Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⴱⵔⴰⵜ ⵉ ⵉⵎⴷⵔⴰⵡⵏ ⴳ ⵜⵉⵏⴰⵡⵜ ⵜⴰⵎⴰⴹⵍⴰⵏⵜ ⴼ " ⵜⴰⵏⵣⵔⴰⴼⵜ ⵏ ⵓⵎⵎⵓⵜⵉ " 
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⴱⵔⴰⵜ ⵉ ⵉⵎⴷⵔⴰⵡⵏ ⴳ ⵜⵉⵏⴰⵡⵜ ⵜⴰⵎⴰⴹⵍⴰⵏⵜ ⴼ " ⵜⴰⵏⵣⵔⴰⴼⵜ ⵏ ⵓⵎⵎⵓⵜⵉ " 

06 ⴷⵓⵊⴰⵏⴱⵉⵔ 2024 Version Imprimable
ⵕⵕⴱⴰⵟ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵔ ⵕⴱⴱⵉ ⵢⴰⵜ ⵜⴱⵔⴰⵜ ⵜⴰⵎⴰⵜⴰⵢⵜ ⵉ ⵉⵎⴷⵔⴰⵡⵏ ⴳ ⵜⵉⵏⴰⵡⵜ ⵜⴰⵎⴰⴹⴰⵍⵏⵜ ⴼ " ⵜⴰⵏⵣⵔⴰⴼⵜ ⵏ ⵓⵎⵎⵓⵜⵉ " ⵎⴰⵢⴰⴷ ⵜⵎⴰⵏ ⴷⵉ ⵕⵕⴱⴰⵟ ⵙ ⵓⵙⵙⴽⵜⵉ ⵡⵉⵙⵙ 20 ⵏ ⵉⵜⵜⴰⵡⵙⴽⴰⵔ ⵏ ⵓⵏⴳⵔⴰⵡ ⵏ ⵓⵙⵓⴼⵓ ⴷ ⵜⴰⵎⴰⵚⵍⴰⵃⵜ ⴼ ⴰⵙⴳⵓⵎ " ⵜⵉⵖⴰⵔⴰⵙⵉⵏ ⵏ ⵜⵏⵣⵔⴰⴼⵜ ⵏ ⵓⵎⵎⵓⵜⵉ ⴰⴼⴰⴷ ⵏ ⵉⵙⴳⴳⴷⴰⵏ ⵉⵙⵓⵍⴰⵏⵏ" 

ⵀⴰⵏ  ⵓⴹⵕⵉⵚ ⵏ ⵜⴱⵔⴰⵜ ⵏⵏⴰ ⵎⵉ ⵜⵖⵔⴰ ⵎⴰⵙⵙⴰ  ⴰⵎⵉⵏⴰ ⴱⵓⵄⵢⴰⵛ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ 

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵜ ⵉⵙⵙⵓⵙⵎ ⴱⴰⵀⵔⴰ ⴰⴷ ⵢⴰⵣⵏ ⵜⴰⴱⵔⴰⵜ ⴰⴷ ⵉ ⵉⵎⴷⵔⴰⵡⵏ ⴳ ⵜⵉⵏⴰⵡⵜ ⴰⴷ ⵅⴼ  ⵜⴰⵎⵙⴰⵔⵜ “ⵉⴱⵔⵉⴷⵏ ⵏ ⵜⴰⵣⵔⴼⵜ ⵏ ⵓⵎⵓⵜⵜⵉ ⴰⴼⴰⴷ ⵉⵙⵡⵓⴷⴷⵓⵜⵏ ⵉⵙⵓⵍⴰⵏⵏ” .

ⵉⵔⵏⵓ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵉⴳⴰ ⵓⵙⵙⴼⵓⴳⵍⵓ ⵏ ⵓⵎⵊⵕⵉ ⵢⴰⴷ ⴰⵅⴰⵜⴰⵔ ⴳ ⵓⵎⵣⵔⵓⵢ ⵏ ⵍⵎⵖⵔⵉⴱ ⴰⵎⴰⵜⵔⴰⵔ ⴷ ⵢⴰⵏ ⵓⵣⵎⵣ ⴰⵎⵇⵔⴰⵏ ⴳ ⵓⴱⵔⵉⴷ ⵏ ⵓⵙⵏⴼⵍ ⴰⴷⵉⵎⵓⵇⵔⴰⵟⵉ ⴷ ⵡⵉⵏ ⵜⵉⴳⵎⵉ ⴳ ⵜⴰⵎⵓⵔⵜ ⵏⵏⵖ .

