Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⴰⵔ ⵉⵙⵙⵉⵔⵖⵓⴷ ⵉ ⵉⴳⵎⴰⵎⵏ ⵏ ⵜⵓⴼⵓⵜ ⵜⴰⵎⵖⵔⴰⴱⵉⵢⵜ ⵉ ⵜⴰⵡⵊⵊⴰ ⵏ ⵓⴹⴰⵕ ⴷⴷⴰⵡ ⵏ 23 ⵏ ⵉⵙⴳⴳⵯⴰⵙⵏ ⵜⴰⵔⵏⴰⵡⵜ ⵏⵏⵙⵏ ⴳ ⵓⴽⵔⵡⴰⵙ ⵏ ⵉⴼⵔⵉⵇⵉⵢⴰ ⵉ ⵜⵎⵜⵜⵉⵡⵉⵏ 2023 ⴷ ⵓⵣⵔⴰⵢ ⵏⵏⵙⵏ ⵙ ⵜⵙⵓⵔⴰⵔⵉⵏ ⵜⵓⵍⴰⵎⴱⵉⵢⵉⵏ ⵏ ⴱⴰⵔⵉⵣ 2024. 
  1. Accueil
  2. Activités royales

ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⴰⵔ ⵉⵙⵙⵉⵔⵖⵓⴷ ⵉ ⵉⴳⵎⴰⵎⵏ ⵏ ⵜⵓⴼⵓⵜ ⵜⴰⵎⵖⵔⴰⴱⵉⵢⵜ ⵉ ⵜⴰⵡⵊⵊⴰ ⵏ ⵓⴹⴰⵕ ⴷⴷⴰⵡ ⵏ 23 ⵏ ⵉⵙⴳⴳⵯⴰⵙⵏ ⵜⴰⵔⵏⴰⵡⵜ ⵏⵏⵙⵏ ⴳ ⵓⴽⵔⵡⴰⵙ ⵏ ⵉⴼⵔⵉⵇⵉⵢⴰ ⵉ ⵜⵎⵜⵜⵉⵡⵉⵏ 2023 ⴷ ⵓⵣⵔⴰⵢ ⵏⵏⵙⵏ ⵙ ⵜⵙⵓⵔⴰⵔⵉⵏ ⵜⵓⵍⴰⵎⴱⵉⵢⵉⵏ ⵏ ⴱⴰⵔⵉⵣ 2024. 

09 ⵢⵓⵍⵢⵓⵣ 2023 Version Imprimable
ⵕⵕⴱⴰⵟ - ⵢⵓⵣⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵜⴰⴱⵔⴰⵜ ⵏ ⵉⵙⵙⵉⵔⵖⵓⴷ ⵉ ⵉⴳⵎⴰⵎⵏ ⵏ ⵜⵓⴼⵓⵜ ⵜⴰⵎⵖⵔⴰⴱⵉⵢⵜ ⵏ ⵜⴰⵡⵊⵊⴰ ⵏ ⵓⴹⴰⵕ ⴷⴷⴰⵡ ⵏ 23 ⵏ ⵉⵙⴳⴳⵯⴰⵙⵏ, ⵙ ⵜⵎⵍⴷⴰ ⵍⵍⵉⵖ ⵉⵡⵉⵏ ⴰⴽⵔⵡⴰⵙ ⵏ ⵉⴼⵔⵉⵇⵉⵢⴰ ⵉ ⵜⵎⵜⵜⵉⵡⵉⵏ 2023, ⴷ ⵓⵣⵔⴰⵢ ⵏⵏⵙⵏ ⵙ ⵜⵙⵓⵔⴰⵔⵉⵏ ⵜⵓⵍⴰⵎⴱⵉⵢⵉⵏ ⵏ ⴱⴰⵔⵉⵣ 2024. 

