Published on MAPNews (https://www.mapnews.ma/am)

Accueil > ⵜⴰⴼⵓⴳⵍⴰ ⵏ ⵜⵄⵓⵔⵎⴰ: ⴰⴹⴰⴼ ⴰⴳⵍⴷⴰⵏ ⴰⵔ ⵉⵙⵏⵎⵉⵍⵉ ⴰⵙⵓⵜⵍ ⵏ ⵉⵙⵓⴼⴰ ⴰⵇⴱⵓⵔ ⴳ ⵜⵖⵔⵎⵜ ⵏ ⵍⵃⵓⵙⵉⵎⴰ

ⵜⴰⴼⵓⴳⵍⴰ ⵏ ⵜⵄⵓⵔⵎⴰ: ⴰⴹⴰⴼ ⴰⴳⵍⴷⴰⵏ ⴰⵔ ⵉⵙⵏⵎⵉⵍⵉ ⴰⵙⵓⵜⵍ ⵏ ⵉⵙⵓⴼⴰ ⴰⵇⴱⵓⵔ ⴳ ⵜⵖⵔⵎⵜ ⵏ ⵍⵃⵓⵙⵉⵎⴰ

22 ⵖⵓⵛⵜ 2023 Version Imprimable
ⵕⵕⴱⴰⵟ - ⵉⵙⵏⵎⴰⵍⴰ ⵡⴰⴹⴰⴼ ⴰⴳⵍⴷⴰⵏ, ⵜⴰⴷⴳⴳⵯⴰⵜ ⵏ ⵡⴰⵙⵙ ⵏ ⵡⴰⵢⵏⴰⵙ, ⴰⵙⵓⵜⵍ ⵏ ⵉⵙⵓⴼⴰ ⴰⵇⴱⵓⵔ ⴷ ⵉⴼⵙⴰⵔⵏ ⵉⵎⴳⵔⴰ ⵖⵓⴷⴰⵏⵉⵏ ⴳ ⵜⵖⵔⵎⵜ ⵏ ⵍⵃⵓⴷⵉⵎⴰ, ⵓⵢⴰ ⵏⵏ ⴳ ⵓⵙⴰⵜⵉ ⵏ ⵉⵙⴼⵓⴳⵍⵓⵜⵏ ⵏ ⵓⵙⵙⴽⵜⵉ ⵙ ⵓⴽⵜⵜⵓⵢ ⵡⵉⵙ ⵚⴹⵉⵎⵔⴰⵡ ⵏ ⵜⵍⴰⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵎⵖⴰⵔ ⴰⵏⴰⴼⵍⵍⴰ ⴷ ⵓⵏⵙⵙⵉⵅⴼ ⵏ ⵜⵔⵙⴰⵍ ⵏ ⵜⵎⴰⵖⵜ ⵜⵉⵎⴰⵜⴰⵢⵉⵏ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ.

ⵙ ⵜⵎⵍⴷⴰ, ⵙⵙⵓⵜⵍⵏⵜ ⵜⴳⵔⵓⵎⵎⴰ ⵏ ⵉⵎⴰⵙⴰⵢⵏ ⵏ ⵉⵙⵓⴼⴰ ⴷ ⵉⵎⵏⴰⵢⵏ ⴷ ⵉⵎⵥⵡⴰⵏⵏ ⵏ ⵡⴰⴹⴰⴼ ⴰⴳⵍⴷⴰⵏ ⵉⵙⵡⴰⴽ ⵜⵜⵢⴰⵡⵙⵙⴰⵏⵏⵉⵏ ⴳ ⵜⵖⵔⵎⵜ ⵏ ⵍⵃⵓⵙⵉⵎⴰ, ⵙⴳ ⵜⵣⴷⵓⵖⵜ ⵜⴰⴳⵍⴷⴰⵏⵜ ⵙ ⵓⵙⴰⵢⵙ ⵏ "ⵎⵓⵃⵎⵎⴰⴷ ⵡⵉⵙ ⵚⴹⵉⵚ" ⵣⵔⵉⵏ ⵅⴼ ⵉⵙⵡⴰⴽ ⵏ "ⵟⴰⵕⵉⵇ ⴱⵏ ⵣⵉⵢⵢⴰⴷ" ⴷ "ⵄⴱⴷⵍⴽⵔⵉⵎ ⵍⵅⵟⵟⴰⴱⵉ" ⴷ "ⵎⵓⵃⵎⵎⴰⴷ ⵡⵉⵙ ⵙⵎⵎⵓⵙ" ⵅⴼ ⵉⵏⵣⵉⵣⵏ ⵏ ⵉⵙⵔⴷⴰⵙⵏ ⴷ ⵡⵉⵢⵢⴰⴹ ⵙⴳ ⵔⵉⴱⵉⵔⵟⵡⴰⵕ ⵏ ⵜⵣⵍⴰⵜⵉⵏ ⵜⵉⵏⴰⵎⵓⵔⵉⵏ.