ⵉⵍⵍⴰ ⴷⴰⵔ ⵜⵉⵏⴰⵡⵜ ⴰⴷ ⵜⴰⵎⴰⵜⴰⵔⵜ ⵜⴰⵎⵣⵔⵓⵢⵜ ⵜⴰⵏⵎⵓⵏⵜ ⴷ ⵜⴰⵣⵔⴼⴰⵏⵜ ⴷ ⵜⴰⵎⵙⵔⵜⵉⵢⵜ ⵜⴳⴰ ⴰⵣⵎⵣⵣⵓ ⴰⴼⴰⴷ ⴰⴷ ⵏⵙⵙⴼⵓⵍⴽⵉ ⵜⴰⵡⵓⵔⵉ ⵍⵍⵉ ⵜⵙⴽⵔ ⵜⴰⵎⵓⵔⵜ ⵏⵏⵖ ⴳ ⵜⵉⵢⴰⴼⵓⵜⵉⵏ ⴳ ⵓⴱⵔⵉⴷ ⴰⵏⴰⵎⵓⵔ ⵏ ⵜⴰⵣⵔⴼⵜ ⵏ ⵓⵎⵓⵜⵜⵉ ⵍⵍⵉ ⵉⵜⵜⵔⵙⵏ ⵅⴼ ⵢⴰⵜ ⵜⴰⵏⵏⴰⵢⵜ ⵉⵖⵓⴷⴰⵏ .ⵜⴳⴰ ⵓⵍⴰ ⴰⵣⵎⵣⵣⵓ ⴰⴼⴰⴷ ⴰⴽⵜⴰⵢ ⵉ ⵜⴰⵙⵓⵜⵉⵏ  ⵏ ⵉⵎⴰⵍ ⵙ ⵉⵙⵡⵓⴷⴷⵓⵜⵏ ⴷ ⵉⵎⵙⴰⵙⴰⵜⵏ ⴳ ⵓⵙⴰⵜⵉ ⵏ ⵓⵎⵙⴰⵙⴰ ⴷ ⵜⴰⵛⴰⵊⵉⵄⵜ ⴷ ⵜⵉⵖⵔⵉ ⵏ ⵓⵎⵣⵔⵓⵢ  ⵏⵏⵖ .

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵉⵏⵏⴰ “ ⵜⴰⵖⵜⴰⵙⵜ ⵏ ⵜⵓⵙⴽⴰ ⵏ ⵜⴰⴳⵔⴰⵡⵜ ⵏ ⵜⵣⵔⴼⵜ ⴷ ⵓⵎⵙⴰⵙⴰ ⵍⵍⵉ ⵉⵣⴷⵉⵏ ⴷ ⵜⴰⴳⵔⴰⵡⵜ ⵜⴰⵙⵉⵎⴰⵏⵜ ⵏ ⵜⵉⴽⴽⵉ ⵏ ⵉⵙⴼⵍⵏ ⵏ ⵡⴰⵎⵎⴰⵥ ⵓⵔ ⴰⵣⵔⴼⵣⵏ ⵍⵍⵉ ⵉⵙⴽⵔ ⵓⴳⵍⵍⵉⴷ ⵃⴰⵙⴰⵏ ⵡⵉⵙⵙ ⵙⵉⵏ ⴰⴷⵜ ⵉⵕⵃⵎ ⵕⴱⴱⵉ ⵍⵍⵉ ⵉⴱⵏⴰⵏ ⵅⴼ ⵢⴰⵏ ⵓⵏⴰⵎⴽ ⴰⵎⴰⵢⵏⵓ ⵉ ⵉ ⵢⵓⵏⴱⴰⴹ ⴰⴼⴰⴷ ⵍⴽⴰⵔⴰⵎⴰ ⵏ ⵉⵎⵖⵔⵉⴱⵉⵢⵏ.