ⵢⵉⵡⵉ ⴷ ⵓⴳⵍⵍⵉⴷ ⴱⴰⴱ ⵏ ⵡⵓⴷⴷⵓⵔ ⴳ ⵜⴱⵔⴰⵜ ⴰⴷ: "ⵏⴹⴼⵓⵕ ⵙ ⵜⵓⴳⵜⵜ ⵏ ⵜⵓⵎⵔⵜ ⴷ ⵓⴱⵓⵔⵣ ⵜⴰⵔⵏⴰⵡⵜ ⵏ ⵜⵓⴼⵓⵜ ⵜⴰⵎⵖⵔⵉⴱⵉⵜ ⵏ ⵜⵡⵊⵊⴰ ⵏ ⵓⴹⴰⵕ ⴷⴷⴰⵡ 23 ⵏ ⵉⵙⴳⴳⵯⴰⵙⵏ, ⴰⵡⵉⵏ ⴰⴽⵔⵡⴰⵙ ⵏ ⵉⴼⵔⵉⵇⵉⵢⴰ ⵉ ⵜⵎⵜⵜⵉⵡⵉⵏ 2023 ⵍⵍⵉ ⵜⵙⴱⵔⵔⴽ ⵜⵎⵓⵔⵜ ⵏⵏⵖ, ⴷ ⵓⵣⵔⴰⵢ ⵏⵏⵙⵏ ⵙ ⵜⵙⵓⵔⴰⵔⵉⵏ ⵜⵓⵍⴰⵎⴱⵉⵢⵉⵏ ⴷ ⵉⴷⴷⴰⵏ" ⴱⴰⵔⵉⵣ 2024".

ⵉⵙⵎⴷ :"ⵙ ⵜⵎⵍⴷⴰ ⵏ ⵜⵢⴰⴼⵓⵜ ⴰⴷ ⵜⴰⵎⴰⵢⵏⵓⵜ ⵉⵥⵉⵍⵏ, ⴰⵔ ⴰⵡⵏ ⵏⵜⵜⴰⵣⵏ ⴰⵙⴱⵖⵙ ⵏⵏⵖ ⴷ ⵓⵙⵙⵉⵔⵖⵓⴷ ⵏⵏⵖ ⵅⴼ ⵓⴽⵔⵡⴰⵙ ⴰⴷ ⵉⴳⴰⵏ ⵡⴰⵥ, ⵍⵍⵉ ⵉⵎⵎⴰⵍⵏ, ⵜⵉⴽⴽⵍⵜ ⵢⴰⴹⵏ, ⴰⵜⵉⴳ ⵎⵇⵇⵓⵔⵏ ⵍⵍⵉ ⵉⵍⵍⴰⵏ ⴷⴰⵔⵜⵓⴼⵓⵜ ⴷ ⵜⵔⵓⴱⴱⴰ ⵜⵉⵏⴰⵎⵓⵔⵉⵏ ⵏ ⵜⵡⵊⵊⴰ ⵏ ⵓⴹⴰⵕ  ⵖ ⵓⵙⵡⵉⵔ ⴰⴳⵔⴰⵖⵍⴰⵏ, ⵏⵙⵙⴱⵖⵙ ⴰⵡⴷ ⵜⵓⴳⴳⴰⵙ ⵏ ⴽⵓ ⵎⴰⴷ ⵢⵉⵡⵙ ⴼⴰⴷ ⵜⵉⵍⵉ ⵜⵢⴰⴼⵓⵜ ⴰⴷ ⵖ ⴳⴰⵏ ⵉⵎⵓⵔⴰⵔⵏ ⴷ ⵉⵎⵙⵙⴰⵏⵓⵏⵏ ⴷ ⵜⵔⴰⴱⴱⵓⵜ ⵜⴰⵜⵉⵇⵏⵉⵜ ⴷ ⵜⴷⵓⵙⴰⵏⵜ ⴷ ⵜⵎⵙⵙⵓⴳⵓⵔⵜ, ⴷ ⵓⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⴰⴱⵉⵢⵜ ⵏ ⵜⵡⵊⵊⴰ ⵏ ⵓⴹⴰⵕ" 

