Published on MAPNews (https://www.mapnews.ma/am)

Accueil > ⴰⵣⴷⴰⵢ ⵏ ⵓⵎⴷⴰ ⵏ ⵙⴱⵓ ⵙ ⵓⵎⴷⴰ ⵏ ⴱⵓⵔⴳⵔⴰⴳ: ⴰⵡⵜⵜⴰⵙ ⵉⵙⵎⴷⵢⴰ ⴳ ⵡⴰⵡⴰⴹ ⵏ ⵜⴼⵙⴰ ⵉⵍⴽⵎⵏ ⵎⵍⵢⵓⵏ ⵎⵉⵜⵔⵓ ⴰⵣⵇⵇⴰ ⴽⵓ ⵢⴰⵙⵙ (ⵎⴰⵙⵙ ⴰⵅⵏⵏⵓⵛ)

ⴰⵣⴷⴰⵢ ⵏ ⵓⵎⴷⴰ ⵏ ⵙⴱⵓ ⵙ ⵓⵎⴷⴰ ⵏ ⴱⵓⵔⴳⵔⴰⴳ: ⴰⵡⵜⵜⴰⵙ ⵉⵙⵎⴷⵢⴰ ⴳ ⵡⴰⵡⴰⴹ ⵏ ⵜⴼⵙⴰ ⵉⵍⴽⵎⵏ ⵎⵍⵢⵓⵏ ⵎⵉⵜⵔⵓ ⴰⵣⵇⵇⴰ ⴽⵓ ⵢⴰⵙⵙ (ⵎⴰⵙⵙ ⴰⵅⵏⵏⵓⵛ)

31 ⵖⵓⵛⵜ 2023 Version Imprimable
ⵕⵕⴱⴰⵟ - ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⵙⵉⵏⴰⵙ, ⵎⴰⵙ ⴷ ⴰⵡⵜⵜⴰⵙ ⵏⵏⴰ ⵓⵙⵡⵓⵜⵜⴰ ⵓⵙⵏⴼⴰⵔ ⵏ ⵓⵣⴷⴰⵢ ⵏ ⵜⵎⴷⴰ ⵏ ⵙⴱⵓ ⵙ ⵜⵎⴷⴰ ⵏ ⴱⵓⵔⴳⵔⴰⴳ ⵉⵙⵎⴷⵢⴰ ⴳ ⵡⴰⵡⴰⴹ ⵏ ⵜⴼⵙⴰ ⵉⵍⴽⵎⵏ ⵎⵍⵢⵓⵏ ⵎⵉⵜⵔⵓ ⴰⵣⵇⵇⴰ ⴽⵓ ⵢⴰⵙⵙ.

ⵉⵙⵙⵉⵙⴼⵉⵡ ⵎⴰⵙⵙ ⴰⵅⵏⵏⵓⵛ ⴳ ⵜⵙⴳⵓⵔⵉ ⵉ ⵜⵏⵖⵎⴰⵙⵜ ⴳ ⵓⵔⵣⴰⴼ ⵏ ⵓⴱⴰⵔⴰⵣ ⵉ ⵡⴰⵏⵙⴰ ⵏⵏⴰ ⵢⵓⵎⴰⵏ ⴰⵙⵔⵙ ⵏ ⵓⵏⵏⵓⵕⵥⵎ 1 ⴷ ⵓⵙⵔⵙ ⵏ ⵓⵏⵏⵓⵕⵥⵎ 2 "ⴰⵙⵏⴼⴰⵔ ⵏ ⵓⵣⴷⴰⵢ ⵏ ⵜⵎⴷⴰ ⵏ ⵙⴱⴱⵓ ⵙ ⵜⵎⴷⴰ ⵏ ⴱⵓ ⵕⴰⵇⵕⴰⵇ, ⵏⵏⴰ ⵉⵍⴽⵎⵏ ⵉⴷ ⵎⵉⵜⵔⵓ ⵏ ⵓⵣⵇⵇⴰ ⵉⵏⵣⵡⵓⵔⴰ ⵙ ⵕⵕⴱⴰⵟ, ⵉⵡⴰⵜⵙ ⵙ ⵡⴰⵡⴰⴹ ⵏ ⵜⴼⵙⴰ ⵉⵍⴽⵎⵏ ⴽⵓ ⴰⵙⵙ ⵎⵍⵢⵓⵏ ⵎⵉⵜⵔⵓ ⴰⵣⵇⵇⴰ ⴽⵓ ⴰⵙⵙ.

