Published on MAPNews (https://www.mapnews.ma/am)

Accueil > ⴰⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⴰⵔ ⵉⵜⵜⴰⵣⵏ ⵢⴰⵜ ⵜⴱⵔⴰⵜ ⵉ ⵓⵏⵙⵙⵉⵅⴼ ⵏ ⵜⵢⴰⵎⵓⵏⵜ ⵉⵥⵍⵉⵏ ⵙ ⵓⵖⵔⴼ ⴰⴼⴰⵍⴰⵚⵟⵉⵏ ⴷ ⵉⵣⵔⴼⴰⵏ ⵏⵏⵙ ⵓⵔ ⵉⵜⵜⵢⴰⴳⵣⴰⵎⵏ
  1. Accueil
  2. Activités royales

ⴰⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⴰⵔ ⵉⵜⵜⴰⵣⵏ ⵢⴰⵜ ⵜⴱⵔⴰⵜ ⵉ ⵓⵏⵙⵙⵉⵅⴼ ⵏ ⵜⵢⴰⵎⵓⵏⵜ ⵉⵥⵍⵉⵏ ⵙ ⵓⵖⵔⴼ ⴰⴼⴰⵍⴰⵚⵟⵉⵏ ⴷ ⵉⵣⵔⴼⴰⵏ ⵏⵏⵙ ⵓⵔ ⵉⵜⵜⵢⴰⴳⵣⴰⵎⵏ

29 ⵏⵓⵡⴰⵏⴱⵉⵔ 2023 Version Imprimable
ⵏⵢⵓⵢⵓⵕⴽ - ⵢⵓⵣⵏ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⵢⴰⵜ ⵜⴱⵔⴰⵜ ⵉ ⵓⵏⵙⵙⵉⵅⴼ ⵏ ⵜⵢⴰⵎⵓⵏⵜ ⵉⵥⵍⵉⵏ ⵙ ⵓⵖⵔⴼ ⴰⴼⴰⵍⴰⵚⵟⵉⵏ ⴷ ⵉⵣⵔⴼⴰⵏ ⵏⵏⵙ ⵓⵔ ⵉⵜⵜⵢⴰⴳⵣⴰⵎⵏ, ⵎⴰⵙⵙ ⵛⵛⵉⵅ ⵏⵢⴰⵏⴳ, ⵙ ⵜⵎⵍⴷⴰ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵓⵎⵢⴰⵡⴰⵙ ⴷ ⵓⵖⵔⴼ ⴰⴼⴰⵍⴰⵚⵟⵉⵏ.

ⴳ ⵎⴰ ⴰⴷ ⴷ ⵢⵓⵛⴽⴰⵏ ⴰⴹⵕⵉⵚ ⵏ ⵜⴱⵔⴰⵜ ⵜⴰⴳⵍⴷⴰⵏⵜ :

