Published on MAPNews (https://www.mapnews.ma/am)

Accueil > ⵍⵎⵖⵔⵉⴱ ⴰⵏⴰⵡ ⵏ ⵓⵔⴳⴳⵉⴳ ⴷ ⵜⴰⴷⴷⵓⵙⵜ ⴷⴰⵜ ⵏ ⵜⵉⵏⵥⴰⵔⵉⵏ  ( ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵚⵉⵕⴱⵢⴰ ⴰⴷⵍⵍⵉ ) 

ⵍⵎⵖⵔⵉⴱ ⴰⵏⴰⵡ ⵏ ⵓⵔⴳⴳⵉⴳ ⴷ ⵜⴰⴷⴷⵓⵙⵜ ⴷⴰⵜ ⵏ ⵜⵉⵏⵥⴰⵔⵉⵏ  ( ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵚⵉⵕⴱⵢⴰ ⴰⴷⵍⵍⵉ ) 

25 ⵢⵓⵍⵢⵓⵣ 2024 Version Imprimable
ⵕⵕⴱⴰⵟ - ⵉⵏⵏⴰ ⵎⴰⵙⵙ ⴼⵓⴽ ⴱⵔⵉⵎⵉⵜⵛ , ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴰⵚⵉⵕⴱⵉ ⵎⴰⵙⴷ ⵍⵎⵖⵔⵉⴱ ⴷⴷⵓ ⵜⵏⴰⵍⵉⵜ ⴷ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵉⵙⴽⴰ ⵉⵅⴼ ⵏⵏⵙ ⵎⴰⵙ ⵉⴳⴰ ⴰⵎⴷⵢⴰ ⵏ ⵓⵎⵙⴰⵙⴰ ⴷ ⵜⵙⵜⴳⴳⴰⵔⵜ ⵎⵏⵉⴷ ⵏ ⴽⵉⴳⴰⵏ ⵏ ⵉⵎⵓⴽⵔⵉⵙⵏ . 

ⵉⵏⵏⴰ ⵎⴰⵙⵙ ⴼⵓⴽⴱⵔⵉⵎⵉⵜⵛ ⴳ ⵓⵎⵔⴰⵔⴰ ⵏⵏⵙ ⴷ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ  ⵙ ⵓⴽⵯⵜⵜⴰⵢ ⵡⵉⵙⵙ 25 ⵏ ⵓⵍⵓⵢ ⵏ ⴱⴰⴱ ⵏⵡ ⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ  ⵡⵉⵙⵙ ⵙⴹⵉ ⵙ ⵅⴼ ⵓⴷⴰⴱⵓ ⵎⴰⵙⴷ ⵉⵙⴳⴳⴷⵏ ⵉⴷⵓⵙⵏ  ⵏⵏⴰ ⵉⵜⵜⵓⵙⵏⵜⴰⵏ ⵙⴳ 25 ⵏ ⵓⵙⴳⴳⴰⵙ ⴰⵢⴰⴷ ⵢⵓⵊⵊⴰ ⵍⵎⵖⵔⵉⴱ ⴰⴷ ⵉⴳ ⴰⵡⵡⵓⵔⴰⵏ ⴷ ⵓⵎⵣⵡⴰⵔⵓ ⴳ ⵉⴳⵔ ⵏ ⵜⴷⵉⵎⵓⵇⵔⴰⵜⵉⵜ ⴷ ⵓⵙⵎⴰⵢⵏⵓ ⵏ ⵜⵏⴼⵍⵉⵜ . 