ⵢⵉⵡⵉ ⵓⵙⵓⵜⵍ ⴰⴷ ⵜⴰⵡⵉⵜ ⴷ ⵉⵥⵕⵉ ⵏ ⵉⵎⵣⴷⴰⵖⵏ ⴷ ⵉⵏⵔⵣⴰⴼ ⵏ ⵜⵖⵔⵎⵜ ⵏ ⵍⵃⵓⵙⵉⵎⴰ, ⵖ ⵍⵍⴰⵏ ⵉⵎⵖⵔⴰⴱⵉⵢⵏ ⵉⵣⴷⵖⵏ ⴳ ⴱⵕⵕⴰ, ⵏⵏⴰ ⴷ ⵉⴼⴼⵉⵏ ⵙ ⵢⵉⴼⴹⵏ ⵅⴼ ⵉⵙⴰⵢⵙⵏ ⴷ ⵉⵙⵡⴰⴽ ⵏ ⵜⵖⵔⵎⵜ, ⵔⵏⵓⵏ ⵉⵎⵜⵔⴰⵙⵏ ⴷ ⵉⴷ ⴱⵓⵢⵙⴰⵏ ⵉⵎⴰⵙⴰⵢⵏ ⵏ ⵉⵙⵓⴼⴰ ⵏ ⵡⴰⴹⴰⴼ ⴰⴳⵍⴷⴰⵏ ⵢⴰⵏ ⵉⵥⵍⵉ ⵉⵖⵓⴷⴰⵏ ⵅⴼ ⵉⵙⵡⴰⴽ ⵏ ⵜⵖⵔⵎⵜ ⵙⴳ ⵓⵙⵙⵓⵏⵖ ⵏ ⵜⴼⵉⵍⵉⵏ ⵜⵉⵥⵓⵕⴰⵏⵉⵏ ⵖⵓⴷⴰⵏⵉⵏ, ⵎⵎⵔⴽⵙⵏ ⴳⵉⵙ ⵉⵙ ⵉⵙⴰⴷⴷⵏ ⵏ ⵉⵙⵓⴼⴰ ⵙ ⵉⴽⵯⵍⴰⵏ ⵏ ⵉⵍⵛⵛⴰ ⵉⵇⴱⵓⵔⵏ ⴷ ⵉⵎⵓⵙⵙⵓⵜⵏ ⵉⵎⵙⴰⵙⴰⵏ ⵅⴼ ⵡⴰⵏⵢⴰⵜⵏ ⵏ ⵢⴰⵜ ⵜⴷⵍⴰ ⵏ ⵉⵣⵍⴰⵏ ⵉⵏⴰⵎⵓⵔⵏ.

