Published on MAPNews (https://www.mapnews.ma/am)

Accueil > ⵉⵍⵜⴰⵖ ⵍⵎⵖⵔⵉⴱ ⴳ ⵓⵖⴰⵔⴰⵙ ⵏ ⵜⴰⵜⵔⴰⵜ ⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ (ⴰⵏⵙⵙⵉⵅⴼ ⵏ ⴽⵔⵡⴰⵜⵢⴰ ⵉⵣⵔⵉⵏ)

ⵉⵍⵜⴰⵖ ⵍⵎⵖⵔⵉⴱ ⴳ ⵓⵖⴰⵔⴰⵙ ⵏ ⵜⴰⵜⵔⴰⵜ ⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ (ⴰⵏⵙⵙⵉⵅⴼ ⵏ ⴽⵔⵡⴰⵜⵢⴰ ⵉⵣⵔⵉⵏ)

24 ⵢⵓⵍⵢⵓⵣ 2024 Version Imprimable
ⵣⴰⴳⵔⵉⴱ - ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⴽⵔⵡⴰⵜⵢⴰ ⵉⵣⵔⵉⵏ ⵉⴼⵓ ⵢⵓⵙⵉⴱⵓⴼⵉⵜⵛ ⵎⴰⵙ ⵉⵍⵜⴰⵖ ⵍⵎⵖⵔⵉⴱ ⵙ ⵜⵏⵙⵙⵉⵅⴼⵜ ⵜⴰⵖⵓⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵖⴰⵔⴰⵙ " ⵜⴰⵜⴰⵔⴰⵜ ⵏ ⵓⵡⴰⵏⴽ ⴷ ⵓⵎⵓⵏ".

ⵉⵏⵏⴰ ⴳ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴷ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵙ ⵓⴽⵯⵜⵜⴰⵢ ⵡⵉⵙⵙ 25 ⵍⵍⵉⵖ ⵓⴳⴳⴰⵡⵔ   ⵏ ⴱⴰⴱ ⵏ ⵡⴰⴷⴷⵓⵔ ⵙ ⵓⴷⴰⴱⵓ  ⵎⴰⵙ ⵉⵣⴹⴰⵕ ⴰⴷ ⵏⵉⵏⵉ ⴼ 25 ⵏ ⵓⵙⴳⴳⵯⴰⵙ ⴰⴷ ⵉⵣⵔⵉⵏ ⴳ ⵓⵙⵏⴱⴹ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵎⴰⵙ ⴳⴰⵏ ⵉⵙⴳⴳⵯⴰⵙⵏ ⵏ ⵜⵏⴽⵔⴰ ⴷ ⵜⴰⵙⵓⵜ ⵜⴰⵎⴰⵢⵏⵓⵜ ⴳ ⵉⴳⵔ ⵏ ⵜⴷⴰⵎⵙⴰ ⴷ ⵓⵙⴱⵓⵖⵍⵓ ⵏ ⵓⵙⵡⵉⵔ ⵏ ⵜⵓⴷⵔⵜ  ⵏ ⵉⵎⵣⴷⴰ ⵖ ⴷ ⵓⵙⵙⴷⵓⵙ ⵏ ⵜⵙⵔⵜⵉⵜⵉⵏ ⵏ ⴱⵕⵕⴰ ⵏⵏⴰ ⵉⵙⴽⴰⵏ ⵅⴼ ⴽⵉⴳⴰⵏ ⵏ ⵉⵙⴳⴳⴷⵏ . 

ⵙⴳ ⵉⵙⴽⴽⵉⵏⵏ ⴷ ⵉⵙⴳⴳⴷⵏ ⵏⵏⴰ ⵢⵓⵊⵊⴰⵏ ⵍⵎⵖⵔⵉⴱ ⴰⴼⴰⴷ ⴰⴷ ⵢⵉⵍⵉ ⴳ ⵓⵙⵡⵉⵔ ⵉⴱⵓⵖⵍⴰⵏ ⵛⵉⴳⴰⵏ  ⴳ ⵉⴼⵔⵉⵇⵢⴰ ⵉⵙⵉⵙⴼⵉⵡ ⵎⴰⵙⵙ ⵢⵓⵙⵉⴱⵓⴼⵉⵜⵛ ⴰⴷⵓⵙⵜⵓⵔ ⴰⵎⴰⵢⵏⵓ ⵏ 2011  ⴷ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵜⵉⵜ ⵜⴰⵎⵔⵙⴰⵍⵜ ⵜⴰⴱⵕⵍⴰⵎⴰⵏⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ . 

