍ ⴰⵏⴰⵎⴰⵙ ⵏ ⵜⴷⵍⵙⴰ ⴷ ⵓⵜⵛⵉ ⴳ ⴽⵔⵡⴰⵜⵢⴰ

26 ⵢⵓⵏⵢⵓ 2023 Version Imprimable

ⵣⴰⴳⵔⵉⴱ - ⵉⴳⴰ ⵍⵎⵖⵔⵉⴱ ⵎⴰⵢⴰⴷ ⵜⵙⵎⴷⵢⴰ ⵜⵖⵔⵎⵜ ⵏ ⵛⴼⵛⴰⵡⵏ ⵉⵏⴱⴳⵉ ⵏ ⵓⴱⵓⵔⵓⵣ ⴳ ⵓⵎⴰⴳⵔ ⵏ ⵉⵍⵍ ⵓⵎⵍⵉⵍ ⴰⵏⴰⵎⴰⵙ ⵡⵉⵙⵙ 11 ⵏ ⵜⴷⵍⵙⴰ ⴷ ⵓⵜⵛⵉ ⵎⴰⵢⴰⴷ ⵉⵎⴰⵏ ⴳ ⵓⵣⵎⵣ ⵙⴳ 23 ⴰⵔ 25 ⵢⵓⵏⵢⵓ ⴳ "ⴱⵓⵍ" ⵜⴰⴳⵣⵉⵔⵜ ⵏ ⴱⵔⴰⵜⵛ ⵜⴰⴽⵔⵡⴰⵜⵉⵜ .

ⵉⵜⵜⵓⵙⵏⵎⴰⵍⴰ ⵓⵎⵓⵙⵙⵓ ⴰⴷⵍⵙⴰⵏ ⴰⵎⴰⴹⵍⴰⵏ ⴳ ⴽⵔⴰ ⵢⴳⴳⴰⵜ ⵓⵙⴳⴳⵯⴰⵙ ⵙ ⵜⵡⵍⴰⴼⵜ ⵉⵛⵛⴰⵔⵏ ⵙⴳ ⵜⵙⴳⵡⴰⵏⵜ ⵏ ⴱⵓⵍ ⴷ ⵜⴰⵎⴰⵙⵎⵓⵏⵜ ⵜⴰⴽⵔⵡⴰⵜⵉⵜ IMENA ⵎⴰⵢⴰⴷ ⵜⵔⴰ ⵏ ⵓⵃⵟⵟⵓ ⵅⴼ ⵡⴰⵢⴷⴰ ⴰⴷⵍⵙⴰⵏ ⴷ ⴰⵥⵓⵕⴰⵏ ⴷ ⵡⵉⵏⵏ ⵏ ⵜⵙⴽⵍⴰ ⴷ ⵓⵥⴰⵡⴰⵏ ⵙⴰⵍⴰⵡⵏ ⴰⴽⴽⵯ ⴳ ⵜⴰⵥⵓⵕⵉ ⵏ ⵓⵜⵛⵉ

ⴳ ⵜⵙⴳⵓⵔⵉ ⴳ ⵓⵣⵎⵎⵣⵓ ⵜⵏⵏⴰ ⵜⵎⵙⵇⴰⴷⵜ ⵏ ⵍⵎⵖⵔⵉⴱ ⴷⴰⵔ ⴽⵕⵡⴰⵜⵢⴰ ⵏⵏⵓⵔ ⵍⵀⵓⴷⴰ ⵍⵎⵔⴰⴽⵛⵉ ⴰⴷⴷⵓⵔ ⵏ ⵜⵙⵏⵜⴰⵢⵜ ⴰⴷ " ⵎⴰⵢⴰⴷ ⵜⵣⴷⵉ ⵡⴰⵎⵎⴰⵣ ⴳⵔ ⵜⵉⴷⵍⵙⵉⵡⵉⵏ ⴷ ⵜⵖⵔⵎⵉⵡⵉⵏ ⴳ ⵓⵎⴰⴹⴰⵍ ⴷ ⵉⵣⴷⵉ ⵏ ⵉⵎⵢⴰⵙⵙⴰⵏ ⴳⵔ ⵜⴰⵎⴰⵣⵉⵔⵜ ⵏ ⵍⵎⵖⵔⵉⴱ ⴷ ⴽⵔⵡⴰⵜⵢⴰ " ⵙⵜⵡⵍⴰⴼⵜ ⵜⵓⵙⵍⵉⴳⵜ .

ⵜⵙⵓⵍ ⵜⵏⵏⴰ ⵜⴷⵉⴷⴱⵍⵓⵎⴰⵙⵉⵜ ⵎⴰⵙ " ⵍⵎⵖⵔⵉⴱ ⵜⵎⴰⵣⵉⵔⵜ ⵖⵓⵕⵙ ⵓⵜⵛⵉ ⵉⵎⵢⴰⵏⴰⵡⵏ ⴷ ⵡⴰⵢⴷⴰ ⴰⴷⵍⵙⴰⵏ ⴰⵇⵇⴱⵓⵕ ⴷ ⵢⴰⵎⵣ ⵏ ⵓⵥⵖⵓⵕⵏ ⵙⴳ ⵜⵉⵎⵢⵓⵔⵉⵏ ⵏ ⵓⵜⵛⵉ ⵉⵎⴰⵣⵉⵖⵏ ⴷ ⵉⵄⵔⴰⴱⵏ ⴷ ⵡⵉⵏⵏ ⴰⵏⴷⴰⵍⵓⵙ ⴷ ⵢⵓⴷⵢⵏ" .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%89%E2%B5%8F%E2%B4%B1%E2%B4%B3%E2%B5%89-%E2%B5%8F-%E2%B5%93%E2%B4%B1%E2%B5%93%E2%B5%94%E2%B5%93%E2%B5%A3-%E2%B5%8F-%E2%B5%93%E2%B5%8E%E2%B4%B0%E2%B4%B3%E2%B5%94-%E2%B5%8F-%E2%B5%89%E2%B5%8D%E2%B5%8D-%E2%B5%93%E2%B5%8E%E2%B5%8D%E2%B5%89%E2%B5%8D-%E2%B4%B0%E2%B5%8F%E2%B4%B0%E2%B5%8E%E2%B4%B0%E2%B5%99-%E2%B5%8F-%E2%B5%9C%E2%B4%B7%E2%B5%8D%E2%B5%99%E2%B4%B0-%E2%B4%B7-%E2%B5%93%E2%B5%9C%E2%B5%9B%E2%B5%89-%E2%B4%B3-%E2%B4%BD%E2%B5%94%E2%B5%A1%E2%B4%B0%E2%B5%9C%E2%B5%A2%E2%B4%B0%C2%A0