Published on MAPNews (https://www.mapnews.ma/am)

Accueil > ⵕⵕⴱⴰⵟ.. ⴰⵙⵏⵎⴰⵍⴰ ⵏ ⵓⵏⵎⵓⵇⵇⴰⵔ ⵡⵉⵙⵙ 22 ⵏ ⵜⴰⴳⵔⴰⵡⴰⵜ ⵜⴰⵄⵙⴽⵔⵉⵢⵜ ⵉⵛⵛⴰⵔⵏ ⴳⵔ ⵍⵎⵖⵔⵉⴱ ⴷ ⴼⵕⴰⵏⵙⴰ

ⵕⵕⴱⴰⵟ.. ⴰⵙⵏⵎⴰⵍⴰ ⵏ ⵓⵏⵎⵓⵇⵇⴰⵔ ⵡⵉⵙⵙ 22 ⵏ ⵜⴰⴳⵔⴰⵡⴰⵜ ⵜⴰⵄⵙⴽⵔⵉⵢⵜ ⵉⵛⵛⴰⵔⵏ ⴳⵔ ⵍⵎⵖⵔⵉⴱ ⴷ ⴼⵕⴰⵏⵙⴰ

03 ⴷⵓⵊⴰⵏⴱⵉⵔ 2024 Version Imprimable
ⵕⵕⴱⴰⵟ -  ⴳ ⵓⵣⵣⵓⴳⵣ ⵏ ⵉⵡⴰⵍⵉⵡⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵎⵖⴰⵔ ⴰⵏⴰⴼⵍⵍⴰ ⴷ ⵓⵏⴷⵙⵙⵉⵅⴼ ⵏ ⵉⴷⵖⴰⵔⵏ ⵏ ⵉⵎⵏⵖⵉ ⴰⵎⴰⵜⴰⵢ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ , ⵉⵙⵙⵅⴼ ⵍⴼⴰⵔⵉⵇ ⴰⵎⵣⵡⴰⵔⵓ ⵎⵓⵃⵎⵎⴷ ⴱⵔⵉⴹ ⴰⵎⴳⴳⵉⵡⵙ ⴰⵎⴰⵜⴰⵢ ⵏ  ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴷ ⵓⵎⵖⴰⵔ ⵏ ⵜⴰⵙⴳⴰ ⵏ ⵉⴼⴼⵓⵙ ⴷ ⵍⵊⵉⵏⵉⵔⴰⵍ ⵜⵢⵉⵔⵉ ⴱⵓⵔⴽⵀⴰⵔⴷ ⴰⵏⵙⵙⵉⵅⴼ ⵏ ⵉⴷⵖⴰⵔⵏ ⵏ   ⵜⴰⴳⴳⴰⵍⵉⵏ ⵜⵉⵍⴰⴼⵉⵏ  ⵏ ⵜⴰⴳⴷⵓⴷⴰⵏⵜ ⵏ ⴼⵕⴰⵏⵙⴰ ⴰⵙⵙ ⵓⵏⵢⴰⵙ ⴳ ⵕⵕⴱⴰⵟ  ⴰⵏⵎⵓⵇⵇⴰⵔ ⵡⵉⵙⵙ 22 ⵏ ⵜⴰⴳⵔⴰⵡⴰⵜ ⵜⴰⵄⵙⴽⵔⵉⵢⵜ ⵉⵛⵛⴰⵔⵏ ⴳⵔ ⵍⵎⵖⵔⵉⴱ ⴷ ⴼⵕⴰⵏⵙⴰ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⴰⵏⵙⵙⵉⵅⴼⵜ ⵜⴰⵎⴰⵜⵢⵜ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵎⴰⵙ ⵉⵎⴹⴰⴽⴰⵔ ⵓⵎⴳⴳⵉⵡⵙ ⴰⵎⴰⵜⴰⵢ ⵏ  ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴷ ⵓⵎⵖⴰⵔ ⵏ ⵜⴰⵙⴳⴰ ⵏ ⵉⴼⴼⵓⵙ ⴷ ⵍⵊⵉⵏⵉⵔⴰⵍ ⵜⵢⵉⵔⵉ ⴱⵓⵔⴽⵀⴰⵔⴷ ⴰⵏⴷⵙⵙⵉⵅⴼ ⵏ ⵉⴷⵖⴰⵔⵏ ⵏ   ⵜⴰⴳⴳⴰⵍⵉⵏ ⵜⵉⵍⴰⴼⵉⵏ  ⵏ ⵜⴰⴳⴷⵓⴷⴰⵏⵜ ⵏ ⴼⵕⴰⵏⵙⴰ ⵅⴼ ⵓⴷⵎⴰⵡⵏ ⵏ ⵓⵎⵢⴰⵡⴰⵙ ⴰⵄⵙⴽⵕⵉ ⴳⵔ ⵜⵉⵎⵉⵣⴰⵔ ⵙⵏⴰⵜ ⴷ ⵡⴰⴷⴷⴰⴷ ⵏ ⵜⴰⵏⴼⵔⵓⵜ ⵜⴰⵏⵎⵏⴰⴹⵜ ⴷ ⵜⴰⴳⵔⴰⵖⵍⴰⵏⵜ.

