Published on MAPNews (https://www.mapnews.ma/am)

Accueil > ⵜⴼⴽⴰ ⵜⵙⵏⵓⵔⴰⵢⵜ ⵏ ⵜⴰⴷⴷⴰⵔⵜ ⵏ ⵉⴷⵔⵉⵎⵏ ⵏ ⵍⵇⵓⴷⵙ ⵍⴼⴹⵓⵕ ⵏ ⵕⵎⴹⴰⵏ ⴳ ⵜⵉⵖⵔⵎⵜ ⵏ ⵍⵇⵓⴷⵙ ⵙ ⵓⵣⵎⵣⵣⵓ ⵏ ⵓⵕⵥⵥⵓⵎ ⵏ ⵜⵡⵓⵔⵉ ⵏ ⵉⵎⵢⴰⵡⴰⵙⵏ ⵉⵏⴼⴳⴰⵏⵏ

ⵜⴼⴽⴰ ⵜⵙⵏⵓⵔⴰⵢⵜ ⵏ ⵜⴰⴷⴷⴰⵔⵜ ⵏ ⵉⴷⵔⵉⵎⵏ ⵏ ⵍⵇⵓⴷⵙ ⵍⴼⴹⵓⵕ ⵏ ⵕⵎⴹⴰⵏ ⴳ ⵜⵉⵖⵔⵎⵜ ⵏ ⵍⵇⵓⴷⵙ ⵙ ⵓⵣⵎⵣⵣⵓ ⵏ ⵓⵕⵥⵥⵓⵎ ⵏ ⵜⵡⵓⵔⵉ ⵏ ⵉⵎⵢⴰⵡⴰⵙⵏ ⵉⵏⴼⴳⴰⵏⵏ

15 ⵎⴰⵕⵚ 2024 Version Imprimable
ⵍⵇⵓⴷⵙ - ⵜⵙⵏⵎⴰⵍⴰ ⵜⵙⵏⵓⵔⴰⵢⵜ ⵏ ⵜⴰⴷⴷⴰⵔⵜ ⵏ ⵉⴷⵔⵉⵎⵏ ⵏ ⵍⵇⵓⴷⵙ ⵢⵉⴹ ⵏ ⵓⴽⵡⴰⵙ ⵢⴰⵏ ⵍⴼⴹⵓⵕ ⵏ ⵕⵎⴹⴰⵏ ⴳ ⵜⵉⵖⵔⵎⵜ ⵏ ⵍⵇⵓⴷⵙ ⵙ ⵓⵣⵎⵣⵣⵓ ⵏ ⵓⵕⵥⵥⵓⵎ ⵏ ⵜⵡⵓⵔⵉ ⵉ ⵉⵎⵢⴰⵡⴰⵙⵏ ⵉⵏⴼⴳⴰⵏⵏ ⴳ ⵜⵉⵖⵔⵎⵜ ⴰⴷ ⵙ ⵍⴰⵡⴰⵎⵉⵔ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵙ ⴰⴷ ⵉⵏⵚⵕ ⵕⴱⴱⵉ ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵍⵇⵓⴷⵙ .
