ⵜⵙⵙⵎⴰⵢⵏⵓ ⵙⵉⵏⵉⴳⴰⵍ ⵜⵙⴷⴷⵉⴷ ⴰⵏⵏⴰⵍ ⵏⵏⵙ ⵉⴷⴰⵡⵎⵏ ⵉⴷⵓⵙⵏ ⵉ ⵜⴰⵎⵓⵏⵜ ⵏ ⵡⴰⴽⴰⵍ ⵏ ⵍⵎⵖⵔⵉⴱ ⴰⴽⴽⵯ ⵖ ⵜⴳⴰ ⵚⵚⵃⵕⴰ ⵜⴰⵎⵖⵔⵉⴱⵉⵢⵜ

27 ⵎⴰⵢⵢⵓ 2024 Version Imprimable

ⵕⵕⴱⴰⵟ - ⵜⵙⵙⵎⴰⵢⵏⵓ ⵙⵉⵏⵉⴳⴰⵍ ⵙ ⵉⵍⵙ ⵏ ⵜⴰⵎⴰⵡⴰⵙⵜ ⵏⵏⵙ ⵏ ⵓⵙⵉⴷⴼ ⴰⴼⵔⵉⵇⵉⵢ ⴷ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵎⴰⵙⵙⴰ ⵢⴰⵙⵉⵏ ⴼⴰⵍ ⴰⵏⵏⴰⵍ ⵏⵏⵙ ⵉⴷⴰⵡⵎⵏ ⵉⴷⵓⵙⵏ ⵉ ⵜⴰⵎⵓⵏⵜ ⵏ ⵡⴰⴽⴰⵍ ⵏ ⵍⵎⵖⵔⵉⴱ ⴰⴽⴽⵯ ⵖ ⵜⴳⴰ ⵚⵚⵃⵕⴰ ⵜⴰⵎⵖⵔⵉⴱⵉⵢⵜ.

ⵜⵓⵛⴽⴰⴷ ⵜⴰⵏⵏⴰⵢⵜ ⴰⴷ ⴳ ⵢⴰⵏ ⵉⵙⵉⵡⴹ ⵉⵛⵛⴰⵔⵏ ⴷⴼⴼⵉⵔ ⵏ ⵉⵎⴹⵉⴽⵉⵕⵏ ⴰⵙⵙ ⵏ ⵓⵏⵢⴰⵙ ⴳⵔ ⴰⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉⵢ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ ⴷ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⴷ ⵜⴰⵎⴰⵡⴰⵙⵜ ⵏ ⵓⵙⵉⴷⴼ ⴰⴼⵔⵉⵇⵉⵢ ⴷ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵎⴰⵙⵙⴰ ⵢⴰⵙⵉⵏ ⴼⴰⵍ ⵍⵍⵉ ⵉⵙⴽⴰⵔⵏ ⴰⵔⵣⴼ ⵏⵏⵙ ⴰⵎⵣⵡⴰⵔⵓ ⵉ ⵜⵉⴳⵍⴷⵉⵜ.

ⴳ ⵉⵙⵉⵡⴹ ⴰⴷ ⵜⵙⵙⵎⴰⵢⵏⵓ ⵎⴰⵙⵙⴰ ⴼⴰⵍ ⴰⵏⵏⴰⵍ ⵏⵏⵙ ⵉⴳⴳⵓⵜⵏ ⵉ ⵓⵖⴰⵡⴰⵙ ⵏ ⵍⵃⵓⴽⵎ ⴷⴷⴰⵜⵉ ⵍⵍⵉ ⵜⵎⵍⴰ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⵍⵍⵉ ⵉⴳⴰⵏ ⴰⴼⵙⵙⴰⵢ ⵢⴰⵏ ⵉⵖⵓⴷⴰⵏ ⴷ ⵡⵉⵏ ⵍⵎⴰⵄⵇⵓⵍ ⴰⴼⴰⴷ ⴰⴼⵙⵙⴰⵢ ⵏ ⵉ ⵢⵓⵎⵏⵣⴰⵖ ⵅⴼ ⵚⵚⵃⵕⴰ ⵜⴰⵎⵖⵔⵉⴱⵉⵢⵜ.

