ⵜⴰⵙⴳⴰ ⵏ ⴼⴰⵃⵚ ⴰⵏⵊⵕⴰ : ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵡⵓⵔⵉⵏ ⵏ ⴰⵙⵓⴼⵖ ⵏ ⵓⵙⵓⵏ ⵏ ⵜⴰⴳⵎⵔⵜ ⴷⴰⵍⵢⴰ

27 ⵛⵓⵜⴰⵏⴱⵉⵔ 2013 Version Imprimable

ⵜⴰⴳⵔⴰⵡⵜ ⵏ ⵇⵚⵕ ⵍⵎⴰⵊⴰⵣ (ⵜⴰⵙⴳⴰ ⵏ ⴼⴰⵃⵚ ⴰⵏⵊⵕⴰ) - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ ⴳ ⵜⴰⴳⵔⴰⵡⵜ ⵜⴰⴼⴰⵔⴰⵏⵜ ⵇⵚⵕ ⵍⵎⴰⵊⴰⵣ (ⵜⴰⵙⴳⴰ ⵏ ⴼⴰⵃⵚ ⴰⵏⵊⵕⴰ), ⵜⵉⵡⵓⵔⵉⵏ ⵏ ⴰⵙⵓⴼⵖ ⵏ ⵓⵙⵓⵏ ⵏ ⵜⴰⴳⵎⵔⵜ « ⴷⴰⵍⵢⴰ », ⵎⴰⵢⴰⴷ ⵉⴳⴰⵏ ⵢⴰⵏ ⵓⵙⵏⵜⵉ ⵍⵍⵉ ⵔⴰⴷ ⵉⴷⵔⵓ ⴳ ⵜⵉⴳⵎⵉ ⵏ ⵜⵏⴼⵔⵓⵜ ⴷ ⵜⴰⴼⴰⴷⴰ ⵏ ⵜⵡⵓⵔⵉ ⵏ ⵉⵏⴳⵎⴰⵔⵏ ⵏ ⵜⵙⴳⴰ ⵢⴰⴷ.

ⵓⵙⵓⵏ ⴰⴷ ⵍⵍⵉ ⵢⵉⵍⵍⴰⵏ ⵖ ⴰⴽⴽⵯ ⵍⵇⴱⵍⵜ ⵏ ⵓⴼⵜⴰⵙ ⵏ ⴷⴰⵍⵢⴰ ⴷ ⵍⵇⴱⵍⵜ ⵏ ⵟⴰⵏⵊⵉ ⵎⵉⴷ, ⵔⴰⴷ ⵉⵣⴰⵢⴷ ⴰⵖⵓⴷⵓ ⵏ ⵓⵎⵍⵓⵍⵍⵓⵢ ⵏ ⵜⵙⴳⴰ ⵢⴰⴷ, ⵔⴰⴷ ⵜⵕⵥⵎ ⵓⵍⴰ ⵢⴰⵏ ⵓⴷⵔⴰⵖ ⵉⵥⵉⵍⵏ ⵏ ⵜⴰⵙⵖⵏⵣⵉⵜ ⴷ ⴰⵙⵓⵜⴳ ⵏ ⵡⴰⵢⴰⴼⵓⵜⵏ ⵏ ⵉⵍⵍ. ⵔⴰⴷ ⵉⵙⵏⵎⴰⵍⴰ ⵓⵍⴰ ⵉⴳⵔ ⵏ ⵜⴳⵯⵎⵔⵜ ⵏ ⵜⵉⵏⵉⴹⵉ.

ⴰⵙⵏⵜⵉ ⵢⴰⴷ ⵍⵍⵉ ⵎⵓ ⵉⵜⵜⵓⴼⴽⴰ ⵢⴰⵏ ⵓⵙⵙⴰⵔⵓ ⵏ 70 ⵏ ⵓⵎⵍⵢⵓⵏ ⵏ ⴷⴷⵔⵀⵎ, ⵉⵔⴰⴷ ⵉⵙⵏⵓⴱⴳ 70 ⵏ ⵜⵏⴼⵍⵓⴽⵜ ⵏ ⵜⴳⵯⵎⵔⵜ ⵓⵍⴰ ⵙⵓⵍ ⵉⵙⵏⵜⴰ ⴰⴹⵏⵉⵏ ⵍⵍⵉ ⵔⴰⴷ ⵢⴰⵡⵙ ⵉ ⵢⵉⵏⴳⵯⵎⴰⵔⵏ.

