Published on MAPNews (https://www.mapnews.ma/am)

Accueil >  ⵍⴰⵎⵉⵔ ⵏ ⵉⵎⵓⵎⵎⵏ ⵉⵏⵙⵙⵉⵅⴼ ⴰⴽⴽⵯⵜⵜⴰⵢ ⵡⵉⵙⵙ 25 ⵏ ⵜⵎⵜⵜⴰⵏⵜ ⵏ ⵓⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ
  1. Accueil
  2. Activités royales

 ⵍⴰⵎⵉⵔ ⵏ ⵉⵎⵓⵎⵎⵏ ⵉⵏⵙⵙⵉⵅⴼ ⴰⴽⴽⵯⵜⵜⴰⵢ ⵡⵉⵙⵙ 25 ⵏ ⵜⵎⵜⵜⴰⵏⵜ ⵏ ⵓⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ

25 ⴽⵟⵓⴱⵕ 2023 Version Imprimable
ⵕⵕⴱⴰⵟ -  ⵉⵏⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵎⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵙ ⵎⴰⵢⴰⴷ ⵉⵎⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ  ⴱⴰⴱ ⵏ ⵡⴰⵜⵜⵓⵢ ⴰⴳⵍⴷⵓⵏ  ⵎⵓⵍⴰⵢ ⵔⴰⵛⵉⴷ ⴷ ⴱⴰⴱ  ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⴰⵃⵎⴰⴷ  ⵜⴰⴷⴳⴳⴰⵜ ⵏ ⵡⴰⵙⵙ ⴰⴷ ⵓⴽⵕⴰⵙ  ⴳ ⴰⵚⵎⴹⵍ ⵏ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⴰⴽⴽⵯⵜⵜⴰⵢ ⵡⵉⵙⵙ 25 ⵏ ⵜⵎⵜⵜⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ ⵜⴰⵎⵍⵍⴰ ⵏ ⵔⴱⴱⵉ ⴼⵍⵍⴰⵙ.

ⵉⵍⵍⴰ ⴳ ⵓⴽⴽⵯⵜⵜⴰⵢ ⴰⴷ ⵏⵏⴰ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⵜⵉⵖⵔⵉ ⵏ ⴽⵔⴰ ⵏ ⵜⵙⴷⴷⴰⵔⵉⵏ ⴳ ⵍⵇⵓⵔⴰⵏ ⴷ ⵉⵡⴰⵍⵉⵡⵏ ⵏ ⵍⵃⴰⴷⵉⵜ.

ⴳ ⵓⵣⵎⵎⵣⵓ ⴷⵖ ⵉⵙⴽⵔ  ⴱⴰⴱ  ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵢⴰⴷ ⵉⵎⴰⵏ ⴱⴰⴱ ⵏ ⵜⴰⵜⵜⵓⵢⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ  ⴱⴰⴱ ⵏ ⵡⴰⵜⵜⵓⵢ ⴰⴳⵍⴷⵓⵏ  ⵎⵓⵍⴰⵢ ⵔⴰⵛⵉⴷ ⴷ ⴱⴰⴱ  ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⴰⵃⵎⴰⴷ ⵢⴰⵏ ⴰⵔⵣⴰⴼ ⵉ  ⴰⵚⵎⴹⵍ ⵍⵍⵉⵖ ⵉⵙⵙⵓⵜⵔ ⵕⵃⵎⵜ ⵉ ⴱⴰⴱ ⵏ ⵡⴰⴷⴷⵓⵔ ⵉⴳⵍⵍⵉⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⴰⴷ ⵜ ⵉⵕⵃⵕ ⵕⴱⴱⵉ .

ⵎⴽⵍⵍⵉ ⵏ ⵓⴽⴽⵯⵜⵜⴰⵢ ⴰⴷ ⵙⵙⵓⵜⵔⵏ ⵉ ⴱⴰⴱ ⵏ ⵉⴳⵏⵡⴰⵏ ⵕⵃⵎⵜ ⵅⴼ ⵉⵎⴰⵏ ⵏ ⵉⴳⵍⵍⵉⵏ ⵏ ⵓⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ ⴰⵡⴷ ⵅⴼ ⵉⴳⵍⵍⵉⵏ ⵏ ⴱⴰⴱⴰⵙ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ , ⵉⵙⵉⵙⴼⵉⵡ ⴰⵚⵎⴹⵍ ⵏⵏⵙ.

