ⵉⴷⵔⴰ ⴳ ⵓⴳⵔⴰⵡ ⵉⵏⵎⵀⴰⵍⵏ ⵉⵎⴰⵜⵓⵢⵏ ⵏ ⵜⵙⵏⵓⵔⴰⵢⵜ ⵏ ⵉⵏⵖⵎⵉⵙⵏ ⵜⴰⴼⵔⵉⵇⵜ, ⴷ ⵉⵎⴰⵙⵙⴰⵏ ⴳ ⵓⵙⵏⵖⵎⵙ, ⴷ ⵉⵡⵔⵉⴽⵏ ⵉⵎⵇⵇⵔⴰⵏⵏ ⴳ ⵜⵙⴳⴰ ⵏ ⵜⴰⵟⵍⴰⵙⵉⵜ ⵏ ⵜⴼⵔⵉⵇⵜ ⴳ ⵓⵙⵏⵓⴱⴱⵛ ⵏ ⵜⵖⴰⵔⴰⵙⵉⵏ ⵏ ⵓⵙⵙⵉⵅⴼ ⴰⵙⵉⵎⴰⵏ ⵏ ⵜⴼⵔⵉⵇⵜ ⴳ ⵉⵏⵖⵎⵉⵙⵏ ⴷ ⵜⵙⵏⵜⴰⵢ ⵉⴷⵓⵙⵏ ⴳ ⵓⴼⵜⴰⵙ ⴰⴼⵔⵉⵇ.
ⴳ ⵓⵎⵏⵉⴷ ⴰⴷ, ⵜⵙⴰⵡⵍ ⵜⵙⵇⵇⵉⵎⵜ ⵏ ⵓⵏⵏⵓⵎⵥⵎ ⵜⵉⵖⴰⵔⴰⵙⵉⵏ ⴷ ⵉⵙⴳⴳⵓⵔⵏ ⵏ ⵓⵙⵡⵉⵏⴳⵎ ⴳ ⵓⵙⵏⵜⵍ ⵏ "ⵜⴰⵙⵉⵎⴰⵏⵜ ⵜⴰⴼⵔⵉⵇⵜ ⴰⵔ ⵜⴻⵜⵜⵓⵎⴰⵏ: ⵉⵎⵏⴰⴷⵏ ⵏ ⵓⵙⵏⵖⵎⵙ ⴷ ⵜⵙⵏⵜⴰⵢ ⵏ ⵓⵎⵏⵉⴷ ⴰⵟⵍⴰⵙⵉ".
ⵉⴳⴰ ⵡⴰⵔⴰⵢ ⵏ ⵓⵙⵙⵉⵅⴼ ⴰⵏⴰⵉⵎⴰⵏ ⴰⵙⵏⵖⵎⵙ ⵏ ⵜⴼⵔⵉⵇⵜ ⵢⴰⵏ ⵓⵙⵏⴼⴰⵕ ⵉⵙⵇⵇⴰⵏ ⵜⵓⴳⵜⵜ ⵏ ⵉⵙⴳⴳⵓⵔⵏ ⵏ ⵓⵙⵏⵖⵎⵙ ⵏ ⵓⴷⵖⴰⵔ, ⵙⵍⴰⵡⴰⵏⴷ ⴰⴽⴽⵯ ⵜⴰⵙⵏⵓⵔⴰⵢⵜ ⵏ ⵓⵙⵏⵖⵎⵙ ⵜⴰⵏⴰⵎⵓⵔⵜ, ⵍⵍⵉ ⵙ ⴷ ⵉⵇⵇⴰⵏ ⴰⴷ ⵜⵙⴱⵓⵖⵍⵓ ⵜⵉⵖⴰⵔⴰⵙⵉⵏ ⵏ ⵜⵡⵓⵔⵉ ⵏⵏⵙ, ⴳ ⵓⵙⵡⵉⵔ ⵏ ⵜⵖⴰⵔⴰⵙⵉⵏ ⵏ ⵓⵙⵏⵖⵎⵙ, ⴳ ⵜⵎⵏⵏⴰⵡⵜ ⵜⴰⴷⵍⵙⴰⵏⵜ ⴷ ⵜⵙⵔⵜⴰⵏⵜ ⵓⵍⴰ ⵜⴰⴷⵎⵙⴰⵏⵜ, ⴳ ⵜⵎⵢⴰⴷⴰⵙⵜ ⵏ ⵓⵎⵢⴰⵡⴰⵙ ⴷ ⵜⵏⴼⴰⵍⵉⵜ ⵉⵜⵜⵓⴷⵔⴰⵏ.
