Published on MAPNews (https://www.mapnews.ma/am)

Accueil > ⴳ ⵜⴰⵙⴳⴰ ⵏ ⵛⵉⵛⴰⵡⴰ ⵜⵓⴹⴰⴷ  ⵜⴰⴷⵉⵏⴰⵎⵉⵜ ⵉ ⵢⵓⵎⵓⵙⵙⵓ ⴰⵏⴼⵍⴰⵃ

ⴳ ⵜⴰⵙⴳⴰ ⵏ ⵛⵉⵛⴰⵡⴰ ⵜⵓⴹⴰⴷ  ⵜⴰⴷⵉⵏⴰⵎⵉⵜ ⵉ ⵢⵓⵎⵓⵙⵙⵓ ⴰⵏⴼⵍⴰⵃ

10 ⵛⵓⵜⴰⵏⴱⵉⵔ 2024 Version Imprimable
ⴰⴷⴰⵙⵉⵍ/ⵜⴰⵙⴳⴰ ⵏ ⵛⵉⵛⴰⵡⴰ/ -  ⵢⵓⴹⴰⴷ  ⵓⵎⵓⵙⵙⵓ ⴰⵏⴼⵍⴰⵃ ⴳ ⵜⴰⵙⴳⴰ ⵏ ⵛⵉⵛⴰⵡⴰ  ⵙ ⵡⴰⴷⴷⴰⴷ ⵏⵏⵙ ⵍⵍⵉⵖ ⴷ ⴱⴰⵢⵏⵜ ⵜⵉⵎⴰⵜⴰⵔⵉⵏ ⵏ ⵜⴰⵏⴽⵔⴰ ⴳ ⵎⵏⵏⴰⵡⵜ ⵏ ⵜⵉⴳⵔⴰⵡⵉⵏ ⵣⵓⵏⴷ ⴰⴷⴰⵙⵉⵍ ⵍⵍⵉ ⵢⵓⵜ ⴱⴰⵀⵔⴰ ⵓⵏⴷⵓⴷⵉ ⵏ 8 ⵛⵓⵜⴰⵏⴱⵉⵔ 2023.

ⵜⵍⵍⴰ ⵜⵙⴳⴰ ⵏ ⴰⴷⴰⵙⵉⵍ ⴳ ⵉⴷⵔⴰⵔⵏ ⵏ ⴰⵟⵍⴰⵙ ⴰⵎⵇⵔⴰⵏ ⵙⴳ 112 ⵏ ⴽⵉⵍⵓⵎⵉⵜⵔ ⵜⴱⴷⴰ ⴰⵔ ⵜⵉⵙⵙⴰⵏ ⵜⴰⴷⵉⵏⴰⵎⵉⵜ ⵉⵣⵔⵉⵏ ⵙ ⵉⴳⵔ ⵏ ⵜⴰⴼⵍⴰⵃⵜ ⵍⵍⵉ ⵉⴳⴰⵏ ⵜⴰⵙⵉⵍⴰ ⵜⴰⵅⴰⵜⴰⵔⵜ ⵏ ⵓⵎⵓⵙⵙⵓ ⴰⴷⴰⵎⵙⴰⵏ ⴳ ⵜⴰⵙⴳⴰ.

ⵜⴰⵛⴰⵊⵉⵄⵜ ⴷ ⵓⵏⴰⵔⵓⵣ ⴷ ⵜⴰⵥⴹⴰⵕⵜ  ⵉⵡⴰⵍⵉⵡⵏ ⵉⵅⴰⵜⴰⵔⵏ ⴰⵙⵙⴰ  ⴰⴷ ⵉⵍⵍⴰⵏ ⴳⵔ ⵉⵎⵣⴷⴰⵖⵏ ⵏ ⵉⴷⵡⴰⵔⵏ ⵏ ⵜⴰⵙⴳⴰ ⵢⴰⴷ ⵍⵍⵉⵖ ⵍⵍⴰⵏ ⵉⴷⵔⴰⵔⵏ ⵎⵏⵉⴷ ⵜⵉⵕⵥⵉ ⵏ ⵓⵏⴷⵓⴷⴷⵉ ⵙⵡⵓⵔⵉⵏ ⴰⵟⵟⴰⵙ ⴰⴼⴰⴷ ⵜⴰⵏⴽⵔⴰ ⵙ ⵉⴽⴰⵍⵉⵡⵏ ⵏⵏⵙⵏ ⴰⴹⵓⵏⴷ ⵙ ⵜⵓⴷⵔⵜ ⵖⵎⴽⵍⵍⵉ ⵙⵜⵏ ⵜⴽⴽⴰ ⵜⴳⴰⵜ.

