Published on MAPNews (https://www.mapnews.ma/am)

Accueil > ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵔ ⵉⵙⵏⵎⴰⵍⴰ ⵜⵓⴳⵜⵜ ⵏ ⵜⵉⵍⴰⵍ ⵜⵉⴷⵍⵙⴰⵏⵉⵏ ⵙ ⵜⵎⵍⴷⴰ ⵏ ⵓⴽⵜⵜⴰⵢ ⵡⵉⵙⵙ 22 ⵏ ⵢⵉⵏⴰⵡ ⴰⴳⵍⴷⴰⵏ ⵏ ⵓⵊⴷⵉⵔ

ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵔ ⵉⵙⵏⵎⴰⵍⴰ ⵜⵓⴳⵜⵜ ⵏ ⵜⵉⵍⴰⵍ ⵜⵉⴷⵍⵙⴰⵏⵉⵏ ⵙ ⵜⵎⵍⴷⴰ ⵏ ⵓⴽⵜⵜⴰⵢ ⵡⵉⵙⵙ 22 ⵏ ⵢⵉⵏⴰⵡ ⴰⴳⵍⴷⴰⵏ ⵏ ⵓⵊⴷⵉⵔ

12 ⴽⵟⵓⴱⵕ 2023 Version Imprimable
ⵕⵕⴱⴰⵟ - ⴰⵔ ⵉⵙⵏⵎⴰⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴳ ⵜⵉⵣⵉ ⵣⴳ 17 ⴰⵔ 20 ⴽⵜⵓⴱⵕ ⴰⴷ, ⵜⵓⴳⵜⵜ ⵏ ⵜⵉⵍⴰⵍ ⵅⴼ ⴰⴷ ⵉⵙⵙⵉⴷⵔ ⴰⴽⵜⵜⴰⵢ ⵡⵉⵙⵙ ⵙⵉⵎⵔⴰⵡ ⴷ ⵙⵉⵏ ⵏ ⵢⵉⵏⴰⵡ ⴰⴳⵍⴷⴰⵏ ⵏ ⵓⵊⴷⵉⵔ, ⴷⴷⵓ ⵜⵎⴰⵜⴰⵔⵜ "ⴰⴷ ⴰⴽⴽⵯ ⵏⵙⵙⴷⵓⵙ ⵜⵉⵏⴷⵉⵜⵉⵏ ⵏ ⵜⵡⵉⵣⵉ ⴳ ⵜⵓⵙⵙⵏⴰ ⵏⵏⵖ ⵜⴰⵎⵖⵔⵉⴱⵉⵜ".

ⵢⵓⵛⴽⴰ ⴷ ⴳ ⵓⵙⵉⵡⴹ ⵏ ⵓⵙⵉⵏⴰⴳ ⵎⴰⵙⴷ ⴰⵖⴰⵡⴰⵙ ⵏ ⵓⵙⵙⵉⴷⵔ ⵏ ⵓⴽⵜⵜⴰⵢ ⵍⵍⵉ ⵉⵏⵎⴰⵍⴰⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⵉⵍⵍⴰ ⴳⵉⵙ ⴳ ⵡⴰⵙⵙ ⵉⵣⵡⴰⵔⵏ (17 ⴽⵜⵓⴱⵕ) ⴰⵙⵏⵎⴰⵍⴰ ⵏ ⵜⴳⴳⵓⵔⴰ ⵉⵕⵥⵎⵏ, ⵍⵍⵉ ⵔⴰⴷ ⵉⴳ ⵉⴼⵙⴰⵔⵏ ⵏ ⵜⵡⵓⴰⴼⵉⵏ ⴷ ⵜⴼⵉⵍⵉⵏ ⵉⴽⵯⵍⴰⵏ, ⵉⵙⵏⵜⴰⵍ ⵏⵏⵙⵏ ⴷⴰⵔⵙⵏ ⵜⴰⵣⴷⴰⵢⵜ ⴷ ⵜⵎⴰⵜⴰⵔⵜ ⵏ ⵜⵙⵓⵜⵍⵜ, ⴷ ⵜⴼⵓⴳⵍⴰ ⵍⵍⵉⵖ ⵔⴰⴷ ⵜⵉⴼⴽⴰ ⵜⵙⵎⵖⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵏ ⵓⵙⴳⴳⵯⴰⵙ 2022, ⵍⵍⵉ ⵉⴳⴰⵏ ⵜⴰⵙⵎⵖⵓⵔⵜ ⵉⵜⵜⴰⵡⵙⵏ ⴳ ⵓⴱⵓⵖⵍⵓ ⵏ ⵓⴼⴰⵔⵙ ⴰⴷⵍⵙⴰⵏ ⴰⵎⴰⵣⵉⵖ, ⴷ ⵓⵙⵙⵉⵎⵖⵔ ⵏ ⵉⵎⵙⵏⴼⵍⵓⵍⵏ.