ⵉⵙⵙⵉⵙⴼⵉⵡ ⵎⴰⵙ ⴷ ⴰⵔⵣⴰⴼ ⴰⴷ ⵏ ⵓⴱⴰⵔⴰⵣ ⵢⵓⵛⴽⴰ ⴷ ⴹⴰⵕⵜ ⵏ ⵓⵙⵎⴰⴷ ⵏ ⵓⵙⵔⵓⵙ ⵏ ⵉⵏⵙⵎⵓⵙⵙⴰ ⵏ ⵓⵏⵏⵓⵕⵥⵎ ⴳ ⵜⴼⵔⴽⵜ ⵜⴰⵎⵣⵡⴰⵔⵓⵜ, ⵉⵙⵙⵖⴹⴼ ⵙ ⵎⴰⵙ ⵔⴰⴷ "ⵜⵉⵍⵉ ⵜⵔⵏⴰⵡⵜ ⵏ ⵉⵏⵙⵎⵓⵙⵙⴰ ⵏ ⵓⵏⵏⵓⵕⵥⵎ ⵢⴰⴹⵏ ⴳ ⵢⵉⵎⴰⵍ, ⴰⴼⴰⴷ ⴰⴷ ⵏⵍⴽⵎ ⵜⴰⴼⵙⴰ ⵏⵏⴰ ⵏⴽⴰⵢⵍⴰⵍ ⴰⴼⴰⴷ ⴰⴷ ⵏⵙⵎⴷ ⴰⵙⵎⴰⵜⵜⵉ ⵏ ⵡⴰⵎⴰⵏ ⵙ ⵕⵕⴱⴰⵟ ⴷ ⵡⴰⵏⴼⴰ".

ⵉⵙⵙⵖⴹⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙ ⴷ ⴰⵙⵏⴼⴰⵔ ⴰⴷ ⴰⴳⵍⴷⴰⵏ ⴰⵎⵇⵇⵔⴰⵏ, ⵉⴽⵛⵎ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵊⵉⵊⵓ ⵙ ⵎⴰⵡⴰⵏ ⵏ ⵜⵉⵙⵙⵉ ⴷ ⵓⵙⵃⵔ, ⵉⵡⴰⵜⵙ ⴰⵙⵏⴼⵍ ⵏ ⴰⴳⵯⵓⵔ ⵏ ⵡⴰⵎⴰⵏ ⵏ ⵜⵎⴷⴰ ⵏ ⵙⴱⵓ ⵏⵏⴰ ⵜⵜ ⵉⵏⵏ ⵉⴽⴽⴰⵏ ⴰⵔ ⴼⵜⵜⵓⵏ ⴳ ⵓⴽⴰⵔⴰⵡ ⴰⵟⵍⴰⵏⵜⵉ, ⵙ ⵜⵎⴷⴰ ⵏ ⴱⵓ ⵕⴰⵇⵕⴰⵇ ⵉ ⵜⵏⴼⵔⵓⵜ ⵏ ⵓⵊⵉⵊⵓ ⵏ ⵢⵉⴳⵊⴷⵉ ⵏ ⵕⵕⴱⴰⵟ -ⴰⵏⴼⴰ.

ⴰⵙⵏⴼⴰⵔ ⴰⴷ ⵉⵏⵎⴰⵍⴰⵏ, ⵏⵏⴰ ⵉⵜⵜⵓⵙⵔⴰⵙⵏ ⵙ ⵜⵡⵉⵙⵉ ⵏ ⵜⵓⴳⴳⴰⵙ ⵅⴰⵜⵔⵏⵉⵏ ⴷⴰ ⵏⵏ ⵜⴻⵜⵜⴳⴳⴰ ⵜⵏⴱⴰⴹⵜ, ⵙ ⵜⵎⵍⵎⴰⴷⵉⵏ ⵙⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴷ ⵙ ⵓⵣⴷⴷⵓⵢ ⴳⵔ ⵜⵎⴰⵡⴰⵙⵉⵏ ⵜⵉⵎⵣⴰⵔⴰⵢⵉⵏ ⵙⵍⴰⵡⴰⵏ ⴰⴽⴽⵯ ⴰⵎⴰⵡⴰ ⴷ ⵡⴰⵎⴰⵏ, ⴷ ⵜⴼⵍⵍⴰⵃⵜ ⴷ ⵜⴳⵯⵏⵙⴰⵏⵜ ⴷ ⵜⴷⵎⵙⴰ ⴷ ⵜⵥⵕⴼⵜ ⴷ ⵓⵍⴰ ⵙ ⵜⴷⵔⴰⵡⵜ ⵏ ⵜⵓⴳⵜ ⵏ ⵉⵏⴽⵛⴰⵎⵏ ⵏⵏⴰ ⵜⵜ ⵉⵏⵏ ⵉⴽⴽⴰⵏ ⴷⴼⴼⵉⵔ ⵏ ⵓⵙⵏⴼⴰⵔ ⴰⴷ.

