ⴳ ⵓⵣⵎⵣⵣⵓ ⵢⴰⴷ, ⵉⵔⵣⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴽⵓⵍⵍⵓ ⵉⵙⴰⵢⵔⴰⵔⵏ ⵏ ⵚⵚⴰⵍⵓⵏ. ⴷⴼⴼⵉⵔ ⵏ ⵖⵉⴽⴰⵏⵏ, ⵉⵃⴰⴹⵕ ⵉ ⵢⴼⵕⵕⵊⵏ ⵉⵎⵙⵉⵙⵔⴼⵏ ⵍⵍⵉ ⵙⵎⵏⵉⴷⵏ ⵉⴼⵕⴰⵏⵚⵉⵚⵏ ⴼⵔⵉⴷⵉⵔⵉⴽ ⴱⵉⵏⵢⵓⵏ ⴷ ⵎⴰⴳⴰⵍⵉ ⴷⵉⵍⴳⴰⴷⵓ, ⴷ ⵜⵔⴰⴱⴱⵓⵜ ⵜⴰⴼⵕⴰⵏⵚⵉⵚⵜ ⵊⵉⵓⵍ, ⴷ ⵍⴼⴰⵔⵉⵙ ⴰⴱⵓⵔⵜⵓⵖⴰⵍⵉ ⵍⵡⵉⵙ ⴼⴰⵍⵉⵏⵚⴰ.
ⵉⵃⴰⴹⵕ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⵉ ⵡⵏⵓⴳⵏ ⵏ ⵓⵙⵏⵎ ⵏ ⵜⵏⴰⴽⴰ ⴳ ⵜⴰⴳⵓⵜ, ⵍⵍⵉ ⵜⵙⴽⵔ ⵜⵔⴰⴱⴱⵓⵜ ⵏ ⵍⴼⵓⵔⵙⴰⵏ ⵡⵉⵙⵜⵉⵔⵏ ⴽⴰⵔⵉⵏ ⴼⴰⵏⵓⵏ (ⴼⵕⴰⵏⵚⴰ), ⴷ ⵢⴰⵏ ⵓⵕⴽⴰⴹ ⵏ ⵜⵏⴰⴽⴰ ⴷ ⵉⵢⵢⵉⵙⵏ ⵉⵄⵕⴰⴱⵏ-ⵉⵎⴰⵣⵉⵖⵏ, ⵍⵍⵉ ⵙⴽⵔⵏ ⵉⵏⴹⴰⴼⵏ ⵉⵏⴰⵎⵓⵔⵏ ⵉⵎⵖⵔⴰⴱⵉⵏ, ⴷ ⵢⴰⵏ ⴰⴼⵕⵕⵊ ⵏ ⵜⴱⵓⵕⵉⴹⴰ ⴷ ⵎⵏⵏⴰⵡ ⵏ ⵉⴼⵕⵕⵊⵏ ⵢⴰⴹⵏⵉⵏ.
ⵚⵚⴰⵍⵓⵏ ⵏ ⵡⴰⵢⵢⵉⵙ ⵖ ⵊⴷⵉⴷⴰ, ⵍⵍⵉ ⵢⵙⵏⵎⴰⵍⴰⵏ ⴳ ⵓⴱⴰⵔⴰⵣ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵍⵉⴽⴰ ⵍⵍⵉ ⵢⵓⵎⵥⵏ 9 ⴰⵀⵉⴽⵜⴰⵕ, ⵍⵍⴰⵏ ⴳ ⵉⵙ 20.000 ⴰⵎⵉⵜⵔⵓ ⴰⵎⴽⴽⵓⵥ ⵏ ⵓⵙⴰⵢⵔⴰⵔ ⵉⵖⵎⵙⵏ, ⵔⴰⴷ ⵉⵙⵙⵏ ⴰⵙⴳⴳⵯⴰⵙ ⴰⴷ ⵜⴰⴷⵔⴰⵡⵜ ⵏ ⵓⴳⴳⵯⴰⵔ ⵏ ⵜⵎⵉⴹⵉ ⵏ ⵉⵙⴼⵙⵔⵏ ⵍⵍⵉ ⵢⵙⵎⴷⵢⴰⵏ ⵉⵣⵣⵓⵍⴰⵏⵏ ⵏ ⵉⴳⵔ ⴰⴷ, ⴷ ⵜⵉⵎⵔⵙⵍⵉⵏ ⵉⵏⴰⵎⵓⵔⵏⵉⵏ ⴷ ⵉⴳⵔⴰⵖⵍⴰⵏⵉⵏ ⴷ ⵜⵉⵎⵙⵎⵓⵏⵉⵏ ⵉⵣⵣⵓⵍⴰⵏⵏ.