ⴰⵙⵙ ⵏ 18 ⴳ ⴽⵜⵓⴱⵕ ⴰⴷ, ⵔⴰⴷ ⵜⴻⵜⵜⵓⵙⴽⴰⵔ ⵜⵙⵇⵇⴰⵢⵎⵓⵜ ⵅⴼ ⵓⵙⵏⵜⵍ "ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵢⵉⴹⵉⵕ ⵏ ⵓⵏⴷⵓⴷⵉ ⵏ ⵡⴰⵟⵍⴰⵚ", ⴳⵉⵙ ⵜⵉⵎⵢⴰⴷⴰⵙⵉⵏ ⵜⵉⵙⵏⵓⵎⵎⴰⵍ ⴷ ⵜⵙⴼⵙⴰⵢ ⵉⴳⴰⵏ ⵜⵉⴽⴰⴷⵉⵎⵢⵉⵏ, ⵉ ⴽⵓ ⵜⴰⵙⴳⵉⵡⵉⵏ ⵏ ⵜⴱⵕⵕⴰⵏⵜ ⴰⴷ ⴷ ⴰⵢⵍⵍⵉ ⴷ ⵜⴼⵍ, ⴷ ⴰⵢⵍⵍⵉ ⵙ ⴷ ⵉⵇⵇⴰⵏ ⴰⴷ ⵉⵜⵜⵉⵢⵙⴽⴰⵔ ⴼⴰⴷ ⴰⴷ ⵏⴼⵔⴳ ⵜⴰⵎⴰⴳⵉⵜ ⵏ ⵜⴰⵢⵙⵉ ⵜⴰⴷⵍⵙⴰⵏⵜ ⴷ ⵓⵙⴱⵓⵖⵍⵓ ⵏⵏⵙ, ⴷ ⵓⵙⵙⴷⵔⵓ ⵏ ⵉⵎⵣⴷⴰⵖⵏ ⴳ ⵜⵓⵚⴽⴰ ⵜⴰⵎⴰⵢⵏⵓⵜ ⵏ ⵉⴷⵖⴰⵔⵏ ⴰⴷ ⵉⵍⴽⵎ ⵓⵏⴷⵓⴷⵉ.

