Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⵓⵣⵉⵏⵜ ⵉ ⵢⵎⴷⵔⴰⵡⵏ ⴳ ⵓⴳⵔⴰⵡ ⵉⴳⵔⴰⵖⵍⴰⵏ ⵡⵉⵙⵙ ⴽⴽⵓⵥ ⵏ ⵜⵉⵖⵔⵎⵉⵏ ⴷ ⵜⵉⵏⴱⴰⴹⵉⵏ ⵉⴷⵖⵔⴰⵏⵉⵏ ⵉⵎⵓⵏⵏ
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⵓⵣⵉⵏⵜ ⵉ ⵢⵎⴷⵔⴰⵡⵏ ⴳ ⵓⴳⵔⴰⵡ ⵉⴳⵔⴰⵖⵍⴰⵏ ⵡⵉⵙⵙ ⴽⴽⵓⵥ ⵏ ⵜⵉⵖⵔⵎⵉⵏ ⴷ ⵜⵉⵏⴱⴰⴹⵉⵏ ⵉⴷⵖⵔⴰⵏⵉⵏ ⵉⵎⵓⵏⵏ

02 ⴽⵟⵓⴱⵕ 2013 Version Imprimable
ⵕⵕⴱⴰⵟ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵜ ⵜⵓⵣⵉⵏⵜ ⵉ ⵢⵎⴷⵔⴰⵡⵏ ⴳ ⵓⴳⵔⴰⵡ ⵉⴳⵔⴰⵖⵍⴰⵏ ⵡⵉⵙⵙ ⴽⴽⵓⵥ ⵏ ⵜⵉⵖⵔⵎⵉⵏ ⴷ ⵜⵉⵏⴱⴰⴹⵉⵏ ⵉⴷⵖⵔⴰⵏⵉⵏ ⵉⵎⵓⵏⵏ, ⵍⵍⵉ ⵢⵍⵍⴰⵏ ⴳ ⵕⵕⴱⴰⵟ ⵙⴳ 1 ⴰⵔ 4 ⴽⵜⵓⴱⵕ.

ⵜⵓⵣⵉⵏⵜ ⴰⴷ ⵉⵖⵔⴰⵜ ⵜ ⵎⴰⵙⵙ ⴼⵜⵃ ⵍⵍⴰⵀ ⵓⵍⵄⵍⵓ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⴷⵉⵏⵜ ⵏ ⵕⵕⴱⴰⵟ.

ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⴰⴼⴰⴷ ⴰⴷ ⵙⵙⵓⵖⵏ ⵉⴼⵙⵙⴰⵢⵏ ⵉⵎⵓⴼⴰⵢⵏ ⵍⵍⵉ ⵥⴹⴰⵕⵏ ⴰⴷ ⵜⵓⴹⴼⴰⵕⵏ ⴳ ⵉⴳⵔ ⵏ ⵓⵙⵡⵓⴷⴷⵓ ⴰⴷⵖⵔⴰⵏ ⴷ ⴱⴰⵛ ⴰⴷ ⵜⵏⴽⵔⴰ ⵙ ⵓⵏⴱⴰⴹ ⵉⵖⵓⴷⴰⵏ ⴳ ⵓⵙⵡⵓⴷⴷⵓ ⴳ ⵜⵎⴷⵏⵉⵏ.

ⵉⵅⵚⵚⴰ ⵜⵏ, ⵙ ⵜⵡⵉⵙⵉ ⵏ ⵓⵡⵏⴰⴽ, ⴰⴷ ⴷ ⴰⵡⵉⵏ ⵉⵙⵙⴰⵔⵓⵜⵏ ⵍⵍⵉ ⴷ ⵜⵜⴰⵡⵉⵏⵉⵏ ⵉⴷⵔⵉⵎⵏ ⴷ ⵜⵡⵓⵔⵉ ⴷ ⵍⵍⵉ ⴰⴽⴽⴰⵏⵉⵏ ⵢⴰⵜ ⵜⵓⴷⵔⵜ ⵉⵖⵓⴷⴰⵏ ⵉ ⵢⵉⵏⵎⵓⵔⵉⵢⵏ ⴷ ⴰⴷ ⴰⵡⵙⵏ ⵖ ⵉⴼⵙⵙⴰⵢⵏ ⵏ ⵜⵎⵓⴽⵔⵉⵙⵉⵏ ⵜⵉⴷⴰⵎⵙⴰⵏⵉⵏ ⵏ ⵖⵉⵍⴰ ⴷ.

ⵉⵙⵙⴽⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵖ ⵜⵙⴳⴰ ⵢⴰⴷ, ⵜⵉⴳⵎⵉ ⵍⵍⵉ ⵢⵉⵙⴽⵔ ⵍⵎⵖⵔⵉⴱ, ⵙⵍⴰⵡⴰⵏ ⴰⴽⴽⵯ ⵍⵍⵉ ⵖ ⵉⵙⵙⴽⵛⵎ ⵜⴰⵏⵎⵏⴰⴹⵜ ⵜⴰⵎⵉⵔⵉⵡⵜ, ⵍⵍⵉ ⴷ ⵢⵓⵛⴽⴰⵏ ⴰⴷ ⵜⵙⴽⵔ ⵢⴰⵜ ⵜⵉⴽⵍⵉ ⵜⴰⵎⴰⵢⵏⵓⵜ ⵖ ⵓⵣⵣⵉⴳⵣ ⵏ ⵓⵙⴷⵓⴷ ⵏ ⵜⴷⵉⵎⵓⵇⵕⴰⵟⵉⵜ ⵜⴰⴷⵖⵔⴰⵏⵜ.

ⵖ ⵓⵎⵏⵉⴷ ⴰⴷ ⴰⵖ "ⵉⴼⴽⴰ ⵍⵎⵖⵔⵉⴱ ⵢⴰⵜ ⵜⵙⵏⴰⵜⵢⵜ ⵉⴳⴰⵏ ⵜⴰⵎⵣⵓⵍⵜ ⵍⵍⵉ ⵢⴰⴽⴽⴰⵏ ⵉ ⵍⵎⵖⵔⵉⴱ ⵜⴰⵏⵙⵉⵎⴰⵏⵜ ⵍⵍⵉ ⵢⵉⵜⵜⴰⵊⵊⴰⵏ ⴰⴳⴷⵓⴷ ⵏ ⵜⵙⴳⴰ ⵢⴰⴷ ⴰⴷ ⵉⵙⴰⵍⴰ ⵜⴰⵡⵔⵉⵡⵉⵏ ⵏⵏⵙ ⵖ ⵓⵙⴰⵜⵉ ⵏ ⵜⵎⵓⵏⵜ ⵏ ⵜⴳⵍⴷⵉⵜ ⴷ ⵜⴰⵏⵉⴳⴰⴽⵜ ⵏⵏⵙ ⵅⴼ ⴰⴽⴽⵯ ⵉⴽⴰⵍⵉⵡⵏ".

ⵖ ⵍⵎⵖⵔⵉⴱ, ⵏⵣⵔⵉ ⵖ ⵜⵎⵙⵏⴰⵍⵜ ⵜⴰⵎⵙⵙⵓⴳⵓⵔⵜ ⵜⴰⵇⴱⵓⵕⵜ ⵅⴼ ⵜⴳⴰⵡⵉⵏ ⵏ ⵜⴳⵔⴰⵡⵜ, ⵙ ⵓⵙⴷⵓⴷ ⵏ ⵓⵏⴳⵔⴰⵡ ⵏ ⵜⵉⴹⴰⴼ ⵏ ⵜⵣⵔⴼⵜ ⵜⴰⵎⵙⵙⵓⴳⵓⵔⵜ ⵅⴼ ⵜⴳⵔⴰⵡⵉⵏ ⴰⴷ, ⵍⵍⵉ ⵢⵉⵅⵚⵚⴰ ⴰⴷ ⵟⵟⴼⵏⵜ ⵜⴰⵎⴰⵎⴽⵜ ⴰⴷ ⵖⵜⵙⵏⵜ ⵖ ⵓⵙⴰⵜⵉ ⵏ ⵉⵙⴱⴷⴰⴷⴱ ⵏ ⵓⵡⵏⴰⴽ ⵏ ⵓⵣⵔⴼ.

ⵉⵙⴰⵡⵍ ⴱⴰⴱ ⵏ ⵡⴰⴷⴷⵓⵔ ⵖ ⵜⵙⴳⴰ ⴰⴹⵏⵉⵏ ⵅⴼ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵏ ⵓⴼⴳⴰⵏ ⵍⵍⵉ ⵢⵉⴱⴷⴰⵏ ⵖ ⵎⴰⵢⵢⵓ 2005 ⴷ ⵍⵍⵉ ⵢⵉⴳⴰⵏ ⵢⴰⵏ ⵡⴰⵏⴰⵡ ⵖ ⵉⴳⵔ ⵏ ⵜⵙⵔⵜⵉⵜ ⵜⴰⴳⴷⵓⴷⴰⵏⵜ.

Dernière modification : 02 ⴽⵟⵓⴱⵕ 2013
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%9C-%E2%B5%9C%E2%B5%93%E2%B5%A3%E2%B5%89%E2%B5%8F%E2%B5%9C-%E2%B5%89-%E2%B5%A2%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%89%E2%B4%B3%E2%B5%94%E2%B4%B0%E2%B5%96%E2%B5%8D%E2%B4%B0%E2%B5%8F-%E2%B5%A1%E2%B5%89%E2%B5%99%E2%B5%99-%E2%B4%BD%E2%B4%BD%E2%B5%93%E2%B5%A5-%E2%B5%8F-%E2%B5%9C%E2%B5%89%E2%B5%96%E2%B5%94%E2%B5%8E%E2%B5%89%E2%B5%8F#comment-0