ⵉⵙⵙⴼⵓⵍⴽⵉ  ⵍⵃⵓⵙⵉⵏ ⴰⴳⵓⵔ ⴰⴽⵙⵙⴰⴱ ⴳ ⵜⴰⵙⴳⴰ ⵢⴰⴷ ⵜⵉⵙⵏⵜⴰⵢⵉⵏ ⵏ ⵡⴰⵏⵏⴰⵍ ⵏ ⵉⴼⵍⵍⴰⵃⵏ ⵙⵍⴰⵡⴰⵏ ⴰⴽⴽⵯ ⵜⵉⴽⴽⵉ ⵏ ⵍⵄⵍⴼ ⴱⵍⴰ ⵉⴷⵔⵉⵎⵏ , ⵉⵔⵏⵓ ⵉⵏⵏⴰ ⴳ ⵢⴰⵜ ⵜⵙⴳⵓⵔⵉ ⵉ ⵜⴰⵙⵏⵜⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ ⵎⴰⵙ ⵙⴷⵓⵙⵏⵜ ⵜⵉⵣⵓⵔⵉⵡⵉⵏ ⵏ ⵡⴰⵏⵏⴰⵍ ⴰⵏⴰⵔⵓⵣ ⴷ ⵜⵉⴷⴷⵉ ⵏ ⵉⴽⵙⵙⴰⵏ ⴳ ⵜⴰⵙⴳⴰ ⵢⴰⴷ.

ⴳ ⵜⴰⵙⴳⴰ ⵏⵏⵙ, ⵉⵙⴷⴷⵉⴷ  ⵃⴰⵎⵉⴷ ⴱⵏ ⴷⵔⵉⵙ , ⴰⴼⵍⵍⴰⵃ ⴳ ⵓⴷⵡⴰⵔ ⵎⴰⵊⴷⵉⴷ ⵍⵍⵉ ⵢⵓⵎⵥⵏ ⵉⴱⵖⵓⵔⵏ ⴳ ⵓⵎⵢⴰⵡⴰⵙ ⵏ ⵜⵉⴽⴽⵉ ⵏ ⵜⵓⵎⵥⵉⵏ ⴷ ⵡⴰⵎⵓⴷ ⵍⵍⵉ ⵉⵎⵙⴰⵙⴰⵏ ⴷ ⵡⴰⴷⴷⴰⴷⵏ ⵉⵎⴰⵢⵏⵓⵜⵏ ⴷⴼⴼⵉⵔ ⴰⵏⴷⵓⴷⵉ.

 ⵉⵏⵏⴰ ⵙ ⵢⴰⵏ ⵡⴰⵡⴰⵍ ⴳ ⵉⵍⵍⴰ ⵍⵃⴰⵎⴰⵙ ⵉⵎⵓⵏ ⴷ ⵓⵏⴰⵔⵓⵣ ⵙ ⵜⵓⴳⴳⴰⵙ ⵏ ⵡⴰⵏⵏⴰⵍ ⵏⵥⴹⴰⵕ ⴰⴷ ⵏⵔⴰⵔ ⵉⵎⵏⴷⵉ ⴷ ⵓⵙⵙⴼⵓⵍⴽⵉ ⵏ ⵜⴰⵢⴰⴼⵓⵜ ⴰⴼⴰⴷ ⴰⴷ ⵏⴰⵡⵙ ⴳ ⵜⴰⵏⴼⵔⵓⵜ ⵏ ⵎⵓⵜⵛ ⴳ ⵜⴰⵙⴳⴰ.

ⴳ ⵓⴷⵡⴰⵔ ⵜⵉⴳⵉⵅⵜ ⵉⴳⴰⵏ ⴰⵔⵊⴰⵍ, ⴱⴷⴰⵏⵜ ⵜⵓⴳⴳⴰⵙ ⵏ ⵓⵙⵡⴰⵓⴷⴷⵓ ⴷ ⵓⵙⵏⵎⴰⵍⴰ ⴷ ⵎⵙⴰⵙⴰ ⵏ ⵜⴰⵔⴳⴰ ⵏ 2000 ⵎⵍ ⵍⵍⵉ ⵉⴼⴽⴰⵏ ⵜⴰⵢⴰⴼⵓⵜ ⵍⵍⵉ ⵉⵙⵙⵓⵙⵎⵏ ⵉⵎⵣⴷⴰⵖⵏ .

ⵙ ⵖⵎⴽⴰⴷ , ⵉⵏⵏⴰ ⵄⴱⴷⵍⴽⴱⵉⵔ ⴱⴰⵍⵀⵉⵀ ⵢⴰⵏ ⵓⵎⵣⴷⴰⵖ ⵏ ⵓⴷⵡⴰⵔ ⵎⴰⵙ ⵓⴼⴰⵏ ⵉⵎⵣⴷⴰⵖⵏ ⵜⵉⵙⵙⵉ ⵎⴰⵢⴰⴷ ⵢⵓⵊⵊⴰ ⵉⵎⵣⴷⴰⵖⵏ ⵥⴹⴰⵕⵏ ⴰⴷ ⴹⵓⴼⵏ ⵉⵎⵏⴷⵉ ⵏⵏⵙⵏ ⵙⴽⵔⵏ ⵜⵉⴽⵍⵉⵜ ⵢⴰⴹⵏ ⵉⵎⵓⵙⵙⵓⵜⵏ ⵏⵏⵙⵏ ⵏ ⵜⴼⵍⵍⴰⵃⵜ .

