Published on MAPNews (https://www.mapnews.ma/am)

Accueil > ⵎⴰⵙⵙ ⴱⵓⵕⵉⵟⴰ ⵉⵙⵙⵖⵥⵏ ⴰⵙⵓⵊⴷ ⵏ ⵍⵎⵖⵔⵉⴱ ⵃⵎⴰ ⵉⵡⵡⵛ ⵜⵓⵎⴰⵢⵜ ⵉ ⵓⵎⵙⴰⵡⴰⵍ ⴰⵙⵔⵜⴰⵏ ⴰⵄⵔⴰⴱ ⴰⵢⴰⴱⴰⵏⵉ

ⵎⴰⵙⵙ ⴱⵓⵕⵉⵟⴰ ⵉⵙⵙⵖⵥⵏ ⴰⵙⵓⵊⴷ ⵏ ⵍⵎⵖⵔⵉⴱ ⵃⵎⴰ ⵉⵡⵡⵛ ⵜⵓⵎⴰⵢⵜ ⵉ ⵓⵎⵙⴰⵡⴰⵍ ⴰⵙⵔⵜⴰⵏ ⴰⵄⵔⴰⴱ ⴰⵢⴰⴱⴰⵏⵉ

07 ⵛⵓⵜⴰⵏⴱⵉⵔ 2023 Version Imprimable
ⵍⵇⴰⵀⵉⵕⴰ - ⵉⴷⵜⵜⴻⵜ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵙⵉⵏ ⵜⵉⴱⵕⵕⴰⵏⵉⵢⵉⵏ ⴷ ⵓⵎⵢⴰⵡⴰⵙ ⵉⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵉⵣⴷⴷⵖⵏ ⴳ ⴱⵕⵕⴰ, ⵏⴰⵚⵕ ⴱⵓⵕⵉⵟⴰ, ⵎⴰⵙ ⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴱⴷⴷⴰ ⵜⵓⵊⴷ ⵃⵎⴰ ⴰⴷ ⵜⵙⵉⵣⴰ ⴳ ⵜⵓⵎⴰⵢⵜ ⵏ ⵓⵎⵙⴰⵡⴰⵍ ⴰⵙⵔⵜⴰⵏ ⴰⵄⵔⴰⴱ ⴰⵢⴰⴱⴰⵏⵉ ⵙ ⵓⵙⴱⵓⵖⵍⵓ ⵏ ⵉⵎⴰⵙⵙⵏ ⵏⵏⵙ ⴷ ⵉⵖⴰⵡⴰⵙⵏ ⵏⵏⵙ ⴷ ⵜⵙⵏⵜⴰⵢⵉⵏ ⵏⵏⵙ ⴳ ⵉⴳⵔⴰⵏ ⵉⵏⵏⵓⵃⵢⴰⵏ, ⴳ ⵉⴳⵔ ⵏ ⵓⵏⵓⵕⵥⵎ ⴼ ⵢⵉⵔⵉⵎ ⴰⵢⴰⴱⵏⵉ ⴰⵣⴰⵢⴽⵓ.

