Published on MAPNews (https://www.mapnews.ma/am)

Accueil > ⵉⵜⵜⵓⵙⵜⴰⵢ ⵍⵎⵖⵔⵉⴱ ⵙ ⵜⵓⴳⵜ ⴰⴷ ⵢⴰⵎⵥ ⴰⵏⵙⴰ ⵏ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ “ⴰⵏⵜⵉⵔⴱⵓⵍ” ⵅⴼ ⵓⵎⵏⵥⴰⵡ ⵏ ⵉⴼⵔⵉⵇⵢⴰ

ⵉⵜⵜⵓⵙⵜⴰⵢ ⵍⵎⵖⵔⵉⴱ ⵙ ⵜⵓⴳⵜ ⴰⴷ ⵢⴰⵎⵥ ⴰⵏⵙⴰ ⵏ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ “ⴰⵏⵜⵉⵔⴱⵓⵍ” ⵅⴼ ⵓⵎⵏⵥⴰⵡ ⵏ ⵉⴼⵔⵉⵇⵢⴰ

07 ⵏⵓⵡⴰⵏⴱⵉⵔ 2024 Version Imprimable
ⵕⵕⴱⴰⵟ - ⴳ ⵡⴰⴷⴷⵓⵔ ⵏ ⵜⵓⴳⴳⴰⵙ ⵏ ⵍⵎⵖⵔⵉⴱ ⴰⴼⴰⴷ ⵜⴰⵏⴽⵔⴰ ⵙ ⵜⴰⵏⴼⵔⵓⵜ ⴷ ⵍⵉⵙⵜⵉⵇⵔⴰⵔ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⴰⴳⵔⴰⵖⵍⴰⵏ ⴷ ⵜⵉⵍⴰⵍⵜ ⵏⵏⵙ ⵉⵖⵓⴷⴰⵏ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⵏ ⵉⴼⴼⵓⵙ-ⵉⴼⴼⵓⵙ , ⵉⵜⵜⵓⵙⵜⴰⵢ ⴰⵙⵙ ⵏ ⵓⴽⵔⴰⵙ ⵙ ⵜⵓⴳⵜ ⵓⵙⵎⴷⵢⴰ ⵏ ⵜⵉⴳⵍⴷⵉⵜ ⵏ ⵍ,ⵖⵔⵉⴱ ⴳ ⵉⵙⵜⴰⵢⵏ ⵏ ⵓⴳⵔⴰⵡ ⵏ ⵓⵣⵉⴳⵣ ⵏ ⵣⵏⵜⵉⵔⴱⵓⵍ ⴰⴼⴰⴷ ⴰⴷ ⵢⴰⵎⵥ ⴰⵏⵙⴰ ⵏ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⴰⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵍⴱⵓⵍⵉⵙ ⵏ ⵉⵣⵏⵏⵉⵔⵏ ⵅⴼ ⵓⵎⵏⵥⴰⵡ ⵏ ⵉⴼⵔⵉⵇⵢⴰ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⴰⵎⵀⵍⴰ ⵜⴰⵎⴰⵜⵢⵜ ⵏ ⵜⵏⴼⵔⵓⵜ ⵜⴰⵏⵎⵓⵔⵜ ⵎⴰⵙ ⵉⵣⵔⵉ ⵓⵙⵜⴰⵢ ⵏ ⵓⵙⵎⴷⵢⴰ ⵏ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵓⴳⵜ ⵙⴳ  ⵉⵎⴰⵔⵉⵜⵏ ⵏ 96 ⵏ ⵜⵉⵎⵉⵣⴰⵔ ⵜⵉⴳⵎⴰⵎⵉⵏ ⵙ ⵢⴰⵏ ⵍⴼⵔⵇ ⴰⵎⵇⵔⴰⵏ ⴳ ⵓⵙⴰⵜⵉ ⵏ ⵜⴰⵙⵙⵓⵜⵍⵜ ⵜⵉⵙⵙ 92 ⵏ ⵜⴰⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵜⴰⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵍⴱⵓⵍⵉⵙ ⵏ ⵉⵣⵏⵏⵉⵔⵏ -ⴰⵏⵜⵉⵔⴱⵓⵍ- ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⴳⵍⴰⵙⴳⵓ ⴳ ⵙⴽⵓⵜⵍⴰⵏⴷⴰ ⵙⴳ 4 ⴰⵔ7 ⵏⵓⵏⴱⵉⵔ 2024.

