Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴰⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙⵙ 16 ⵏ ⵓⵙⴼⵙⵔ ⴰⵎⴰⴹⴰⵍⴰⵏ ⵏ ⵜⵏⴼⵍⴰⵃⵜ ⵖ ⵍⵎⵖⵔⵉⴱ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴰⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙⵙ 16 ⵏ ⵓⵙⴼⵙⵔ ⴰⵎⴰⴹⴰⵍⴰⵏ ⵏ ⵜⵏⴼⵍⴰⵃⵜ ⵖ ⵍⵎⵖⵔⵉⴱ

22 ⵉⴱⵔⵉⵔ 2024 Version Imprimable
ⵎⴽⵏⴰⵙ - ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵡⴰⵙⵙ ⵏ ⵓⵢⵏⴰⵙ ⴳ ⵍⵎⵉⵛⵡⴰⵕ ⵙⵜⵉⵏⵢⴰ ⴳ ⵚⵚⵀⵔⵉⵊ ⵚⵚⵡⴰⵏⵉ ⴳ ⵎⴽⵏⴰⵙ ⵎⴽⵏⴰⵙ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙⵙ 16 ⵏ ⵓⵙⴼⵙⵔ ⵏ ⵜⵏⴼⵍⴰⵃⵜ ⵖ ⵕⵕⴱⴰⵟ (ⵚⵢⴰⵎ) ⵏⵏⴰ ⵉⵜⵜⵓⵙⵏⵎⴰⵍⴰⵏ ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙⴳ 22 ⴰⵔ 28 ⵉⴱⵔⵉⵔ ⴷⴷⵓ ⵏ ⵜⵎⵜⴰⵔⵜ " ⴰⵏⵣⵡⵉ ⴷ ⵜⵏⴼⵍⴰⵃⵜ …ⴰⴼⴰⴷ ⴱ ⵉⵏⵔⴳⴰⵡⵏ ⵏ ⵜⵙⵢⴰⴼⵓⵜ ⵜⴰⵙⵏⴼⴰⵍⴰⵏⵜ ⵥⴹⴰⵕⵏⵜ ⴰⴷ ⵉⵇⵉⵎⵎⴰ" .

ⴳ ⵍⴱⴷⵓ ⵏ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙⵙ 16 ⵏ ⵓⵙⴼⵙⵔ ⴰⴷ ⵍⵍⵉⵖ ⵜⴷⵔⴰ ⵜⵉⴳⵍⴷⵉⵜ ⵏ ⵚⴱⴰⵏⵢⴰ ⵉⴳⴰⵏ ⵉⵏⴱⴳⵉ ⵏ ⵡⴰⴷⴷⵓⵔ , ⵉⴼⴼⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴽⵕⴰⵟ ⵏ ⵜⵓⴳⴳⴰ ⵏ ⵜⵓⵙⵙⵏⴰ ⵙ ⵜⵎⴰⵜⴰⵔⵉⵏ ⵉⵖⵓⴷⴰⵏ ⵏ ⵜⵎⴰⵡⵉⵖⵔⵜ ⵉ ⵢⵉⵏⵙⵙⵉⵅⴼⵏ ⵏ ⵜⵉⵔⴰⴱⴱⵓⵜⵉⵏ ⵏ ⵓⵙⵢⴰⴼⵓ ⵏ ⵜⵉⵢⴰⴼⵓⵜⵉⵏ ⵜⵉⴷⵖⵔⴰⵏⵉⵏ ⵏ ⵓⵙⴳⴳⵯⴰⵙ 2023-2024.