ⴳ ⵓⵎⵏⵉⴷ ⵏ ⵜⵙⵏⵜⴰⵢⵜ ⵜⴰⴳⵍⴷⴰⵏⵜ ⵜⴰⵙⵜⵕⴰⵜⵉⵊⵉⵜ ⵉⵔⴰⵏ ⴰⴷ ⵜⴰⵡⵙ ⵉ ⵜⵎⵓⵔⴰ ⵜⵉⴼⵔⵉⵇⵢⵉⵏ ⵍⵍⵉ ⵓⵔ ⵉⵜⵜⴰⴳⴳⵯⴰⵏ ⵙ ⵢⵉⵍⵍ ⴰⵟⵍⴰⵚⵉ ⴼⴰⴷ ⴰⴷ ⵙⵉⵙ ⴰⴼⵉⵏⵜ ⴰⵖⴰⵔⴰⵙ ⵣⴳ ⵡⴰⵟⵍⴰⵚ ⴰⵎⵖⵔⴰⴱⵉ. ⵔⴰⴷ ⴷ ⵜⵙⵙⴰⴳⴳⵯ ⵜⵙⵇⵇⵉⵎⵜ ⴰⴷ ⵜⵉⵡⵡⵓⵔⵉⵡⵉⵏ ⵏ ⵜⵙⵏⵓⵔⴰⵢ ⵏ ⵉⵏⵖⵎⵉⵙⵏ ⵙ ⵓⵎⴰⵜⴰ, ⴷ ⵜⴼⵉⴷⵉⵔⴰⵍⵉⵜ ⵜⴰⵟⵍⴰⵚⵉⵜ ⴷ ⵜⵙⵏⵓⵔⴰⵢⵉⵏ ⵜⵉⴼⵔⵉⵇⵢⵉⵏ ⵙ ⵓⵥⵍⴰⵢ, ⴳ ⵢⵉⵡⵉⵙ ⴰⵙⵏⵖⵎⴰⵙ ⴳ ⵓⵙⵡⵉⵔ ⵏ ⵜⵙⴳⴰ ⵜⴰⵟⵍⴰⵚⵉⵜ, ⴷ ⵓⴹⴼⴰⵕ ⵏ ⵜⵙⵏⵜⴰⵢ ⵜⵉⵏⴼⴰⵍⵢⵉⵏ ⴳ ⵓⴷⵖⴰⵔ ⵏ ⵓⴼⵜⴰⵙ- ⵉⵍⵍ ⴰⵟⵍⴰⵚⵉ, ⴷ ⵡⴰⵔⴰⵢ ⵏ ⵓⵙⵙⵉⵅⴼ ⴰⵏⵉⵎⴰⵏ ⴰⵙⵏⵖⵎⴰⵙ ⵏ ⵜⵎⵓⵔⴰ ⵏ ⵜⴼⵔⵉⵇⵜ.
ⵎⴽⵍⵍⵉ ⵔⴰⴷ ⵙⵉⴳⴳⵍⵏ ⵉⵎⴷⵔⴰⵡⵏ ⴳ ⵜⵎⵙⵎⵓⵏⵜ ⵜⴰⵎⴰⵜⵓⵜ, ⵣⴳ ⵜⵙⵇⵇⵉⵎⵉⵏ ⴰⵔ ⴷ ⵓⵎⵙⴰⵡⴰⵍ ⵍⵍⵉ ⵙⴽⵔⵏ, ⵎⴰⵏⵉⴽ ⵙ ⵔⴰⴷ ⴰⴼⵏⵜ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵏ ⵜⴼⵔⵉⵇⵜ ⵜⵉⵖⴰⵔⴰⵙⵉⵏ ⵍⵍⵉ ⵙ ⵔⴰⴷ ⵙⴱⴷⴷⵏ ⵜⴰⵏⵙⵙⵉⵅⴼⵜ ⵜⴰⵏⵉⵎⴰⵏⵜ ⵏ ⵜⴼⵔⵉⵇⵜ.