ⵉⵏⵏⴰ ⵎⴰⵙⵙ ⴱⵓⵕⵉⵟⴰ ⴳ ⵡⴰⵡⴰⵍ ⵏⵏⵙ ⴳ ⵡⴳⵔⴰⵡ ⵏ ⵜⵡⴰⵍⴰⵜ ⵜⵉⵙⵙ ⴽⵕⴰⴹⵜ ⵏ ⵓⵎⵙⴰⵡⴰⵍ ⴰⵙⵔⵜⴰⵏ ⴰⵄⵔⴰⴱ ⴰⵢⴰⴱⴰⵏⵉ ⴰⵙⵙ ⵏ ⵓⵙⵉⵏⴰⵙ ⴳ ⵍⵇⴰⵀⵉⵔⴰ "ⵉⵍⴰ ⴰⵎⵓⵔⵙ ⵏ ⵓⵎⵙⴰⵡⴰⵍ ⴰⵙⵔⵜⴰⵏ ⴰⵄⵔⴰⴱ ⵉⵇⵇⵏ ⵙ ⵓⵣⴷⴰⵢ ⴷ ⵜⵣⵎⵎⴰⵔ ⵏ ⵜⵡⵓⵔⵉ ⵙ ⵜⴱⵔⴰⴳⵎⴰⵜⵉⵜ ⴷ ⵡⴰⵡⴰⴹ ⵖⵔ ⵉⴳⵎⵓⴹⵏ ⵉⵥⵍⵉⵏ", ⵉⵔⵏⴰ ⵉⵏⵏⴰ “ⵙ ⵓⵙⵏⴷⴰⵢ ⵉ ⴷⵉ ⵉⵍⵍⴰ ⵓⵎⵙⴰⵡⴰⵍ ⴰⵙⵔⵜⴰⵏ ⴰⵄⵔⴰⴱ ⴰⵢⴰⴱⴰⵏⵉ, ⵏⵔⴰ ⴰⴷ ⵏⵙⴳⵄⵄⴷ ⵣⵉ ⵜⵣⴷⴰⵢⵉⵏ ⵜⵉⴷⴰⵎⵙⴰⵏⵉⵏ ⴳⵔ ⵜⴰⵔⴰⴱⴱⵓⵜ ⵜⴰⵄⵔⴰⴱⵜ ⴷ ⵜⴰⵢⴰⴱⵏⵉⵜ ⵙ ⵢⴰⵜ ⵜⴷⵔⴰⵡⵜ ⴳ ⵡⴰⵟⵟⴰⵚ ⵏ ⵉⴳⵔⴰⵏ, ⵎⴰⵏⵉ ⵜⴷⵡⵍ ⴷ ⵜⵉⵎⵣⵡⵓⵔⴰ ⵜⵉⵏⴰⵎⵓⵔⵉⵏ ⴷ ⵜⴳⵔⴰⵖⵍⴰⵏⵉⵏ ⴳ ⵜⵎⵏⴰⴹⵜ ⵜⴰⵄⵔⴰⴱⵜ ⵎⵉⵏⵣⵉ ⵖⵔⵙ ⵜⵉⵣⵎⵎⴰⵔ ⵃⵎⴰ ⴰⴷ ⵜⴳⴳ ⵢⴰⵜ ⵜⵉⵍⴰⵡⵜ ⴳ ⵡⴰⵎⵓⵏ ⴰⴳⵔⴰⵖⵍⴰⵏ ⴰⴷ ⵜⵉⵍⵉ ⴷ ⵢⴰⵏ ⵓⵎⴷⵔⴰⵡ ⴰⵎⵇⵇⵔⴰⵏ ⵏ ⵍⵢⴰⴱⴰⵏ ⴷ ⵉⵎⵙⴽⴰⵔⵏ ⵉⴳⵔⴰⵖⵍⴰⵏⵏ.”

ⵉⴹⴼⵕ ⵉⵏⵏⴰ “ⵏⵅⵙ ⴰⴷ ⵏⴰⵡⴹ ⵖⵔ ⵜⵉⵍⴰⵍⵜ ⵉ ⵉⵍⵍⴰⵏ ⵖⵔ ⵍⵢⴰⴱⴰⵏ, ⵜⴰⵎⵓⵔⵜ ⴰⴷ ⵉⵜⵜⵓⵙⵙⴰⵏⵏ ⴳ ⵓⵎⴰⴹⴰⵍ, ⵃⵎⴰ ⴰⴷ ⵏⵙⵡⵉⵣⴰ ⴰⴽⴷ ⵜⵉⵖⴰⵡⵙⵉⵡⵉⵏ ⵜⵉⵄⵔⴰⴱⵉⵏ, ⵣⵣⴰⴳⵙⵏⵜ ⵜⴰⵖⴰⵡⵙⴰ ⵜⴰⴼⵉⵍⵉⵙⵟⵉⵏⵉⵜ, ⵎⵉⵏⵣⵉ ⵜⴰⵖⴰⵡⵙⴰ ⴰⴷ ⵓⵔ ⵜⴳⵉ ⵖⴰⵙ ⵜⴰⵄⵔⴰⴱⵜ, ⵎⴰⵛⴰ ⵏⵜⵜⴰⵜ ⵙⴳ ⵜⵖⴰⵡⵙⵉⵡⵉⵏ ⵜⵉⵣⵔⴼⴰⵏⵉⵏ ⵉ ⵉⵅⵚⵚ ⵢⴰⵏ ⵡⴰⵏⵏⴰⵍ ⵙⴳ ⵉⵎⵙⴽⴰⵔⵏ ⵉⴳⵔⴰⵖⵍⴰⵏⵏ.”