ⵜⴰⴼⵓⴳⵍⴰ ⵢⴰⴷ ⵜⵣⵔⵉ ⵙ ⵜⵉⵍⵉⵜ ⵏ ⵎⵏⵏⴰⵡ ⵏ ⵉⵎⴰⵔⵉⵜⵏ ⵏ ⵍⴰⴷⵢⴰⵏ ⵏ ⵍⵉⵙⵍⴰⵎ ⴷ ⵉⵔⵓⵎⵉⵢⵏ ⴷ ⵉⵏⵎⵖⵓⵔⵏ ⵓⵎⵖⴰⵔ ⵏ ⵍⴰⵃⴱⴰⵙ ⵏ ⵍⵎⵖⵔⵉⴱ ⴳ ⵍⵇⵓⴷⵙ ⴷ ⵉⵏⵙⵙⵉⵅⴼⵏ ⵏ ⵜⵉⵎⵙⵎⵓⵏⵉⵏ ⵏ ⵎⵏⵏⴰⵡ ⵏ ⵉⵏⵎⵖⵓⵔⵏ ⴳ ⵓⴳⵔⴰⵏ ⵏ ⵜⴰⴷⴰⵍⵙⴰ ⴷ ⵉⴷⵔⵉⵎⵏ ⴷ ⵜⴰⵡⵓⵔⵉ. ⵉⵏⵏⴰ ⵍⵉⵎⴰⵎ ⵏ ⵜⵉⵎⵣⴳⵉⴷⴰ ⵏ ⵍⴰⵇⵚⴰ ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵅⴰⵜⴰⵔ ⵏ ⵉⵎⵓⵙⵍⵎⵏ ⵛⵛⵉⵅ ⵄⵉⴽⵔⵉⵎⴰ ⵙⴰⴱⵔⵉ ⴳ ⵢⴰⵜ ⵜⵙⴳⵓⵔⵉ ⵙ ⵓⵣⵎⵣⵣⵓ ⵢⴰⴷ ⵎⴰⵙ ⴳⴰⵏ ⵉⵎⵢⴰⵡⵙⴰⵏ ⵉⵏⴼⴳⴰⵏⵏ ⴰⴷ ⵏ ⵍⵎⵖⵔⵉⴱ ⵢⴰⵜ ⵜⵖⴰⵡⴰⵙ ⵉⵥⵉⵍ ⴷ ⵉⴼⵓⵍⴽⵉⵏ ⴳ ⴰⵢⵢⵓⵔ ⵏ ⵕⵎⴹⴰⵏ ⴰⵎⴱⴰⵔⴽⵉ. ⵉⵔⵏⵓ ⵉⵏⵏⴰ ⵎⴰⵙ ⵓⵔ ⵜⴳⵉ ⵜⴰⵙⵏⵜⴰⵢⵜ ⴰⴷ ⵏ ⵜⵙⵏⵓⵔⴰⵢⵜ ⵏ ⵜⴰⴷⴷⴰⵔⵜ ⵏ ⵉⴷⵔⵉⵎⵏ ⵏ ⵍⵇⵓⴷⵙ ⵛⵛⴰⵔⵉⴼ ⵙ ⵡⴰⵏⵏⴰⵍ ⵉⵃⵍⴰⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵙ ⵜⴰⵎⵣⵡⴰⵔⵓⵜ ⵓⵍⴰ ⴷⴰ ⵜ ⵉⴳⵔⴰⵏ ⵎⴰⵛⵛⴰ ⵜⵣⴷⵉ ⴷ ⵜⵙⵏⵜⴰⵢⵉⵏ ⵢⴰⴹⵏ ⵉⴳⴳⵓⵜⵏ ⴳ ⵍⵇⵓⴷⵙ ⴷ ⴼⴰⵍⴰⵚⵟⵉⵏ. ⴳ ⵜⵙⴳⴰ ⵏⵏⵙ ⵉⵙⵏⵉⵎⵎⵔ ⵍⵎⵟⵕⴰⵏ ⵎⵓⵏⵉⴱ ⵢⵓⵏⴰⵏ ⴰⵏⵙⵙⵉⵅⴼ ⴰⵇⴱⵓⵔ ⵏ ⵜⴰⵎⵓⵏⵜ ⵏ ⵍⵓⵜⵔⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵙ ⵅⴼ ⵓⴼⵓⵍⴽⵉ ⵢⴰⴷ ⵍⵍⵉ ⵉⵙⴽⵔ ⵉⵙⴷⴷⵉⴷ ⵓⵍⴰ ⵎⴰⵙ ⴳⴰⵏ ⵉⵎⵢⴰⵡⴰⵙⵏ ⴰⴷ ⵉ ⵢⵉⴼⵉⵍⵉⵙⵟⵉⵏⵉⵢⵏ ⵏ ⵖⴰⵣⵣⴰ ⴷ ⵍⵇⵓⴷⵙ ⵢⴰⵏ ⵡⴰⵏⵏⴰⵍ ⴰⵅⴰⵜⴰⵔ ⴳ ⵓⵣⵎⵣ ⴰⴷ ⵉⵅⵛⵏ ⵍⵍⵉⵖ ⵉⵍⵍⴰ ⵓⴳⴷⵓⴷ ⵏ ⴼⵉⵍⵉⵙⵟⵉⵏ. ⵉⵙⴷⴷⵉⴷ ⵎⴰⵙ ⴳⴰⵏ ⵉⵎⵢⴰⵡⴰⵙⵏ ⴰⴷ ⵢⴰⵏ ⵡⴰⵏⵏⴰⵍ ⵉ ⵉⵎⵣⴷⴰⵖⵏ ⵏ ⵍⵇⵓⴷⵙ ⴰⴼⴰⴷ ⴰⴷ ⴱⴷⴷⵏ ⵖⴰⵎⴰⵏ ⴳ ⵡⴰⴽⴰⵍ ⵏⵏⵙⵏ ⴰⵔ ⴷ ⵉⵖ ⵓⵎⵥⵏ ⵉⵔⵣⴰⴼⵏ ⵏⵏⵙⵏ ⵙⴽⵔⵏ ⴰⵡⴰⵏⴽ ⵏ ⴼⴰⵍⴰⵚⵟⵉⵏ. ⵉⵏⵏⴰ ⵎⴰⵙⵙ ⵛⵛⵔⵇⴰⵡⵉ ⵎⴰⵙ ⵜⵔⴰ ⵜⵙⵏⵓⵔⴰⵢⵜ ⴳ ⵓⵙⴳⴳⴰⵙ ⴰⴷ ⵉⴳ ⵓⵖⴰⵡⴰⵙ ⵏⵏⵙ ⵢⴰⵜ ⵜⵖⴰⵡⵙⴰ ⵜⴰⵅⴰⵜⴰⵔⵜ ⴷ ⵡⴰⵏⵏⴰⵍ ⵏ ⵓⵖⴰⵡⴰⵙ ⵏ ⵜⴳⵎⵉ ⵜⴰⵏⴼⴰⴳⵏⵜ ⴷ ⵉⵖⴰⵡⴰⵙⵏ ⵏ ⵓⵎⵢⴰⵡⴰⵙ ⴰⵏⴰⵎⵓⵏ ⴷ ⵓⵃⵟⵟⵓ ⵏ ⵓⵢⴷⴰ ⴷ ⵉⵙⵏⵜⵉⵏ ⵢⴰⴹⵏ ⴳ ⵓⵉⴳⵔⴰⵏ ⵏ ⵜⴰⴷⵓⵙⵉ ⴷ ⵜⵉⵖⵔⵉ ⴷ ⵜⴰⵙⴱⴱⴰⴱⵜ ⴷ ⵜⴼⵍⵍⴰⵃⵜ ⴷ ⵉⵄⵔⵔⵉⵎⵏ ⴷ ⵜⵓⵏⵏⵓⵏⵜ ⴷ ⵉⵎⵥⵢⴰⵏⵏ ⴷ ⵜⵉⵖⴰⵡⵙⵉⵉⵏ ⵉⵥⵍⵉⵏ ⵙ ⵜⴰⵎⵟⵟⵓⵟ
Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%BC%E2%B4%BD%E2%B4%B0-%E2%B5%9C%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%8F-%E2%B5%9C%E2%B4%B0%E2%B4%B7%E2%B4%B7%E2%B4%B0%E2%B5%94%E2%B5%9C-%E2%B5%8F-%E2%B5%89%E2%B4%B7%E2%B5%94%E2%B5%89%E2%B5%8E%E2%B5%8F-%E2%B5%8F-%E2%B5%8D%E2%B5%87%E2%B5%93%E2%B4%B7%E2%B5%99-%E2%B5%8D%E2%B4%BC%E2%B4%B9%E2%B5%93%E2%B5%95-%E2%B5%8F-%E2%B5%95%E2%B5%8E%E2%B4%B9%E2%B4%B0%E2%B5%8F-%E2%B4%B3-%E2%B5%9C%E2%B5%89%E2%B5%96%E2%B5%94%E2%B5%8E%E2%B5%9C-%E2%B5%8F-%E2%B5%8D%E2%B5%87%E2%B5%93%E2%B4%B7%E2%B5%99-%E2%B5%99-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F