Published on MAPNews (https://www.mapnews.ma/am)

Accueil > ⴱⵏⴳⵔⵉⵔ: ⴰⵙⵏⵜⵉ ⵏ ⵓⵙⵜⴰⵢ ⵏ ⵡⴰⴷⴰⴼ ⵏ ⵉⵙⵔⴷⴰⵙ ⵉⵎⴰⵢⵏⵓⵜⵏ ⵏ ⵜⵏⴰⴼⵓⵜ ⵜⴰⵙⵔⴷⴰⵙⵜ ⵙⴳ ⵓⴷⵡⴰⵍ ⵡⵉⵙⵙ 38

ⴱⵏⴳⵔⵉⵔ: ⴰⵙⵏⵜⵉ ⵏ ⵓⵙⵜⴰⵢ ⵏ ⵡⴰⴷⴰⴼ ⵏ ⵉⵙⵔⴷⴰⵙ ⵉⵎⴰⵢⵏⵓⵜⵏ ⵏ ⵜⵏⴰⴼⵓⵜ ⵜⴰⵙⵔⴷⴰⵙⵜ ⵙⴳ ⵓⴷⵡⴰⵍ ⵡⵉⵙⵙ 38

04 ⵛⵓⵜⴰⵏⴱⵉⵔ 2023 Version Imprimable
ⴱⵏⴳⵔⵉⵔ - ⵙ ⵓⵙⴷⴷⵉⴷ ⵏ ⵜⵓⵎⵍⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵏⵙⵙⵉⵅⴼ ⴰⵎⴰⵜⴰⵢ ⵏ ⵉⵙⵔⴷⴰⵙ ⵉⴳⵍⴷⴰⵏⵏ ⵜⵙⵙⵏⵜⴰ ⴳ ⵡⴰⵙⵙ ⵏ ⵓⵙⵉⵎⵡⴰⵙ ⴳ ⵡⴰⵎⵎⴰⵙ ⵏ ⵓⵙⵎⵓⵜⵜⴳ ⵏ ⵉⵙⵔⴷⴰⵙ ⴳ ⵜⵏⴰⵎⵎⴰⵙⵜ ⵏ ⵜⵙⵔⴷⴰⵙⵜ ⴱⵏⴳⵔⵉⵔ ⵜⴰⵏⵉⵍⴰ ⵏ ⵕⵕⵃⴰⵎⵏⴰ ⵜⵡⵓⵔⵉ ⵏ ⵓⵙⵜⴰⵢ ⴷ ⵡⴰⴷⴰⴼ ⵏ ⵉⵎⵙⵜⴰⵢⵏ ⴷ ⵜⵎⵙⵜⴰⵢⵉⵏ ⵏ ⵜⵏⴰⴼⵓⵜ ⵜⴰⵙⵔⴷⴰⵙⵜ ⴳ ⵉⵎⵉⵔ ⵏ ⵓⴷⵡⴰⵍ ⵡⵉⵙⵙ 38.

 

ⵔⴰⴷ ⵜⵙⵓⵍ ⵜⵡⵡⵓⵔⵉ ⴰⴷ ⴰⵔ ⴰⵙⵙ ⵏ 16 ⵛⵓⵜⴰⵏⴱⵉⵔ ⴰⴷ , ⴷⴷⵓ ⵏ ⵓⵜⵓⵢ ⵏ ⵜⴰⵢⵎⵓⵏⵜ ⵏⵏⴰⵖ ⵍⵍⴰⵏ ⵉⴳⵎⴰⵎⵏ ⵏ ⵉⵙⵉⵔⴰⵜⵏ ⴷ ⵜⵏⴰⴼⵓⵜⵉⵏ ⵏ ⵓⵙⵔⴷⴰⵙ ⵉⴳⵍⴷⴰⵏⵏ.

ⵙⵏⵜⴰⵏ ⵉⵎⵍⵜⴰⵖⵏ ⴷ ⵉⵎⵙⵜⴰⵢⵏ ⵏⵏⴰⴷ ⴷⴷⴰⵏⵉⵏ ⴳ ⵕⵔⵃⴰⵎⵏⴰ ⴷ ⵍⵢⵓⵙⵓⴼⵉⵢⵢⴰ ⴷ ⵇⵍⵄⴰⵜ ⵙⵔⴰⵖⵏⴰ ⵣⵉⴽ ⵏ ⵡⴰⵙⵙ ⵏ ⵓⵙⵉⵎⵡⴰⵙ ⴰⵍⵜⵜⵓⵖ ⵏⵏⵙⵏ ⵍⵍⵉⵖⴷ ⴷⴷⴰⵏ ⵙ ⵜⵖⴰⵔⴰⵙⵜ ⵏ ⵡⴰⵙⵙⴰⵢ ⴰⵏⴰⵎⵓⵏ ⴰⴼⴰⴷ ⴰⴷ ⵣⵎⵎⵉⵎⵏ.

