Published on MAPNews (https://www.mapnews.ma/am)

Accueil > ⵜⵙⵙⴳⵎⴹ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵓⵙⵏ ⴷ ⵜⵙⵏⵓⵔⴰⵢⵜ ⵜⴰⵎⵓⵔⵉⵜⴰⵏⵉⵜ ⵏ ⵉⵏⵖⵎⵉⵙⵏ ⵜⴰⵎⵢⴰⵇⴰⵏⵜ ⵜⴰⵎⴰⵢⵏⵓⵜ ⵏ ⵜⴰⵎⴷⵔⴰⵡⵜ

ⵜⵙⵙⴳⵎⴹ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵓⵙⵏ ⴷ ⵜⵙⵏⵓⵔⴰⵢⵜ ⵜⴰⵎⵓⵔⵉⵜⴰⵏⵉⵜ ⵏ ⵉⵏⵖⵎⵉⵙⵏ ⵜⴰⵎⵢⴰⵇⴰⵏⵜ ⵜⴰⵎⴰⵢⵏⵓⵜ ⵏ ⵜⴰⵎⴷⵔⴰⵡⵜ

25 ⵉⴱⵔⵉⵔ 2024 Version Imprimable
ⵕⵕⴱⴰⵟ -  ⵜⵙⵙⴳⵎⴹ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵓⵙⵏ ⴷ ⵜⵙⵏⵓⵔⴰⵢⵜ ⵜⴰⵎⵓⵔⵉⵜⴰⵏⵉⵜ ⵏ ⵉⵏⵖⵎⵉⵙⵏ ⴰⵙⵙ ⵏ ⵓⴽⴰⵡⴰⵙ ⴳ ⵕⵕⴱⴰⵟ ⵜⴰⵎⵢⴰⵇⴰⵏⵜ ⵜⴰⵎⴰⵢⵏⵓⵜ ⵏ ⵜⴰⵎⴷⵔⴰⵡⵜ ⴰⴼⴰⴷ ⴰⵙⴷⵓⵙ ⵏ ⵉⵎⵢⴰⵙⵙⴰⵏ ⵏⵏⵙⵏⵜ.

ⵜⵔⴰ ⵜⵎⵢⴰⵇⴰⵏⵜ ⴰⴷ ⵍⵍⵉ ⵉⵙⵙⴳⵎⴹ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵓⵙⵏ ⵎⴰⵙⵙ ⴼⵓⵡⴰⴷ ⵄⴰⵔⵉⴼ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵎⵓⵔⵉⵜⴰⵏⵉⵜ ⵏ ⵉⵏⵖⵎⵉⵙⵏ ⵎⴰⵙⵙ ⵍⵎⵅⵜⴰⵔ ⵎⵍⴻⵍ ⵊⴰ ⴰⴷ ⵉⴷⵓⵙ ⵓⵎⵢⴰⵡⴰⵙ ⵏ ⵎⵏⵏⴰⵡ ⵉⴳⵔⴰⵏ ⴷ ⴰⴷ ⵉⵍⴽⵎ ⴰⵙⵡⵉⵔ ⵏ ⵉⵎⵢⴰⵙⵙⴰⵏ ⵉⵖⵓⴷⴰⵏ ⵉⵍⵍⴰⵏ ⴳⵔ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴰⴳⴷⵓⴷⴰⵏⵜ ⵉⵙⵍⴰⵎⵉⵢⴰ ⵏ ⵎⵓⵔⵉⵜⴰⵏⵢⴰ.

 ⵙ ⵜⵎⵢⴰⵇⴰⵏⵜ ⴰⴷ ⵍⵍⵉ ⵉⵜⵜⵓⵙⴳⵎⴹⵏ ⵙ ⵓⵣⵎⵣⵣⵓ ⵏ ⵓⵔⵣⴰⴼ ⵏ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵎⵓⵔⵉⵜⴰⵏⵉⵜ ⵏ ⵉⵏⵖⵎⵉⵙⵏ  ⵉ ⵢⵓⵙⵖⵉⵎ ⵏ ⵍⴰⵎⴰⴱ ⴰⵔ ⵜⴰⴽⴽⴰ ⵜⵙⵏⵓⵔⴰⵢⵜ ⵜⵎⵖⵔⵉⴱⵉⵜ ⴷ ⵜⵉⵏ ⵎⵓⵔⵉⵜⴰⵏⵢⴰ ⴰⵔⵣⴼ ⵏ ⵓⵙⵏⵓⴱⴳ ⴷ ⵓⵙⵡⵓⵔⵉ ⵏ ⵉⵏⵖⵎⵉⵙⵏ ⴳⵔ ⵙⵏⴰⵜ ⵜ ⵜⵙⵏⵓⵔⴰⵢⵉⵏ ⴳ ⵎⴰⴷ ⵉⵥⵍⵉⵏ ⵙ (ⵜⴰⵡⵍⴰⴼⵉⵏ ⴷ ⵍⴼⵉⴷⵢⵓⴰ ⴷ ⵓⴷⵢⵓ ⴷ ⵉⵏⴼⵓⴳⵔⴰⴼⵉ ).