ⵉⴽⴽⴰ ⵜⵜ ⵉⵏⵏ ⵎⴰⵙⵙ ⵢⵔⵉⵎⵉⵜⵛ ⵉⵙⵙⵉⵅⴼ ⵜⴰⵙⵙⵓⵜⵍⵜ ⵜⵉⵙⵙ 67 ⵏ ⵜⵎⵙⵎⵓⵏⵜ ⵜⴰⵎⴰⵢⴰⵜ ⵏ ⵜⵎⵜⵜⴰ ⵉⵎⵓⵏⵏ (2012-2013) ⵉⵏⵏⴰ ⵎⴰⵙⴷ ⴰⵏⴱⴱⵕ ⵏ ⴽⵓⵕⵓⵏⴰ ⴷ ⵓⵏⵣⴰⵖ ⵅⴼ ⵜⵖⵡⵡⴰⵖⵜ ⴷ ⵓⵎⵢⴰⵡⴰⵙ ⴳ ⵉⴳⵔ ⴰⴷ ⴷ ⴽⵉⴳⴰⵏ ⵏ ⵜⵎⵓⵔⴰ ⵏ ⵓⵕⵓⴱⴱⴰ  ⵏⵏⴰ ⵉⴳⴰⵏ ⵙⴳ ⵜⵖⴰⵡⵙⵉⵡⵉⵏ ⵉⴷⵓⵙⵏ ⴳ ⵜⵙⵔⵜⵉⵜ ⵏ ⵍⵎⵖⵔⵉⴱ ⵜⵙⴽⵔ ⴳⵉⵙ ⴽⵉⴳⴰⵏ ⵏ ⵜⵡⵡⵓⵔⵉⵡⵉⵏ ⵉⴷⵓⵙⵏ ⴽⵉⴳⴰⵏ . 

ⵉⵣⴰⵢⴷ ⵉⵏⵏⴰ ⵎⴰⵙⴷ ⵍⵎⵖⵔⵉⴱ ⵉⴱⵓⵖⵍⴰ ⴽⵉⴳⴰⵏ ⴳ 25 ⵏ ⵓⵙⴳⴳⵯⴰⵙ ⵏⵏⴰ ⵉⵣⵔⵉⵏ ⴳ ⴽⵉⴳⴰⵏ ⵏ ⵉⴳⵔⴰⵏ ⵙ ⵜⵣⵎⵔⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴼⴰⴷ ⴰⴷ ⵜⵉⵍⵉ ⵢⴰⵜ ⵜⵏⴼⵍⵉⵜ ⵢⵓⵎⴰⵏ ⴷ ⵓⵙⴷⵓⵙ ⵏ ⵡⴰⴷⴷⵓⵔ ⵏ ⵜⴳⵍⴷⵉⵜ ⴳ ⵓⵙⵡⵉⵔ ⴰⵏⵎⵏⴰⴷ ⴷ ⵓⴳⵔⴰⵖⵍⴰⵏ ⴷ ⵓⵙⴽⵓ ⵏ ⵜⴷⵉⵎⵓⵇⵔⴰⵟⵉⵟ ⴷ ⵜⵎⴰⵜⵔⴰⵔⵜ ⴷ ⵓⵎⵙⴰⵙⴰ ⵏ ⵜⵎⴰⴳⵉⵜ ⴷ ⵡⴰⵜⵉⴳⵏ ⵉⵎⵖⵔⵉⴱⵉⵏ . 

ⵉⵏⵏⴰ ⴷⴰⵖ ⵓⵙⵍⵡⴰⵢ ⵎⴰⵙⴷ ⵙⴳ ⵉⵜⴳⴰⵔⵏ ⴷ ⵉⵎⵏⴰⴷⵏ ⵏ ⵓⴱⵓⵖⵍⵓ ⵏ ⵜⴳⵍⴷⵉⵜ ⵍⵍⵉⵖ ⵜⵉⵡⵙ ⴳ ⴽⵉⴳⴰⵏ ⵏ ⵉⵎⵓⵙⵙⵓⵜⵏ ⵉⵎⴰⴹⵍⴰⵏⵏ ⴷ ⵓⵙⴽⵓ ⵏ ⵜⵡⵜⵜⴰⵙⵏ ⵏ ⵜⵎⵜⵜⴰ ⵉⵎⵓⵏⵏ ⵏ ⵜⵏⴼⵍⵉⵜ ⵢⵓⵎⴰⵏ 