ⵉⵙⵎⴷ ⵙ ⵎⴰⵙ ⴷ ⴰⵙⵏⴼⴰⵔ ⴰⴷ ⵉⵜⵜⵓⵙⴽⴰⵔ ⵙ ⵜⵡⵉⵙⵉ ⵏ ⵜⵓⴳⵜ ⵏ ⵜⵎⵙⵙⵓⵔⵉⵏ ⵜⵉⵎⵖⵔⴰⴱⵉⵢⵉⵏ ⵏⵏⴰ ⵉⵜⵜⵢⴰⵙⵙⴰⵏⵏ ⵙ ⵓⵙⵡⵉⵔ ⴰⵎⴰⴹⵍⴰⵏ, ⵉⵣⵎⵎⴻⵎ ⵎⴰⵙ ⴷ "ⴰⵖⴰⵡⴰⵙ ⵉⴽⴽⴰ ⵜⵜ ⵉⵏⵏ ⵔⴰⴷ ⵉⴽⴽ 3 ⵉⵙⴳⴳⵯⴰⵙⵏ ⵙ ⵓⵎⴷⵔⵓⵙ, ⵎⴰⵛⴰ ⵉⵜⵜⵓⵙⴽⴰⵔ ⴳ ⵢⴰⵜ ⵜⵉⵣⵉ ⵜⴰⵣⴳⵔⴰⵔⵜ ⵏ 8 ⴰⵔ 10 ⵢⵉⵔⵏ, ⴷ ⵏⵓⵎⵥ ⵙⵓⵍ ⴰⴱⵔⵉⴷ ⵏ ⵓⵙⵎⴰⴷ ⵏⵏⵙ".

ⵉⵜⵜⵓⵙⵎⴰⵜⴰⵔ ⵎⴰⵙ ⴷ ⴰⵙⵏⴼⴰⵔ ⴰⴷ ⵉⵙⵖⴰⵡⵙⴰ ⵙ ⵎⴰⴷ ⵉⴳⴰⵏ 9 ⴷ ⵢⵉⵔⵏ, ⵙⵙⵏⵜⴰⵏ ⴳⵉⵙ ⵉⵎⵉⴽⴽ ⵙ ⵉⵎⵉⴽⴽ ⵣⵖ 24 ⵖⵓⵛⵜ 2023, ⴰⴷ ⵜⵜⵓⵙⴽⴰⵔⵏ ⵉⵔⵉⵎⵏ ⴷ ⵉⵇⵇⴰⵏⵏ ⵅⴼ ⵜⵎⴰⵜⵜⵉⵡⵉⵏ ⴷ ⵓⵙⵏⴼⵍ ⵏ ⵡⴰⵎⴰⵏ ⵙ ⵜⴼⵙⴰ ⵜⴰⵎⵣⵡⴰⵔⵓⵜ ⵏⵏⴰ ⵓⵔ ⵉⵍⴽⵎⵏ 3 ⵏ ⵉⴷ ⵎⵓⵜⵔⵓ ⵏ ⵓⵣⵇⵇⴰ ⴳ ⵜⵙⵉⵏⵜ, ⴷ ⵔⴰⴷ ⵜⵉⵍⵉ ⵜⵎⵔⵏⵓⵜ ⴳ ⵉⵎⴰⵍⴰⵙⵙⵏ ⴷ ⵉⴷⴷⴰⵏ ⵉⵎⵉⴽⴽ ⵙ ⵉⵎⵉⴽⴽ ⴰⴼⴰⴷ ⴰⴷ ⵜⵉⵡⴹ ⵜⴼⵙⴰ ⵏ ⵡⴰⵎⴰⵏ 15 ⵎⵉⵜⵔⵓ ⵏ ⵓⵣⵇⵇⴰ ⴳ ⵜⵙⵉⵏⵜ, ⴰⵢⵍⵍⵉ ⵔⴰⴷ ⵉⵙⵣⵎⵔ ⵙⴳ ⵓⵙⵏⴼⵍ ⵏ ⵓⴽⵙⴰⵢ ⴰⵙⴳⵯⵙⴰⵏ ⵙⴳ ⵓⴳⵯⵓⵔ ⵏ ⵡⴰⵎⴰⵏ ⵏ ⵜⵎⴷⴰ ⵏ ⵙⴱⵓ ⵉⴳⴰⵏ ⴳⵔ 350 ⴷ 400 ⵎⵍⵢⵓⵏ ⵏ ⵎⵉⵜⵔⵓ ⴰⵣⵇⵇⴰ.