ⴳ ⵜⴰⵙⴳⴰ ⵏⵏⵙ ⵉⵎⵍⴰ ⵃⴰⵎⵉⴷ ⴰⵔⵣⵎⵓⴳ ⴰⵏⵎⵀⴰⵍ ⵏ ⵜⴰⵎⵓⵏⵜ ⵜⴰⴷⵎⵙⴰⵏⵜ “ ⴰⴱⵉⵏⵓ ⵏ ⵣⵣⵉⵜⵓⵏ ⵏ ⵛⵉⵛⴰⵡⴰ” ⵎⴰⵙ ⵉⵙⵏⵏⵉⵎⵔ ⴰⵏⵏⴰⵍ ⵍⵍⵉ ⵢⵓⵎⵥ ⴰⴼⴰⴷ ⴰⵙⵡⵓⴷⴷⵓ ⵜⵉⴽⵍⵉⵜ ⵢⴰⴹⵏ ⵏ ⵜⵉⵎⵔⵙⵍⵜ ⴰⴷ ⵍⵍⵉ ⵉⵍⵍⴰⵏ ⴳ ⵜⴰⴳⵔⴰⵡⵜ ⵙⵉⴷⵉ ⴱⵓⵣⵉⴷ .

ⵃⴰⵎⵉⴷ ⵜⵜⵓⵎⵉ ⴰⵎⴰⵔⵉ ⵏ ⵜⴼⵍⵍⴰⵃⵜ ⴳ ⵜⴰⵙⴳⴰ ⵉⵙⴷⴷⵉⴷ ⵓⵍⴰ ⵏⵜⵜⴰ ⵅⴼ ⵡⴰⴷⴷⵓⵔ ⵏ ⵓⵣⴷⴰⵢ ⵏ ⵜⵓⴳⴳⴰⵙ ⵏ ⵡⴰⵏⵏⴰⵍ ⵏ ⵜⴰⵏⴽⵔⴰ ⵙ ⵜⴰⴳⵍⵍⴰⵃⵜ ⴳ ⵜⴰⵙⴳⴰ ⵢⴰⴷ .

ⵉⵏⵏⴰ ⴳ ⵢⴰⵜ ⵜⵙⴳⵓⵔⵉ ⵉ ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ ⵎⴰⵙ ⵉⵖⵓⴷⴰ ⵓⵎⵙⴰⵙⴰ ⵏ ⵓⵎⴰⵡⴰ ⴳ ⵜⴰⵎⴰ ⵏ ⵉⵖⴰⵡⴰⵙⵏ ⵏ ⵓⵎⵢⴰⵡⴰⵙ ⵏ ⵉⴼⵍⵍⴰⵃⵏ ⴷ ⵉⴽⵙⵙⴰⴱⵏ ⵖ , ⵉⵔⵏⵓ ⵎⴰⵙ ⴰⵔ ⵜⴰⵡⵙⵏⵜ ⵜⵙⵏⵜⴰⵢⵉⵏ ⴰⴷ ⵉ ⵓⵙⴷⵓⵙ ⵏ ⵜⴰⵥⴹⴰⵕⵜ ⵏ ⵜⵉⵎⵙⵎⵓⵏⵉⵏ ⵏ ⵉⴼⵍⵍⴰⵃⵏ ⵎⵏⵉⴷ ⵜⵉⵎⵓⴽⵔⵉⵙⵉⵏ ⵏ ⵉⵎⴰⵍ.

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B3-%E2%B5%9C%E2%B4%B0%E2%B5%99%E2%B4%B3%E2%B4%B0-%E2%B5%8F-%E2%B5%9B%E2%B5%89%E2%B5%9B%E2%B4%B0%E2%B5%A1%E2%B4%B0-%E2%B5%9C%E2%B5%93%E2%B4%B9%E2%B4%B0%E2%B4%B7%C2%A0-%E2%B5%9C%E2%B4%B0%E2%B4%B7%E2%B5%89%E2%B5%8F%E2%B4%B0%E2%B5%8E%E2%B5%89%E2%B5%9C-%E2%B5%89-%E2%B5%A2%E2%B5%93%E2%B5%8E%E2%B5%93%E2%B5%99%E2%B5%99%E2%B5%93-%E2%B4%B0%E2%B5%8F%E2%B4%BC%E2%B5%8D%E2%B4%B0%E2%B5%83