ⴳ ⵢⵉⴳⵔ ⴰⴷ ⵉⵏⵏⴰ ⵎⴰⵙ ⴷ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⵙ ⵜⵏⵙⵙⵉⵅⵜ ⵏⵏⵙ ⵉ ⵜⵢⵎⵎⵓⵏⵜ ⵏ ⵍⵇⵓⴷⵙ ⵉⴹⴼⴰⵕⵏ ⵉ ⵜⵎⵓⵔⴳⴰⵏⵜ ⵏ ⵓⵎⵢⴰⵡⴰⵙ ⴰⵢⵙⵍⴰⵎⵉ, ⵍⴱⴷⴰ ⵉⵙⴷⵜⵜⴰⵜ ⵙ ⵓⴱⴷⴷⵉ ⵏⵏⵙ ⴰⴽⴷ ⵜⴰⵖⴰⵡⵙⴰ ⵜⴰⴼⵉⵍⵉⵚⵟⵉⵏⵉⵜ ⴳ ⵡⵓⵍ ⵏⵏⵙ ⵍⵇⵓⴷⵙ, ⵉⵔⵔⴰ ⵜⵜ ⵙⴳ ⵉⵙⴱⴷⴰⴷⵏ ⵏ ⵜⵙⵔⵜⵉⵜ ⵜⴰⴱⵔⵔⴰⵏⵉⵜ ⵏ ⵜⴳⵍⴷⵉⵜ, ⵉⴱⴷⴷⵏ ⵅⴼ ⵓⵙⵜⴰⵢ ⵏ ⵡⴰⴼⵔⴰ ⴷ ⵓⵎⵙⴰⵡⴰⵍ ⴷ ⵓⵀⵕⵡⴰⴹ ⴷ ⴰⴱⵔⵉⴷ ⵃⵎⴰ ⴰⴷ ⴰⵡⴹⵏ ⵖⵔ ⵢⴰⵏ ⵓⴼⵙⵙⴰⵜ ⵙ ⵜⵖⵜⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⵃⵎⴰ ⴰⴷ ⴼⵙⵉⵏ ⵙⵏⴰⵜ ⴰⴷ ⵏ ⵜⵎⵉⵣⴰⵔ ⴰⴷ ⴳⴳⵏ ⵢⴰⵏ ⵓⵡⴰⵏⴽ ⴰⴼⵉⵍⵉⵚⵟⵉⵏⵉ ⵅⴼ ⵓⴼⵉⵍⵓ ⵏ ⵡⵉⵙ ⴽⴽⵓⵥ ⵏ ⵢⵓⵏⵢⵓ 1967 ⵜⴰⵎⴰⵥⵓⵏⵜ ⵏⵏⵙ ⵍⵇⵓⴷⵙ ⵏ ⵓⵙⵏⵇⵔ.

ⵖⵔ ⵓⵎⴳⴳⴰⵔⵓ ⵉⴼⴼⵖ ⵎⴰⵙⵙ ⴱⵓⵕⵉⵟⴰ ⵉⵍⴰ ⴰⵎⵙⴰⵡⴰⵍ ⴰⴷ ⵖⵔⵙ ⵢⴰⵏ ⵓⵙⴰⵜⵉ ⴰⵎⵇⵇⵔⴰⵏ ⵏ ⵜⵣⴷⴰⵢⵉⵏ ⴳⵔ ⵍⵢⴰⴱⴰⵏ ⴷ ⵜⵎⵉⵣⴰⵔ ⵜⵉⵄⵔⴰⴱⵉⵏ, ⵉⵏⵏⴰ ⵎⴰⵙ ⴷ “ⴰⵡⵔⵏⵉ ⵉ ⵎⵔⴰⵡ ⵏ ⵉⵙⴳⴳⵓⵙⴰ ⵏ ⵓⵙⵉⵏⵢⵉ ⵅⴼ ⵜⵎⴽⵜⵉⵜ ⵏ ⵓⵎⵙⵀⴰⵎ ⴳⵔ ⵜⴰⵙⴷⴰⵡⵉⵜ ⵜⴰⵄⵔⴰⴱⵜ ⴷ ⵜⵏⴱⴰⴹⵜ ⵜⴰⵢⴰⴱⴰⵏⵉⵜ, ⵉⴼⴼⵖ ⵓⵎⵙⴰⵡⴰⵍ ⴰⴷ ⵙ ⵡⴰⵟⵟⴰⵚ ⵏ ⵜⵎⵙⴰⵍⵢⵉⵏ ⵜⵉⵚⴱⵃⴰⵏⵉⵏ ⵉⵎⵓⵏⵏ ⵅⴼ ⵜⵖⴰⵡⵙⵉⵡⵉⵏ ⵙ ⵜⴰⵢⵏⵉⵜⴱ ⵉⴷⵔⵓⵏ”. ⵉⵏⵏⴰ ⵎⴰⵍⴰ ⴰⵏⵙⴰ ⴰⵊⵢⵓⴳⵔⴰⴼⵉ ⵉⵙⵙⴰⴳⴳⵯⴰⵊ ⵍⵢⴰⴱⴰⵏ ⴷ ⵜⵎⵉⵣⴰⵔ ⵏ ⵡⴰⵄⵔⴰⴱⵏ, ⵎⴰⵛⴰ ⴰⵏⵙⴰ ⴰⵊⵉⵢⵙⵔⵜⴰⵏ ⵉⵙⵙⴷⴰⵙ ⵉⵜⵏ ⵅⴼ ⵜⵣⴷⴰⵢⵉⵏ ⵉⵎⵓⵏⵏ.