ⴰⵙⵜⴰⵢ ⵏ ⵉⵎⵍⵜⴰⵖⵏ ⴰⵔ ⵉⵣⵣⵔⴰⵢ ⴳ ⴽⵕⴰⴹ ⵉⵎⵏⴰⴷⵏ, ⵜⵉⵣⵡⵉⵔⵉ ⴰⵔ ⵉⵜⵜⵓⵙⴽⴰⵔ ⵓⵙⵏⵓⴱⴳ ⵏⵏⵙⵏ ⵜⵜⵓⵙⵖⵥⵏ ⵜⵓⴷⵎⴰⵡⴰⵏⵜ ⵏⵏⵙ ⴷ ⵓⴳⴳⵉⵡ ⵏ ⵜⵖⴰⵡⵙⵉⵡⵉⵏ ⵏⵏⵙ ⵜⵉⵏⵉⵎⴰⵏⵉⵏ ⴳ ⵓⴳⵏⵙ ⵏ ⵉⵅⵢⴰⵎⵏ ⵏⵏⴰ ⵉⵜⵜⵓⵙⴽⴰⵔⵏ ⵉ ⵜⵏⴰⴼⵓⵜ ⴰⴷ ⴰⴼⴰⴷ ⴰⴷ ⵙⵡⴰⵍⴰⵏ ⵉⵎⵙⵜⴰⵢⵏ ⴷ ⵜⵎⵙⵜⴰⵢⵉⵏ ⵙ ⵡⴰⵎⵎⴰⵙ ⵏ ⵓⵙⵎⵓⵜⵜⴳ ⴰⴼⴰⴷ ⴰⴷ ⵥⵕⵉⵏ ⵉⵙ ⵖⵉⵏ ⵉ ⵜⵏⴰⴼⵓⵜ ⵏ ⵜⵙⵔⴷⴰⵜ ⵙⴳ ⵡⴰⴷⴷⴰⴷ ⵏ ⵜⴷⵓⵙⵉ ⵏⵏⵙⵏ ⵙ ⵓⴳⴳⵉⵡⵙ ⴰⵙⴳⵏⴰⴼ ⵙⴳ ⴷⴰⵔ ⵉⴳⵎⴰⵎⵏ ⵏ ⵉⵙⵔⴷⴰⵙ ⵉⵙⴳⵏⴰⴼⵏ.

ⵉⵍⴽⵎ ⵓⵟⵟⵓⵏ ⵏ ⵡⵉⵏⵏⴰ ⵎⵓ ⵜⵜⵢⴰⵣⴰⵏ ⵜⵙⵖⵔⵜ ⵙ ⵜⵏⴰⴼⵓⵜ ⵜⴰⵙⵔⴷⴰⵙⵜ 2072 ⵙⴳ ⴳⵉⵙⵏ 101 ⵏ ⵜⵓⵜⵎⵉⵏ ⵔⴰⴷ ⴳⵉⵙⵏ ⵜⵜⵓⵙⵜⵉⵏ 1038 ⵔⴰⴷ ⵖⴰⵎⴰⵏ 709 ⴳ ⵡⴰⵎⵎⴰⵙ ⵡⵉⵙ ⴽⵕⴰⴹⵏ ⵉⵙⵔⴷⴰⵙ ⴳ ⴱⵏⴳⵔⵉⵔ ⵔⴰⴷ ⵜⵜⵓⵣⵣⵔⵏ ⵡⵉⵢⵢⴰⴹ ⵉ ⵡⴰⵎⵎⴰⵙⵏ ⴰⴽⴽⵯ ⵏ ⵜⴳⵍⴷⵉⵜ , ⴰⴼⴰⴷ ⴰⴷ ⴰⵎⵣⵏ ⴰⵙⵎⵓⵜⵜⴳ ⵏⵏⵙ ⴳ ⵉⴳⵔ ⴰⵙⵔⴷⴰⵙ ⵉⴳ ⵓⵟⵟⵓⵏ ⵏⵏⵙⵏ 2000 ⴰⴼⴰⴷ ⴰⴷ ⴰⵙⵏ ⵜⵜⵓⵙⵎⴰⴷⵏ 1291 ⵙⴳ ⵡⵉⵏⵏⴰ ⵜⵜⵓⵙⵜⴰⵢⵏⵉⵏ ⴳ ⵡⴰⵎⵎⴰⵙⵏ ⵢⴰⴹⵏ ⵏ ⵜⴳⵍⴷⵉⵜ.

