Published on MAPNews (https://www.mapnews.ma/am)

Accueil > ⵜⵙⵜⵉ ⵜⴰⴽⵓⵏⴼⵉⴹⵉⵕⵍⵉⵜ ⵜⵉⴼⵔⵉⵇⵉⵜ ⵏ ⵜⵡⵊⵊⴰ ⵏ ⵓⴹⴰⵕ ⵙ ⵓⵎⵙⴰⵙⴰ ⵏ ⵉⵎⴷⵔⴰⵡⵏ ⵍⵎⵖⵔⵉⴱ ⴰⴼⴰⴷ ⵉⵙⵏⵏⵓⴱⴳ ⵜⴰⴱⵔⴰⵣⴰ ⵏ ⵉⴼⵔⵉⵇⵢⴰ ⵏ ⵜⵎⵜⵜⴰ ⵏ ⵓⵙⴳⴳⵯⴰⵙ 2025 

ⵜⵙⵜⵉ ⵜⴰⴽⵓⵏⴼⵉⴹⵉⵕⵍⵉⵜ ⵜⵉⴼⵔⵉⵇⵉⵜ ⵏ ⵜⵡⵊⵊⴰ ⵏ ⵓⴹⴰⵕ ⵙ ⵓⵎⵙⴰⵙⴰ ⵏ ⵉⵎⴷⵔⴰⵡⵏ ⵍⵎⵖⵔⵉⴱ ⴰⴼⴰⴷ ⵉⵙⵏⵏⵓⴱⴳ ⵜⴰⴱⵔⴰⵣⴰ ⵏ ⵉⴼⵔⵉⵇⵢⴰ ⵏ ⵜⵎⵜⵜⴰ ⵏ ⵓⵙⴳⴳⵯⴰⵙ 2025 

27 ⵛⵓⵜⴰⵏⴱⵉⵔ 2023 Version Imprimable
ⵍⵇⴰⵀⵉⵕⴰ - ⵜⵙⵜⵉ ⵜⵙⵇⵇⵉⵎⵜⵜ ⵜⴰⵎⵣⵣⴳⴰⵔⵜ ⵜⴰⴽⵓⵏⴼⵉⵔⵉⵔⴰⵍⵉⵜ ⵜⴰⴼⵔⵉⵇⵜ ⵏ ⵜⵓⵡⵊⵊⴰ ⵏ ⵓⴹⴰⵕ (ⴽⴰⴼ), ⵙ ⵓⵎⵙⴰⵙⴰ ⵏ ⵉⵎⴷⵔⴰⵡⵏ ⴳⵉⵙ, ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴼⴰⴷ ⴰⴷ ⵜⵙⵏⵏⵓⴱⴳ ⵜⴰⵙⵓⵜⵍⵜ ⵜⵉⵙⵙ ⴽⵕⴰⵎⵔⴰⵡ ⴷ ⵙⵎⵎⵓⵙ ⵏ ⵜⴱⵔⵣⴰ ⵜⴰⴼⵔⵉⵇⵜ ⵉ ⵜⵓⵎⴰⵙ ⵍⵍⵉ ⵔⴰⴷ ⵢⵉⵍⵉ ⴰⵙⴳⴳⵯⴰⵙ ⵏ 2025.

ⵢⵓⵛⴽⴰ ⴷ ⵓⵙⵜⴰⵢ ⴰⴷ ⴳ ⵓⵏⵎⵓⵇⵇⴰⵔ ⵍⵍⵉ ⵜⵙⴽⵔ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⵓⵡⵊⵊⴰ ⵏ ⵓⴹⴰⵕ, ⴰⵙⵙ ⵏ ⵓⴽⵕⴰⵙ ⴳ ⵍⵇⴰⵀⵉⵕⴰ, ⵙ ⵜⵉⵍⵉⵜ ⵏ ⵉⵎⴷⵔⴰⵡⵏ ⵏⵏⵙ, ⴳ ⵉⴳⴰ ⵎⴰⵙⵙ ⴼⴰⵡⵣⵉ ⵍⵇⵊⴰⵄ ⴰⵙⵍⵡⴰⵢ ⵏ ⵜⵙⴷⴰⵡⵉⴷ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵜ ⵏ ⵜⵓⵡⵊⵊⴰ ⵏ ⵓⴹⴰⵕ.

