ⴰⵎⵎⴰⵙ ⵏ ⵉⴹⵡⵡⴰⵕⵏ ⵉⴹⴼⴰⵕⵏ ⵉ ⵜⴰⵍⴰⵜ ⵏ ⵢⵄⵇⵓⴱ ⴷ ⵉⵊⵓⴽⴰⴽ, ⵜⵥⵕⴰ ⵜⴳⴳⴰⵢⵜ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵜⵏⵖⵎⴰⵙⵜ (ⵍⴰⵎⴰⴱ) ⵉⵍⴰⵢⵏ ⵉⵜⵜⵓⵙⴽⴰⵔⵏ ⴳ ⵉⴳⵔ ⵏ ⵜⵓⵚⴽⵔⴰ ⵏ ⵜⴳⵯⵎⵎⴰ ⵉⵕⵥⴰⵏ ⴷⴼⴼⵉⵔ ⵏ ⵜⵣⵓⵣⵜ.
ⵔⴰⴷ ⵃⵢⵍⵍⵏⵜ ⵜⴳⵯⵎⵎⴰ ⵢⴰⴷ ⴳ ⵉⵢⵢⵉⵔⵏ ⴰⴷ ⵢⵓⵛⴽⴰⵏ ⵙ ⵓⵏⵏⴰⵍ ⵉⵎⵇⵇⵓⵕⵏ ⴷ ⵜⵎⵔⵉⵙⵜ ⵏ ⵜⵏⴱⴰⴹⵉⵏ ⵜⵉⵙⴳⴰⵡⴰⵏⵉⵏ ⴷ ⵜⵉⴷⵖⵔⴰⵏⵉⵏ, ⵓⵍⴰ ⴽⵔⴰ ⵢⴳⴰⵜⵜ ⵓⵎⴷⵔⴰⵡ ⴳ ⵜⵡⵡⵓⵔⵉⵡⵉⵏ ⴰⴷ.
ⴰⵎⵎⴰⵙ ⵏ ⵢⴰⵜ ⵜⵙⴳⵓⵔⵉ ⵜⵏⵖⵎⴰⵙⵜ ⵉ "ⵍⴰⵎⴰⴱ", ⵉⵏⵏⴰ ⵎⵓⵃⵎⵎⴷ ⵎⴰⴷⵉ, ⴰⵎⵣⴷⴰⵖ ⴳ ⵓⴹⵡⵡⴰⵕ ⵏ ⴰⵥⵕⵓ ⵏ ⵙⵙⵓⵇ, ⵜⴰⴳⵔⴰⵡⵜ ⵏ ⵜⴰⵍⴰⵜ ⵏ ⵢⵄⵇⵓⴱ, ⵎⴰⵙ ⵜⵓⵚⴽⴰ ⵏ ⵜⴳⵯⵎⵎⵉ ⵜⴰⵎⴰⵢⵏⵓⵜ ⵏⵏⵙ ⵜⵓⵛⴽⴰ ⴷⴼⴼⵉⵔ ⵏ ⵓⵏⵏⴰⵍ ⴰⵥⵕⴼⴰⵏ ⵍⵍⵉ ⵢⵓⵎⵥ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵓⵎⴰⵡⴰⵙ ⵉ ⵜⵓⵚⴽⴰ ⵏ ⵜⴳⵯⵎⵎⴰ ⵉⵕⵥⴰⵏ ⴳ ⵉⴷⵖⴰⵔⵏ ⵍⵍⵉ ⵜⵓⵜ ⵜⵣⵓⵣⵜ.
ⵉⵏⵏⴰ ⵎⴰⵙⵙ ⵎⴰⴷⵉ ⵎⴰⵙ ⵢⵓⵎⵥ 140.000 ⴷⵔⵀⵎ ⴰⴼ ⴰⴷ ⴷⴰⵖ ⵉⴱⵏⵓ ⵜⴳⵯⵎⵎⵉ ⵏⵏⵙ ⵍⵍⵉ ⵢⴽⴰⵟⵟⴰⵏ, ⴷ 2.500 ⴷⵔⵀⵎ ⵢⴰⴹⵏⵉⵏ ⵍⵍⵉ ⴰⵔ ⵉⵜⵜⴰⵎⴰⵥ ⴽⵔⴰ ⵢⴳⴰⵜⵜ ⴰⵢⵢⵓⵔ ⴳ ⵢⴰⵏ ⵓⵙⴳⴳⵯⴰⵙ.
ⴰⵎⵎⴰ ⵕⴰⵛⵉⴷ ⵕⵎⵣⵉ, ⵍⵍⵉ ⵢⵣⴷⵖⵏ ⴳ ⵓⴹⵡⵡⴰⵕ ⵏ ⴰⵎⴳⴷⵓⵍ, ⵉⵏⵏⴰ ⵎⴰⵙ ⵜⵡⵡⵓⵔⵉⵡⵉⵏ ⵏ ⵜⵓⵚⴽⴰ ⵏ ⵜⴳⵯⵎⵎⵉ ⵏⵏⵙ ⵄⴷⵍⵏⵜ ⴷ ⵎⴰⵙ ⵉⵇⵕⵕⴱ ⴰⴷ ⵉⵜⵎⵎⵓ ⵜⵓⵚⴽⴰ ⵏ ⵜⴳⵯⵎⵎⵉ ⵜⴰⵎⴰⵢⵏⵓⵜ ⵏⵏⵙ.
ⵜⴰⵎⵀⵍⵜ ⵏ ⵜⵓⵚⴽⴰ ⵏ ⵓⴹⵡⵡⴰⵕ ⵏ ⵓⵜⵔⵖⵉ, ⵉⴹⴼⴰⵕⵏ ⵉ ⵜⴳⵔⴰⵡⵜ ⵏ ⵉⵊⵓⴽⴰⴽ, ⴰⵔ ⵣⵣⵉⴳⵉⵣⵏⵜ ⵙ ⵢⴰⵜ ⵜⵎⴰⵎⴰⴽⵜ ⵉⴼⵓⵍⴽⵉⵏ ⵙ ⵜⵏⵊⵎⵓⵜ ⵜⵓⵇⵎⵉⵔⵜ ⴷ ⵉⵎⵣⴷⴰⵖⵏ ⵉⴷⵖⵔⴰⵏ ⴷ ⵓⴱⴷⴷⵉ ⵏ ⵜⵏⴱⴰⴹⵉⵏ ⵍⵍⵉ ⵓⵔ ⵓⵊⵊⴰⵏⵜ ⴽⵔⴰ ⵢⴳⴰⵜⵜ ⵜⵎⴰⴳⵍⴰⵢⵜ ⴰⴼ ⴰⴷ ⴰⵡⵉⵏⵜ ⴰⵏⵏⴰⵍ ⵏⵏⵙⵏⵜ, ⵖⵉⴽ ⵍⵍⵉ ⵔⴰⵏ ⵉⵏⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⵔⴰⵏ ⴰⴷ ⵙⵙⵖⵓⴷⵓⵏ ⵜⵉⵎⵙⵓⵜⴰⵍ ⵜⵉⵏⴰⵎⵓⵏⵉⵏ ⴷ ⵜⵉⴷⵎⵙⴰⵏⵉⵏ ⵏ ⵉⵎⵣⴷⴰⵖⵏ ⵏ ⵜⵙⴳⴰ ⵢⴰⴷ.