ⵉⵙⵎⴷ ⵓⵏⵙⵙⵉⵅⴼ ⵏ ⵜⵣⴷⴰⵢⵉⵏ ⵜⵉⵎⴰⴹⵍⴰⵏⵉⵏ ⴷ ⵜⵏⴼⵍⵉⵜ ⵜⴰⵙⵓⵍⴰⵏⵜ ⵏⵏⴰ ⴳ ⵉⵍⵍⴰ ⵡⴰⵏⵙⴰ ⵏⵏⵙ ⴳ ⴱⵉⵍⴳⵕⴰⴹ ⵎⴰⵙⴷ ⴰⵙⵏⵎⴰⵍⴰ ⵏ ⵜⵇⴱⴱⵓⵛⵜ ⵏ ⵓⵎⴰⴹⴰⵍ ⵙⴳ ⴷⴰⵔ ⵙⴱⴱⴰⵏⵢⴰ ⴷ ⵍⵎⵖⵔⵉⴱ ⵔⴰⴷ ⵉⵙⴱⵓⵖⵍⵓ ⵉⴳⵔ ⴰⴷ ⵏ ⵜⵓⵏⵏⵓⵏⵜ ⴳ ⵜⵎⵉⵣⴰⵔ ⴰⴷ ⵙ ⵜⵏⴼⵍⵉⵜ ⵢⵓⵎⴰⵏ . 

ⵉⵏⵏⴰ ⴷⴰⵖ ⵎⴰⵙⴷ ⵜⴰⵎⵢⴰⵇⵇⴰⵏⵜ ⵏ ⵍⵎⵖⵔⵉⴱ ⵉ ⵜⴼⵔⵉⵇⵉⵜ ⵉⵎⵙⴰⵙⴰⵏ ⵉⴱⴰⵢⵏ ⴰⴽⴽⵯ ⵙⴳ ⵜⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵏ ⵉⵎⴰⵙⵙⴰⵏⵏ ⵏ ⵉⴼⵔⵉⵇⵢⴰ ⴷ ⵜⵙⵔⵜⵉⵜⵉⵏ ⵏ ⵓⵎⵢⴰⵡⴰⵙ ⵏⵏⴰ ⵅⴼ ⵜⵙⵡⵡⵓⵔⵉ ⵜⴳⵍⴷⵉⵜ ⵏⵏⵖ ⴷ ⵜⵎⵉⵣⴰⵔ ⴰⴽⴽⵯ ⵏ ⵉⴼⵔⵉⵇⵢⴰ ⴷ ⵜⵡⵡⵓⵔⵉⵡⵉⵏ ⵏ ⵓⴱⵓⵖⵍⵓ ⴳ ⵉⴳⵔ ⵏ ⵓⵣⵡⴰⴳ .

 

Dernière modification : 25 ⵢⵓⵍⵢⵓⵣ 2024
Source URL: https://www.mapnews.ma/am/dossier/%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B0%E2%B5%8F%E2%B4%B0%E2%B5%A1-%E2%B5%8F-%E2%B5%93%E2%B5%94%E2%B4%B3%E2%B4%B3%E2%B5%89%E2%B4%B3-%E2%B4%B7-%E2%B5%9C%E2%B4%B0%E2%B4%B7%E2%B4%B7%E2%B5%93%E2%B5%99%E2%B5%9C-%E2%B4%B7%E2%B4%B0%E2%B5%9C-%E2%B5%8F-%E2%B5%9C%E2%B5%89%E2%B5%8F%E2%B5%A5%E2%B4%B0%E2%B5%94%E2%B5%89%E2%B5%8F%C2%A0-%E2%B4%B0%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99-%E2%B5%8F-%E2%B5%9C%E2%B5%96%E2%B4%B0%E2%B5%A1%E2%B5%99%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B4%B1%E2%B5%95%E2%B5%95%E2%B4%B0-%E2%B5%8F-%E2%B5%9A%E2%B5%89%E2%B5%95%E2%B4%B1%E2%B5%A2%E2%B4%B0-%E2%B4%B0%E2%B4%B7%E2%B5%8D%E2%B5%8D%E2%B5%89-%C2%A0