ⴳ ⴰⵙⴱⵓⵖⵍⵓ ⴱⴰⵀⵔⴰ ⵉⴷⴷⵓⵔⵏ ⴰⵏⵙⵙⵉⵅⴼ ⵏ ⴼⵕⴰⵏⵚⴰ ⵉⵙⴳⵓⵔⴰ ⵙ ⵓⵎⴰⴷⴷⵓⴷ ⵉ ⴱⴰⴱ ⵏ ⵡⴰⴷⴷⵓⵔ ⵎⴰⵙ " ⵡⴰⵙⵙⴰ ⴷ ⵉⵎⴰⵍ ⵏ ⵜⴰⵣⵔⵓⴼⵜ ⵜⴰⵎⵖⵔⴰⴱⵉⵜ ⵏ ⵜⴳⴳⵓⵢⵜ ⵜⴽⵛⵎ ⴳ ⵓⵙⴰⵜⵉ ⵏ ⵓⵙⵏⴱⴰⴹ ⵏ ⵍⵎⵖⵔⵉⴱ(ⴰⴱⵔⵙⵉⵔⴰ ⴰⴳⵍⴷⴰⵏ)

30 ⵢⵓⵍⵢⵓⵣ 2024 Version Imprimable

ⵕⵕⴱⴰⵟ - ⵉⵏⵏⴰ ⵡⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ ⵡⴰⵙⵙ ⵏ ⵓⵙⵉⵏⴰⵙ ⵎⴰ ⵜⴰⴱⵔⴰⵜ ⵜⵜⵓⵣⵏⵉⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵔ ⵕⴱⴱⵉ ⵉⵙⴳⵓⵔⴰ ⵓⵏⵙⵙⵉⵅⴼ ⴰⴼⵕⴰⵏⵚⴰⵡⵉ ⵎⴰⵙⵙ ⵉⵎⴰⵏⵡⵉⵍ ⵎⴰⴽⵔⵓⵏ ⵙ ⴰⵎⴰⴷⴷⵓⴷ ⵉ ⴱⴰⴱ ⵏ ⵡⴰⴷⴷⵓⵔ ⵎⴰⵙ " ⵡⴰⵙⵙⴰ ⴷ ⵉⵎⴰⵍ ⵏ ⵜⴰⵣⵔⵓⴼⵜ ⵜⴰⵎⵖⵔⴰⴱⵉⵜ ⵏ ⵜⴳⴳⵓⵢⵜ ⵜⴽⵛⵎ ⴳ ⵓⵙⴰⵜⵉ ⵏ ⵓⵙⵏⴱⴰⴹ ⵏ ⵍⵎⵖⵔⵉⴱ

ⴳ ⵜⴰⴱⵔⴰⵜ ⴰⴷ ⵏⵏⵉⵜ ⵏⵏⴰ ⵜⵎⵓⵏ ⴷ ⵓⵙⵙⴽⵜⵉ ⵡⵉⵙⵙ 25 ⵏ ⵓⴷⴰⴱⵓ ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴼⵕⴰⵏⵚⴰ ⵉ ⴱⴰⴱ ⵏ ⵡⴰⴷⴷⵓⵔ "ⵜⵉⵙⵉ ⵏ ⵡⴰⴷⴷⴰⴷ ⵏ ⴼⵕⴰⵏⵙⴰ ⵅⴼ ⵜⴰⵖⴰⵡⵙⴰ ⵉⵣⴷⵉⵏ ⵏ ⵜⵏⴼⵔⵓⵔ ⵏ ⵜⵎⵜⵜⴰ ⵏ ⵜⴳⵍⵙⵉⵜ " ⵎⴰⵙ ⵜⵎⴰⵣⵉⵔⵜ ⵏⵏⵙ " ⵜⵔⴰ ⴰⴷ ⵜⵎⵓⵙⵙⵓ ⴷ ⴰⵎⵓ ⵏ ⴰⴽⴷ ⵏ ⵡⴰⴷⴷⴰⴷ ⴰⴷ ⴳ ⵉⵙⵡⵉⵔⵏ ⴰⵏⴰⵎⴰⵓⵔ ⴷ ⵓⵎⴰⴹⴰⵍ "

ⵎⵔⴰ ⴰⴷ ⵉⵜⵜⵡⴰⵙⴽⴰⵔ ⵉⵡⵜⵜⴰⵙ ⴰⴷ ⵉⵏⵏⴰ ⵙⵓⵍ ⵓⵏⵙⵙⵉⵅⴼ ⵉⵎⴰⵏⵡⵉⵍ ⵎⴰⴽⵔⵓⵏ ⵎⴰⵙ " ⵜⵏⵏⴰ ⴼⵕⴰⵏⵚⴰ ⵓⵙⵏⴱⴹ ⴰⵎⴰⵖⵔⴰⴱⵉ ⵉⴰⴳⴰ ⵓⵙⵜⵉ ⵏ ⵎⵉ ⵉⵅⵚⵚⵏ ⵓⴼⵙⵙⴰⵢ ⵏ ⵜⵖⵡⵙⴰ ⴰⴷ .ⵎⴰⵙ ⵡⴰⵏⵏⴰⵍ ⵏ ⵓⵖⴰⵡⴰⵙ ⵏ ⵓⵙⵏⴱⴹ ⴰⵏⵉⵎⴰⵏ ⵏⵏⴰ ⵉⵙⵎⵏⵉⴷ ⵍⵎⵖⵔⵉⴱ ⴳ 2007 ⴰⵎⴰⵓⴼⴰⵡ ⴷ " ⵜⵄⵙⵉ ⵉⵙⵓⵍ ⵉⵏⵏ ⴰⵎⴰⵙ ⴰⵖⴰⵡⴰⵙ ⴰⴷ " ⵉⴳⴰ ⵙⴳ ⵡⴰⵙⵙⴰⴷ ⵉⵖⵉⴷⴷⵉⵏ ⴰⵎⵢⵉⵡⴰⵏ ⵏ ⵓⵙⵙⵍⴽⵎ ⵉ ⵓⴼⵙⵙⴰⵢ ⴰⵙⵔⵜⴰⵏ ⴰⵣⵔⴼⴰⵏ ⴷ ⵉⵙⵡⴰⵍⵏ ⵖⵉⴽ ⵏⵏⴰⵏ ⵜⵖⵜⴰⵙⵉⵏ ⵏ ⵜⵓⵙⵇⵇⵉⵎ ⵏ ⵜⵉⵎⵜⵜⴰ ⵉⵎⵓⵏ " .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B3-%E2%B4%B0%E2%B5%99%E2%B4%B1%E2%B5%93%E2%B5%96%E2%B5%8D%E2%B5%93-%E2%B4%B1%E2%B4%B0%E2%B5%80%E2%B5%94%E2%B4%B0-%E2%B5%89%E2%B4%B7%E2%B4%B7%E2%B5%93%E2%B5%94%E2%B5%8F-%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B4%BC%E2%B5%95%E2%B4%B0%E2%B5%8F%E2%B5%9A%E2%B4%B0-%E2%B5%89%E2%B5%99%E2%B4%B3%E2%B5%93%E2%B5%94%E2%B4%B0-%E2%B5%99-%E2%B5%93%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7-%E2%B5%89-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8E%E2%B4%B0%E2%B5%99-%E2%B5%A1%E2%B4%B0%E2%B5%99%E2%B5%99%E2%B4%B0