ⵜⴰⵖⵜⴰⵙⵜ ⵏ ⵜⵙⵏⴱⴹⴰⵢⵜ ⵏ ⵜⵣⵔⴼⵜ ⵏ ⵓⵕⵓⴱⴱⴰ .. ⵜⴰⴳⴷⵓⴷⵏⵜ ⵏ ⵜⵛⵉⴽ ⵜⵙⴷⴷⵉⴷ ⵜⵉⴽⵍⵉⵜ ⵢⴰⴹⵏ ⴰⵏⵏⴰⵍ ⵏⵏⵙ ⵉ “ ⵉⵎⵢⴰⵙⵙⴰⵏ ⵉⴷⵓⵙⵏ” ⴷ ⵍⵎⵖⵔⵉⴱ

07 ⴽⵟⵓⴱⵕ 2024 Version Imprimable

ⴱⵔⴰⴳ - ⵜⵙⴷⴷⵉⴷ ⵜⴳⴷⵓⴷⵏⵜ ⵏ ⵜⵛⵉⴽ ⵜⵉⴽⵍⵉⵜ ⵢⴰⴹⵏ ⴰⵙⵙ ⵏ ⵓⵏⵢⴰⵙ ⴰⵏⵏⴰⵍ ⵏⵏⵙ ⵉ “ ⵉⵎⵢⴰⵙⵙⴰⵏ ⵉⴷⵓⵙⵏ” ⴷ ⵍⵎⵖⵔⵉⴱ ⴳ ⴰⴽⴽⵯ ⵉⴳⵔⴰⵏ ⵏ ⵜⴰⴷⵔⴰⵡⵜ ⴳⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ.

ⴷⴼⴼⵉⵔ ⵏ ⵓⵙⴽⵜⵉ ⵙ ⵜⵙⴳⵓⵔⵉ ⵉⵛⵛⴰⵔⵏ ⵏ ⵜⴰⵏⵙⵙⵉⵅⴼⵜ ⵏ ⵜⴰⴳⵔⴰⵡⵜ ⵏ ⵓⵕⵓⴱⴱⴰ ⵓⵔⵙⵓⵍⴰ ⴼⵓⵏ ⴷⵉⵔ ⵍⴰⵢⵏ ⴷ ⵓⵙⵎⴷⵢⴰ ⴰⵅⴰⵜⴰⵔ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⵊⵓⵣⵉⴱ ⴱⵓⵔⵉⵍ ⵉⵥⵍⵉⵏ ⵙ ⵜⴰⵖⵜⴰⵙⵜ ⵏ ⵜⵙⵏⴱⴹⴰⵢⵜ ⵏ ⵜⵣⵔⴼⵜ ⵏ ⵓⵕⵓⴱⴱⴰ ⵅⴼ ⵜⵉⵎⵢⴰⵇⵇⴰⵏⵉⵏ ⵏ ⵜⴼⵍⵍⴰⵃⵜ ⴷ ⵜⴰⴳⵎⵔⵜ ⵜⴰⵢⵍⴰⵏⵜ , ⵜⵏⵏⴰ ⵜⵎⴰⵡⴰⵙⵜ ⵏ ⵜⵖⵡⴰⵙⵉⵡⵉⵏ ⵏ ⴱⵕⵕⴰ ⵏ ⵜⵛⵉⴽ ⴳ ⵓⵙⵉⵜ ⵏⵏⵙ ⵏ “ⵉⴽⵙ” ⵎⴰⵙ ⵜⵙⴷⴷⵉⴷ ⴱⵔⴰⴳ ⵍⵉⵍⵜⵉⵣⴰⵎ ⵏⵏⵙ ⵙ ⵜⵉⵎⵢⴰⵙⵙⴰⵏ ⵉⴷⵓⵙⵏ ⴷ ⵍⵎⵖⵔⵉⴱ ⴳ ⴰⴽⴽⵯ ⵉⴳⵔⴰⵏ ⵏ ⵜⵎⴷⵔⴰⵡⵜ ⴳⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ.

