Published on MAPNews (https://www.mapnews.ma/am)

Accueil > ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵓⵔⴰ ⵉⵎⵓⵏⵏ ⴰⵔ ⴷⴰⵖ ⵉⵙⵙⴽⵜⴰⵢ, ⵙ ⵜⵙⵔⵜⵉⵜ ⵏ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⵎⵏⵉⴷ ⵏ ⴷⵣⴰⵢⵔ, ⵍⵍⵉⵖ ⴰⵙ ⵏⵏ ⵉⵎⴷⵉ ⴰⴼⵓⵙ

ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵓⵔⴰ ⵉⵎⵓⵏⵏ ⴰⵔ ⴷⴰⵖ ⵉⵙⵙⴽⵜⴰⵢ, ⵙ ⵜⵙⵔⵜⵉⵜ ⵏ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⵎⵏⵉⴷ ⵏ ⴷⵣⴰⵢⵔ, ⵍⵍⵉⵖ ⴰⵙ ⵏⵏ ⵉⵎⴷⵉ ⴰⴼⵓⵙ

16 ⴽⵟⵓⴱⵕ 2023 Version Imprimable
ⵜⵉⵎⵜⵜⴰ ⵉⵎⵓⵏ (ⵏⵢⵓⵢⵓⵕⴽ) - ⵉⴳⴰ ⵏⵏ ⵓⵏⴼⵍⵓⵙ ⴰⵎⴰⵜⵢ ⵏ ⵜⵎⵓⵔⴰ ⵎⵓⵏⵏⵉⵏ, ⴰⵏⵟⵓⵏⵢⵓ ⴳⵓⵜⵉⵔⵉⵛ, ⵜⵉⴼⴰⵡⵜ, ⴳ ⵓⵏⵇⵇⵉⵙ ⵏⵏⵙ ⵉⴳⴳⵓⵔⴰⵏ ⵉ ⵓⵙⵇⵇⵉⵎ ⵏ ⵓⴼⵔⴰ ⵉ ⵜⵏⵣⵔⵓⴼⵜ ⵜⴰⵎⵖⵔⴰⴱⵔⵜ, ⵅⴼ ⵜⵙⵔⵜⵉⵜ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙⵙ ⵚⴹⵉⵚ ⵍⵍⵉⵖ ⵉⵕⵥⵎ ⵉⴼⴰⵙⵙⵏ ⵏⵏⵙ ⵉ ⵜⵎⵓⵔⵜ ⵏ ⴷⵣⴰⵢⵔ ⴼⴰⴷ ⴰⴷ ⵜⵓⵔⵔⵉ ⵜⵙⵇⵇⵏⵜ ⴳⵔⴰⵜⵙⵏ ⵙ ⵡⴰⴷⴷⴰⴷ ⵏⵏⵙ ⵉⴼⵓⵍⴽⵉⵏ.

ⵉⵙⴰⵡⵍ ⵎⴰⵙⵙ ⴳⵓⵜⵉⵔⵉⵛ, ⴳ ⵓⵏⵇⵇⵉⵙ ⵏⵏⵙ, ⵅⴼ ⵢⵉⵏⴰⵡ ⵍⵍⵉ ⵉⴼⴽⴰ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⵙ ⵜⵎⵍⴷⴰ ⵏ ⵓⴽⵜⵜⴰⵢ ⵡⵉⵙⵙ 24 ⵉ ⵢⵉⵍⵉ ⵏⵏⵙ ⵅⴼ ⵓⴷⴰⴱⵓ ⵏ ⵉⵎⵣⵡⵓⵔⴰ ⵏⵏⵙ, ⵉⵎⵍ ⵎⴰⵙⴷ ⵉⵙⵙⵓⵎⴰⵏ ⴰⵏⴰⵔⵓⵣ ⵏⵏⵙ ⴼⴰⴷ ⴰⴷ ⵓⵔⵔⵉⵏⵜ ⵜⵖⴰⵡⵙⵉⵡⵉⵏ ⵙ ⵡⴰⴷⴷⴰⴷ ⵏⵏⵙⵏⵜ ⴰⴽⴷ ⴷⵣⴰⵢⵔ.

ⵢⵉⵏⵉ ⵎⴰⵙⴷ ⴷⵣⴰⵢⵔ ⴰⴷ ⵅⴼ ⵜⵍⵍⴰ ⵜⵎⴰⵙⵙⴰⵢⵜ ⵏ ⵜⴰⴱⴱⴰⵢⵜ ⵏ ⵜⵙⵇⵇⵏⵜ ⴰⴽⴷ ⵍⵎⵖⵔⵉⴱ, ⵉⵏⵏⴰ ⵎⴰⵙⵙ ⴳⵓⵜⵉⵔⵉⵛ ⵎⴰⵙⴷ ⴰⵏⵙⵙⵉⵅⴼ ⵏ ⴷⵣⴰⵢⵔ, ⵄⴱⴷ ⵍⵎⵊⵉⴷ ⵜⴱⴱⵓⵏ, ⵉⵏⵏⴰ ⴰⴷⵍⵍⵉ, ⴳ 29 ⴷⵓⵊⴰⵏⴱⵉⵔ 2022, ⴳ ⵡⴰⵡⴰⵍ ⵏⵏⵙ ⵉ ⵜⵏⵖⵎⴰⵙⵜ ⵜⴰⴼⵕⴰⵏⵚⵉⵚⵜ "ⵍⵓ ⴼⵉⴳⴰⵔⵓ" , ⵎⴰⵙⴷ "ⴷⵣⴰⵢⵔ ⵜⴱⴱⵉ ⵜⵉⵙⵇⵇⴰⵏ ⵏⵏⵙ ⴰⴽⴷ ⵍⵎⵖⵔⵉⴱ ⴼⴰⴷ ⴰⴷ ⵓⵔ ⵢⵉⵍⵉ ⵉⵎⵏⵖⵉ".