 ⵉⵙⴰⵡⵍ ⴰⵡⴷ ⴼ ⵉⵙⴳⴳⴷⵏ ⵏⵏⴰ ⵅⴼ ⵉⴱⴷⴷⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴳ ⵉⴳⵔ ⵏ ⵓⵙⵙⵍⵎⴷ ⵏⵏⴰ ⵢⵓⵊⵊⴰⵏ ⵜⴰⵙⵓⵜⵉⵏ ⴰⴼⴰⴷ ⴰⴷ ⴰⴷⴼⵏⵜ ⴳ ⵓⴳⴰⴷⴰⵣ ⵏ ⵜⵡⵡⵓⵔⵉ ⵙⴳ ⴳⵉⵙⵏ ⵉⵎⵓⵙⵙⵓⵜⵏ ⵏ ⵜⵓⵥⵍⴰⵢⵉⵏ . 

ⵎⴽⵍⵍⵉ ⵉ ⵙⴰⵡⵍⵎ ⵓⵏⵙⵙⵉⵅⴼ ⴰⵡⴷ ⵅⴼ ⵓⵎⵙⴰⵙⴰ ⴰⵙⵔⵜⴰⵏ ⴳ ⵜⴳⵍⴷⵉⵜ ⵏⵏⵖ ⵍⵍⵉⵖ ⵜⴳⴰ ⴰⵡⴷ ⵜⵎⴰⵣⵉⵔⵜ ⵏⵏⵖ ⵜⴰⵍⵍⵉ ⴳ ⵉⵍⵍⴰ ⵓⴱⵓⵖⵍⵓ ⴷ ⵓⵎⵙⴰⵙⴰ ⴳⵔ ⵜⵎⵏⴰⴹⵉⵏ ⵏ ⵜⵙⴳⴰ . 

ⵉⵣⴰⵢⴷ ⵉⵏⵏⴰ ⵎⴰⵙⴷ ⴰⵢⵏⵏⴰ ⵉⵥⵎⵎⵥⵍⵉⵏ ⵍⵎⵖⵔⵉⴱ ⵍⵍⵉⵖ ⴳⵉⵙ ⴰⵎⵢⴰⵏⴰⵡ ⴰⴷⵍⵙⴰⵏ ⴷ ⵜⵎⵢⵓⵔⵉⵏ ⵉⴷⵓⵙⵏ ⴰⵢⴰⵏ ⴰⴷ ⵉⵜⵜⴰⵡⵙⵏ ⴳ ⵉⴳⵔ ⵏ ⵜⵎⴰⵍⵍⴰⵢⵜ ⴷ ⴽⵉⴳⴰⵏ ⵏ ⵉⵙⵏⴼⴰⵕⵏ ⵏⵏⴰ ⵉⵜⵜⵓⴳⴰⵏ ⴳ ⵉⴳⵔ ⴰⴷ ⵣⵓⵏⴷ ⴰⵙⵔⵙⵉⵡ ⵏ ⵟⴰⵏⵊⴰ ⵜⴰⵏⴰⵎⵎⴰⵙⵜ ⵏⵏⴰ ⵉⴳⴰⵏ ⵙⴳ ⵉⵙⵔⵙⵉⵡⵏ ⵉⵎⵇⵔⴰⵏⵏ ⴳ ⵢⵉⵍ ⴰⵎⵍⵍⴰⵍ ⴰⵏⴰⵎⵎⴰⵙ ⴷ ⵉⴼⵔⵉⵇⵢⴰ  

ⵙ ⵜⵉⵍⵉⵜ ⵏ ⵉⵜⴳⴰⵔⵏ ⵏⵏⴰ ⵢⵉⵡⵙⵏ ⴳ ⵓⵎⵙⴰⵙⴰ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵙ ⵓⵙⴷⵓⵙ ⵏ ⵓⵎⵢⴰⵡⴰⴹ ⴰⵏⴰⵎⵓⵔ ⴷ ⵓⵎⴰⴹⵍⴰⵏ ⴷ ⵓⵎⵙⴰⴷⴷⴰⵔ ⵏ ⵉⵙⴳⴷⴰⵏⵏ ⴷ ⵉⵙⵏⵜⴰⵍ ⵉⴳⵯⵏⵙⴰⵏⵏ ⴷ ⵉⴳⵔⴰⵖⵍⴰⵏⵏ ⵉⵍⴰⵏ ⴰⵜⵉⴳ ⵢⴰⵜⵜⵓⵢⵏ  

ⵉⵏⵏⴰ ⴰⵡⴷ ⵎⴰⵙⴷ ⴳ ⵢⴰⵜ ⵜⵉⵣⵉ ⵉⴷⵔⵓⵙⵏ ⴰⵙ ⵉⵎⵎⴰⵜⵜⵉ ⵍⵎⵖⵔⵉⴱ ⵙⴳ ⵢⴰⵏ ⵓⵣⵎⵣ ⴰⵔ ⵡⴰⵢⵢⴰⴷ ⵏⵏⴰ ⵉⵣⵍⵉⵏ ⵙ ⵜⵎⴰⵜⵔⴰⵔⵜ ⴷ ⵓⵙⵎⴰⵢⵏⵓ ⵏⵏⴰⵖ ⵉⵣⵏⵥⵕ ⵓⴱⵓⵖⵍⵓ ⴷ ⵜⵏⴼⵍⵉⵜ ⵜⴰⵙⵓⵍⴰⵏⵜ  

