ⴳ ⵓⵙⴰⵜⵉ ⵏ ⵜⵎⵀⵍⴰ ⵜⴰⵏⴰⴼⴳⴰⵏⵜ ⵏⵏⴰ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵍⴰⵎⵔ ⵏⵏⵙ ⵜⴰⵙⵏⵓⵔⴰⵢⵜ ⵏ ⴱⴰⵢⵜ ⵎⴰⵍ ⵍⵇⵓⴷⵙ ⵜⴽⵎⵎⵍ ⵏ ⵜⵣⴳⴰⵡⵜ ⵜⴰⵎⵙⴷⵓⵔⵜ ⴷ ⵜⵙⵎⴰⴷ ⵏ ⵜⵉⴽⴽⵉ ⵏ ⵜⵉⵔⴰⵎ ⵜⵎⵙⴷⵓⵔⵉⵏ ⵉ ⵎⵉⴷⴷⵏ ⴳ ⵍⵇⵓⴷⵙ

29 ⵎⴰⵕⵚ 2024 Version Imprimable

ⵍⵇⵓⴷⵙ - ⵜⴽⵎⵎⵍ ⵜⴰⵙⵏⵓⵔⴰⵢⵜ ⵏ ⴱⴰⵢⵜ ⵏ ⵎⴰⵍ ⵍⵇⵓⴷⵙ ⵡⴰⵙⵙ ⵏ ⵓⵙⵉⵎⵡⴰⵙ ⵜⴰⵎⵀⵍⴰ ⵏ ⵜⵉⴽⴽⵉ ⵏ ⵜⵉⵔⴰⵎ ⵜⵎⵙⴷⵓⵔⵉⵏ ⵉ ⵎⵉⴷⴷⵏ ⴳ ⵍⵇⵓⴷⵙ ⵉ ⵍⵃⴰⵡⴰⵍ ⵏ 2200 ⴰⵢⵜ ⵓⵅⴰⵎ ⵉⵙⴱⵖⵓⵔⵏ ⴳ ⵓⵙⴰⵜⵉ ⵏ ⵜⵓⵎⵍⴰⵢⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ ⴰⵏⵙⵙⵉⵅⴼ ⵏ ⵓⴳⵔⴰⵡ ⵍⵇⵓⴷⵙ ⵏⵏⴰ ⵏⵏⴰⵏ ⵜⵜⵓⵣⵓⵏⵉⵏ ⵏ ⵜⵉⵡⵙⵉⵏ ⵜⵉⵏⴼⴳⴰⵏⵉⵏ ⵉ ⵉⴼⴰⵍⴰⵚⵟⵉⵏⵢⵉⵏ ⴳ ⵍⵇⵓⴷⵙ ⵖ ⵖⴰⵣⵣⴰ ⵉⵎⴰⵏ ⴷ ⵡⴰⵢⵢⵓⵔ ⵏ ⵓⵣⵓⵎ ⴰⵎⴱⴰⵔⴽⵉ .

ⵜⵣⴷⵉ ⵜⵎⵀⵍⴰ ⴰⴷ ⵏⵏⴰ ⵜⵙⵣⵔⵉ ⵙ ⵜⴷⵔⴰⵡⵜ ⵏ ⵜⵎⵔⵙⴰⵍⵉⵏ ⵏ ⵜⵖⵔⵎⵜ ⵉⵍⵍⴰ ⴳⵉⵙⵏ ⵜⵙⵃⴹⴰⵡⵜ ⵏ ⵍⵇⵓⴷⵙ ⴷ ⵜⴰⵥⴰⵢⵔⵜ ⵏ ⵍⴰⵡⵇⴰⴼ ⴳ ⵜⵎⵣⴳⵉⴷⴰ ⵏ ⵍⴰⵇⵚⴰ ⴰⵎⴰⴱⴰⵔⴽⵉ ⴷ ⵜⵎⵀⵍⴰ ⵏ ⵓⵙⵍⵎⴷ ⴷ ⵓⵙⴳⵎⵉ ⴰⵢⵜⵓⵅⴰⵎⵏ ⴳ ⵜⴰⵎⴷⵉⵏⵜ ⵜⴰⵇⴷⵉⵎⵜ ⴷ ⵓⴼⵔⴰⵏ ⵏ ⵜⴰⵎⴰⵏ ⵏ ⵍⵇⵓⴷⵙ ⵉⴹⴼⴰⵕⵏ ⵉ ⵜⵙⵃⴹⴰⵡⵜ ⵓⵍⴰ ⵓⵟⵜⵓⵏ ⵏ ⵜⵎⵔⵙⴰⵍⵉⵏ ⵜⵉⵙⴳⵏⴰⴼⵉⵏ ⵉⵎⴰⵡⴰⵏ ⴷ ⵓⵄⵔⵉⵛ ⵏ ⵓⴳⵏⵙⵓ ⵏⵏⴰ ⵎⵉ ⵜⴼⴽⴰ ⵏ ⵜⵏⴰⴼⵓⵜⵉⵏ ⵏⵏⵙ ⵉ ⵉⵎⴰⴹⵓⵏⵏ ⵣⴷⵖⵉⵏ ⴰⵎ ⴳ ⵓⵙⴳⵏⴰⴼ ⵏ ⵜⵎⵙⵎⵓⵏⵜ ⵏ ⵜⵉⵔⴰⵜⵉⵏ ⵜⵉⵏⴼⴳⴰⵏⵉⵏ ⴷ ⵚⵚⴱⵉⵟⴰⵕ ⴼⵉⴽⵜⵓⵔ -ⵍⵎⵓⵟⴰⵍⵉⵄ ⴷ ⴰⵙⴳⵏⴰⴼ ⵏ ⵍⵀⵉⵍⴰⵍ .