ⴳ ⵜⴳⵉⵔⴰ ⵉⵏⵏⴰ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵜⵉⴱⵕⵕⴰⵏⵉⵢⵉⵏ ⴷ ⵓⵎⵢⴰⵡⴰⵙ ⴰⴼⵔⵉⴽⴰⵏ ⴷ ⵉⵎⵖⵔⴰⴱⵉⵢⵏ ⵉⵣⴷⴷⵖⵏ ⴳ ⴱⵕⵕⴰ ⵉⵍⴰ ⴰⴽⵓⴷ ⵢⵓⵙ ⴷ ⵃⵎⴰ ⴰⴷ ⴳⴳⵏ ⵜⵉⵣⴷⴰⵢⵉⵏ ⵉⴼⵍⵃⵏ ⴰⴷ ⵙⴳⵄⵄⴷⵏ ⵙⴳ ⵓⴱⴷⴷⵍ ⵏ ⵜⵙⴱⴱⴰⴱⵜ ⴷ ⵓⵙⵙⴰⵔⵓ ⴰⴷ ⵙⵙⵎⵖⵔⵏ ⵙⴳ ⵜⵙⵏⵜⴰⵢⵉⵏ ⴷ ⵜⵎⵢⴰⵡⴰⵙⵉⵏ ⵏ ⵜⴳⵎⵉ.

ⴰⵎⵙⴰⵡⴰⵍ ⵉⵃⴰⴹⵕ ⴳⵉⵙ ⵓⵎⴰⵡⵙⴰⵙ ⵏ ⴱⵕⵕⴰ ⴰⵢⴰⴱⴰⵏⵉ ⵀⴰⴱⴰⵛⵉ ⴱⵓⵛⵉⵎⴰⵙⴰ ⴷ ⵉⵇⵔⵉⵏⵏ ⴰⵄⵔⴰⴱⵏ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵙⴷⴰⵡⵉⵜ ⵜⴰⵄⵔⴰⴱⵜ ⴰⵃⵎⴰⴷ ⴰⴱⵓ ⵍⵖⵉⵟ, ⵙ ⵜⵎⴽⵜⵉⵜ ⵉⵍⵍⴰⵏ ⴳⵔ ⵜⴰⵙⴷⴰⵡⵉⵜ ⵏ ⵜⵎⵉⵣⴰⵔ ⵜⴰⵄⵔⴰⴱⵉⵏ ⴷ ⵜⵎⴰⵡⵙⴰⵙⵜ ⵜⵉⴱⵔⵔⴰⵏⵉⵢⵉⵏ ⵜⴰⵢⴰⴱⵏⵉⵜ ⴳ ⵛⵓⵜⴰⵏⴱⵉⵔ 2013 ⵉⵏⵏⴰⵏ ⵎⴰⵙ ⴷ ⵉⵅⵚⵚ ⴰⴷ ⵜⵉⵍⵉ ⵢⴰⵜ ⵜⵖⴰⵔⴰⵙⵜ ⵏ ⵓⵎⵢⴰⵡⴰⵙ ⴳⵔ ⵙⵉⵏ ⵉⵖⵣⴷⵉⵙⴰ ⵅⴼ ⵓⵙⵡⵉⵔ ⵏ ⵉⵎⴰⵡⵙⴰⵙⵏ ⵏ ⴱⵕⵕⴰ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%8E%E2%B4%B0%E2%B5%99%E2%B5%99-%E2%B4%B1%E2%B5%93%E2%B5%95%E2%B5%89%E2%B5%9F%E2%B4%B0-%E2%B5%89%E2%B5%99%E2%B5%99%E2%B5%96%E2%B5%A5%E2%B5%8F-%E2%B4%B0%E2%B5%99%E2%B5%93%E2%B5%8A%E2%B4%B7-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%83%E2%B5%8E%E2%B4%B0-%E2%B5%89%E2%B5%A1%E2%B5%A1%E2%B5%9B-%E2%B5%9C%E2%B5%93%E2%B5%8E%E2%B4%B0%E2%B5%A2%E2%B5%9C-%E2%B5%89-%E2%B5%93%E2%B5%8E%E2%B5%99%E2%B4%B0%E2%B5%A1%E2%B4%B0%E2%B5%8D-%E2%B4%B0%E2%B5%99%E2%B5%94%E2%B5%9C%E2%B4%B0%E2%B5%8F-%E2%B4%B0%E2%B5%84%E2%B5%94%E2%B4%B0%E2%B4%B1-%E2%B4%B0%E2%B5%A2%E2%B4%B0%E2%B4%B1%E2%B4%B0%E2%B5%8F%E2%B5%89