ⴼⴰⴷ ⴰⴷ ⵉⵎⵍ ⵜⴰⵥⵉⵜ ⴳⵔ ⵍⵎⵖⵔⵉⴱ ⴷ ⴷⵣⴰⵢⵔ ⵅⴼ ⵜⵏⵣⵔⵓⴼⵜ, ⵉⵏⵏⴰ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵓⵔⴰ ⵎⵓⵏⵏⵉⵏ ⴳ ⵓⵏⵇⵇⵉⵙ ⴰⴷ ⵎⴰⵙⴷ "ⴰⵏⴼⴰⵙⵙⴰⵢ ⵏ ⵜⵙⵇⵇⴰⵏ ⴳⵔ ⴷⵣⴰⵢⵔ ⴷ ⵍⵎⵖⵔⵉⴱ ⵓⵔ ⵉⴼⵓⵍⴽⵉ".

ⵉⵖⴰⵎⴰ ⴳⵉⵙ ⵍⵃⴰⵍ "ⵍⵍⵉⵖ ⵊⵊⵓ ⵓⵔ ⵜⵜⴼⵏ ⴳ ⴽⵔⴰ ⵏ ⵜⵓⵡⵀⴰⵍⵜ ⴰⴷ ⵙⴳⴰⴷⴷⴰⵏ ⵜⵉⵖⴰⵡⵙⵉⵡⵉⵏ ⴳⵔⴰⵜⵙⵏ", ⵢⵓⵚⵚⵓ ⵅⴼ ⴰⴷ ⵢⵉⵍⵉ ⵓⵎⵙⴰⵡⴰⵍ ⴼⴰⴷ ⴰⴷ ⴳⵉⴷⴷⵉⵏⵜ ⵜⵙⵇⵇⴰⵏ ⴳⵔ ⵙⵏⴰⵜ ⵜⵎⵉⵣⴰⵔ ⴰⴷ, ⴼⴰⴷ ⴰⴷ ⵙⴱⵓⵖⵍⵓⵏ ⴰⵎⵢⴰⵡⴰⵙ ⴰⴷⵖⵔⴰⵏ ⴳ ⵉⵍⵍⴰ ⵓⴼⵔⴰ.

ⴰⵔ ⴱⴷⴷⴰ ⵢⴰⵇⵇⵔⴰ ⵍⵎⵖⵔⵉⴱ ⵙ ⵓⵎⵙⴰⵡⴰⵍ ⴰⴷ, ⴳ ⴽⵓ ⵉⵙⵡⵉⵔⵏ, ⵎⴰⵛⵛ ⴷⵣⴰⵢⵔ ⴰⵔ ⴰⵙ ⴱⴷⴷⴰ ⵜⵜⴰⵏⴼ ⵜⵙⵎⵜ ⵜⴰⵙⵔⵜⵉ ⵏⵏⵙ ⵏ ⵜⵏⴰⴱⴱⴰⵢⵜ ⴷ ⵜⴰⵥⵉⵜ.

ⵙ ⵎⴽⴰⴷ, ⵉⵖⵔⴰ ⵓⵏⵙⵍⵓⵙ ⴰⵎⴰⵜⴰⵢ ⵏ ⵜⵎⵓⵔⴰ ⵎⵓⵏⵏⵉⵏ ⵉ ⵓⵙⵇⵇⵉⵎ ⵏ ⵓⴼⵔⴰ ⴷ ⵡⴰⵎⵓⵏ ⴰⴳⵔⴰⵖⵍⴰⵏ ⴼⴰⴷ ⴰⴷ ⴱⴷⴷⵏ, ⴳ ⵢⴰⵜ ⵜⵙⴳⴰ, ⵅⴼ ⵓⴼⵓⵍⴽⵉ ⴷ ⵓⴼⵔⴰ ⵍⵍⵉ ⵜⵔⴰ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴷ ⵓⵅⵛⵛⴰⵏ ⵏ ⴷⵣⴰⵢⵔ ⴳ ⵜⵙⴳⴰ ⴰⴹⵏⵉ, ⵍⵍⵉ ⵓⵔ ⵉⵔⵉⵏ ⴰⴷ ⵜⴼⵓⴽⴽⵓ ⵉⵎⵏⵖⵉ ⴰⴷ ⵉⵍⵍⴰⵏ ⵅⴼ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8F%E2%B4%BC%E2%B5%8D%E2%B5%93%E2%B5%99-%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2-%E2%B5%8F-%E2%B5%9C%E2%B5%8E%E2%B5%93%E2%B5%94%E2%B4%B0-%E2%B5%89%E2%B5%8E%E2%B5%93%E2%B5%8F%E2%B5%8F-%E2%B4%B0%E2%B5%94-%E2%B4%B7%E2%B4%B0%E2%B5%96-%E2%B5%89%E2%B5%99%E2%B5%99%E2%B4%BD%E2%B5%9C%E2%B4%B0%E2%B5%A2-%E2%B5%99-%E2%B5%9C%E2%B5%99%E2%B5%94%E2%B5%9C%E2%B5%89%E2%B5%9C-%E2%B5%8F-%E2%B5%93%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B1%E2%B4%B0%E2%B4%B1-%E2%B5%8F-%E2%B5%93%E2%B4%B7%E2%B4%B7%E2%B5%93%E2%B5%94-%E2%B5%8E%E2%B5%8F%E2%B5%89%E2%B4%B7-%E2%B5%8F