ⴳ ⵜⵙⴳⴰ ⵢⴰⴹⵏ ⵙⵎⵏⴰⴷⵜ ⵜⵔⵓⴱⴱⴰ ⵉⵎⵙⵡⵓⵔⵉⵏ ⴳ ⵜⵙⵏⵓⵔⴰⵢⵜ ⵏ ⵜⵉⴽⴽⵉ ⵏ ⵜⵉⵔⵎⵉⵜⵏ ⵜⵉⴽⵓⵢⴰⵙⵉⵏ ⴳ ⵓⵙⵖⵍ 1000 ⵜⵉⵔⵎⵜ ⵜⴰⵎⵙⴷⵔⵜ ⵜⴽⵢⴰ ⵏ ⵓⴼⵔⴰⵏ ⴱⵕⵕⴰ ⵏ ⵓⴳⴰⴷⵉⵔ ⴰⵎ ⴽⵜⴽⵢⴰ ⴷ ⵜⴽⵢⴰⵜ ⵍⵊⴷⵉⵔⴰ ⵓⵍⴰ ⵎⵓⵅⴰⵢⴰⵎ ⵏ ⵇⴰⵍⴰⵏⴷⴰⵢ ⴷ ⴱⴰⵢⵜ ⵃⵏⵢⵏⴰ ⵜⴰⵎⴰⵣⵉⵔⵜ ⴷ ⵍⵖⵢⵣⵉⵔⵢⴰ ⵓⵍⴰ ⵙⴱⵖⵔⵏ ⵉⴼⴳⴰⵏ ⵏ ⵜⵉⵎⵣⴳⴷⴰ ⵍⴰⵇⵚⴰ ⴳ ⵜⵎⵀⵍⵉⵡⵉⵏ ⵏ ⵜⵉⴽⴽⵉ ⵏ ⵜⵉⵔⴰⵎ ⵜⵎⵙⴷⵓⵔⵉⵏ ⵏⵏⴰ ⵢⵓⴷⴷⵊⴰⵏ ⵉⴷⴷⴰⴷⵏ ⵉⵏⴼⵔⵓⵏ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B3-%E2%B5%93%E2%B5%99%E2%B4%B0%E2%B5%9C%E2%B5%89-%E2%B5%8F-%E2%B5%9C%E2%B5%8E%E2%B5%80%E2%B5%8D%E2%B4%B0-%E2%B5%9C%E2%B4%B0%E2%B5%8F%E2%B4%B0%E2%B4%BC%E2%B4%B3%E2%B4%B0%E2%B5%8F%E2%B5%9C-%E2%B5%8F%E2%B5%8F%E2%B4%B0-%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8D%E2%B4%B0%E2%B5%8E%E2%B5%94-%E2%B5%8F%E2%B5%8F%E2%B5%99-%E2%B5%9C%E2%B4%B0%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%8F-%E2%B4%B1%E2%B4%B0%E2%B5%A2%E2%B5%9C-%E2%B5%8E%E2%B4%B0%E2%B5%8D