Published on MAPNews (https://www.mapnews.ma/am)

Accueil > ⵕⵓⵎⴰ.. ⴰⵏⵏⵓⵕⵥⵎ ⵏ ⵡⴰⴼⴰ "ⵉⵟⴰⵍⵉ-ⵜⴰⴼⵔⵉⵇⵜ.. ⴰⴱⵔⵉⴷ ⵏ ⵓⴱⵓⵖⵍⵓ ⵉⵜⵜⵓⴷⵔⴰⵏ" ⵙ ⵜⴷⵔⴰⵡⵜ ⵏ ⵍⵎⵖⵔⵉⴱ 

ⵕⵓⵎⴰ.. ⴰⵏⵏⵓⵕⵥⵎ ⵏ ⵡⴰⴼⴰ "ⵉⵟⴰⵍⵉ-ⵜⴰⴼⵔⵉⵇⵜ.. ⴰⴱⵔⵉⴷ ⵏ ⵓⴱⵓⵖⵍⵓ ⵉⵜⵜⵓⴷⵔⴰⵏ" ⵙ ⵜⴷⵔⴰⵡⵜ ⵏ ⵍⵎⵖⵔⵉⴱ 

29 ⵉⵏⵏⴰⵢⵔ 2024 Version Imprimable
ⵕⵓⵎⴰ - ⵏⵏⵓⵕⵥⵎⵜ ⵡⴰⵙⵙ ⴰⴷ ⵏ ⵓⵢⵏⴰⵙ ⴳ ⵕⵓⵎⴰ, ⵜⵉⵡⵓⵔⵉⵡⵉⵏ ⵏ ⵡⴰⴼⴰ "ⵉⵟⴰⵍⵉ-ⵜⴰⴼⵔⵉⵇⵜ.. ⴰⴱⵔⵉⴷ ⵏ ⵓⴱⵓⵖⵍⵓ ⵉⵜⵜⵓⴷⵔⴰⵏ", ⵙ ⵜⴷⵔⴰⵡⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵍⵍⵉ ⵏⵏ ⵉⵙⵡⴰⵍⴰ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ

ⴳ ⵡⴰⵡⴰⵍ ⵍⵍⵉ ⵜⵏⵏⴰ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵜⵉⵟⴰⵍⵉⵜ, ⵊⵓⵕⵊⵢⴰ ⵎⵉⵍⵓⵏⵉ, ⴳ ⵜⵙⵇⵇⵉⵎⵜ ⵏ ⵓⵏⵏⵓⵕⵥⵎ ⵏ ⵡⴰⴼⴰ ⴰⴷ, ⵜⵙⴰⵡⵍ ⵅⴼ ⵜⵣⵎⵎⴰⵔ ⵎⵇⵇⵓⵔⵏ ⵍⵍⵉ ⵉⵍⵍⴰⵏ ⴷⴰⵔ ⵜⴼⵔⵉⵇⵜ, ⵙⵍⴰⵡⴰⵏⴷ ⴰⴽⴽⵯ ⵉⵖⴱⵓⵍⴰ ⵉⴳⴰⵎⴰⵏⵏ ⴷ ⵉⵏⴰⴼⴳⴰⵏⵏ, ⵜⵉⵏⵉ "ⴰⵎⴰⴹⴰⵍ ⵓⵔ ⵣⵎⵔ ⴰⴷ ⵉⵙⵙⴰⴳⴳⵯ ⵉⵎⴰⵍ ⵉⵖ ⵓⵔ ⵉⵙⵎⴰⵇⵇⵍ ⵙ ⵓⵎⵏⵉⴷ ⵏ ⵜⴼⵔⵉⵇⵜ"

ⵜⵎⵍ ⵎⴰⵙⵙⴰ ⵎⵉⵍⵓⵏⵉ ⵎⴰⵙⴷ ⵔⵟⴰⵍⵉ ⵜⵙⴽⴰ ⵜⴰⵏⵏⴰⵢⵜ ⵏⵏⵙ ⵏ ⵓⵎⵢⴰⵡⴰⵙ ⴰⴽⴷ ⵜⴼⵔⵉⵇⵜ ⵅⴼ "ⴰⵙⵖⵉⵡⵙ ⵎⴰⵜⵢⵉ", ⵍⵍⵉ ⵉⴳⴰⵏ ⴰⵙⴰⵖⵓⵍ ⵏ ⵜⵉⴷⵜ ⵉ ⵓⵎⵢⴰⵡⴰⵙ ⴰⴽⴷ ⵜⵎⵉⵣⴰⵔ ⵏ ⵜⵖⵔⵉⵇⵜ ⵙ ⵓⵎⴳⴰⴷⴷⴰ.