 ⵉⴱⴷⴰ ⵓⵙⴰⴷⴰⵡ ⵏ ⵜⵜⵔⵛⵉⵃ ⵏ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⴰⴼⴰⴷ ⴰⵏⵙⴰ ⵢⴰⴷ ⵙ ⵜⴰⵡⵊⵉⵀⴰⵜ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵍⵉ ⵉⵙⴽⵔⵏ ⴳ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⵢⴰⵏ ⵓⵙⵜⴰⵢ ⴰⵙⵜⵔⴰⵜⵉⵊⵉ ⵉ ⵜⵉⴳⵍⴷⵉⵜ ⴷ ⵉⵎⴷⵔⴰⵡⵏ ⵏⵏⵙ ⴳ ⵉⴼⵔⵉⵇⵢⴰ ⵍⵍⵉⵖ ⵉⵍⵍⴰ ⵓⵙⴷⵙ ⵏ ⵉⵎⵢⴰⵙⵙⴰⵏ ⴷ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⵏ ⵜⴰⵏⴼⵔⵓⵜ.

 ⵉⵔⴰ ⵍⵎⵖⵔⵉⴱ ⴷⴼⴼⵉⵔ ⵍⵍⵉ ⵉⵜⵜⵓⵙⵜⴰⵢ ⴰⴳⵎⴰⵎ ⵏ ⵓⴳⵔⴰⵡ ⵏ ⵓⵣⵉⴳⵣ ⵏ ⵍⴰⵏⵜⵉⵔⴱⵓⵍ ⵍⵍⵉⵖ ⵉⴳⴰ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⴰⵎⴰⴷⴷⴰⵙⵜ ⵅⴼ ⵉⴼⵔⵉⵇⵢⴰ ⴰⴷ ⵉⵎⵙⴰⵙⴰ ⵜⵓⴳⴳⴰⵙ ⴷ ⵉⵔⵉⵔⴰⵜⵏ ⵉⵏⴰⵎⵓⵔⵏ ⵏ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⴷ ⵜⵉⵎⵉⵣⴰⵔ ⵏ ⵓⵎⴰⴹⴰⵍ ⵢⴰⴹⵏ ⴰⴼⴰⴷ ⴰⵙⴱⴷⴷ ⵏ ⵜⵉⵎⵓⴽⵔⵉⵙⵉⵏ ⵏ ⵓⴱⵔⵙⵉⵡⴷ ⴷ ⵓⵙⵡⵓⵔⵔⵉ ⵏ ⵜⵉⴽⵏⵓⵍⵓⵊⵢⴰ ⵜⴰⵎⴰⵜⴰⵔⵜ ⵙⴳ ⵜⵉⵔⴰⴱⴱⵓⵜⵉⵏ ⵏ ⵓⴱⴽⴽⵉⴹ ⵉⵜⵜⵓⵙⵏⵎⴰⵍⴰⵏ.

ⵜⴽⴽⴰⵜⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⵎⵓⵔⵜ ⵜⵔⵛⵛⵃ ⵉ ⵡⴰⵏⵙⴰ ⵢⴰⴷ ⵍⵡⴰⵍⵉ ⵏ ⵜⵏⴼⵔⵓⵜ ⵎⵓⵃⵎⵎⴷ ⴷⵅⵉⵙⵉ ⴰⵏⵎⵀⴰⵍ ⵏ ⵍⴱⵓⵍⵉⵙ ⴰⵣⵔⴼⴰⵏ ⵍⵍⵉ ⵉⵙⵙⵉⵅⴼⵏ ⴰⵙⵉⵔⴰ ⴰⵏⵎⵎⴰⵙ ⴰⵏⴰⵎⵓⵔ ⵏ ⵍⴰⵏⵜⵉⵔⴱⵓⵍ ⵕⵕⴱⴰⵟ.

