ⵉⵣⵔⵉ ⵎⴰⵢⴰⴷ ⴳ ⵓⵎⵣⴳⵓⵏ ⴰⵏⴰⵎⵓⵔ ⵎⵉⴳⵉⵍ ⴰⵏⵅⵉⵍ ⴰⵙⵜⵓⵔⵢⴰⵍ ⴳ ⴳⵡⴰⵜⵉⵎⴰⵍⴰ ⵙⵉⵜⵉ, ⵙ ⵜⵉⵍⵉⵜ ⵏ ⵜⵓⴳⵜⵜ ⵏ ⵉⵙⵍⵡⴰⵢⵏ ⵏ ⵜⵎⵓⵔⴰ ⴷ ⵉⵏⵙⵙⵉⵅⴼⵏ ⵏ ⵜⵏⴱⴰⴹⵉⵏ ⴷ ⵓⴱⵕⵍⴰⵎⴰⵏ ⴷ ⵉⵏⵎⵖⵓⵔⵏ ⴰⴹⵏⵉ ⵣⴳ ⵜⵓⴳⵜⵜ ⵏ ⵜⵎⵉⵣⴰⵔ ⵏ ⵓⵎⴰⴹⴰⵍ.
ⴳ ⵜⴼⵓⴳⵍⴰ ⴰⴷ ⵏ ⵓⵙⵡⴰⵍⴰ ⵏ ⵓⵙⵍⵡⴰⵢ ⴰⵎⴰⵢⵏⵓ ⵏ ⴳⵡⴰⵜⵉⵎⴰⵍⴰ, ⵉⵍⵍⴰ ⵖⵉⵏ ⵓⵙⵍⵡⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵎⵓⵏ ⴷ ⵓⵎⵙⵇⴰⴷ ⵏ ⵜⴳⵍⴷⵉⵜ ⴳ ⵜⵎⴰⵣⵉⵔⵜ ⴰⴷ, ⵎⴰⵙⵙ ⵟⴰⵕⵉⵇ ⵍⵍⵓⴳⵔⵉ.
ⵉⵏⵏⴰ ⵎⴰⵙⵙ ⵟⵟⴰⵍⵉⴱⵉ ⵍⵄⴰⵍⴰⵎⵉ, ⴳ ⵡⴰⵡⴰⵍ ⵏⵏⵙ ⵉ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵉ ⵢⵉⵏⵖⵎⵉⵙⵏ ⵙ ⵜⵎⵍⴷⴰ ⴰⴷ, ⵎⴰⵙ ⵜⴳⴰ ⵜⴼⵓⴳⵍⴰ ⴰⴷ ⵜⴰⵎⵍⴷⴰ ⴰⴷ ⴳⵉⵙ ⵉⵙⵙⵍⴽⵎ ⴰⵣⵓⵍ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵎⴰⵙⵙ ⴱⵉⵔⵏⴰⵔⴷⵓ ⴰⵔⵉⴼⴰⵍⵓ ⵙ ⵜⵎⵍⴷⴰ ⵏ ⵓⵙⵙⵉⵅⴼ ⵏⵏⵙ ⵅⴼ ⵜⵏⴱⴰⴹⵜ ⵏ ⴳⵡⴰⵜⵉⵎⴰⵍⴰ, ⵢⵉⵏⵉ ⴰⵙ ⵎⴰⵙⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵔⴰⴷ ⵜⴰⵡⵙ ⴰⴷ ⵜⵙⵙⵉⵎⵖⵓⵔ ⵜⵉⵣⴷⴰⵢⵉⵏ ⴰⴽⴷ ⵜⵎⴰⵣⵉⵔⵜ ⵏ ⴳⵡⴰⵜⵉⵎⴰⵍⴰ.
ⵢⵓⵣⵏ ⵢⴰⴷ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ, ⴳ 23 ⵖⵓⵛⵜ 2023, ⵜⴰⴱⵔⴰⵜ ⵏ ⵓⵙⵙⵉⵔⵖⵓⴷ ⵉ ⵎⴰⵙⵙ ⴱⵉⵔⵏⴰⵔⴷⵓ ⴰⵔⵉⴼⴰⵍⵓ, ⵙ ⵜⵎⵍⴷⴰ ⵏ ⵓⵙⵙⵉⵅⴼ ⵏⵏⵙ ⴰⴷ ⵉⴳ ⴰⵙⵍⵡⴰⵢ ⵏ ⵜⴳⴷⵓⴷⴰ ⵏ ⴳⵡⴰⵜⵉⵎⴰⵍⴰ.
ⵢⴰⵣⵏ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ, ⴳ ⵜⴱⵔⴰⵜ ⴰⴷ, ⴰⵙⵙⵉⵔⵖⵓⴷ ⵏⵏⵙ ⵉ ⵎⴰⵙⵙ ⴱⵉⵔⵏⴰⵔⴷⵓ ⴰⵔⵉⴼⴰⵍⵓ ⵅⴼ ⵜⴼⵍⵙⵜ ⵍⵍⵉ ⴳⵉⵙ ⵉⴳⴰ ⵓⴳⴷⵓⴷ ⵏ ⴳⵡⴰⵜⵉⵎⴰⵍⴰ, ⵉⵜⵜⵔ ⴰⵙ ⴰⴷ ⵜⴼⴰⵍⴽⵉ ⵜⵡⵡⵓⵔⵉ ⵏⵏⵙ ⴳ ⵜⵏⴱⴰⴹⵜ ⴰⴷ.
ⴰⵢⵍⵍⵉ ⴷ ⵢⵓⵛⴽⴰⵏ ⴳ ⵜⴱⵔⴰⵜ ⵏ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ, "ⵙ ⵜⵎⵍⴷⴰ ⴰⴷ, ⴰⵔ ⴰⵡⵏ ⵙⵙⵉⵔⵖⵓⴷⵖ ⵙ ⵉⵙⵎ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵙ ⵜⴷⴷⵓⴽⴽⵍⴰ ⵍⵍⵉ ⴰⵖ ⵉⵙⵎⵓⵏⵏ ⴰⴽⴷ ⵜⵎⴰⵣⵉⵔⵜ ⵏ ⴳⵡⴰⵜⵉⵎⴰⵍⴰ, ⴷ ⵜⵡⵉⵙⵉ ⵍⵍⵉ ⵉⵍⵍⴰⵏ ⴳⵔ ⵜⵎⵉⵣⴰⵔ ⵏⵏⵖ ⴳ ⴽⵉⴳⴰⵏ ⴷ ⵉⴳⵔⴰⵏ, ⵜⵉⵍⵉ ⴷⴰⵔⵏⵖ ⵜⴼⵍⵙⵜ ⵎⴰⵙⴷ ⵜⵉⵣⴷⴰⵢⵉⵏ ⴰⴷ ⵔⴰⴷ ⵙⵓⵍ ⴱⵓⵖⵍⵓⵏⵜ, ⵙ ⵎⴰ ⴳ ⵉⵍⵍⴰ ⵓⴼⵓⵍⴽⵉ ⵉ ⵉⴳⴷⵓⴷⵏ ⵏⵏⵖ, ⴷ ⴰⵢⵍⵍⵉ ⵔⴰⴷ ⵉⵙⵙⵉⵎⵖⵓⵔ ⴰⵎⵢⴰⵡⴰⵙ ⵏⵏⴼ ⵉⴼⴼⵓⵙ-ⵉⴼⴼⵓⵙ".