ⵢⵓⵎⵥ ⵜⵓⴳⴳⴰ ⵜⴰⵎⵣⵡⴰⵔⵓⵜ ⵎⴰⵙⵙ ⵄⴱⴷⵍⴽⵔⵉⵎ ⴱⵢⵢⴰⴹ ⴰⵏⵙⵙⵉⵅⴼ ⵏ ⵜⴰⴼⵉⴷⵉⵔⴰⵍⵉⵜ ⵏ ⵉⵣⵓⵍⴰⵍⵏ ⵏ ⵍⵍⵓⵣ ⵏ ⵜⴰⵙⴳⴰ ⵏ ⵛⵛⵔⵇ ⵅⴼ ⵓⵙⵉⵡⴹ ⴰⵊⵓⵖⵔⴰⴼⵉ “ⵍⵓⵣ ⴱⵏⵉ ⵉⵣⵏⴰⵙⵏ” (ⵜⴰⵙⴳⴰ ⵏ ⵉⵥⵥⵍⵎⴹ ) ⵖⵎⴽⵍⵍⵉ ⵢⵓⵎⵥ ⵜⵓⴳⴳⴰ ⵜⵉⵙⵙ ⵙⵏⴰⵜ ⵎⴰⵙⵙ ⵎⵓⵃⵎⵎⴷ ⵍⵀⴰⴷⵉ ⴰⵏⵙⵙⵉⵅⴼ ⵏ ⵜⴰⵎⵙⵎⵓⵏⵜ ⴰⵢⵜ ⴱⵓⴳⵎⵎⴰⵣ ⵏ ⵉⴼⵍⵍⴰⵃⵏ ⵅⴼ ⴰⵙⵉⵡⴹ ⴰⵊⵓⵖⵔⴰⴼⵉ “ ⵜⴼⴼⴰⵃ ⴰⵙⵉⴼ ⵏ ⴰⵢⵜ ⴱⵓⴳⵎⵎⴰⵣ “ ⴳ ⵜⴰⵙⴳⴰ ⵏ ⴱⵏⵉ ⵎⵍⵍⴰⵍ -ⵅⵏⵉⴼⵔⴰ.

ⴰⵎⵎⴰ ⵜⵓⴳⴳⴰ ⵜⵉⵙⵙ ⴽⵕⴰⵟ ⵢⵓⵎⵥⵜ ⵎⴰⵙⵙ ⵄⴱⴷⵙⵙⵍⴰⵎ ⵍⵀⵡⴰⴷⴼⵉ ⴰⵏⵎⵀⴰⵍ ⵏ ⵜⵉⵎⵔⵙⵍⵜ” Le PETIT DOMAINE SAR” ⵅⴼ ⵜⴰⵎⴰⵜⴰⵔⵜ ⵏ ⵜⴼⵍⵍⴰⵃⵜ “ⵜⵉⴳⵍⴰⵢ ⵏ ⵉⴼⵓⵍⵍⵓⵙⵏ “.

ⴷⴼⵉⵉⵔ ⵢⵓⵎⵥ  ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵜⴰⵡⵍⴰⴼⵜ ⵏ ⵓⴽⵜⵜⴰⵢ ⴷ ⵉⴼⵍⵍⴰⵃⵏ ⴽⵕⴰⴹ.

ⴳ ⵓⴽⵛⵛⵓⵎ ⵏ ⵓⵙⴼⵙⵔ ⵉⵙⵍⵍⵎ ⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵎⴰⵙⵙ ⵍⵡⵉⵙ ⴱⵍⴰⵏⴰⵙ ⴰⵎⴰⵡⵙⴰⵙ ⵏ ⵜⴳⴼⵍⵍⴰⵃⵜ ⴷ ⵜⴰⴳⵎⵔⵜ ⵜⴰⵢⵍⵍⵏⵜ ⴷ ⵎⵓⵜⵛ ⴳ ⵜⵉⴳⵍⴷⵉⵜ ⵏ ⵚⴱⴰⵏⵢⴰ ⴷ ⵉⵏⵎⵖⵓⵔⵏ ⵏ ⵜⵉⵎⵉⵣⴰⵔ ⵢⴰⴹⵏ (ⴼⵕⴰⵏⵙⴰ ⴷ ⵔⵓⵎⴰⵏⵢⴰ ⴷ ⵜⵛⵉⴽ ⴷ ⴱⵉⵏⵉⵏ ⴷ ⴱⵓⵔⴰⵏⴷⵉ ⴷ ⴽⵓⵜ ⴷⵉⴼⵡⴰⵔ ⴷ ⵉⵙⵡⴰⵜⵉⵏⵉ ⴷ ⵍⴳⴰⴱⵓⵏ ⴷ ⴳⴰⵎⴱⵢⴰ ⴷ ⵖⵉⵏⵢⴰ ⴱⵉⵙⵙⴰⵡ ⴷ ⵖⵉⵏⵢⴰ ⵉⵙⵜⵉⵡⴰ ⴷ ⵍⵉⴱⵢⴰ ⴷ ⵎⵓⵔⵉⵜⴰⵏⵢⴰ ⴷ ⵏⵏⵉⵊⵉⵔ ⴷ ⵙⵉⵏⴳⴰⵍ ⴷ ⵙⵙⵓⴷⴰⵏ  ⴷ ⵉⴼⴼⵓⵙ ⵏ ⵙⵙⵓⴷⴰⵏ) ⴷ ⵎⴰⵙⵙⴰ ⵊⵓⵙⵉⴼⴰ ⵍⵢⵓⵏⵉⵍ ⴽⵓⵔⵢⴰ ⵙⴰⴽⵓ ⵜⴰⵎⵣⵣⴰⵍⵜ ⵏ ⵜⴰⴷⴰⵎⵙⴰ ⵜⵉⴼⵔⴰⵏⵜ ⴷ ⵜⴼⵍⵍⴰⵃⵜ ⴷ ⴰⴳⵔⴰⵡ ⵏ ⵡⴰⵎⵓⵏ ⴰⴼⵔⵉⵇⵉⵢ.
 