ⵜⵉⵏⵉ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵏ ⵉⵟⴰⵍⵉ ⵎⴰⵙⴷ ⵕⵓⵎⴰ, ⵜⵔⴰ ⵓⵍⴰ, ⴳ ⵓⵖⴰⵡⴰⵙ ⴰⴷ ⵍⵍⵉ ⵜⵙⴽⵔ, ⴰⴷ ⵜⴰⴼ ⵉⴼⵙⵙⴰⵢⵏ ⵉ ⵉⵄⵔⵔⵉⵎⵏ ⵏ ⵜⴼⵔⵉⵇⵜ ⴼⴰⴷ ⴰⴷ ⵙⴽⵔⵏ ⵉⵎⴰⵍ ⵏⵏⵙⵏ ⴳ ⵜⵎⵉⵣⴰⵔ ⵏ ⵜⴼⵔⵉⵇⵜ ⵎⵉⵏ ⵜⵜⵎⵓⴷⴷⵓⵏ ⵙ ⵜⵎⵉⵣⴰⵔ ⴰⴹⵏⵉ, ⴼⴰⴷ ⴰⴷ "ⵜⴽⴽⵙ ⵜⴰⵙⴱⴱⴰⴱⵜ ⵏ ⵓⴼⴳⴰⵏ".

ⵙⴳ ⵜⵙⴳⴰ ⵏⵏⵙ, ⵉⵏⵏⴰ ⵓⵎⴰⵡⵙⴰⵙ ⵏ ⵜⵡⵓⵔⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵏ ⵉⵟⴰⵍⵉ, ⴰⵏⵟⵓⵏⵢⵓ ⵜⴰⵊⴰⵏⵉ, ⵎⴰⵙⴷ ⵜⴰⴼⵔⵉⵇⵜ ⵜⴳⴰ ⴰⵎⵏⵉⴷ ⴰⵎⵣⵡⴰⵔⵓ ⴳ ⵜⵙⵔⵜⵉⵜ ⵏ ⴱⵕⵕⴰ ⵜⴰⵟⴰⵍⵢⴰⵏⵜ, ⵍⵍⵉ ⵙ ⵜⵔⴰ ⴰⴷ ⴷⵉⵙ ⵜⵙⴽⵓ ⵢⴰⵏ ⵓⵎⵢⴰⵡⴰⵙ ⵉⴷⵓⵙⵏ ⴰⴷ ⴰⴽⴽⵯ ⴳⵉⵙ ⴰⴼⵏ ⵜⴰⵢⴰⴼⵓⵜ.

ⵉⵏⵏⴰ ⵎⴰⵙⵙ ⵜⴰⵊⴰⵏⵉ ⵎⴰⵙⴷ ⵕⵓⵎⴰ ⵜⵔⴰ ⴰⴷ ⵜⴳ ⵢⴰⵏ ⴳ ⵓⵎⵓⵔⴰⵔ ⴰⴷⵙⵍⴰⵏ ⴳ ⵓⵎⴰⴹⴰⵍ, ⵢⵉⵏⵉ ⵎⴰⵙⴷ ⵜⴰⴷⵉⴱⵍⵓⵎⴰⵙⵉⵜ ⵜⴰⴷⵎⵙⴰⵏⵜ ⵜⵙⴱⵣⵣⵉⵣⵣ ⵅⴼ ⵓⵎⴰⴹⴰⵍ ⴰⴷ ⴷ ⵉⵎⵏⴰⴷ ⵙ ⵜⴼⵔⵉⵇⵜ.

ⵢⵉⵏⵉ ⵓⵏⵙⵙⵉⵅⴼ ⵏ ⵜⴷⵉⴱⵍⵓⵎⴰⵙⵉⵜ ⵜⵉⵟⴰⵍⵉⵜ ⵎⴰⵙⴷ ⵉⴳⵔⴰⵏ ⵣⵓⵏⴷ ⵜⴰⵢⵔⵣⴰ, ⵉⴷⵡⴰⵙⵏ ⵉⵜⵜⵎⴰⵢⵏⵓⵏ, ⵜⴰⵎⵓⵟⵟⵓⵏⵜ ⴷ ⵜⴰⵜⵉⴽⵏⵓⵍⵓⵊⵉⵜ, ⴳⴰⵏ ⵉⴳⵔⴰⵏ ⵍⵍⵉ ⵙ ⴷ ⵉⵇⵇⴰⵏ ⴰⴷ ⵜⵜ ⴳⵉⵙⵏ ⴰⵡⵉⵏ ⵎⵉⴷⴷⵏ ⴳ ⵜⴼⵔⵉⵇⵜ, ⵉⵙⵎⴷ ⵎⴰⵙⴷ "ⴰⴱⵓⵖⵍⵓ ⵏ ⵜⴼⵔⵉⵇⵜ ⵉⴳⴰ ⴰⴱⵓⵖⵍⵓ ⵓⵍⴰ ⵏ ⵉⵟⴰⵍⵉ".

ⵙⴳ ⵜⵙⴳⴰ ⵏⵏⵙ, ⵉⵏⵏⴰ ⵓⵏⵙⵙⵉⵅⴼ ⵏ ⵡⴰⵎⵓⵏ ⴰⴼⵔⵉⵇ, ⴰⵣⴰⵍⵉ ⴰⵙⵓⵎⴰⵏⵉ, ⵎⴰⵙⴷ ⵉⵟⴰⵍⵉ ⵜⵎⵍⴰ ⴳ ⵉⵙⴳⴳⵯⴰⵙⵏ ⴰⴷ ⵉⵣⵔⵉⵏ ⵜⵉⵡⵉⵙⵉ ⵏⵏⵙ ⵉ ⵜⵎⵉⵣⴰⵔ ⵏ ⵜⴼⵔⵉⵇⵜ, ⵙⵍⴰⵡⴰⵏ ⴰⴽⴽⵯ ⴳ ⵜⵉⵣⵉ ⵏ ⴽⵓⴼⵉⴷ, ⵉⵣⵎⵎⵉⵎ ⵎⴰⵙⴷ ⵕⵓⵎⴰ ⵜⴳⴰ ⵣⴳ "ⵉⵎⵇⵕⴰⵏⵏ ⵏ ⵓⵙⵙⴰⵔⵓ ⴳ ⵜⴼⵔⵉⵇⵜ, ⵍⵍⵉⵖ ⵢⵉⵡⴹ ⵓⵟⵟⵓⵏ ⵏ ⵓⵙⵙⴰⵔⵓ ⵏⵏⵙ ⴳ ⵜⴼⵔⵉⵇⵜ ⵎⴰⴷ ⵉⵜⵜⴳⴳⴰⵏ 24 ⵎⵍⵢⴰⵏ ⵏ ⵡⵓⵕⵓ ⴳ 2018".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%95%E2%B5%93%E2%B5%8E%E2%B4%B0-%E2%B4%B0%E2%B5%8F%E2%B5%8F%E2%B5%93%E2%B5%95%E2%B5%A5%E2%B5%8E-%E2%B5%8F-%E2%B5%A1%E2%B4%B0%E2%B4%BC%E2%B4%B0-%E2%B5%89%E2%B5%9F%E2%B4%B0%E2%B5%8D%E2%B5%89-%E2%B5%9C%E2%B4%B0%E2%B4%BC%E2%B5%94%E2%B5%89%E2%B5%87%E2%B5%9C-%E2%B4%B0%E2%B4%B1%E2%B5%94%E2%B5%89%E2%B4%B7-%E2%B5%8F-%E2%B5%93%E2%B4%B1%E2%B5%93%E2%B5%96%E2%B5%8D%E2%B5%93-%E2%B5%89%E2%B5%9C%E2%B5%9C%E2%B5%93%E2%B4%B7%E2%B5%94%E2%B4%B0%E2%B5%8F-%E2%B5%99-%E2%B5%9C%E2%B4%B7%E2%B5%94%E2%B4%B0%E2%B5%A1%E2%B5%9C-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1%C2%A0