ⵎⴽⵍⵍⵉ ⵉⵍⵍⴰ ⴳ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵙⵓⵜⵍⵜ ⴰⴷ, ⵍⵍⵉ ⵉⵣⵔⵉⵏ ⴳ ⵙⵉⵏ ⵓⵙⵙⴰⵏ, ⵢⴰⵜ ⵜⵉⵏⴰⵡⵜ ⴳ ⵡⴰⵎⵎⴰⵙ ⵏ ⵜⵙⵔⵜⴰⵏⵉⵏ ⵅⴼ ⵉⴼⴼⵓⵙ ⴰⵎⴰⵢⵏⵓ ⴳ ⵜⵙⴷⴰⵡⵉⵜ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴳ ⵍⵍⴰⵏ ⵜⵎⵥⵍⴰⵢⵉⵏ ⵜⵉⵎⵏⵏⴰⵡⵉⵏ ⵏ ⵓⵙⵏⵓⴱⴱⵛ ⴳ ⵓⵎⵏⵉⵔ ⴰⵟⵍⴰⵚⵉ ⴰⴼⵔⵉⵇ ⴷ ⵜⵖⴰⵔⴰⵙⵉⵏ ⵏ ⵜⵏⴼⴰⵍⵉⵜ ⴷ ⴳ ⵜⵙⴳⴰ ⴰⴷ.
ⵎⵙⴰⵡⴰⵍⵏ ⵉⵎⴷⵔⴰⵡⵏ ⵓⵍⴰ ⵅⴼ ⵓⵏⵇⵇⵉⵙ ⴰⵎⴳⴳⴰⵔⵓ ⵏ ⵜⵙⵓⵜⵍⵜ ⵜⵉⵙⵙ ⵚⴹⵉⵚⵜ ⵏ ⵜⵎⵙⵎⵓⵏⵜ ⵜⴰⵎⴰⵜⵓⵜ ⵜⴰⴼⵉⴷⵉⵔⴰⵍⵉⵜ, ⴷ ⵉⵏⵇⵇⵉⵙⵏ ⵅⴼ ⵉⴳⵔⴰⵡⵏ ⵏ ⵓⵙⵇⵇⵉⵎ ⴰⵎⵙⴽⴰⵔ, ⴷ ⵜⵙⵓⵜⴰⵍ ⵏ ⵓⵙⵎⵓⵜⵜⴳ, ⴷ ⵓⵏⴰⵇⵉⵙ ⵏ ⵜⴷⵔⵉⵎⵜ, ⴷ ⵓⵍⴰ ⵜⵉⵖⴰⵡⵙⵉⵡⵉⵏ ⵍⵍⵉ ⵙ ⴼⴼⵓⵖⵏ.
ⵔⴰⴷ ⵢⵉⵍⵉ ⴳ ⵜⵙⵓⵜⵍⵜ ⴰⴷ ⵓⵍⴰ ⵜⵉⴽⴽⵉ ⵏ ⵜⵔⵣⵣⵉⴼⵜ ⵜⴰⵎⵇⵇⵔⴰⵏⵜ ⵜⴰⴼⵉⴷⵉⵔⴰⵍⵉⵜ ⵜⴰⵟⵍⴰⵙⴰⵏⵜ ⵏ ⵜⵙⵏⵓⵕⵕⴰⵢⵉⵏ ⵏ ⵉⵏⵖⵎⵉⵙⵏ ⵏ ⵜⴼⵔⵉⵇⵜ ⵏ ⵉⵙⴳⴳⵯⴰⵙⵏ ⵏ 2022 ⴷ 2023, ⴰⵙⴽⴽⴰ ⵏ ⵓⵙⵉⵏⴰⵙ, (ⵜⴰⵙⵎⵖⵓⵔⵜ ⵏ ⵓⵎⴰⴳⵔⴰⴷ ⴰⴽⴽⵯ ⵉⴼⵓⵍⴽⵉⵏ, ⴷ ⵓⵔⵓⴱⵓⵔⵜⴰⵊ ⵢⵓⴼⵏ, ⴷ ⵜⵡⵍⴰⴼⵜ ⵜⵏⵜ ⴰⴽⴽⵯ ⵢⵓⴼⵏ), ⴷ ⵔⴰⴷ ⴳⵎⴹⵏ ⵜⵉⵎⵢⴰⵇⵇⴰⵏⵉⵏ ⵏ ⵓⵎⵢⴰⵡⴰⵙ ⵏ ⵓⴷⵔⴰⵡ ⴳⵔ ⵎⵏⵏⴰⵡⵜ ⵜⵙⵏⵓⵔⴰⵢⵉⵏ ⵉⴳⴰⵏ ⵜⵉⵎⵍⵜⴰⵖⵉⵏ ⵏ ⵜⴼⵉⴷⵉⵕⴰⵍⵉⵜ.