ⵓⴳⴳⵯⴰⵔ ⵏ 250.000 ⵏ ⵉⵏⵔⵣⵓⴼⵏ ⵔⴰⴷ ⴰⵛⴽⵉⵏ ⵙ ⵜⴰⵙⵙⵓⵜⵍⵜ ⴰⴷ ⵜⵉⵙⵙ 6 ⵏ ⵚⵚⴰⵍⵓⵏ ⵍⵍⵉ ⵜⵙⵏⵎⴰⵍⴰ ⵜⴰⵎⵙⵎⵓⵏⵜ ⵏ ⵚⵚⴰⵍⵓⵏ ⵏ ⵓⵢⵢⵉⵙ, ⵓⵍⴰ ⴷ ⵓⴳⴳⵯⴰⵔ ⵏ ⵓⴳⵏⴰⵔ ⵏ ⵜⵎⴰⵣⵉⵔⵜ ⵜⴰⵄⵕⴰⴱⵜ ⴷ ⵜⵓⵕⵓⴱⴱⵓⵜ ⵔⴰⴷ ⴳⵉⵜ ⴷⵔⵓⵏ, ⵣⵓⵏⴷ ⵙⵙⴰⵄⵓⴷⵢⵢⴰ ⴷ ⵜⵓⵏⵙ ⴷ ⴼⵕⴰⵏⵚⴰ ⴷ ⴰⵍⵎⴰⵏⵢⴰ ⴷ ⵀⵏⵖⴰⵕⵢⴰ ⴷ ⵜⵓⵕⴽⵢⴰ, ⵎⴰⵢⴰⴷ ⵉⴳⴰⵏ ⴰⵖⵔ ⵏ ⵓⴷⴷⴰⵔ.
ⵍⵍⵉⵖ ⵉⵍⴽⵎ ⴰⴱⴰⵔⴰⵣ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵍⵉⴽⴰ, ⵉⵙⵣⵔⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵜ ⵢⴰⵏ ⵓⵢⵢⴰⵡ ⵏ ⵜⴰⵏⴹⴰⴼⵜ ⵜⴰⴳⵍⴷⴰⵏⵜ ⵍⵍⵉ ⵢⴰⵜ ⵉⴼⴽⴰⵏ ⵉⴷⴷⵓⵔⵏ ⴷⴰⵜ ⴰⴷ ⵜ ⵉⵣⵣⵓⵍ ⵓⵎⴰⵡⵙⴰⵙ ⵏ ⴷⴰⵜ ⴰⴷ ⵜ ⵉⵣⵣⵓⵍ ⵓⵎⴰⵡⵙⴰⵙ ⵏ ⵜⵎⵙⵎⵓⵏⵜ ⵏ ⴰⵢⵢⵉⵙ, ⵛⵔⵉⴼ ⵎⵓⵍⴰⵢ ⵄⴱⴹⵍⵍⴰⵀ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵙⴰⵄⵓⴷ ⴱⵏ ⵚⵓⵍⵟⴰⵏ ⴰⵍ ⵙⴰⵄⵓⴷ, ⴱⴰⴱ ⵏ ⵜⴰⴽⵙⵙⴰⴱⵜ « ⴰⵍ ⵎⴰⵎⵍⴰⴽⴰ » ⵏ ⵉⵢⵢⵉⵙⵏ ⵉⵄⵕⴰⴱⵏ, ⴷ ⵉⵎⴰⵡⵙⴰⵙ ⵏ ⵓⴳⵏⵙⵓ, ⴷ ⵓⵎⴰⵡⴰⵙⴰⵙ ⵏ ⵜⵏⴼⵍⴰⵃⵜ ⴷ ⵜⴰⴳⵎⵔⵜ ⵜⴰⵢⵍⴰⵏⵜ ⴷ ⵎⵏⵏⴰⵡ ⵏ ⵉⵏⵎⵖⵓⵔⵏ ⵢⴰⴹⵏⵉⵏ.
ⴳ ⵓⵣⵎⵣⵣⵓ ⵢⴰⴷ, ⵉⴼⴽⴰ ⴰⵎⴰⵍⴰⵍ ⵏ ⵚⵚⴰⵍⵓⵏ, ⵍⵃⴱⵉⴱ ⵎⵕⵥⴰⵇ, ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴰⵔⵣⵣⵉⴼⵜ.