Published on MAPNews (https://www.mapnews.ma/am)

Accueil > ⵖⵉⵏⵢⴰ ..ⴰⵕⵥⵥⵓⵎ ⴰⵎⴰⴷⴷⴰⴷ ⵏ ⵜⵉⵎⵣⴳⵉⴷⴰ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⴽⵓⵏⴰⴽⵔⵉ

ⵖⵉⵏⵢⴰ ..ⴰⵕⵥⵥⵓⵎ ⴰⵎⴰⴷⴷⴰⴷ ⵏ ⵜⵉⵎⵣⴳⵉⴷⴰ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⴽⵓⵏⴰⴽⵔⵉ

29 ⵎⴰⵕⵚ 2024 Version Imprimable
ⴽⵓⵏⴰⴽⵔⵉⵏ - ⵙ ⵉⵡⴰⵍⵉⵡⵏ ⵢⴰⵜⵜⵓⵢⵏ ⵏ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵜ ⵉⵏⵚⵕ ⵕⴱⴱⵉ ; ⵜⵕⵥⵎ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵄⵓⵍⴰⵎⴰ ⵏ ⵉⴼⵔⵉⵇⵢⴰ ⵙ ⵓⵎⵙⴰⵙⴰ ⵏ ⵜⵉⵏⴱⴹⵉⵏ ⵏ ⵖⵉⵏⵢⴰ ⵉⵥⵍⵉⵏ ⵜⵉⵎⵣⴳⵉⴷⴰ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⴽⵓⵏⴰⴽⵔⵉ ⵛ ⵓⵣⵎⵣⵣⵓ ⵏ ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ.

 ⵜⴰⴼⵓⴳⵍⴰ ⵢⴰⴷ  ⵏⵓⵕⵥⵥⵓⵎ ⵏ ⵜⵉⵎⵣⴳⵉⴷⴰ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⴽⵓⵏⴰⴽⵔⵉ ⵜⵣⵔⵉ ⵙ ⵜⵉⵍⵉⵜ ⵙⵍⴰⵡⴰⵏ ⴰⴽⴽⵯ ⵏ ⵓⵎⴰⵡⴰⵙ ⴰⵎⵣⵡⴰⵔⵓ ⴰⵏ ⵙⵙⵉⵅⴼ ⵏ ⵜⵏⴱⴰⴹⵜ ⵏ ⵜⴰⴳⴷⵓⴷⴰⵏⵜ ⵏ ⵖⵉⵏⵢⴰ ⴰⵎⴰⴷⵓ ⵓⵔⵉ ⴱⴰⵀ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⴳ ⵖⵉⵏⵢⴰ ⴷⴰⵏⵙⴰ ⴽⵓⵔⵓⵎⴰ ⴷ ⵓⵎⴰⵡⴰⵙ ⵏ ⴷⴷⵉⴼⴰⵄ ⴰⵏⴰⵎⵓⵔ ⵏ ⵖⵉⵏⵢⴰ ⴰⴱⵓ ⴱⴰⴽⴽⴰⵔ ⵙⴰⴷⵉⴰⵉ ⴽⴰⵎⴰⵔⴰ ⴷ ⵓⵎⴰⵡⴰⵙ ⵏ ⵜⵉⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵙⵙⵉⴷⴼ ⵏ ⵉⴼⵔⵉⴰⵢⴰ ⴷ ⵉⵖⵉⵏⵉⵢⵏ ⵉⵣⴷⵖⵏ ⴳ ⴱⵕⵕⴰ ⵎⵓⵔⵉⵙⴰⵏⴷⴰ ⵎⵓⵢⴰⵜⵉ ⴷ ⵓⵏⴼⵍⴰⵓⵙ ⴰⵎⴰⵜⴰⵢ ⵏ ⵜⵉⵖⴰⵡⵙⵉⵡⵉⵏ ⵏ ⴷⴷⵉⵏ ⴳ ⵖⵉⵏⵢⴰ ⴽⴰⵔⴰⵎⵓ ⴷⵢⴰⵡⵔⴰ.

 ⵖⵎⴽⵍⵍⵉ ⵉⵍⵍⴰ ⴳ ⵜⴰⴼⵓⴳⵍⴰ ⵢⴰⴷ ⴰⴽⴰⴱⴰⵔ ⵏ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵄⵓⵍⴰⵎⴰ ⵏ ⵉⴼⵔⵉⵇⵢⴰ ⵍⵍⵉ ⵎⵓ ⵉⵣⵡⴰⵔ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵔⵙⵍⵜ ⵎⵓⵃⵎⵎⴷ ⵔⴰⴼⵇⵉ ⴷ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⵖⵉⵏⵢⴰ ⵄⵉⵙⴰⵎ ⵟⵟⴰⵢⵉⴱ ⴷ ⵉⵏⵙⵙⵉⵅⴼ ⵏ ⵓⴳⵣⵣⵓⵎ ⵏ ⵜⵎⵔⵙⵍⵜ ⴳ ⵖⵉⵏⵢⴰ ⵄⴱⴷⵍⴽⵔⵉⵎ ⴷⵢⵓⴱⴰⵜⵉ ⴷ ⵎⵏⵏⴰⵡ ⵉⵏⵎⵖⵓⵔⵏ ⵉⵎⵖⵔⵉⴱⵉⵢⵏ ⴷ ⵉⵖⵉⵏⵢⵏ.
 
ⵉⴼⴽⴰ ⵓⵎⴰⵔⵉ ⵏ ⵓⵙⵇⵇⵉⵎ ⴰⵎⴰⵙⵙⴰⵏ  ⴰⵏⴼⵍⵍⴰⵏ  ⵉⵏⴰⵡ ⵏ ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ.
 
ⵜⴱⴰⵏ ⵜⵎⵣⴳⵉⴷⴰ ⵢⴰⴷ ⵏ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⴽⵓⵏⴰⴽⵔⵉ ⵍⵍⵉ ⵎⵉ ⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⴰⵎⵉⵔ ⵏ ⵉⵎⵓⵎⵏⵏ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵍⴱⵏⵉ ⴳ 24 ⴱⵔⴰⵢⵔ 2017 ⵜⵎⵙⴰⵙⴰ ⴷ ⵍⵖⵏⵉ ⴰⵇⴱⵓⵔ ⵏ ⵍⵎⵖⵔⵉⴱ  ⴰⵔ ⵉⵜⵜⴰⵙⵉ 3000 ⵏ ⵎⵥⵥⴰⵍⵉ ⴳ ⵡⴰⴽⴰⵍ ⵏ ⵀⵉⴽⵜⴰⵔ.
 
 ⵜⵍⵍⴰ ⴳ ⵜⵉⵎⵣⴳⵉⴷⴰ ⵢⴰⴷ ⵜⴰⴷⴰⵍⴰ ⵜⴰⵎⵇⵔⴰⵏⵜ ⵏ ⵜⵥⴰⵍⵍⵉⵜ ⴷ ⵜⴰⴷⴰⵍⴰ ⵏ ⵉⵏⴰⵡⵏ ⴷ ⵜⴰⵙⴷⵍⵉⵙⵜ ⴷ ⵜⵉⵏⵎⵍ ⵏ ⵍⵇⵕⴰⵏ ⴷ ⵢⴰⵏ ⵓⵙⴰⵢⵔⴰⵔⵏ ⵜⵙⴱⴱⴰⴱⵜ ⴷ ⵉⵙⴰⵢⵔⴰⵔⵏ ⵉⵣⴳⵣⴰⵡⵏ.
 
ⵜⵔⴰ  ⵜⵉⵎⵣⴳⵉⴷⴰ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⴽⵓⵏⴰⴽⵔⵉ ⴰⴷ ⵜⴰⵎⵥ ⵖⵉⵏⵢⴰ ⵉⴱⵖⵓⵔⵏ ⴳ ⵜⵉⵔⵉⵎⵜ ⵏ ⵍⵎⵖⵔⵉⴱ ⴳ ⵉⴱⵔ ⵏ ⵓⵙⵡⵓⴷⴷⵓ ⵏ ⵉⴳⵔ ⵏ ⴷⴷⵉⵏ ⴷ ⵓⵙⴷⵓⵙ ⵉ ⵉⵜⵉⴳⵏ ⵏ ⵜⴰⵙⴰⵎⵓⵃ ⴷⵓⵎⵢⴰⵡⴰⵙ ⴷ ⵓⵎⴷⵉⴽⵉⵕ.
 
ⴳ ⵜⵙⴳⴰ ⵢⴰⴹⵏ ⵏ ⵓⵕⵥⵥⵓⵎ ⴰⵎⴰⴷⴷⴰⴷ ⵏ ⵜⵉⵎⵣⴳⵉⴷⴰ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⴽⵓⵏⴰⴽⵔⵉ ; ⴳ ⵓⵙⵜⵉ ⵏ ⵉⵎⵓⵙⵙⵓⵜⵏ ⵏⵏⵙ ⵉⵏⵎⵓⵏⵏ ⵏ ⵍⵅⵉⵔ ⵔⴰⴷ  ⵜⴼⴽ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵄⵓⵍⴰⵎⴰ ⵏ ⵉⴼⵔⵉⵇⵢⴰ ⵙ ⵓⵎⵙⴰⵙⴰ ⴷ  ⵓⴳⵣⵣⵓⵎ ⵏⵏⵙ ⴳ ⴽⵓⵏⴰⴽⵔⵉ ⵓⴳⴳⴰⵔ ⵏ 1000 ⵏ ⵜⴰⵙⵙⵍⵜ.
 
 ⵜⵔⴰ ⵜⵙⵏⵜⴰⵢⵜ ⴰⴷ ⴰⴷ ⵜⵙⴷⵓⵙ ⵉ ⵉⵜⵉⴳⵏ ⵉⵏⴼⴳⴰⵏⵏ ⴷ ⵓⵎⵢⴰⵡⴰⵙ ⴳ ⵓⴳⵏⵙ ⵏ ⵡⴰⵎⵓⵏ ⵏ ⵖⵉⵏⵢⴰ ⵉⵎⵙⴰⵙⴰⵏ ⴷ ⵜⵏⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵜ ⵉⵏⵚⵕ ⵕⴱⴱⵉ ⴰⵏⵙⵙⵉⵅⴼ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵄⵓⵍⴰⵎⴰ ⵏ ⵉⴼⵔⵉⵇⵢⴰ.

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%96%E2%B5%89%E2%B5%8F%E2%B5%A2%E2%B4%B0-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B4%B0%E2%B4%B7-%E2%B5%8F-%E2%B5%9C%E2%B5%89%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B4%B3-%E2%B4%BD%E2%B5%93%E2%B5%8F%E2%B4%B0%E2%B4%BD%E2%B5%94%E2%B5%89