ⵜⵕⵥⵎ ⴷⴰⵖ ⵜⵎⵙⵙⵏⵜⵉⵜ ⵜⴰⵎⵖⵔⴰⴱⵉⵜ ⵏ ⵡⴰⴹⵓ ⴰⴷⵓⵔ ⵓⵙⵔⵉⴷ ⴹⴹⴰⵕⵍⴱⵉⴹⴰ-ⴱⵉⴽⵉⵏ

06 ⵖⵓⵛⵜ 2024 Version Imprimable

ⵕⵕⴱⴰⵟ - ⴹⴹⴰⵕⵍⴱⵉⴹⴰ, 06/08/2024 (ⵎⴰⴱ), ⵜⵕⵥⵎ ⴷⴰⵖ ⵜⵎⵙⵙⵏⵜⵉⵜ ⵜⴰⵎⵖⵔⴰⴱⵉⵜ ⵏ ⵡⴰⴹⵓ ⴰⴷⵓⵔ ⵓⵙⵔⵉⴷ ⴹⴹⴰⵕⵍⴱⵉⴹⴰ-ⴱⵉⴽⵉⵏ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵓⵥⵟⵟⴰ ⴰⴳⵔⴰⵖⵍⴰⵏ ⵏⵏⵙ.

ⵙⴳ ⴰⵙⵙ ⵏ 20 ⵉⵏⵏⴰⵢⵔ 2025, ⵔⴰⴷ ⵜⵕⵥⵎ ⵜⵎⵙⵙⵏⵜⵉⵜ ⵜⴰⵎⵖⵔⴰⴱⵉⵜ ⵏ ⵡⴰⴹⵓ ⴰⴷⵓⵔ ⵓⵙⵔⵉⴷ ⴰⴷ ⵉⵣⴷⵉⵏ ⵍⵎⵖⵔⵉⴱ ⴷ ⵛⵛⵉⵏⵡⴰ, ⵍⵍⵉ ⵢⴰⴷⵍⵍⵉ ⵢⵏⵏⵓⵕⵥⵎⵏ ⴳ ⵉⵏⵏⴰⵢⵔ 2020 ⴷⴰⵜ ⴰⴷ ⵉⴱⴱⵉ ⴷⴼⴼⵉⵔ ⵏ ⵎⵏⵏⴰⵡ ⵏ ⵉⵎⴰⵍⴰⵙⵙⵏ ⵅⴼ ⵜⵙⵙⴰⵙⵜ ⵏ "ⴽⵓⴼⵉⴷ-19", ⵎⴰ ⵢⴰⴷ ⵜⵏⵏⴰ ⵜⵎⵙⵙⵏⵜⵉⵜ ⵜⴰⵎⵖⵔⴰⴱⵉⵜ ⵏ ⵡⴰⴹⵓ ⴳ ⵢⴰⵏ ⵓⵙⵉⵡⴹ.

ⵜⵔⵏⴰ ⵜⵏⵏⴰ ⵜⵎⵙⵙⵏⵜⵉⵜ ⵎⴰⵙ ⵔⴰⴷ ⵉⵡⵡⵓⵔⵉ ⴰⴷⵓⵔ ⵓⵙⵔⵉⴷ ⴹⴹⴰⵕⵍⴱⵉⴹⴰ-ⴱⵉⴽⵉⵏ ⴽⵕⴰⴹ ⵜⴽⵍⴰⵢ ⴳ ⵉⵎⴰⵍⴰⵙⵙ.

ⴼ ⵖⵉⴽⴰⵏⵏ, ⵔⴰⴷ ⵢⵉⵍⵉ ⵓⴼⴰⵢ ⵏ ⵜⵡⴰⴷⴰ ⵙⴳ ⴹⴹⴰⵕⵍⴱⵉⴹⴰ ⵡⵙⵙⴰⵏ ⵏ ⵓⵢⵏⴰⵙ ⴷ ⵓⴽⵡⴰⵙ ⴷ ⵓⵙⵉⴹⵢⴰⵙ ⴳ 03:15 ⵏ ⵜⵣⴷⵡⵉⵜ, ⴰⵎⵎⴰ ⵓⴼⴰⵢ ⵏ ⵜⵡⴰⴷⴰ ⵙⴳ ⴱⵉⴽⵉⵏ, ⵔⴰⴷ ⵢⵉⵍⵉ ⵡⵙⵙⴰⵏ ⵏ ⵓⵙⵉⵏⴰⵙ ⴷ ⵓⵙⵉⵎⵡⴰⵙ ⴷ ⵓⵙⴰⵎⴰⵙ, ⵎⴰ ⵢⴰⴷ ⵙⵓⵍ ⵉⵏⵏⴰ ⵓⵙⵉⵡⴹ.

ⵔⴰⴷ ⵣⵔⵉⵏ ⵉⴼⴰⵢⵏ ⴰⴷ ⴰⵎⵎⴰⵙ ⵏ ⵉⵍⵍⴰⵍⵏ ⵏ "ⴱⵡⵉⵏⴳ 787-9 ⴷⵔⵉⵎⵍⴰⵢⵏⵔ" ⵉⵟⵟⴰⴼⵏ 302 ⵓⵙⵖⵉⵎ, ⵎⴰ ⵢⴰⴷ ⵙⵓⵍ ⵜⵏⵏⴰ ⵜⵎⵙⵙⵏⵜⵉⵜ ⵜⴰⵎⵖⵔⴰⴱⵉⵜ ⵏ ⵡⴰⴹⵓ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B5%9C%E2%B5%95%E2%B5%A5%E2%B5%8E-%E2%B4%B7%E2%B4%B0%E2%B5%96-%E2%B5%9C%E2%B5%8E%E2%B5%99%E2%B5%99%E2%B5%8F%E2%B5%9C%E2%B5%89%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%9C-%E2%B5%8F-%E2%B5%A1%E2%B4%B0%E2%B4%B9%E2%B5%93-%E2%B4%B0%E2%B4%B7%E2%B5%93%E2%B5%94-%E2%B5%93%E2%B5%99%E2%B5%94%E2%B5%89%E2%B4%B7-%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B4%B1%E2%B5%89%E2%B4%BD%E2%B5%89%E2%B5%8F