ⵉⴽⴽⴰⵜⵏ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⴰⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵜⵉⴹⴰⴼ ⵏ ⵡⴰⴽⴰⵍ ⴰⵏⵎⵓⵔ ⵄⴱⴷⵍⵍⴰⵟⵉⴼ ⵃⵎⵎⵓⵛⵉ ⵉⵙⵙⵉⵅⴼ ⴰⴽⴰⴱⴰⵔ ⵏ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⵉⴷⵔⴰⵏ ⴳ ⵜⵉⵡⵓⵔⵉⵡⵉ ⵏ ⵜⴰⵎⵙⵓⵏⵜ ⵜⴰⵎⴰⵜⴰⵢⵜ ⵏ ⵜⴰⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵍⴱⵓⵍⵉⵙ ⵏ ⵉⵣⵏⵏⵉⵔⵏ -ⴰⵏⵜⵉⵔⴱⵓⵍ- ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⵜⴰⵎⴷⵉⵏⵜ ⵏ ⴳⵍⴰⵙⴳⵓ ⴳ ⵙⴽⵓⵜⵍⴰⵏⴷⴰ ⵉⴷⵔⴰ ⵓⵍⴰ ⴳ ⵉⵎⴹⵉⴽⵉⵕⵏ ⵏ ⵎⵏⵏⴰⵡ ⵉⴳⵎⴰⵎⵏ ⴷ ⴳⵔ ⵜⵉⵎⵉⵣⴰⵔ ⵙⴰⵍⵏ ⵅⴼ ⵉⴱⵔⵉⴷⵏ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⵏ ⵜⴰⵏⴼⵔⵓⵔ ⴰⴳⵔⴰⵖⵍⴰⵏ ⴷ ⵜⴰⵡⵓⵔⵉ ⵏ ⵍⴱⵓⵍⵉⵙ ⵉⵛⵛⴰⵔⵏ ⴷ ⵡⴰⵏⵏⴰⵍ ⵏ ⵓⵙⴷⴰⵡ ⵏ ⵜⵜⵔⵛⵉⵃ ⵏ ⵍⵎⵖⵔⵉⴱ ⵉ ⵢⵓⵏⵙⴰ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ “ⴰⵏⵜⵉⵔⴱⵓⵍ” ⵅⴼ ⵓⵎⵏⵥⴰⵡ ⵏ  ⵉⴼⵔⵉⵇⵢⴰ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%9C%E2%B5%9C%E2%B5%93%E2%B5%99%E2%B5%9C%E2%B4%B0%E2%B5%A2-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%99-%E2%B5%9C%E2%B5%93%E2%B4%B3%E2%B5%9C-%E2%B4%B0%E2%B4%B7-%E2%B5%A2%E2%B4%B0%E2%B5%8E%E2%B5%A5-%E2%B4%B0%E2%B5%8F%E2%B5%99%E2%B4%B0-%E2%B5%8F-%E2%B5%93%E2%B5%8E%E2%B4%B0%E2%B5%94%E2%B5%89-%E2%B5%8F-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%80%9C%E2%B4%B0%E2%B5%8F%E2%B5%9C%E2%B5%89%E2%B5%94%E2%B4%B1%E2%B5%93%E2%B5%8D%E2%80%9D-%E2%B5%85%E2%B4%BC-%E2%B5%93%E2%B5%8E%E2%B5%8F%E2%B5%A5%E2%B4%B0%E2%B5%A1-%E2%B5%8F