 ⵉⵔⵏⵓ ⵉⵏⵏⴰ ⵓⵙⴰⴳⵎ ⴰⴷ ⵎⴰⵙ ⵙⵙⴼⵓⵍⴽⵉⵏ  ⵉⵎⵖⴰⵔ ⴰⴷ ⴰⵙⵡⵉⵔ ⵉⵖⵓⴷⴰⵏ ⵏ ⵓⵎⵢⴰⵡⴰⵙ ⴳⵔ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵏ ⵜⵉⵎⵉⵣⴰⵔ ⵙⵏⴰⵜ ⵍⵍⵉ ⵉⵎⵎⴰⵍⵏ ⵉⵎⵢⴰⵙⵙⴰⵏ ⵉⴷⵓⵙⵏ ⵍⵍⵉ ⵜ ⵏ ⵉⵎⵙⵓⵏⵏ ⴷ ⵍⵍⵉ ⵓⵍⴰ ⵉⴷⵓⵙⵏ ⴳ ⵎⵏⵏⴰⵡ ⵏ ⵉⴳⵔⴰⵏ  .

ⵖⵎⴽⵍⵍⵉ ⵎⵙⴰⵙⴰⵏ ⵅⴼ ⵜⴰⴷⵉⵏⴰⵎⵉⵜ ⵏ ⵜⴰⴷⵔⴰⵡⵜ ⵉⵥⵍⵉⵏ ⵉⴷⵓⵙⵏ ⵍⵍⵉ  ⵙⵔⵙⵏ ⵉⵏⵙⵙⵉⵅⴼⵏ ⵏ ⵜⵉⵎⵉⵣⴰⵔ ⵙⵏⴰⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵎⴰⵙⵙ ⵉⵎⴰⵏⵡⵉⵍ ⵎⴰⴽⵔⵓⵏ.

 ⴷⴼⴼⵉⵔ ⵏ ⵎⴰⵢⴰⴷ, ⵎⴹⴰⴽⴰⵔⵏⵜ ⵜⵉⴳⵔⴰⵡⵉⵏ ⵙⵏⴰⵜ ⵅⴼ ⵓⵔⵣⵣⵓ ⵏ ⵜⴰⵢⴰⴼⵓⵜⵉⵏ ⵏ ⵓⵎⵢⴰⵡⴰⵙ ⴰⵄⵙⴽⵕⵉ ⴳⵔ ⵍⵎⵖⵔⵉⴱ ⴷ ⴼⵕⴰⵏⵙⴰ ⵏ ⵓⵙⴳⴳⴰⵙ 2024 ⴷ ⵓⵍⴰ ⵉⵎⵓⵙⵙⵓⵜⵏ ⵍⵍⵉ ⵔⴰⴷ ⵉⵜⵜⵓⵙⴽⴰⵔ ⴳ ⵓⵙⴳⴳⵯⴰⵙ ⵏ 2025.

