Published on MAPNews (https://www.mapnews.ma/am)

Accueil > ⵎⴰⵙⵙ ⴱⵓⵕⵉⵟⴰ ⵉⵏⵏⵓⵕⵥⵎ ⴳ ⵜⵙⴷⴰⵡⵉⵜ ⵏ ⵡⴰⵄⵕⴰⴱⵏ ⴳ ⵍⵇⴰⵀⵉⵕⴰ ⴰⵙⴼⵙⵔ ⵏ ⵜⵙⵏⵓⵔⴰⵢⵜ ⵏ ⵜⴰⴷⴷⴰⵔⵜ ⵏ ⵓⵙⴼⵍⵙ ⵏ ⵍⵇⵓⴷⵙ

ⵎⴰⵙⵙ ⴱⵓⵕⵉⵟⴰ ⵉⵏⵏⵓⵕⵥⵎ ⴳ ⵜⵙⴷⴰⵡⵉⵜ ⵏ ⵡⴰⵄⵕⴰⴱⵏ ⴳ ⵍⵇⴰⵀⵉⵕⴰ ⴰⵙⴼⵙⵔ ⵏ ⵜⵙⵏⵓⵔⴰⵢⵜ ⵏ ⵜⴰⴷⴷⴰⵔⵜ ⵏ ⵓⵙⴼⵍⵙ ⵏ ⵍⵇⵓⴷⵙ

07 ⵛⵓⵜⴰⵏⴱⵉⵔ 2023 Version Imprimable
ⵍⵇⴰⵀⵉⵕⴰ - ⵉⵙⵙⵏⵜⴰ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵙⵙ ⵏ ⵓⴽⵕⴰⵙ ⴳ ⵡⴰⵏⵙⴰ ⵏ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵙⴷⴰⵡⵉⵜ ⵜⴰⵄⵕⴰⴱⵜ ⵢⴰⵏ ⵓⵙⴼⵙⵔ ⵏ ⵜⵙⵏⵓⵔⴰⵢⵜ ⵏ ⵜⴰⴷⴷⴰⵔⵜ ⵏ ⵓⵙⴼⵍⵙ ⵏ ⵍⵇⵓⴷⵙ, ⵉⴼⴽⴰ ⵜⴰⵢⴰⴼⵓⵜ ⵏ 25 ⵏ ⵓⵙⴳⴳⵯⴰⵙ ⵏ ⵜⵎⵔⵙⵍⵜ ⴳ ⵜⵏⴰⴼⵓⵜ ⵏ ⵍⵇⵓⴷⵙ ⴷ ⵉⴷ ⴱⴰⴱ ⵏⵏⵙ.

ⵉⵏⵏⵓⵔⵥⵎ ⵓⵙⴼⵙⵔ ⵙ ⵓⴷⵔⴰⵡ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵙⴷⴰⵡⵉⵜ ⵎⴰⵙⵙ ⵃⵎⴰⴷ ⴱⵓⵍⵖⵉⵟ ⴷ ⵓⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴰⴼⴰⵍⴰⵙⵟⵉⵏⵉ ⵔⵉⵢⵢⴰⴹ ⵍⵎⴰⵍⴽⵉ ⴷ ⴽⵉⴳⴰⵏ ⵏ ⵉⴷⵉⴱⵍⵓⵎⴰⵙⵉⵢⵢⵏ.

ⵉⴳⴰ ⵓⵙⵏⵎⴰⵍⴰ ⵏ ⵓⵙⴼⵙⵔ ⴰⴷ ⵙⴳ ⵜⵓⵥⵍⴰⵢⵉⵏ ⵏ ⵜⵙⵏⵓⵔⴰⵢⵜ ⴷⵓⵓ ⵏ ⵜⵏⴰⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴰⵏⵙⵙⵉⵅⴼ ⵏ ⵜⴰⵢⵎⵓⵏⵜ ⵏ ⵍⵇⵓⴷⵙ ⵙ ⵡⴰⵏⵏⴰⵍ ⵏ ⵉⴳⵔⴰⵏ ⵉⵏⴰⵎⵓⵏⵏ ⴳ ⵜⵖⵔⵎⵜ ⵏ ⵍⵇⵓⴷⵙ , ⴷ ⵜⵉⴽⴽⵉ ⵏ ⵜⵡⵉⵙⵉ ⵏ ⵉⵎⵣⴷⴰⵖ ⵏⵏⵙ ⴷ ⵜⵎⵔⵙⴰⵍ ⵏⵏⵙ , ⵙⵍⴰⵡⴰⵏ ⴰⴽⴽ ⵍⵍⵉⵖ ⵉⵙⵙⵉⵅⴼ ⵍⵎⵖⵔⵉⴱ ⵜⴰⵢⵎⵓⵏⵜ ⴰⴷ.