ⵙ ⵜⵎⵍⴷⴰ ⴰⴷ ⵜⴰⵏⴰⵎⵎⴰⵔⵜ, ⵜⵙⵏⴼⵍⵓⵍ ⵢⴰⵜ ⵜⴳⵔⵓⵎⵎⴰ ⵙⴳ ⵉⴳⵎⴰⵎⵏ ⵏ ⵡⴰⴹⴰⴼ ⴰⴳⵍⴷⴰⵏ ⴳ ⵓⵙⵎⵏⵉⴷ ⵏ ⵜⴼⵉⵍⵉⵏ ⵜⵉⵙⵎⵏⵉⴷⵉⵏ ⴷ ⵉⴼⵙⴰⵔⵏ ⵉⵎⴳⵔⴰ ⵏⵏⴰ ⵉⵙⵙⵓⵙⵎⵏ ⴷ ⵙⵙⵓⵍⵖⵏ ⴰⴳⴷⵓⴷ, ⵏⵏⴰ ⵏⵏ ⵉⴼⴼⵉⵏ ⵙ ⵓⴳⵓⴷⵉ ⵙ ⵜⵖⵔⵎⵜ, ⵙⵎⴷⵢⴰⵏ ⵉⴳⵎⴰⵎⵏ ⵏ ⵡⴰⴹⴰⴼ ⴰⴳⵍⴷⴰⵏ ⵢⴰⵜ ⵙⴳ ⵜⴼⵔⵉⵙⵉⵏ ⵏ ⵓⵙⴼⵓⴳⵍⵓ ⵜⵉⵇⴱⵓⵔⵉⵏ ⵜⵉⵕⵚⵍⵉⵢⵉⵏ ⴳ ⵍⵎⵖⵔⵉⴱ, ⵙⵎⵏⵉⴷⵏ ⵜⵉⴼⵉⵍⵉⵏ ⵜⵉⴽⵓⵔⵉⴳⵔⴰⴼⵉⵢⵉⵏ ⴷ ⵜⵎⵜⵡⴰⵍ ⵖ ⵜⵍⵍⴰ ⵜⴽⴰⵕⴹⴰ ⵏ ⵜⴳⵍⴷⵉⵜ ⵙ ⵜⵓⵥⵍⴰⵢⵜ.

ⵎⵓⵏⵏ ⴷ ⵜⴼⵉⵍⵉⵏ ⴰⴷ ⵜⵉⵥⵓⵕⴰⵏⵉⵏ, ⴽⵔⴰ ⵏ ⵡⴰⵏⵢⴰⵜⵏ ⵉⵎⵥⵡⴰⵏⵏ ⵉⵎⵙⴰⵙⴰⵏ ⵏⵏⴰ ⵜⵙⴽⵔ ⵜⵔⴰⴱⴱⵓⵜ ⵏ ⵡⴰⵏⴰⵙ ⴷ ⵜⵎⵥⵕⴰ ⴼⵓⵍⴽⵉⵏⵉⵏ ⵏ ⵉⴷ ⴱⵓⵢⵙⴰⵏ ⵏ ⵡⴰⴹⴰⴼ ⴰⴳⵍⴷⴰⵏ, ⵏⵏⴰ ⵉⵎⵍⴰⵏ ⵢⴰⵏ ⵓⵏⴱⴰⴹ ⴰⵎⴷⵢⴰⵏ ⴳ ⵉⵙⴰⵏ ⵏⵏⵙⵏ.

ⵎⴽⵍⵍⵉ ⵙⵙⵎⵏⵉⴷⵏⵜ ⵜⴳⵔⵓⵎⵎⴰ ⵙⴳ ⵜⵊⴹⵕⵎⵜ ⵜⴰⴳⵍⴷⴰⵏⵜ ⴷ ⵜⴰⴳⴳⴰⵍⵉⵏ ⵜⵉⵎⵓⴹⴰ ⵜⵉⴳⵍⴷⴰⵏⵉⵏ ⴷ ⵜⴰⵢⵍⴰⵏⵜ ⵜⴰⴳⵍⴷⵉⵜ, ⵜⵉⴼⵉⵍⵉⵏ ⵜⵉⵥⵓⵕⴰⵏⵉⵏ ⵜⵉⴱⴰⵖⵓⵔⵉⵏ ⵏⵏⴰ ⵉⵙⵙⵓⵙⵎⵏ ⴰⴳⴷⵓⴷ ⴷⴰ ⵏⵏ ⵢⵓⵛⴽⴰⵏ.