ⴷⴼⴼⵉⵔ ⵍⵍⵉⵖ ⴷ ⵜⴼⵖ ⵜⴰⵖⵜⴰⵙⵜ ⵏ ⵜⵙⵏⴱⴹⴰⵢⵜ ⵏ ⵜⵣⵔⴼⵜ ⵏ ⵓⵕⵓⴱⴱⴰ, ⵜⵙⵙⵎⴰⵢⵏⵓ ⵜⴰⵏⵙⵙⵉⵅⴼⵜ ⵏ ⵜⴰⴳⵔⴰⵡⵜ ⵏ ⵓⵕⵓⴱⴱⴰ ⵓⵔⵙⵓⵍⴰ ⴼⵓⵏ ⴷⵉⵔ ⵍⴰⵢⵏ ⴷ ⵓⵙⵎⴷⵢⴰ ⴰⵅⴰⵜⴰⵔ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⵊⵓⵣⵉⴱ ⴱⵓⵔⵉⵍ ⴳ ⵢⴰⵜ ⵜⴰⵙⴳⵓⵔⵉ ⵉⵛⵛⴰⵔⵏ ⵍⵉⵍⵜⵉⵣⴰⵎ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴰⴼⴰⴷ ⴰⵃⵟⵟⵓ ⵏ ⵉⵎⵢⴰⵙⵙⴰⵏ ⵉⴷⵓⵙⵏ ⴷ ⵍⵎⵖⵔⵉⴱ ⴷ ⵓⵙⴷⵓⵙⵏ ⵏⵏⵙ ⴳ ⴰⴽⴽⵯ ⵉⴳⵔⴰⵏ .

ⵜⵙⵙⵎⵢⵏⵓ ⵜⴰⵙⴳⵓⵔⵉ ⵢⴰⴷ ⵉⵛⵛⴰⵔⵏ ⵍⵍⵉ ⵉⵎⵎⴰⵍⵏ ⵉⴷⵔⵓⵙⵏ ⴰⴷⴷⵓⵔ ⵏ ⵍⵎⵖⵔⵉⴱ ⴷ ⵜⴰⴷⵔⴰⵡⵜ ⵍⵍⵉ ⵉⵙⵎⵓⵏⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵜⵉⴳⵍⴷⵉⵜ “ⴰⵜⵉⴳ ⴰⵎⵇⵔⴰⵏ” ⵍⵍⵉ ⵢⴰⵎⴽⴽⴰ ⵜⴰⵎⵓⵏⵜ ⵏ ⵓⵕⵓⴱⴱⴰ ⵉ ⵜⴰⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⴷ ⵍⵎⵖⵔⵉⴱ ⵍⵍⵉ ⵉⴳⴰⵏ ⵜⴰⵅⴰⵜⴰⵔⵜ ⴷ ⵉⴷⵔⴰⵏ ⵉⵙⴳⴳⵯⴰⵙ ⵉⴳⴳⵓⵜⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%96%E2%B5%9C%E2%B4%B0%E2%B5%99%E2%B5%9C-%E2%B5%8F-%E2%B5%9C%E2%B5%99%E2%B5%8F%E2%B4%B1%E2%B4%B9%E2%B4%B0%E2%B5%A2%E2%B5%9C-%E2%B5%8F-%E2%B5%9C%E2%B5%A3%E2%B5%94%E2%B4%BC%E2%B5%9C-%E2%B5%8F-%E2%B5%93%E2%B5%95%E2%B5%93%E2%B4%B1%E2%B4%B1%E2%B4%B0-%E2%B5%9C%E2%B4%B0%E2%B4%B3%E2%B4%B7%E2%B5%93%E2%B4%B7%E2%B5%8F%E2%B5%9C-%E2%B5%8F-%E2%B5%9C%E2%B5%9B%E2%B5%89%E2%B4%BD-%E2%B5%9C%E2%B5%99%E2%B4%B7%E2%B4%B7%E2%B5%89%E2%B4%B7-%E2%B5%9C%E2%B5%89%E2%B4%BD%E2%B5%8D%E2%B5%89%E2%B5%9C-%E2%B5%A2%E2%B4%B0%E2%B4%B9%E2%B5%8F-%E2%B4%B0%E2%B5%8F%E2%B5%8F%E2%B4%B0%E2%B5%8D-%E2%B5%8F%E2%B5%8F%E2%B5%99-%E2%B5%89