ⵎⵙⴰⵙⴰⵏⵜ ⵜⵙⵏⵓⵔⴰⵢⵉⵏ ⵙⵏⴰⵜ ⴰⴷ ⵙⴷⵓⵙⵏⵜ ⴰⵙⵏⴼⵍ ⵏ ⵉⵏⵖⵎⵉⵙⵏ ⴷ ⵉⵔⵉⵎⵏ ⴷ ⵉⴳⵔⴰⵏ ⵏ ⵜⵉⵔⵔⴰ ⴰⵏⴰⵎⵎⴰⵙ ⴷ ⴰⵏⵎⵏⴰⴹ ⴷ ⵜⵙⴱⴱⴰⴱⵜ ⴷ ⵓⵙⵡⵓⴷⴷⵓ ⵏ ⵉⵙⴰⴳⵎⵏ ⵉⵏⴼⴳⴰⵏⵏ ⴷ ⵉⵏⴳⵔⴰⵡⵏ ⵏ ⵉⵏⵖⵎⵉⵙⵏ ⵙ ⵓⵙⵏⵎⴰⵍⴰ ⵏ ⵉⵔⵣⴰⴼⵏ ⴷ ⵜⴰⵙⵓⵜⵍⵜⵉⵏ ⵏ ⵓⵙⵎⵓⵜⵜⴳ ⵉ ⵉⵏⵖⵎⴰⵙⵏ ⴷ ⵉⵎⵙⵜⴳⴳⴰⵔⵏ ⴷ ⵉⵏⵙⵙⵉⵅⴼⵏ ⴷ ⵉⵜⵉⵇⵏⵉⵢⵏ ⵏ ⵓⵟⵟⵓⵏ ⵏ ⵜⵉⵙⵏⵓⵔⴰⵢⵉⵏ ⵙⵏⴰⵜ.

ⵔⴰⴷ  ⵎⵙⴰⵙⵏⵜ ⵜⵙⵏⵓⵔⴰⵢⵉⵏ ⵙⵏⴰⵜ ⴷ ⵓⵙⵡⵉⵔ ⵏ ⵉⵏⵎⵓⵇⵇⴰⵔⵏ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏⵏ ⵏ ⵜⵉⵎⵔⵙⴰⵍⵉⵏ ⴷ ⵉⵎⵓⵏⵏ ⵉⵣⵣⵓⵍⴰⵏⵏ ⵍⵍⵉⴱ ⴳⴰⵏⵜ ⵉⴳⵎⴰⵎⵏ ⴰⴼⴰⴷ ⴰⵙⵙⴼⵓⵍⴽⵉ ⵏ ⵉⵡⵜⵜⴰⵙ ⵏⵏⵙⵏⵜ.

ⵉⵏⵏⴰ ⵎⴰⵙⵙ ⵄⴰⵔⵉⴼ ⴳ ⵢⴰⵜ ⵜⵉⵏⴰⵡⵜ ⵏⵏⴰⵙ ⵙ ⵓⵣⵎⵣⵣⵓ ⵢⴰⴷ ⵎⴰⵙ ⵔⴰⴷ ⵜⵙⴷⵓⵙ ⵜⵎⵢⴰⵇⴰⵏⵜ ⴰⴷ ⵉ ⵓⵙⵏⴼⵍ ⵏ ⵉⵔⵉⵎⵏ ⴷ ⵉⵏⵖⵎⵉⵙⵏ ⴷ ⵓⵙⵡⵓⴷⴷⵓ ⵏ ⵉⵙⴰⴳⵎⵏ ⵉⵏⴼⴳⴰⵏⵏ ⵏ ⵜⵙⵏⵓⵔⴰⵢⵉⵏ ⵙⵏⴰⵜ.