ⵔⴰⴷ ⵢⵉⵍⵉ ⵖ ⵓⵙⵏⵜⵉ ⵢⴰⴷ ⵓⵍⴰ ⵜⵓⵚⴽⵉⵡⵉⵏ ⵏ ⵜⴰⵏⴰⴷⴷⴰⵡⵜ ⵏ ⵓⵙⵏⵓⴱⴳ ⴷ ⵜⵙⵖⵏⵣⵉⵜ ⵏ ⵡⴰⵢⴰⴼⵓⵜⵏ ⵏ ⵜⴳⵯⵎⵔⵜ, ⵣⵓⴷ ⵢⴰⵏ ⵓⵙⴰⵔⴰⴳ ⵏ ⵉⵙⵍⵎⴰⵏ ⵏ 300 ⵏ ⵓⵎⵉⵜⵔⵓ ⴰⵎⴽⴽⵓⵣ ⵜⴰⵎⴰ ⵏ ⵉⴷⵖⴰⵔⵏ ⵍⵍⵉ ⵖ ⴰⵜⴼⴼⵉⵏ ⵉⵙⵍⵎⴰⵏ ⵓⵍⴰ ⵙⵓⵍ ⵜⵉⵙⴳⵉⵡⵉⵏ ⴰⴹⵏⵉⵏ.

ⵓⵙⵓⵏ ⴰⴷ ⴰⵎⴰⵢⵏⵓ ⵍⵍⵉ ⵢⵉⴳⴰⵏ ⵜⴰⵢⴰⴼⵓⵜ ⵏ ⵢⴰⵏ ⵓⵎⵢⴰⵡⴰⵙ ⴳⵔ ⵜⵙⵏⵓⵔⴰⵢⵜ ⵙⴱⴱⵉⵙⵢⴰⵍ ⵟⴰⵏⵊⴰ ⵎⵉⴷⵉⵜⵉⵔⴰⵏⵉ (40 ⵏ ⵓⵎⵍⵢⵓⵏ ⵏ ⴷⴷⵔⵀⵎ) ⴷ ⵜⴰⵎⴰⵡⴰⵙⵜ ⵏ ⵜⵏⴼⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ (30 ⵏ ⵓⵎⵍⵢⵓⵏ ⵏ ⴷⴷⵔⵀⵎ), ⵔⴰⴷ ⵉⵜⵜⵓⵙⴽⵉⵔ ⵖ ⵢⴰⵏ ⵓⵣⵎⵣ ⵏ 26 ⵏ ⵡⴰⵢⵢⵓⵔ.

Dernière modification : 27 ⵛⵓⵜⴰⵏⴱⵉⵔ 2013

Source URL: https://www.mapnews.ma/am/activites-royales/%E2%B5%9C%E2%B4%B0%E2%B5%99%E2%B4%B3%E2%B4%B0-%E2%B5%8F-%E2%B4%BC%E2%B4%B0%E2%B5%83%E2%B5%9A-%E2%B4%B0%E2%B5%8F%E2%B5%8A%E2%B5%95%E2%B4%B0-%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B5%89%E2%B5%A1%E2%B5%93%E2%B5%94%E2%B5%89%E2%B5%8F-%E2%B5%8F-%E2%B4%B0%E2%B5%99%E2%B5%93%E2%B4%BC%E2%B5%96-%E2%B5%8F-%E2%B5%93%E2%B5%99%E2%B5%93%E2%B5%8F-%E2%B5%8F-%E2%B5%9C%E2%B4%B0%E2%B4%B3%E2%B5%8E%E2%B5%94%E2%B5%9C-%E2%B4%B7%E2%B4%B0%E2%B5%8D%E2%B5%A2%E2%B4%B0#comment-0