ⵉⵍⵍⴰ ⴳ ⵓⵙⵏⴼⴰⵔ ⴰⴷ, ⵏⵏⴰ ⵎⵉ ⵉⵍⴽⵎ ⵡⴰⵜⵉⴳ ⵏⵏⵙ ⴰⵎⵙⵎⵓⵏ ⵎⴰⴷ ⵉⴳⴰⵏ 6 ⵏ ⵉⴷ ⵎⵍⵢⴰⵕ ⵏ ⴷⴷⵔⵀⵎ, ⴳ ⵢⴰⵜ ⵜⴰⴷⴷⴰⵔⵜ ⵏ ⵡⴰⵎⴰⵥ ⵏ ⵡⴰⵎⴰⵏ ⴳ ⵓⵙⵡⵉⵔ ⵏ ⵡⵓⴳⴳⵓⴳ ⵏ ⵍⵎⵏⵄ ⴳ ⵡⴰⴷ ⵙⴱⵓ ⴷ 67 ⵏ ⴽⵉⵍⵓⵎⵉⵜⵕ ⵏ ⵓⵙⴰⵔⵓ ⵏ ⵡⵓⵣⵣⴰⵍ ⵙ ⵓⵡⵓⵎ ⵏ 3200 ⵎⵉⵍⵉⵎⵉⵜⵔ, ⴷ ⵙⵉⵏ ⵉⵙⵔⴰⵙ ⵏ ⵊⵏⵏⵓⵕⵥⵎ ⵙ ⵜⴼⵙⴰ ⵏ 15 ⵎⵉⵜⵔⵓ ⴰⵣⵇⵇⴰ ⴳ ⵜⵙⵉⵏⵜ, ⴷ ⵜⵎⴷⴰ ⵏ ⵓⵙⵙⵍⴽⵎ ⵏ ⵡⴰⵎⴰⵏ ⵙ ⵓⴽⵜⵜⵓⵔ ⵏ ⵡⵓⴳⴳⵓⴳ ⵙⵉⴷⵉ ⵎⵓⵃⵎⵎⴰⴷ ⴱⵏ ⵄⴱⴷⵍⵍⴰⵀ.

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%A3%E2%B4%B7%E2%B4%B0%E2%B5%A2-%E2%B5%8F-%E2%B5%93%E2%B5%8E%E2%B4%B7%E2%B4%B0-%E2%B5%8F-%E2%B5%99%E2%B4%B1%E2%B5%93-%E2%B5%99-%E2%B5%93%E2%B5%8E%E2%B4%B7%E2%B4%B0-%E2%B5%8F-%E2%B4%B1%E2%B5%93%E2%B5%94%E2%B4%B3%E2%B5%94%E2%B4%B0%E2%B4%B3-%E2%B4%B0%E2%B5%A1%E2%B5%9C%E2%B5%9C%E2%B4%B0%E2%B5%99-%E2%B5%89%E2%B5%99%E2%B5%8E%E2%B4%B7%E2%B5%A2%E2%B4%B0-%E2%B4%B3-%E2%B5%A1%E2%B4%B0%E2%B5%A1%E2%B4%B0%E2%B4%B9-%E2%B5%8F-%E2%B5%9C%E2%B4%BC%E2%B5%99%E2%B4%B0-%E2%B5%89%E2%B5%8D%E2%B4%BD%E2%B5%8E%E2%B5%8F-%E2%B5%8E%E2%B5%8D%E2%B5%A2%E2%B5%93%E2%B5%8F-%E2%B5%8E%E2%B5%89%E2%B5%9C%E2%B5%94%E2%B5%93