ⵜⵙⵙⴼⵓⵍⴽⵉ ⵓⵍⴰ ⵜⵓⴳⴳⴰⵙ ⵍⵍⵉ ⵜⵙⴽⴰⵔ ⵜⵉⵎⵜⵜⴰ ⵉⵎⵓⵏⵏ ⵍⵍⵉ ⵉⴳⴰⵏ ⴰⵙⵏⵜⵉ ⵢⴰⵏ ⴰⴼⴰⴷ ⴰⴷ ⵉⵜⵜⵢⴰⴼⴰ ⵓⴼⵙⵙⵙⴰⵢ ⵏ ⵍⵎⴰⵄⵇⵓⵍ ⴷ ⵡⵉⵏ ⵜⵡⵓⵔⵉ ⴷ ⵉⴷⵡⵎⵏ ⵉ ⵢⵓⵎⵏⵣⴰⵖ ⵅⴼ ⵚⵚⵃⵕⴰ ⵜⴰⵎⵖⵔⵉⴱⵢⵜ.

ⵜⴽⴽⴰⵜⵏ ⵜⴰⴳⴷⵓⴷⴰⵏⵜ ⵏ ⵙⵙⵉⵏⵉⴳⴰⵍ ⵜⵕⵥⵎ ⴰⵙⵙ ⵏ 5 ⵉⴱⵔⵉⵔ 2021 ⵍⵇⵓⵏⵚⵓⵍⵉⵢⴰ ⵜⴰⵎⴰⵜⴰⵢⵜ ⵏⵏⵙ ⴳ ⴷⴷⴰⵅⵍⴰ ⵍⵍⵉ ⵉⵎⵎⴰⵍⵏ ⵜⵉⵔⴰⵜ ⵏⵏⵙ ⵉⴷⵓⵙⵏ ⴰⴼⴰⴷ ⴰⵙⴷⵓⵙ ⵏ ⵉⵎⵢⴰⵙⵙⴰⵏ ⴷ ⵜⵉⴳⵍⴷⵉⵜ ⵏ ⵍⵎⵖⵔⵉⴱ.

ⵉⵙⴷⴷⵉⴷ ⵓⵕⵥⵥⵓⵎ ⵏ ⵍⵇⵓⵏⵚⵓⵍⵉⵢⴰ ⵜⴰⵎⴰⵜⴰⵢⵜ ⵏⵏⵙ ⴰⵎⴰⵏⴰⵔ ⵢⴰⴹⵏ ⵍⵍⵉ ⵉⵎⵎⴰⵍⵏ ⵜⴰⴱⴷⴷⴰⴷⵜ ⵉⴷⵓⵙⵏ ⴳⵔ ⵍⵎⵖⵔⵉⴱ ⴷ ⵙⵉⵏⵉⴳⴰⵍ ⴷ ⵓⵎⵢⴰⵡⴰⵙ ⵏⵏⵙⵏ ⴳ ⴰⴽⴽⵯ ⵉⵣⵎⴰⵣ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%99%E2%B5%99%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%99%E2%B5%89%E2%B5%8F%E2%B5%89%E2%B4%B3%E2%B4%B0%E2%B5%8D-%E2%B5%9C%E2%B5%99%E2%B4%B7%E2%B4%B7%E2%B5%89%E2%B4%B7-%E2%B4%B0%E2%B5%8F%E2%B5%8F%E2%B4%B0%E2%B5%8D-%E2%B5%8F%E2%B5%8F%E2%B5%99-%E2%B5%89%E2%B4%B7%E2%B4%B0%E2%B5%A1%E2%B5%8E%E2%B5%8F-%E2%B5%89%E2%B4%B7%E2%B5%93%E2%B5%99%E2%B5%8F-%E2%B5%89-%E2%B5%9C%E2%B4%B0%E2%B5%8E%E2%B5%93%E2%B5%8F%E2%B5%9C-%E2%B5%8F-%E2%B5%A1%E2%B4%B0%E2%B4%BD%E2%B4%B0%E2%B5%8D-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B0%E2%B4%BD%E2%B4%BD%E2%B5%AF-%E2%B5%96