ⴳ ⵓⵏⵎⵓⵇⵇⴰⵔ ⴰⴷ, ⵉⵎⵍⴰ ⴼⴰⵡⵣⵉ ⵍⵇⵊⴰⵄ ⴰⵢⵍⵍⵉ ⵜⵃⵉⵢⵢⵍ ⵍⵎⵖⵔⵉⴱ, ⵢⵉⵏⵉ ⵎⴰⵙⴷ ⵜⴰⵎⵓⵔⵜ ⵏⵏⴼ ⵜⴷⴼⵕ ⴰⵡⴰⵍ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵕⴹⵉⵕ, ⴼⴰⴷ ⴰⴷ ⵜⵙⵎⴷ ⴼ ⵓⵎⵢⴰⵡⴰⵙ ⵏ ⵉⴼⴼⵓⵙ ⵉⴼⴼⵓⵙ ⴷ ⵜⵎⵓⵔⴰ ⵏ ⵜⴼⵔⵉⵇⵜ ⴼⴰⴷ ⴰⴷ ⵍⴽⵎⵏ ⵜⴰⵏⴼⴰⵍⵉⵜ ⴳ ⴽⵓⵍⵍⵓ ⵉⴳⵔⴰⵏ.

ⵢⵓⵍⵙ ⴷⴰⵖ ⴳ ⵓⵎⵏⵉⴷ ⴰⴷ, ⵎⴰⵙⴷ ⵍⵎⵖⵔⵉⴱ ⵉⵔⴰ ⴰⴷ ⵢⴰⵡⵙ ⴳ ⵜⵏⴽⵔⴰ ⵏ ⵜⵓⵡⵊⵊⴰ ⵏ ⵓⴹⴰⵕ ⴳ ⵜⴼⵔⵉⵇⵜ, ⵎⴰⵢⴰⴷ ⴰⴷ ⵢⵓⵎⴰⵏⵏ ⴳ ⴰⵢⵍⵍⵉ ⵉⵃⵉⵢⵢⵍ ⵉ ⵓⵙⵏⴱⴳⵉ ⵏ ⵜⴱⵔⵣⴰ ⵏ ⵜⵓⵎⴰⵙ ⵜⵉⴼⵔⵉⵇⵉⵏ ⴰⵙⴳⴳⵯⴰⵙ ⵏ 2025.

ⵉⴼⴽⴰ ⵎⴰⵙⵙ ⵍⵇⵊⴰⵄ ⴰⵡⴰⵍ ⵏⵏⵙ ⵎⴰⵙ ⵔⴰⴷ ⵜⵣⵔⵉ ⵜⴱⵔⵣⴰ ⴳ ⵓⴼⵔⴰ ⴷ ⵡⴰⴷⴷⴰⴷ ⵉⴼⵓⵍⴽⵉⵏ ⴰⵎ ⵜⵉⴱⵔⵣⴰ ⵜⵉⴳⵔⴰⵖⵍⴰⵏⵉⵏ, ⵔⴰⴷ ⵜⴳ ⵢⴰⵜ ⵜⵎⵙⴽⵉⵔⵜ ⵉⴳⴰⵏ ⵡⴰⵥ ⴷⴰⵔ ⵉⵎⵓⵔⴰⵔⵏ ⵍⵍⵉ ⵔⴰⴷ ⴳⵉⵙ ⵉⴷⵔⵓ ⵓⵍⴰ ⵉⵎⴰⵏⵏⴰⵢ ⴷ ⵉⵏⴱⴳⵉⵡⵏ ⵍⵍⵉ ⵔⴰⴷ ⴷ ⵢⴰⵛⴽ ⴳ ⵜⵎⵉⵣⴰⵔ ⵏ ⵓⵎⴰⴹⴰⵍ ⵇⵇⴰⵃ.

ⵢⵉⵏⵉ ⵎⴰⵙⴷ ⵍⵎⵖⵔⵉⴱ ⵉⴹⴼⵕ ⴰⵃⵢⵢⵍ ⵏ ⵜⵓⵕⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵏ ⵜⵓⵡⵊⵊⴰ ⵏ ⵓⴹⴰⵕ ⵍⵍⵉ ⵔⴰⴷ ⵉⴷⵔⵓ ⴷ ⵜⵓⵡⵊⵊⴰ ⵏ ⵓⴹⴰⵕ ⵜⴰⴼⵔⵉⵇⵜ ⵉⴷⵔⵓ ⴷⵉⵙ ⵓⵍⴰ ⵜⵉⵔⵎⵉⵜ ⵏⵏⵙ ⴳ ⵓⵙⵏⵎⴰⵍⴰ ⵏ ⵉⵎⵓⵙⵙⵓⵜⵏ ⵉⴳⵔⴰⵖⵍⴰⵏⵏ, ⵉⴳ ⴰⵎⴷⵢⴰ ⵉ ⵢⴰⵏ ⵓⵎⴰⴹⴰⵍ ⵏ ⵜⵡⵉⵙⵉ ⴷ ⵓⵙⵓⵔⴰⴼ.