ⵢⵓⵛⴽⴰ ⴷ ⵓⵙⵙⵉⴷⵔ ⵏ ⵡⴰⵙⵙ ⴰⵎⴰⴹⵍⴰⵏ ⵉ ⵓⵎⵢⴰⵡⴰⵙ ⵔ ⵓⵖⵔⴼ ⴰⴼⴰⵍⴰⵚⵟⵉⵏ ⴰⵙⴳⴳⵯⴰⵙ ⴰⴷ, ⴷ ⵓⴷⵖⴰⵔ ⵏ ⵉⵎⵉⵏⵉⴳ ⴰⵏⴰⵎⵎⴰⵙ, ⴷ ⵙⵍⴰⵡⴰⵏⴷ ⴰⴽⴽⵯ ⵉⴽⴰⵍⵉⵡⵏ ⵏ ⴼⴰⵍⴰⵚⵟⵉⵏ ⵍⵍⵉ ⴰⵙⵏ ⵛⵜⵜⵡⴰⵢⴽⴽⴰⵙⵏ, ⵉⵎⵎⴰⴳⴳⴰⵔ ⴷ ⵣⴳ ⵡⴰⵙⵙ ⵏ 7 ⵓⴽⵜⵓⴱⵕ 2023, ⴽⵔⴰ ⵏ ⵜⵖⴰⵡⵙⵉⵡⵉⵏ ⴱⴰⵀⵔⴰ ⵉⵅⵛⵏⵏ, ⵍⵍⵉ ⴳ ⵍⵍⴰⵏ ⵜⵓⴳⵜⵜ ⵏ ⵉⵎⵏⵖⵉⵡⵏ ⵍⵍⵉ ⴳ ⴰⵔ ⵜⵎⵜⴰⵜⵏ ⵜⵓⴳⵜⵜ ⵏ ⵉⵏⴰⵎⵓⵔⵏ ⵉⴳⵍⵍⵉⵏ, ⵜⵓⴳⵜⵜ ⴳⵉⵙⵏ ⴳⴰⵏ ⵖⴰⵔ ⵜⴰⵣⵣⴰⵏⵉⵏ ⴷ ⵜⵎⵖⴰⵔⵉⵏ, ⴷ ⵓⵍⴰ ⵜⵉⴳⵎⵎⴰ ⵉⵅⵍⴰⵏ ⴷ ⵜⵉⵏⵎⴰⵍ ⵓⵍⴰ ⵉⵙⴳⴳⵓⵏⴼⴰ, ⴳ ⵉⴷⵖⴰⵔⵏ ⵏ ⵖⴰⵣⵣⴰ, ⵎⴰⵢⴰⴷ ⵉⴳⴰ ⵎⴳⴰⵍ ⵏ ⵉⵣⵔⴼⴰⵏ ⵉⴳⵔⴰⵖⵍⴰⵏⵏ ⴷ ⵜⵏⴷⵉⵜⵉⵏ ⵜⵉⵏⴰⴼⴳⴰⵏⵉⵏ.ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵍⴱⴷⵓ ⵏ ⵜⴱⵔⴰⵜ ⴰⴷ.

ⵎⵇⵇⴰⵔ ⵍⵍⴰⵏ ⵜⵓⴳⴳⵜ ⵍⵍⵉ ⵢⴰⵇⵇⵔⴰⵏ ⴼⴰⴷ ⴰⴷ ⵙⴱⴷⴷⵏ ⵉⵎⵏⵖⵉ ⴰⴷ, ⵙⴽⵔⵏ ⵉ ⵉⵙⴰⴼⴰⵔⵏ ⴷ ⵜⵡⵉⵙⵉ ⴰⴷ ⵜⴽⵛⵎ, ⵎⴰⵛⵛ ⵉⵙⵔⴰⵢⵍ ⵜⵙⵓⵍ ⵓⴽⴰⵏ ⴰⵔ ⵜⴽⴽⴰⵜ ⵉⴼⵉⵍⵉⵚⵟⵉⵏⵏ ⵙ ⵢⴰⵜ ⵜⵖⴰⵔⴰⵙⵜ ⵉⵛⵇⵇⴰⵏ ⴷ ⵉⵀⵔⵛⵏ ⴱⴰⵀⵔⴰ, ⴰⵢⵍⵍⵉ ⵉⵙⵔⴳⵏ ⵉ ⵎⴰⵢⵜⵜⴳⴳⴰⵏ ⵎⵍⵢⵓⵏ ⴷ ⵓⵣⴳⵏ ⵏ ⵉⴼⵉⵍⵉⵚⵟⵉⵏⵏ ⴰⴷ ⵔⵡⵍⵏ.