ⴼ ⵖⵉⴽⴰⵏ  ⵙⵙⵓⵜⵔⵏ ⵉⵎⴷⵔⴰⵡⵏ ⵉ ⴱⴰⴱ ⵏ ⵉⴳⵏⵡⴰⵏ ⴰⴷ ⵉⵃⴼⴹ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵙ ⵉⵙⵎⴷ ⴰⵙ ⴰⴱⵔⵉⴷ ⵏⵏⵙ ⵙ ⵜⵙⵏⵜⴰⵢⵉⵏ ⵏⵏⴰ ⵉⵜⵜⴳⴳⴰ ⵉⵣⵣⵉⴹⵕ ⵙ ⴰⵙⴳⴳⴷ ⵏ ⵉⵚⵏⴼⴰⵕⵏ ⵉⵎⵇⵔⴰⵏ ⵉ ⵜⵏⴰⴼⵓⵜ ⴷ ⵉⵙⵙⵓⵜⵉⵓⵔⵏ ⵏ ⵓⵖⵔⴼ ⵏⵏⵙⵏ ⴷ ⴰⴷ ⵉⵃⴼⴹ  ⴱⴰⴱ ⵏ ⵜⴰⵜⵜⵓⵢⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ  ⴱⴰⴱ ⵏ ⵡⴰⵜⵜⵓⵢ ⴰⴳⵍⴷⵓⵏ  ⵎⵓⵍⴰⵢ ⵔⴰⵛⵉⴷ ⴰⴽⴷ ⴰⴽⴽⵯ ⵜⵡⵊⴰ ⵜⴰⴳⵍⴷⴰⵏⵜ.

ⵉⴷⵔⴰ ⴰⵡⴷ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵉⵏⵙⵙⵉⵅⴼⵏ ⵏ ⵜⴷⵍⵉⵡⵉⵏ ⵏ ⵓⴱⵕⵍⴰⵎⴰⵏ ⴷ ⵉⵎⵛⵛⵉⵡⴰⵔⵏ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵉⴳⵎⴰⵎⵏ ⵏ ⵜⵏⴱⴰⴷⵜ ⴷ ⵉⵏⵙⵙⵉⵅⴼⵏ ⵉⵏⵎⴰⵍⵍⵓⵜⵏ ⵉⴷⵓⵙⵜⵓⵔⵉⵢⵏ ⴷ ⴹⵓⴱⴰⵟ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴷ ⵉⴳⵎⴰⵎⵏ ⵏ ⵉⴷⵡⴰⵍⵏ ⵉⴷⵉⴱⵍⵓⵎⴰⵙⵉⵢⵏ ⴳ ⵕⵕⴱⴰⵟ, ⴷ ⵜⵓⴷⵎⴰⵡⵉⵏ ⵢⴰⴹⵏ ⵜⵉⵎⴰⴷⴰⵏⵉⵏ ⴷ ⵜⵙⵔⴷⴰⵙⵉⵏ ⴳ ⵓⴽⴽⵯⵜⵜⴰⵢ ⴰⴷ.

 

Dernière modification : 25 ⴽⵟⵓⴱⵕ 2023
Source URL: https://www.mapnews.ma/am/activites-royales/%C2%A0%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8E%E2%B5%8F-%E2%B5%89%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B0%E2%B4%BD%E2%B4%BD%E2%B5%AF%E2%B5%9C%E2%B5%9C%E2%B4%B0%E2%B5%A2-%E2%B5%A1%E2%B5%89%E2%B5%99%E2%B5%99-25-%E2%B5%8F-%E2%B5%9C%E2%B5%8E%E2%B5%9C%E2%B5%9C%E2%B4%B0%E2%B5%8F%E2%B5%9C-%E2%B5%8F-%E2%B5%93%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B5%A1%E2%B5%89%E2%B5%99%E2%B5%99-%E2%B5%99%E2%B5%89%E2%B5%8F