ⴳ ⵡⴰⵡⴰⵍ ⵏ ⵓⵙⵉⵏⴰⴳ ⵏⵉⵜ, ⵢⵓⵛⴽⴰ ⴷ ⵓⵙⵉⴷⵔ ⵏ ⵓⴽⵜⵜⴰⵢ ⴰⴷ ⴳ ⵜⵉⵣⵉ ⴳ ⵜⵍⵍⴰ "ⵜⵡⴰⵖⵉⵜ ⴰⴷ ⵜⴰⴳⴰⵎⴰⵏⵜ (ⴰⵏⴷⵓⴷⵉ) ⵍⵍⵉ ⵢⵓⵜⵏ ⴽⵔⴰ ⴳ ⵜⵙⴳⵉⵡⵉⵏ ⵏ ⵡⴰⵟⵍⴰⵚ ⴰⵎⵇⵕⴰⵏ, ⵉⵟⵟⴰⴼ ⵓⵙⵙⵉⴷⵔ ⴰⴷ ⵜⵉⵎⵍⵙⵉⵜ ⵉⵥⵍⵉⵏ, ⵍⵍⵉⵖ ⴷ ⵉⵇⵇⴰⵏ ⴰⴷ ⵢⴰⵡⵙ ⵓⵙⵉⵏⴰⴳ ⴳ ⵓⵚⴽⵓ ⵏ ⵉⴷⵖⴰⵔⵏ ⴰⴷ ⵙ ⴰⵢⵏⵏⴰ ⵎⵎⵉ ⵉⵖⵉ".

ⵉⵙⵎⴷ ⵓⵙⵉⵏⴰⴳ ⵎⴰⵙⴷ "ⴰⵙⵜⴰⵢ ⴰⴷ ⵢⵓⵛⴽⴰ ⴷ ⵣⴳ ⵜⵓⵙⵙⵏⴰ ⵏⵏⵖ ⵜⴰⵏⴰⵎⵓⵔⵜ ⵙ ⵓⵎⴰⵜⴰ, ⵙⵍⴰⵡⵏⴷ ⴰⴽⴽⵯ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵍⵍⵉ ⵢⵓⵙⵉⵏ ⵜⵓⴳⵜⵜ ⵏ ⵜⵉⵏⴷⵉⵜⵉⵏ ⴰⵎ ⵜⵉⵡⵉⵣⵉ ⴷ ⵓⵎⵢⴰⵡⴰⵙ ⴳ ⵜⵡⴰⵖⵢⵉⵏ. ⵎⴽⵍⵍⵉ ⵙ ⵢⵉⵡⵙ ⵓⵙⵉⵏⴰⴳ ⴳ ⵜⵉⴷ ⵉⵣⵔⵉⵏ (ⴰⵏⴷⵓⴷⵉ ⵏ ⵍⵃⵓⵙⵉⵎⴰ, ⴽⵓⴼⵉⴷ...), ⴰⵙ ⴷ ⵉⵇⵇⴰⵏ ⴰⴷ ⵢⴰⵡⵙ ⵓⵍⴰ ⴳ ⵜⵡⴰⵖⵉⵜ ⴰⴷ, ⴼⴰⴷ ⴰⴷ ⵜⴻⵜⵜⵓⵣⵔⴰⴽ ⵜⴰⵢⵙⵉ ⵜⴰⴷⵍⵙⴰⵏⵜ ⵏ ⵉⴷⵖⴰⵔⵏ ⴰⴷ, ⵜⴻⵜⵜⵓⵣⵔⴰⴽ ⵜⴷⵔⴼⵉⵜ ⵏⵏⵙⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%89%E2%B5%8F%E2%B4%B0%E2%B4%B3-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%8F-%E2%B5%9C%E2%B5%93%E2%B5%99%E2%B5%99%E2%B5%8F%E2%B4%B0-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B4%B0%E2%B5%94-%E2%B5%89%E2%B5%99%E2%B5%8F%E2%B5%8E%E2%B4%B0%E2%B5%8D%E2%B4%B0-%E2%B5%9C%E2%B5%93%E2%B4%B3%E2%B5%9C%E2%B5%9C-%E2%B5%8F-%E2%B5%9C%E2%B5%89%E2%B5%8D%E2%B4%B0%E2%B5%8D-%E2%B5%9C%E2%B5%89%E2%B4%B7%E2%B5%8D%E2%B5%99%E2%B4%B0%E2%B5%8F%E2%B5%89%E2%B5%8F-%E2%B5%99-%E2%B5%9C%E2%B5%8E%E2%B5%8D%E2%B4%B7%E2%B4%B0-%E2%B5%8F