ⴳ ⵡⴰⵙⵙ ⴰⴷ ⵓⵍⴰ ⵉⵙⴽⵔ ⵓⵎⴰⵡⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴰⴱⴹⵜ ⵉⵜⵜⵓⵙⵎⴳⴰⵍⵏ ⵙ ⵜⴰⵎⵙⵙⵓⴳⵓⵔⵜ  ⵏ ⵓⵎⵏⵣⴰⵖ ⴰⵏⴰⵎⵓⵔ ⵄⴱⴷⵍⵟⵉⴼ ⵍⵓⴷⵢⵉ ⵉⵎⴹⵉⴽⵉⵔⵏ ⴳ ⵓⵙⵖⵉⵎ ⵏ ⵜⴰⵎⴰⵡⴰⵙⵜ ⴷ ⵍⵊⵉⵏⵉⵔⴰⵍ ⵜⵢⵉⵔⵉ ⴱⵓⵔⴽⵀⴰⵔⴷ ⴰⵏⵙⵙⵉⵅⴼ ⵏ ⵉⴷⵖⴰⵔⵏ ⵏ   ⵜⴰⴳⴳⴰⵍⵉⵏ ⵜⵉⵍⴰⴼⵉⵏ  ⵏ ⵜⴰⴳⴷⵓⴷⴰⵏⵜ ⵏ ⴼⵕⴰⵏⵙⴰ.

 ⴳ ⵓⵏⵎⵓⵇⵇⴰⵔ ⴰⴷ , ⵉⵔⵏⵓ ⵉⵏⵏⴰ ⵓⵙⵉⵡⴹ ⴰⴷ, ⵙⵙⴼⵓⵍⴽⵉⵏ ⵉⵎⵙⵙⵓⴳⴰⵔ ⴰⴷ ⵜⴰⴷⵉⵏⴰⵎⵉⵜ ⵉⵖⵓⴷⴰⵏ ⵏ ⵉⵎⵢⴰⵙⵙⴰⵏ ⵏ ⵜⵉⴷⴷⵓⴽⵍⴰ ⴷ ⵓⵎⵢⴰⵡⴰⵙ ⵉⵍⵍⴰⵏ ⴳⵔ ⵜⵉⵎⵉⵣⴰⵔ ⵙⵏⵜ ⴷ ⵓⵍⴰ ⵉⵎⵏⵉⴷⵏ ⵏ ⵓⵙⵙⵓⵙⵄ ⵏⵏⵙⵏ  ⵍⵍⵉⵖ  ⵔⴰⴷ ⴽⵛⵎⵏ ⵣⵓⵏⴷ ⵉⴳⵔⴰⵏ ⵏ ⵓⵙⴰⵢⵔⴰⵔ ⴷ ⵜⴰⵏⴼⵔⵓⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%95%E2%B5%95%E2%B4%B1%E2%B4%B0%E2%B5%9F-%E2%B4%B0%E2%B5%99%E2%B5%8F%E2%B5%8E%E2%B4%B0%E2%B5%8D%E2%B4%B0-%E2%B5%8F-%E2%B5%93%E2%B5%8F%E2%B5%8E%E2%B5%93%E2%B5%87%E2%B5%87%E2%B4%B0%E2%B5%94-%E2%B5%A1%E2%B5%89%E2%B5%99%E2%B5%99-22-%E2%B5%8F-%E2%B5%9C%E2%B4%B0%E2%B4%B3%E2%B5%94%E2%B4%B0%E2%B5%A1%E2%B4%B0%E2%B5%9C-%E2%B5%9C%E2%B4%B0%E2%B5%84%E2%B5%99%E2%B4%BD%E2%B5%94%E2%B5%89%E2%B5%A2%E2%B5%9C-%E2%B5%89%E2%B5%9B%E2%B5%9B%E2%B4%B0%E2%B5%94%E2%B5%8F-%E2%B4%B3%E2%B5%94-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B4%BC%E2%B5%95%E2%B4%B0%E2%B5%8F%E2%B5%99%E2%B4%B0