ⵉⵎⵍⵜⴰⵖ ⵏⵏⴰ ⵜⵜⵓⵙⵜⴰⵢⵏⵉⵏ ⵙⴳ ⵡⴰⴷⴷⴰⴷ ⵉⴷⵓⵙⵏ ⵏ ⵜⴷⵓⵙⵉ ⵏⵏⵙ ⵔⴰⴷ ⴽⵛⵎⵏ ⴳ ⵓⴷⵡⴰⵍ ⵡⵉⵙⵙ 38 ⴳ ⵓⴳⵏⵙ ⵏ ⵡⴰⵎⵎⴰⵙ ⵡⵉⵙⵙ ⴽⵕⴰⴹ ⴳ ⴱⵏⴳⵔⵉⵔ ⵏⵖⴷ ⴰⴷ ⵜⵜⵢⴰⵣⴰⵏⵏ ⵙ ⵡⴰⵎⵎⴰⵙⵏ ⵢⴰⴷⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵡⵉⵏⵏⴰ ⵓⵔ ⵉⵜⵜⵓⵙⵜⴰⵢⵏ ⴳ ⵜⵏⴰⴼⵓⵜ ⴰⴷ ⵔⴰⴷ ⵜⵜⵢⴰⵣⴰⵏⵏ ⵙ ⵡⴰⵏⵙⴰ ⵏ ⵜⵓⵣⴷⵖⵜ ⵏⵏⵙⵏ ⵙ ⵡⴰⵙⵙⴰⵢ ⴰⵙⵔⴷⴰⵙ.

ⵔⴰⴷ ⵜⵜⵡⴰⴷⴰⴼⵏ ⵉⵙⵔⴷⴰⵙ ⴰⴷ ⴳ ⵓⴷⵡⴰⵍ ⵡⵉⵙⵙ 38 ⵉⴳⵓⵍⴰ ⵓⵟⵟⵓⵏ ⵏⵏⵙⵏ 20 ⵏ ⵉⴼⴹ ⴳ ⵜⴳⵍⴷⵉⵜ ⴰⴽⴽⵯ ⵙⴳ ⵉⵜⴳⴰⵔⵏ ⵏⵏⴰ ⵉⵜⵜⴰⵡⵙⵙⴰⵏⵏ, ⴰⴼⴰⴷ ⴰⴷ ⵜⵜⵓⵙⵡⴰⵍⴰⵏ ⵙ ⵡⴰⵎⵎⴰⵙ ⵏ ⵓⵙⵎⵓⵜⵜⴳ ⵏⵏⴰ ⵙⵏⵎⴰⵍⴰⵏ ⴰⵢⵜ ⵜⴷⵓⵙⵉ ⵜⴰⵙⵔⴷⴰⵙⵜ ⵜⴰⴳⵍⴷⴰⵏⵜ ⴰⴼⴰⴷ ⴰⴷ ⵜⵜⵓⵙⵏⵓⴱⴳⵏ ⴳ ⵡⴰⴷⴷⴰⴷ ⴷ ⵢⵓⵙⴰⵏ.

 

 

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B4%B1%E2%B5%8F%E2%B4%B3%E2%B5%94%E2%B5%89%E2%B5%94-%E2%B4%B0%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%93%E2%B5%99%E2%B5%9C%E2%B4%B0%E2%B5%A2-%E2%B5%8F-%E2%B5%A1%E2%B4%B0%E2%B4%B7%E2%B4%B0%E2%B4%BC-%E2%B5%8F-%E2%B5%89%E2%B5%99%E2%B5%94%E2%B4%B7%E2%B4%B0%E2%B5%99-%E2%B5%89%E2%B5%8E%E2%B4%B0%E2%B5%A2%E2%B5%8F%E2%B5%93%E2%B5%9C%E2%B5%8F-%E2%B5%8F-%E2%B5%9C%E2%B5%8F%E2%B4%B0%E2%B4%BC%E2%B5%93%E2%B5%9C-%E2%B5%9C%E2%B4%B0%E2%B5%99%E2%B5%94%E2%B4%B7%E2%B4%B0%E2%B5%99%E2%B5%9C-%E2%B5%99%E2%B4%B3-%E2%B5%93%E2%B4%B7%E2%B5%A1%E2%B4%B0%E2%B5%8D-%E2%B5%A1%E2%B5%89%E2%B5%99%E2%B5%99-38