ⵉⴱⴷⵔ ⴰⵡⴷ ⵜⵉⵍⴻⵍⵍⵉ ⵏⵏⴰ ⵉⵍⵍⴰⵏ ⴳ ⵉⴳⵔ ⵏ ⵜⵏⴰⵖⵎⴰⵙⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵓⵎⴰⵜⴰ ⴷ ⵉⵙⴳⴳⴷⵏ ⵏ ⵜⴷⵎⵙⴰ ⴷ ⵜⵉⵍⵉⵜ ⵏ ⵓⵎⵢⴰⵡⴰⵙ ⴳⵔ ⵜⵎⵉⵣⴰⵔ ⵢⴰⴹⵏ ⴰⴽⴷ ⵍⵎⵖⵔⵉⴱ ⵏⵏⴰ ⵉⵙⴽⵔⵏ ⴽⵉⴳⴰⵏ ⵏ ⵜⴷⵔⴰⵡⵉⵏ ⵜⵉⴷⵎⵙⴰⵏⵉⵏ ⴷ ⴽⵉⴳⴰⵏ ⵏ ⵜⵍⵎⵉⵣⴰⵔ ⵏ ⵉⴼⵔⵉⵇⵢⴰ ⴷ ⵜⵉⵏ ⵓⵎⴰⴹⴰⵍ ⴰⴽⴽⵯ  

ⵉⵏⵏⴰ ⴰⵡⴷ ⵎⴰⵙⴷ ⵍⵎⵖⵔⵉⴱ ⵔⴰⴷ ⵉⴳ ⴰⵎⵙⵜⴳⴳⴰⵔ ⵙ ⵜⵣⵎⵎⴰⵔ ⵏⵏⵙ ⴰⴼⴰⴷ ⴰⴷ ⵢⵉⵍⵉ ⴳ ⵓⵙⵡⵉⵔ ⵏ ⵜⵎⵉⵣⴰⵔ ⵢⴰⴹⵏ ⵏ ⵓⵎⴰⴹⴰⵍ ⵏⵏⴰ ⵉⴱⵓⵖⵍⴰⵏ, ⵙ ⵜⴷⵔⴰⵡⵉⵏ ⴷ ⵜⵖⴹⴼⵜ ⵏⵏⵙ ⵙ ⵉⵙⵏⵜⴰⵍ ⵉⵎⴰⴹⵍⴰⵏⵏ  

ⵉⵙⵎⴷ ⴰⵡⴰⵍ ⵏⵏⵙ ⵉⵏⵏⴰ, ⵎⴰⵙⴷ ⵜⴰⴷⵔⴰⵡⵜ ⴷ ⵜⵣⴷⴰⵢⵜ ⵜⴰⴷⵉⴱⵍⵓⵎⴰⵙⵉⵜ ⴳⵔ ⵍⵎⵖⵔⵉⴱ ⴷ ⵜⵎⴰⵣⵉⵔⵜ ⵏⵏⵙ ⵜⵙⵙⵏⵜⴰ ⴳ  ⵢⵓⵏⵢⵓ 1992 ⵓⵔ ⴳⵉⵙ ⴽⵔⴰ ⵏ ⵓⵎⵓⴽⵔⵉⵙ ⴰⵔ ⵖⵉⵍⴰ ⵉⵏⵏⴰ ⵎⴰⵙ ⵉⵏⵏⵓⵔⵣ ⴰⴷ ⴷⵓⵙⵏⵜ ⵜⵣⴷⴰⵢⵉⵏ ⵜⵉⴷⵎⵙⴰⵏⵉⵏ ⵙ ⵓⴳⴳⴰⵔ ⴰⴼⴰⴷ ⴰⴷ ⵎⵙⴰⵙⴰⵏⵜ ⵜⵎⵉⵣⴰⵔ ⴰⴷ ⵙ ⵙⵏⴰⵜ ⵓⴳⴳⴰⵔ ⵙ ⵉⵎⴰⵍ ⵉⴷⵓⵙⵏ . 

Dernière modification : 24 ⵢⵓⵍⵢⵓⵣ 2024
Source URL: https://www.mapnews.ma/am/dossier/%E2%B5%89%E2%B5%8D%E2%B5%9C%E2%B4%B0%E2%B5%96-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B3-%E2%B5%93%E2%B5%96%E2%B4%B0%E2%B5%94%E2%B4%B0%E2%B5%99-%E2%B5%8F-%E2%B5%9C%E2%B4%B0%E2%B5%9C%E2%B5%94%E2%B4%B0%E2%B5%9C-%E2%B5%99-%E2%B5%9C%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC%E2%B5%9C-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B4%BD%E2%B5%94%E2%B5%A1%E2%B4%B0%E2%B5%9C%E2%B5%A2%E2%B4%B0-%E2%B5%89%E2%B5%A3%E2%B5%94%E2%B5%89%E2%B5%8F