ⵉⴹⴼⵓⵕ ⴱⴰⴱ ⵡⵓⴷⴷⵓⵔ:" ⵏⵉⵔⵉ ⵙ ⵜⵎⵍⴷⴰ ⴰⴷ ⵜⴰⵏⴰⵎⵎⴰⵔⵜ ⴰⴷ ⵏⵙⵙⴱⵖⵙ, ⵙ ⵜⵓⴳⵜⵜ ⵏ ⵓⴱⵓⵔⵣ, ⵜⴰⵡⵓⵔⵉ ⵢⴰⵜⵜⵓⵢⵏ ⵏ ⵉⴳⵔⵣⴰⵎⵏ ⵏⵏⵖ ⵖ ⵜⴱⵔⵣⴰ ⵅⴼ ⴰⵢⵍⵍⵉ ⵎⵍⴰⵏ ⵏ ⵜⵏⴼⴽⴰ ⵜⵉⵣⵓⵕⴰⵏⵉⵏ ⴷ ⵜⵉⵜⵉⵇⵏⵉⵢⵉⵏ ⵜⵉⵎⴰⵜⴰⵢⵉⵏ, ⴷ ⵉⵎⴰⵏ ⴰⵏⴰⵎⵓⵔ ⴰⵎⴰⵜⵜⴰⵢ ⵍⵍⵉ ⵉⵙⵙⵓⵙⵎⵏ ⴰⴳⴷⵓⴷ ⵉⵖⵓⴼⵏ ⵍⵍⵉ ⵉⴹⴼⵕⵏ ⴰⵍⵎⵉⵇⵇⴰⵔ ⴰⴷ ⵏ ⵜⵡⵊⵊⴰ ⵍⵍⵉ ⵜⵙⴱⵔⵔⴽ ⵜⵎⵓⵔⵜ ⵏⵏⵖ ⵙ ⵎⴽⵍⵍⵉ ⵙ ⵉⵜⵜⵡⴰⵢⵙⵙⴰⵏ ⵏ ⵜⴱⵖⵔⵜ ⴷ ⵡⵉⵍ ⵎⵇⵇⵓⵔⵏ ⴷ ⵉⵙⵡⵉⵔ ⵢⴰⵜⵜⵢⵏ ⵖ ⵓⵙⵏⵎⵉⵍⵉ". 

ⵢⵉⵍⵉ ⵖ ⵜⴱⵔⴰⵜ ⴰⴷ ⴰⵡⴷ:" ⵓⵏⵛⴽⵍⵍⵉ ⵙ ⴰⵔ ⴰⵡⵏ ⵏⵙⵙⴱⵖⴰⵙ ⵜⴰⵡⵓⵔⵉ ⴰⴷ ⵏⵙⵙⵉⵜⵎ ⴳⵉⵡⵏ ⴰⴷ ⵜⵖⴰⵍⴰⵎ ⴼ ⵜⵓⵏⴼⵓⵙⵜ ⴰⴷ ⴷ ⵓⵙⵡⵉⵔ ⴰⴷ ⵢⴰⵜⵜⵓⵢⵏ, ⴰⵔ ⵏⵜⵜⴻⵜⵜⵔ ⴳ ⴱⴰⴱ ⵏ ⵉⴳⵏⵡⴰⵏ ⴰⴷ ⴱⴷⴷⴰ ⵜⵉⵍⵉⵎ ⵖ ⵓⵙⵡⵉⵔ ⴷ ⴰⴷ ⵉⴼⴰⵍⴽⵉ ⵡⴰⵏⵏⴰⵣ ⵏⵏⵊⵏ, ⵜⵓⵎⵓ ⵍⵯⵏ ⵜⴷⴳⵉ ⵏⵏⵖ ⴷ ⵜⵡⵉⵙⵉ ⵏⵏⵖ".

Dernière modification : 09 ⵢⵓⵍⵢⵓⵣ 2023
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B5%93%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%94-%E2%B5%89%E2%B5%99%E2%B5%99%E2%B5%89%E2%B5%94%E2%B5%96%E2%B5%93%E2%B4%B7-%E2%B5%89-%E2%B5%89%E2%B4%B3%E2%B5%8E%E2%B4%B0%E2%B5%8E%E2%B5%8F-%E2%B5%8F-%E2%B5%9C%E2%B5%93%E2%B4%BC%E2%B5%93%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%A2%E2%B5%9C-%E2%B5%89-%E2%B5%9C%E2%B4%B0%E2%B5%A1%E2%B5%8A%E2%B5%8A%E2%B4%B0-%E2%B5%8F-%E2%B5%93%E2%B4%B9%E2%B4%B0%E2%B5%95-%E2%B4%B7%E2%B4%B7%E2%B4%B0%E2%B5%A1-%E2%B5%8F