ⴰⵙⴼⵙⵔ ⵉⵏⵢⵓⴷⴷⴰ ⵙ ⵜⵎⴰⵎⴽⵜ ⵏ ⵓⵏⴱⴱⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴰⵏⵙⵙⵉⵅⴼ ⵏ ⵜⴰⵢⵎⵓⵏⵜ ⵏ ⵍⵇⵓⴷⵙ ⵏⵏⴰ ⵉⵎⵙⴰⵙⴰⵏ ⴳⵔ ⴰⵢⴷⴰ ⴰⵙⵔⵜⴰⵏ ⵙⴳ ⵜⵣⵎⵎⴰⵔ ⵏ ⵜⵙⵔⵜⵉⵜ ⵜⴰⴷⵉⴱⵍⵓⵎⴰⵙⵉⵜ ⵜⴰⵎⵖⵔⵉⴱⵉⵢⵢⵜ, ⴰⴼⴰⴷ ⴰⴷ ⵜⵙⴱⵓⵔⵣ ⴰⵡⵏⵏⵉ ⵏ ⴼⵉⵍⵉⵙⵟⵉⵏ ⵏⵏⴰ ⵉⴳⴰⵏ ⵙⴳ ⵜⵓⵥⵍⴰⵢⵉⵏ ⵏ ⵜⴰⵢⵎⵓⵏⵜ ⵏ ⵍⵇⵢⴷⵙ ⴷⴷⵓ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ.

ⵢⵓⵎⴰ ⵓⴼⵙⴰⵔ ⴰⵙⴰⴽⵓⴷ ⵏⵏⴰⵖ ⵜⵣⵔⵉ ⵜⴰⵢⵎⵓⵏⵜ ⵏ ⵎⵇⵓⴷⵙ , ⴷ ⵡⴰⵏⵙⴰ ⵏ ⵉⵙⵏⴼⴰⵕⵏ ⵏ ⵜⴰⵢⵎⵓⵏⵜ ⵏ ⵍⵇⵓⴷⵙ, ⴳ 25 ⵏ ⵓⵙⴳⴳⵯⴰⵙ ⵙⴳ ⵜⵡⵍⴰⴼⵉⵏⴷ ⵡⴰⵔⵔⴰⵜⵏ ⴷ ⵢⴰⵏ ⵡⴰⵏⵙⴰ ⴳⵉⵙ ⴰⴽⴽⵯ ⴰⵔⵔⴰⵜⵏ ⵏ ⵜⵙⵏⵓⵔⴰⵢⵜ ⵏ ⵍⵇⵓⴷⵙ ⴷ ⵡⴰⵎⵎⴰⵙ ⵏⵏⵙ ⴰⵖⵔⵎⴰⵏ ⴷ ⵓⵎⵣⵔⵓⵢ ⵏ ⵜⵣⴷⴰⵢⵜ ⵏ ⵉⵎⵖⵔⵉⴱⵉⵏ ⴷⵉⵙ ⴷ ⵡⴰⵏⵙⴰ ⵏ ⵉⴼⴰⵔⵙⵏ ⵏ ⵜⵙⵏⵓⵔⴰⵢⵜ.

ⵢⵓⵎⴰ ⴰⵡⴷ ⵢⴰⵏ ⵡⴰⵏⵙⴰ ⵙ ⵓⵙⵓⵙⵙⵏ ⵙ ⵜⵥⵓⵕⵉ ⴷ ⵜⴷⵍⵙⴰ ⵜⴰⴼⵉⵍⵉⵙⵟⵉⵏⵉⵜ ⵙⴳ ⵉⴼⴰⵔⵙⵏ ⵉⵇⵇⴱⵓⵔⵏ ⵣⵓⵏⴷ ⵜⵉⵎⵍⵙⴰ ⴷ ⵉⴼⴰⵔⵙⵏ ⵏ ⵓⴼⵓⵙ ⴷ ⵡⵉⵏ ⵓⴽⵛⵛⵓⴹ ⴷ ⵙⵙⵉⵕⴰⵎⵉⴽ ⴷ ⵜⴰⵔⵔⴰⴳⵉⵏ, ⴷ ⵜⵖⴰⵡⵙⵉⵡⵉⵏ ⵏ ⵜⴳⵎⵎⵉ ⵓⵍⴰ ⵉⴼⴰⵔⵙⵏ ⵉⵇⵇⴱⵓⵔⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%8E%E2%B4%B0%E2%B5%99%E2%B5%99-%E2%B4%B1%E2%B5%93%E2%B5%95%E2%B5%89%E2%B5%9F%E2%B4%B0-%E2%B5%89%E2%B5%8F%E2%B5%8F%E2%B5%93%E2%B5%95%E2%B5%A5%E2%B5%8E-%E2%B4%B3-%E2%B5%9C%E2%B5%99%E2%B4%B7%E2%B4%B0%E2%B5%A1%E2%B5%89%E2%B5%9C-%E2%B5%8F-%E2%B5%A1%E2%B4%B0%E2%B5%84%E2%B5%95%E2%B4%B0%E2%B4%B1%E2%B5%8F-%E2%B4%B3-%E2%B5%8D%E2%B5%87%E2%B4%B0%E2%B5%80%E2%B5%89%E2%B5%95%E2%B4%B0-%E2%B4%B0%E2%B5%99%E2%B4%BC%E2%B5%99%E2%B5%94-%E2%B5%8F-%E2%B5%9C%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%8F-%E2%B5%9C%E2%B4%B0%E2%B4%B7%E2%B4%B7%E2%B4%B0%E2%B5%94%E2%B5%9C-%E2%B5%8F