ⵉⵎⵍⴰ ⵓⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵏ ⵜⵓⵡⵊⵊⴰ ⵏ ⵓⴹⴰⵕ ⵜⵓⵕⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵜⵃⵉⵢⵢⵍ ⵜⴳⵍⴷⵉⵜ ⴼⴰⴷ ⴰⴷ ⵜⵙⵏⵓⴱⴳ ⴰⵎⵓⵙⵙⵓ ⴰⴷ ⴰⵡⵊⵊⴰⵡⴰⵏ ⵎⵇⵇⵓⵔⵏ ⴳ ⵜⴼⵔⵉⵇⵜ, ⵙⵍⴰⵡⴰⵏ ⴰⴽⴽⵯ ⵉⴱⴰⵔⴰⵣⵏ ⵍⵍⵉⴳ ⵍⵍⴰⵏⵜ ⵜⴼⴰⴷⵉⵡⵉⵏ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵜ, ⴷ ⵍⵍⵉ ⵉⵍⵍⴰⵏ ⴳ ⵜⵖⵔⵎⵉⵡⵉⵏ ⵏ ⵕⵕⴱⴰⴹ ⴷ ⵜⴳⵎⵎⵉ ⵜⵓⵎⵍⵉⵍⵜ ⴷ ⵟⴰⵏⵊⴰ ⴷ ⴼⴰⵙ ⴷ ⵓⴳⴰⴷⵉⵔ ⴷ ⵎⵕⵕⴰⴽⵛ

ⵉⵣⵎⵎⵉⵎ ⵎⴰⵙⴷ ⵍⵎⵖⵔⵉⴱ ⵉⵟⵟⴰⴼ ⵢⴰⵜ ⵜⵉⵔⵎⵉⵜ ⵎⵇⵇⵓⵔⵏ ⴳ ⵓⵙⵏⵎⴰⵍⴰ ⵜ ⵉⵎⵓⵙⵙⵓⵜⵏ ⵎⵇⵇⵓⵔⵏⵉⵏ, ⵓⵔⴷ ⵖⴰⵙ ⴳ ⵢⵉⴳⵔ ⵏ ⵜⵓⵏⵏⵓⵏⵜ, ⵎⴰⵛⵛ ⴳ ⴳⵔⴰⵢⴳⴰⵜⵜ ⵉⴳⵔⴰⵏ, ⵙ ⵜⵔⴰⵜⵙⴰ ⵏ ⵜⵓⵕⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵜⵉⵜⵔⴰⵔⵉⵏ ⵍⵍⵉ ⴷⴰⵔⵙ.

 

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B5%9C%E2%B5%99%E2%B5%9C%E2%B5%89-%E2%B5%9C%E2%B4%B0%E2%B4%BD%E2%B5%93%E2%B5%8F%E2%B4%BC%E2%B5%89%E2%B4%B9%E2%B5%89%E2%B5%95%E2%B5%8D%E2%B5%89%E2%B5%9C-%E2%B5%9C%E2%B5%89%E2%B4%BC%E2%B5%94%E2%B5%89%E2%B5%87%E2%B5%89%E2%B5%9C-%E2%B5%8F-%E2%B5%9C%E2%B5%A1%E2%B5%8A%E2%B5%8A%E2%B4%B0-%E2%B5%8F-%E2%B5%93%E2%B4%B9%E2%B4%B0%E2%B5%95-%E2%B5%99-%E2%B5%93%E2%B5%8E%E2%B5%99%E2%B4%B0%E2%B5%99%E2%B4%B0-%E2%B5%8F-%E2%B5%89%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B0%E2%B4%BC%E2%B4%B0%E2%B4%B7-%E2%B5%89%E2%B5%99%E2%B5%8F%E2%B5%8F%E2%B5%93%E2%B4%B1%E2%B4%B3