ⵜⴰⵖⵡⵡⴰⵖⵜ ⴰⴷ ⵉⵍⵍⴰⵏ ⵅⴼ ⵖⴰⵣⵣⴰ ⴰⵔ ⵜⵜⵉⴳⵓⵜ, ⵎⴰⵢⴰⴷ ⴰⵙ ⴷ ⵉⵇⵇⴰⵏ ⴰⵎⵓⵏ ⴰⵎⴰⴷⴰⵏ ⴳ ⵓⵎⴰⴹⴰⵍ ⴰⴽⴽⵯ ⴰⴷ ⵉⵎⵎⴰⵙⵙ, ⵙⵍⴰⵡⵏⴷ ⴰⴽⴽⵯ ⴰⵙⵇⵇⵉⵎ ⵏ ⵓⴼⵔⴰ ⴰⴳⵔⴰⵖⵍⴰⵏ ⵍⵍⵉ ⵉⴳⴰⵏ ⴰⵎⴰⵙⵙⴰⵢ ⵅⴼ ⵜⴰⵔⴰⵢⵜ ⵏ ⵉⵡⴷⴰⵏ ⴷ ⵓⴼⵔⴰ ⵏⵏⵙⵏ ⴳ ⵓⵎⴰⴹⴰⵍ, ⴼⴰⴷ ⴰⴷ ⵙⴱⵉⴷⴷⵏ ⵎⴰⵢⴰⴷ, ⵉⵏⵉⵏ ⵙ ⵢⴰⵏ ⵡⴰⵡⴰⵍ ⴰⴷ ⵉⴱⴷⴷ ⵉⵎⵏⵖⵉ, ⵜⵜⵓⵣⵔⴰⴽⵏ ⵉⵙⴰⴹⵓⴼⵏ ⵉⴳⵔⴰⵖⵍⴰⵏⵏ ⴷ ⵉⵏⴰⴼⴳⴰⵏⵏ.ⵎⴰⵢⴷ ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⴰⴷ.

ⵏⴻⵏⵏⴰ ⴳ ⵜⴰⴼⴰⵜ ⵜⵉⵎⵥⵍⵉⵜ ⵜⴰⵄⵔⴰⴱⵜ ⵜⴰⵏⵙⵍⵎⵜ ⵉⵜⵜⵓⴷⵔⴰⵏ ⵍⵍⵉ ⵉⵜⵜⵉⵢⵙⴽⴰⵔⵏ ⴳ ⵜⴳⵍⴷⵉⵜ ⵜⴰⵄⵕⴰⴱⵜ ⵏ ⵙⴰⵄⵓⴷⵢⴰ ⴳ 11 ⵏⵓⵡⴰⵏⴱⵉⵔ 2023, ⵎⴰⵙ ⵍⵍⴰⵏⵜ ⴽⴽⵓⵥⵜ ⵜⵖⴰⵡⵙⵉⵡⵉⵏ ⵉⵇⵇⴰⵏ ⴷ ⴰⴷ ⵜⵏ ⴷ ⵏⵣⵣⵡⴰⵔ, ⴳⴰⵏⵜⵏⵜ:

ⵜⴰⵎⵣⵡⴰⵔⵓⵜ : ⴰⵙⴱⴷⴷ ⵏ ⵉⵎⵏⵖⵉ ⴳ ⵎⴰⴷ ⴷ ⵢⴰⵥⵏ, ⴼⴰⴷ ⴰⴷ ⵙⵓⵍ ⵓⵔ ⵉⵍⵉⵏ ⵉⵏⴰⴼⴰⵏ.

ⵜⵉⵙⵙ ⵙⵏⴰⵜ : ⴰⵔⴰⵢ ⵏ ⵉⵏⴰⵎⵓⵔⵏ, ⴷ ⴰⴷ ⵜⵏ ⵓⵔ ⴽⴽⴰⵜⵏ ⵉⵙⵔⴷⴰⵙⵏ, ⴷ ⵓⵣⵔⴰⴽ ⵏ ⴰⵢⵍⵍⵉ ⴷ ⵢⵉⵡⵉ ⵓⵚⴰⴹⵓⴼ ⴰⴳⵔⴰⵖⵍⴰⵏ ⴷ ⵓⵚⴰⴹⵓⴼ ⴰⴳⵔⴰⵖⵍⴰⵏ ⴰⵏⴰⴼⴳⴰⵏ.

ⵜⵉⵙⵙ ⴽⵕⴰⴹⵜ : ⴰⴷ ⴰⴷⵊⵏ ⵜⵉⵡⵉⵙⵉⵡⵉⵏ ⵜⵉⵏⴰⴼⴳⴰⵏⵉⵏ ⵍⵍⵉ ⵔⴰⴷ ⵉⴳⵓⵎ ⵉⵎⵣⴷⴰⵖⵏ ⵏ ⵖⴰⵣⵣⴰ ⴰⴷ ⴽⵛⵎⵏⵜ.