 ⵉⴽⴽⴰⵜ ⵉⵔⴰ ⵙⵍⴰⵡⴰⵏ ⴰⴽⴽⵯ ⴷⴼⴼⵉⵔ ⵏ ⵓⵙⵔⵙ ⵏ ⵓⵎⵙⴰⵙⴰ ⴰⵏⴰⵎⵓⵔ ⴷ ⵓⵙⵡⵓⴷⴷⵓ ⵏ ⵜⵉⵖⴰⵡⵙⵉⵡⵉⵏ ⵉⵅⵛⵏ ⵏ  ⵓⵣⵎⵣ ⵉⵣⵔⵉⵏ ⴰⴷ ⵜⴳ ⵜⴰⵣⵔⴼⵜ ⵏ ⵓⵎⵓⵜⵜⵉ ⴰⵎⵣⵡⴰⵔⵓⵜ ⵏ ⵓⵙⵜⴰⵢ ⴰⴷⵉⵎⵓⵇⵔⴰⵟⵉ ⴳ ⵜⵉⴳⵉⵔⴰ ⵏ ⵉⵙⴳⴳⴰⵙⵏ ⵏ 80 ⵏ ⵜⴰⵙⵓⵜ ⵉⵣⵔⵉⵏ ⴷ ⴰⴷⴷⵓⵔ ⵏ ⵉⵜⵉⴳⵏ ⵉⴷⵉⵎⵓⵇⵔⴰⵟⵉⵢⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⴰⵜⵉ ⵏ ⵉⵙⵜⴰⵢⵏ ⵉⵎⵙⵔⵜⴰⵢⵏ ⵉⵙⵜⵔⴰⵜⵉⵊⵉⵢⵏ.

ⵉⴽⵎⵍ ⴱⴰⴱ ⵏ ⵡⴰⴷⴷⵓⵔ ⵉⵏⵏⴰ ⴳ ⵜⴰⴱⵔⴰⵜ ⴰⴷ ⵎⴰⵙ ⵜⵓⵙⴽⴰ ⵜⴰⵣⵔⴼⵜ ⵏ ⵓⵎⵓⵜⵜⵉ ⴳ ⵜⴰⵎⵓⵔⵜ ⵏⵏⵖ ⵅⴼ ⵜⴰⵙⵉⵍⴰⵜⵉⵏ ⵉⴷⵓⵙⵏ ⴳ ⵉⵍⵍⴰ ⵓⵎⵣⵔⵓⵢ ⵉⵥⵍⵉⵏ ⵙ ⵓⵏⵎⵖⵓⵔ ⴰⵎⵖⵔⵉⴱⵉ ⴳⵉⵙ ⵜⵉⵏ ⵜⴰⵙⴳⴰ ⴷ ⵊⵓⵖⵔⴰⴼⵢⴰ .ⵉⴽⴽⴰⵜ ⴰⵡⵜⵜⴰⵙ ⵏⵏⵙ ⵉⴳⴰⵜ ⵜⵉⴽⴽⵉ ⵏ ⵡⴰⴷⴷⵓⵔ ⵉ ⵇⵙⴼⵍⵉⵡⵏ ⴰⴽⴽⵯ ⵎⴽⵏⵏⴰ ⴳⴰⵏ ⴰⴷ ⵜⴰⵡⵓⵔⵉ ⵏ ⵓⵙⵡⵓⴷⴷⵓ ⵏ ⵜⵉⵖⴰⵡⵙⵉⵡⵏ ⵉⵅⵛⵏ ⵉⵥⵍⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⵙⴳ ⵉⵙⴳⴳⵯⴰⵙⵏ ⵉⵣⵡⵓⵔⴰⵏ ⵏ ⵜⴰⵙⵉⵎⴰⵏⵜ ⴰⵔ ⵜⵓⵙⴽⴰ ⵏ ⵜⴰⴳⵔⴰⵡⵜ ⵏ ⵜⵣⵔⴼⵜ ⴷⵓⵎⵙⴰⵙⴰ.

Dernière modification : 06 ⴷⵓⵊⴰⵏⴱⵉⵔ 2024
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%9C-%E2%B5%9C%E2%B4%B1%E2%B5%94%E2%B4%B0%E2%B5%9C-%E2%B5%89-%E2%B5%89%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%9C%E2%B5%89%E2%B5%8F%E2%B4%B0%E2%B5%A1%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B4%B9%E2%B5%8D%E2%B4%B0%E2%B5%8F%E2%B5%9C-%E2%B4%BC-%E2%B5%9C%E2%B4%B0%E2%B5%8F%E2%B5%A3%E2%B5%94%E2%B4%B0%E2%B4%BC%E2%B5%9C-%E2%B5%8F-%E2%B5%93%E2%B5%8E%E2%B5%8E%E2%B5%93%E2%B5%9C%E2%B5%89-%C2%A0