ⵉⵙⴷⴷⵉⴷ ⵓⵍⴰ ⵎⴰⵙ ⵜⵖⵓⴷⴰ ⵜⵎⵢⴰⵇⴰⵏⵜ ⴰⴷ ⵍⵍⵉⴷ ⵢⵓⵛⴽⴰⵏ ⴳ ⵢⴰⵏ ⵓⵣⵎⵣ ⵍⵍⵉⵖ ⵍⵍⵉⵖ ⵙⵙⵏⵏ  ⵉⵎⴰⵙⵙⵏ ⵏ ⵜⵏⵖⵎⴰⵙⵜ ⴳ ⵜⵉⵎⵓⴽⵔⵉⵙⵉⵏ ⵉⵥⵍⵉⵏ ⵙ ⵉⵏⵖⵎⵉⵙⵏ ⵓⵔ ⵉⵚⵃⵉⵏ ⵖⵎⴽⴰⴷ ⵉⵇⵇⴰⵏⴷ ⴰⴷ ⵙⵡⵓⵔⵔⵉⵏⵜ ⵜⵙⵏⵓⵔⴰⵢⵉⵏ ⵙⵏⴰⵜ ⵎⵏⵉⴷ ⵜⵉⵎⵓⴽⵔⵉⵙⵉⵏ ⴰⴷ.

ⴳ ⵜⴰⵙⴳⴰ ⵏⵏⵙ ⵉⵏⵏⴰ ⵎⴰⵙⵙ ⵍⵎⵅⵜⴰⵔ ⵎⵍⴻⵍ ⵊⴰ ⵎⴰⵙ ⵉⵔⴰ ⵜⵔⴰ ⵜⵙⵏⵓⵔⴰⵢⵜ ⵏ ⵎⵓⵔⵉⵜⴰⵏⵢⴰ ⴰⴷ ⵜⵙⵡⵓⵔⵔⵉ ⵙ ⵍⵎⵄⵇⵓⵍ  ⴰⴼⴰⴷ ⵜⴰⵎⵔⵏⵉⵡⵜ ⵏ ⵉⵎⵢⴰⵙⵙⴰⵏ ⵏ ⵓⵎⵙⴰⵙⴰ ⴳⵔ ⵜⵉⵙⵏⵓⵔⴰⵢⵉⵏ ⵙⵏⴰⵜ ⴰⴼⴰⴷ ⵉⵎⴰⵍ ⵉⵖⵓⴷⴰⵏ

ⵉⵔⵏⵓ ⵉⵏⵏⴰ  ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵎⵓⵔⵉⵜⴰⵏⵉⵜ ⵏ ⵉⵏⵖⵎⵉⵙⵏ ⵎⴰⵙ ⵜⴳⴰ ⵜⴰⵎⵢⴰⵇⴰⵏⵜ ⴰⴷ ⵍⴱⴷⵓ ⵏ ⵓⵎⵢⴰⵡⴰⵙ ⴰⵎⴰⵢⵏⵓ ⴳⵔ ⵜⵉⵎⵉⵣⴰⵔ ⵙⵏⴰⵜ ⴳ ⵉⴳⵔ ⵏ ⵜⵏⵖⵎⴰⵙⵜ ⵜⵔⴰ ⵜⵙⵏⵓⵔⴰⵢⵜ ⵜⵎⵓⵔⵉⵜⴰⵏⵉⵜ ⴰⴷ ⵜⴰⵎⵥ ⵉⵔⵉⵎⵏ ⵏ ⵜⴰⵙⵏⵓⵔⴰⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ ⴳ ⵉⴳⵔ ⵏ ⵜⵏⵖⵎⴰⵙⵜ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⵉⴼⵔⵉⵇⵢⴰ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%9C%E2%B5%99%E2%B5%99%E2%B4%B3%E2%B5%8E%E2%B4%B9-%E2%B5%9C%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%A2%E2%B5%9C-%E2%B5%8F-%E2%B5%89%E2%B5%8F%E2%B5%96%E2%B5%8E%E2%B5%93%E2%B5%99%E2%B5%8F-%E2%B4%B7-%E2%B5%9C%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B5%8E%E2%B5%93%E2%B5%94%E2%B5%89%E2%B5%9C%E2%B4%B0%E2%B5%8F%E2%B5%89%E2%B5%9C-%E2%B5%8F-%E2%B5%89%E2%B5%8F%E2%B5%96%E2%B5%8E%E2%B5%89%E2%B5%99%E2%B5%8F-%E2%B5%9C%E2%B4%B0%E2%B5%8E%E2%B5%A2%E2%B4%B0%E2%B5%87%E2%B4%B0%E2%B5%8F%E2%B5%9C