ⴰⴷ ⵉⵜⵜⵓⵣⵎⵎⴰⵎ ⵎⴰⵙ ⵉⵜⵜⵓⵙⴽⴰⵔ ⵓⵙⵏⵎⵉⵍⵉ ⵏ ⵓⵙⵓⵜⵍ ⵙ ⵉⵙⵓⴼⴰ ⵙ ⵜⵎⵍⴷⴰ ⵏ ⵜⴼⵓⴳⵍⴰ ⵏ ⵓⴷⴰⴱⵓ ⵜⵉⴽⴽⵍⵉⵜ ⵉⵣⵡⴰⵔⴱ ⴳ ⵓⵙⴳⴳⵯⴰⵙ ⵏ 1947, ⵉⴳ ⵙⴳ ⵜⴼⵔⵉⵙⵉⵏ ⵏ ⵓⵙⵏⴼⵍⵓⵍ ⴷ ⵜⵥⵖⵓⵕⵜ ⵜⴰⵎⵖⵔⴰⴱⵉⵜ ⵙⵍⴰⵡⴰⵏ ⴰⴽⴽⵯ ⵜⴰⴼⵓⴳⵍⴰ ⵏ ⵓⴷⴰⴱⵓ ⴷ ⵜⴼⵓⴳⵍⴰ ⵏ ⵉⵄⵔⵔⵉⵎⵏ.

ⵉⴳ ⵢⵙⵓⵜⵍ ⴰⴷ ⵉⵖⵓⴷⴰⵏ ⵏⵏⴰ ⵙ ⵥⵍⵉⵏⵜ ⵜⵓⴳⵜ ⵏ ⵜⵖⵔⵎⵉⵏ ⵜⵉⵎⵖⵔⴰⴱⵉⵢⵉⵏ, ⵜⴰⵎⴰⵜⴰⵔⵜ ⵎⴰⵙ ⵓⵎⵥⵏ ⵉⵎⵖⵔⴰⴱⵉⵢⵏ ⴳ ⵜⵎⵢⵓⵔⵉⵏ ⵏⵏⵙⵏ ⵜⵉⵇⴱⵓⵔⵉⵏ, ⴰⵔ ⵜ ⵉⵙⵙⵉⵙⴼⵉⵡ ⵉⴽⴰⴱⴰⵕⵏ ⴳⴳⵓⵜⵏⵉⵏ ⵏⵏⴰ ⵏⵏ ⵉⵜⵜⴼⴼⵉⵏ ⴽⵓ ⴰⵙⴳⴳⵯⴰⵙ ⴰⴷ ⵜ ⵥⵕⵏ.

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B5%84%E2%B5%93%E2%B5%94%E2%B5%8E%E2%B4%B0-%E2%B4%B0%E2%B4%B9%E2%B4%B0%E2%B4%BC-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B4%B0%E2%B5%94-%E2%B5%89%E2%B5%99%E2%B5%8F%E2%B5%8E%E2%B5%89%E2%B5%8D%E2%B5%89-%E2%B4%B0%E2%B5%99%E2%B5%93%E2%B5%9C%E2%B5%8D-%E2%B5%8F-%E2%B5%89%E2%B5%99%E2%B5%93%E2%B4%BC%E2%B4%B0-%E2%B4%B0%E2%B5%87%E2%B4%B1%E2%B5%93%E2%B5%94-%E2%B4%B3-%E2%B5%9C%E2%B5%96%E2%B5%94%E2%B5%8E%E2%B5%9C-%E2%B5%8F-%E2%B5%8D%E2%B5%83%E2%B5%93%E2%B5%99%E2%B5%89%E2%B5%8E%E2%B4%B0