ⵜⴳ ⵜⴼⵉⴷⵉⵕⴰⵍⵉⵢⵜ ⵜⴰⵟⵍⵓⵏⵜⵉⵢⵜ ⵏ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵜⴰⴼⵔⵉⵇⵜ, ⵍⵍⵉ ⵉⵜⵜⵓⵙⴽⴰⵔⵏ ⴳ 14 ⴽⵜⵓⴱⵕ ⴰⵙⴳⴳⵯⴰⵙ 2014 ⴳ ⵜⴳⵎⵎⵉ ⵜⵓⵎⵍⵉⵍⵜ, ⵢⴰⵜ ⵜⴷⴰⴱⵓⵜ ⵏ ⵓⵙⵡⵉⵏⴳⵎ ⴳ ⵉⵎⴰⵍ ⵏ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⴷ ⴰⵢⵍⵍⵉ ⵙ ⴷ ⵉⵇⵇⴰⵏ ⴰⴷ ⵜ ⵙⴽⴰⵔⵏⵜ ⴳ ⵜⵙⵓⵜⴰ 21 ⵙ ⵜⵎⵏⵏⴰⵡⵜ ⵏⵏⵙ ⴷ ⵜⵥⵍⴰⵢⵜ ⵏⵏⵙ, ⴰⵡⵉⵏ ⵜⵜ ⴳ ⵓⵙⵏⵖⵎⵙ ⴳ ⵜⵙⵓⵜⴰ ⵏ ⵖⵉⵍⴰ.
ⴰⵡⵜⵜⴰⵙ ⵏ ⵜⴼⵉⴷⴰⵔⴰⵍⵉⵢⵜ, ⵍⵍⵉ ⴳ ⵍⵍⴰⵏ 30 ⵏ ⵜⵙⵏⵓⵔⴰⵢⵜ ⵏ ⵉⵏⵖⵎⵉⵙⵏ, ⵉⴳⴰ ⵜ ⴰⴷ ⵎⵢⴰⵡⴰⵙⵏⵜ ⴷ ⵓⵎⵔⴰⵔⴰ ⵏ ⵜⵉⵔⵎⵉⵜⵉⵏ ⴳⵔ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⴳ ⵉⴳⵔⴰⵏ ⴰⴽⴽⵯ, ⵙⵍⴰⵡⴰⵏⴷ ⴰⴽⴽⵯ ⴰⵙⵏⵖⵎⵙ ⴷ ⵓⵙⵎⵓⵜⵜⴳ ⴷ ⵉⵙⴳⴳⵓⵔⵏ ⵏ ⵓⵙⵏⵖⵎⵙ.
ⵎⴽⵍⵍⵉ ⵜⵔⴰ ⴰⴷ ⵜⵙⴽⵔ ⵢⴰⵜ ⵜⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⴷ ⵓⵙⴱⵓⵖⵍⵓ ⵏ ⵜⵎⵣⴷⴰⵢⵉⵏ ⴳⵔ ⵜⵙⵏⵓⵔⴰⵢ ⵏ ⵉⵏⵖⴹⵉⵙⵏ, ⴷ ⵢⵉⵡⵉⵙ ⴳ ⵓⵍⴽⴰⵎ ⵙ ⵉⵏⵖⵎⵉⵙⵏ, ⴷ ⵓⵙⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵣⴷⴰⵢ ⴰⴷⵖⵔⴰⵏ ⵓⵍⴰ ⴰⴳⵔⴰⵖⵍⴰⵏ.