ⵜⵉⵙⵙ ⴽⴽⵓⵥⵜ : ⴰⴷ ⵃⵉⵢⵢⵍⵏ ⵉ ⵢⴰⵏ ⵉⵎⴰⵍ ⴰⵙⵔⵜⴰⵏ ⵍⵍⵉ ⴳ ⵔⴰⴷ ⵉⵍⵉⵏⵜ ⵙⵉⵏ ⵡⴰⵡⴰⵏⴽⵏ. ⵉⴼⵔⴰ ⵢⵉⵏⵏⴰ ⴱⴱⴰ ⵏ ⵡⴰⴷⴷⵓⵔ .

ⴰⵛⴽⵓ ⵉⵎⵏⵖⴰⵏ ⴰⴷ ⵉⴳⴳⵓⵔⴰⵏ ⴳⴰⵏ ⵜⴰⵢⴰⴼⵓⵜ ⵏ ⵜⵙⵔⵜⵉⵜ ⵓⵔ ⵉⴷⵓⵙⵏ ⵏ ⵜⵎⵏⵜⵉⵍⵜ ⵜⴰⴼⴰⵍⴰⵚⵟⵉⵏⵜ, ⵍⵍⵉ ⵔⴰⴷ ⴱⴷⴷⴰ ⵉⴳ ⵜⴰⵙⴰⵔⵓⵜ ⵏ ⵓⴼⵔⴰ ⵏ ⵜⵎⵏⴰⴹⵜ ⴰⴽⴽⵯ. ⵏⴻⵏⵏⴰ ⵢⴰⴷ, ⴳ ⵎⵏⵏⴰⵡⵜ ⵜⵡⵀⴰⵍⵉⵏ, ⵎⴰⵙⴷ ⴰⴼⵙⵙⴰⵢ ⵍⵍⵉ ⵔⴰⴷ ⵉⴳ ⵎⴳⴳⵓ ⵉ ⵉⵎⵏⵖⵉ ⴰⴷ, ⵢⴰⵊⵊ ⵉⵎⵣⴷⴰⵖⵏ ⴰⴷ ⴷⴷⵔⵏ ⴳ ⵓⴼⵔⴰ, ⵉⴳⴰⵜ ⵓⴼⵙⵙⴰⵏ ⵏ ⵙⵉⵏ ⵡⴰⵡⴰⵏⴽⵏ.

ⴰⵔ ⴷ ⵜⵜⵉⴳⵓⵜ ⵜⵖⵡⵡⴰⵖⵜ ⵏ ⵉⵙⵕⴰⵢⵉⵍ ⵜⵉⴳⵉⵔⵉⵜ ⴰⴷ, ⵎⴰⵢⴰⴷ ⵓⵔ ⵔⴰⴷ ⵢⴰⴷⵊ ⵜⴰⵎⵏⴰⴹⵜ ⴰⴷ ⴰⴷ ⵙⴰⵔ ⵜⴷⴷⵔ ⴳ ⵓⴼⵔⴰ, ⵓⵍⴰ ⵔⴰⴷ ⵢⴰⴼ ⴰⴼⵙⵙⴰⵢ ⵉ ⵓⵎⵓⴽⵔⵉⵙ ⵉⵍⵍⴰⵏ.

ⴳⴰⵏⵜ ⵜⵡⵡⵓⵔⵉⵡⵉⵏ ⵜⵉⵙⵔⴷⴰⵙⵉⵏ ⵏ ⵉⵙⵔⴰⵢⵉⵍ ⴳ ⵖⴰⵣⵣⴰ ⵜⴰⵖⵡⵡⴰⵖⵜ, ⵓⴽⵉⵏⵜ ⴰⴽⴽⵯ ⵅⴼ ⵉⵣⵔⴼⴰⵏ ⵏ ⵓⴼⵅⴰⵏ ⴷ ⵉⵚⵓⴹⴰⴼ ⵉⴳⵔⴰⵖⵍⴰⵏⵏ ⴷ ⵓⵙⴰⴹⵓⴼ ⴰⴳⵔⴰⵖⵍⴰⵏ ⴰⵏⴰⴼⴳⴰⵏ. ⵙ ⵜⵡⵀⴰⵍⵜ ⴰⴷ, ⴰⵔ ⴰⵙⵏ ⵏⵜⵜⵉⵏⵉ ⵢⵓⴷⴰ ⴽⵏ ⴳ ⵎⴰⵢⴰⴷ, ⵖⴰⵣⵣⴰ ⵜⴳⴰ ⴰⴳⵣⵣⵓⵎ ⵓⵔ ⵉⵜⵜⵏⴳⵉⵔⵉⵏ ⴷ ⵡⴰⴽⴰⵍ ⵏ ⴼⴰⵍⴰⵚⵟⵉⵏ ⴷ ⵡⴰⵡⴰⵏⴽ ⵏ ⴼⴰⵍⴰⵚⵟⵉⵏ.ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ .

ⵎⴽⵍⵍⵉ ⵙ ⴷ ⵉⵇⵇⴰⵏ ⴰⴷ ⵏⵏ ⴳⵓⵍⵓⵏⵜ ⵜⵡⵉⵙⵉⵡⵉⵏ ⴰⵢⵜⵎⴰⵜⵏⵖ ⴳ ⴼⴰⵍⴰⵚⵟⵉⵏ ⴳ ⵜⵙⴳⴰ ⵏ ⵖⴰⵣⵣⴰ ⴱⵍⴰ ⵜⵏⵜ ⵉⵙⴱⴷⴷⴰⴷ ⴰⵡⴷ ⵢⴰⵏ.

ⵎⴰⵢⴰⴷ, ⴰⴷ ⵅⴼ ⵏⵓⵣⵏ ⵜⵉⵡⵉⵙⵉⵡⵉⵏ ⵏⵏⵖ ⵓⵍⴰ ⵏⴽⵏⵉ ⵉ ⵉⵎⵣⴷⴰⵖⵏ ⵏ ⴼⴰⵍⴰⵙⵟⵉⵏ, ⵜⴳ ⵜⵡⵉⵙⵉ ⴰⴷ ⵏ ⵜⴳⵍⴷⵉⵜ ⵜⴰⵎⵖⵔⴰⴱⵉⵜ ⵣⴳ ⵓⴷⵡⴰⵙ ⵍⵍⵉ ⵏⵏ ⵉⴳⴰ ⵡⴰⵎⵓⵏ ⴰⴳⵔⴰⵖⵍⴰⵏ, ⴷ ⵣⴳ ⵜⵏⴷⵉⵜⵉⵏ ⵏ ⵜⵡⵉⵙⵉ ⵍⵍⵉ ⵙ ⵜⴻⵜⵜⵉⵢⵙⵙⴰⵏ ⵜⵙⵜⵉⵜ ⵏⵏⵖ ⵜⴰⴱⵕⵕⴰⵏⵜ, ⵣⵔⵉⵏⵜ ⵜⵡⵉⵙⵉⵡⵉⵏ ⴰⴷ ⵣⴳ ⵓⵙⴰⴽⴰ ⵏ ⵕⴰⴼⴰⵃ, ⵜⵜⵉⵢⴱⴹⴰⵏⵜ ⵅⴼ ⵉⵎⵣⴷⴰⵖⵏ ⵏ ⵍⵇⵓⴷⵙ ⴰⴼⵓⵥⴰⵕ.

 

 

Dernière modification : 29 ⵏⵓⵡⴰⵏⴱⵉⵔ 2023
Source URL: https://www.mapnews.ma/am/activites-royales/%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B1%E2%B4%B0%E2%B4%B1-%E2%B5%8F-%E2%B5%93%E2%B4%B7%E2%B4%B7%E2%B5%93%E2%B5%94-%E2%B4%B0%E2%B5%94-%E2%B5%89%E2%B5%9C%E2%B5%9C%E2%B4%B0%E2%B5%A3%E2%B5%8F-%E2%B5%A2%E2%B4%B0%E2%B5%9C-%E2%B5%9C%E2%B4%B1%E2%B5%94%E2%B4%B0%E2%B5%9C-%E2%B5%89-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B5%A2%E2%B4%B0%E2%B5%8E%E2%B5%93%E2%B5%8F%E2%B5%9C-%E2%B5%89%E2%B5%A5%E2%B5%8D%E2%B5%89%E2%B5%8F-%E2%B5%99-%E2%B5%93%E2%B5%96%E2%B5%94%E2%B4%BC-%E2%B4%B0%E2%B4%BC%E2%B4%B0%E2%B5%8D%E2%B4%B0%E2%B5%9A%E2%B5%9F%E2%B5%89%E2%B5%8F