ⴷⴼⵉⵉⵔ ⵉⵔⵣⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵉⴳⵊⴷⴰ ⵏ ⵓⵙⴼⵙⵔ ⵙⵍⴰⵡⴰⵏ ⴰⴽⴽⵯ ⵡⵉⵏ “ⵜⵉⵙⴳⴳⵉⵡⵉⵏ” ⴷⴰⵜ ⴰⴷ ⵜⵜⵢⴰⵎⴰⵥ ⵢⴰⵜ ⵜⵡⵍⴰⴼⵜ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵢⴰⵜ ⵜⴰⵡⵍⴰⴼⵜ ⴷ ⵉⵏⵙⵙⵉⵅⵏ ⵏ ⵉⵙⵇⵇⵉⵎⵏ ⵏ ⵜⵉⵙⴳⴳⵉⵡⵉⵏ.
 
ⵖⵎⴽⵍⵍⵉ ⵉⵔⵣⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵉⴳⵔⴰⵏ ⵏ “ⴰⵎⴰⵏ ⴷ ⵜⵉⵙⵙⵉ” ⴷ “ ⵓⵔⵣⵣⵓ ⴷ ⵍⵉⴱⵜⵉⴽⴰⵔ” ⴷ “ ⵜⴰⵙⵓⵜ ⵜⴰⵣⴳⵣⵓⵜ” ⵏ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴰⴳⵎⵔⵜ ⵜⴰⵢⵍⴰⵏⵜ ⴷ ⵜⵉⴳⵎⵉ ⵜⴰⴼⵔⴰⵏⵜ ⴷ ⴰⵎⴰⵏ ⴷ ⵜⴰⴳⴰⵏⵉⵏⵉ ⴷ ⵉⴳⵊⴷⴰ ⵏ ⵜⵎⵔⵙⵍⵉⵏ ⴷ ⵜⵉⵢⴰⴼⵓⵏⵉ ⵏ ⵡⴰⴽⴰⵍ ⴷ ⵜⴽⵙⵙⴰⴱⵜ”  ⴷ “ⵜⴰⴽⵙⵙⴰⴱⵜ “ ⴷ ⵜⴼⵍⵍⴰⵃⵜ ⵜⵓⵟⵟⵓⵏⵜ” ⴷ “ ⴰⴳⵊⴷⵉ ⴰⵎⴰⴹⵍⴰⵏ”.
 
ⴳ ⵓⴳⵊⴷⵉ ⵏ ⵜⴰⵎⴳⵓⵔⵉ ⵜⵏⴼⵍⴰⵃⵜ” ⵉⴹⴼⵕ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵢⴰⵏ ⵍⴼⵉⴷⵢⵓ ⵅⴼ ⵓⵟⵟⵓⵏ ⵏ ⵜⴼⵍⵍⴰⵃⵜ ⴷⴰⵜ ⴰⴷ ⵉⵔⵣⴼ ⴰⴳⵊⴷⵉ ⵏ “ ⵉⵎⴰⵙⵙⵏ ⵏ ⵜⴼⵍⵍⵃⵜ” ⴷ “ⵍⵎⴰⴽⵉⵏⴰⵜ”.

Dernière modification : 22 ⵉⴱⵔⵉⵔ 2024
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B5%8E%E2%B4%BD%E2%B4%BD%E2%B5%93%E2%B5%99%E2%B5%93-%E2%B5%8F-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F