Published on MAPNews (https://www.mapnews.ma/am)

Accueil > ⴹⴹⴰⵕⵍⴱⵉⴹⴰ .. ⴰⵕⵥⵥⵓⵎ ⵏ ⵜⴰⵇⴰⵛⵉⵜ ⵏ ⵓⵥⵕⴼ ⵜⴰⴼⵔⵉⵇⵉⵢⵜ

ⴹⴹⴰⵕⵍⴱⵉⴹⴰ .. ⴰⵕⵥⵥⵓⵎ ⵏ ⵜⴰⵇⴰⵛⵉⵜ ⵏ ⵓⵥⵕⴼ ⵜⴰⴼⵔⵉⵇⵉⵢⵜ

09 ⴷⵓⵊⴰⵏⴱⵉⵔ 2024 Version Imprimable
ⴹⴹⴰⵕⵍⴱⵉⴹⴰ - ⵜⵜⵢⴰⵡⵕⵥⴰⵎ ⴳ ⴹⴹⴰⵕⵍⴱⵉⴹⴰ ⴰⵙⵙ ⵏ ⵓⵏⵢⴰⵙ ⵜⴰⵇⴰⵛⵉⵜ ⵜⴰⴼⵔⵉⵡⵉⵢⵜ ⵏ ⵓⵥⵕⴼ (ⴰⴼⵉⵙ 2024) ⵍⵍⵉⵖ ⴷⵔⴰⵏ 1000 ⵏ ⵉⵏⵎⵖⵓⵔⵏ ⵏ ⵉⴳⵔ ⵏ ⵓⵥⵕⴼ ⵏ ⵉⴼⵔⵉⵇⵢⴰ ⴷ ⵉⵎⵙⴽⴰⵔⵏ ⵏ ⵜⴰⵖⵜⴰⵙⵜ ⵜⴰⵎⵙⵔⵜⵉⵜ ⴷ ⵉⴳⵔⴰⵡⵏ ⵏ ⵓⵙⵏⵎⴰⵍ

ⵜⵢⴰⵡⵙⵙⴰⵏ ⵜⵉⵖⵉⵎⵉⵜ ⵏ ⵓⵕⵥⵥⵓⵎ ⵙ ⵜⵉⵍⵉⵜ ⵏ ⵜⵎⴰⵡⴰⵙⵜ ⵏ ⵜⴰⴷⴰⵎⵙⴰ ⴷ ⵓⵥⵕⴼ ⵏⴰⴷⵉⵢⴰ ⴼⵜⵜⴰⵃ ⴷ ⵓⵎⴰⵡⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⵕⵉⵢⵢⴰⴹ ⵎⵣⵣⵓⵔ ⴷ ⵓⵎⴰⵡⴰⵙ ⴰⵎⴰⵔⵉ ⴷⴰⵔ ⵓⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴳⴰⵍⵏ ⵙ ⵓⵙⵙⴰⵔⵓ ⴷ ⵓⵏⵎⴳⴰⵔ ⴷ ⵓⵙⵓⵜⴳ ⵏ ⵜⵉⵙⵔⵜⵉⵜⵉⵏ ⵜⴻⴳⴷⵓⴷⴰⵏⵉⵏ ⴽⴰⵔⵉⵎ ⵣⵉⴷⴰⵏ.

ⵉⵙⵎⵓⵏ ⵓⵏⵎⵓⵇⵇⴰⵔ ⴰⴷ ⵍⵍⵉ ⵉⵜⵜⵓⵙⵏⵎⴰⵍⴰⵏ ⴷⴷⵓ ⴰⵙⴳⵎ " ⵢⵓⵛⴽⵙⴷ ⵓⵣⵎⵣ ⵏ ⵜⴰⴷⵓⵙⵉⵏ ⵜⵉⵥⵕⴼⴰⵏⵉⵏ ⵏ ⵉⴼⵔⵉⵇⵢⴰ" ⵍⵍⵉ ⵉⵜⵜⵓⵙⵏⵎⴰⵍⴰⵏ ⵜⵉⴽⵍⵉⵜ ⵜⴰⵎⵣⵡⴰⵔⵓⵜ ⴳ ⵍⵎⵖⵔⵉⴱ ⵉⵏⵎⵖⵓⵔⵏ ⵏ ⵉⴳⵔ ⵉⵥⵍⵉⵏ ⴷ ⵉⵎⴰⵔⵉⵜⵏ ⵜⵉⵏⴱⴰⴹⵉⵏ ⴰⴼⴰⴷ ⴰⵎⴹⵉⵅⵉⵔ ⵅⴼ ⵜⵉⵙⵜⵔⴰⵜⵉⵊⵉⵢⵉⵏ ⵏ ⵓⵥⵟⴼ ⴰⴼⵔⵉⵇⵉⵢ ⴰⴼⴰⴷ ⴰⴷ ⵉⴳ ⴰⵙⵎⵓⵙⵙⵓ ⵏ ⵜⵉⴳⵎⵉ ⵜⴰⴼⴰⵎⵙⴰⵏⵜ.

ⵔⴰⴷ ⵉⵍⵉⵏ ⵉⵎⴹⵉⴽⵉⵕⵏ ⴳ ⵓⵏⵎⵓⵇⵇⴰⵔ ⴰⴷ ⵅⴼ 5 ⵏ ⵜⵃⴰⵡⵙⵉⵡⵉⵏ ⵜⵉⵎⵣⵡⵓⵔⴰ ⴳ ⵉⵍⵍⴰ ⵜⵓⵙⴽⴰ ⵜⵉⵢⴰⴼⵓⵜⵉⵏ ⵏ ⵍⴱⴰⵏⴽⴷ ⵉⴼⵙⴰⵢⵏ ⵉ ⵢⵓⴳⴰⴷⴰⵣⵏ ⵉⴷⵔⵉⵎⵏ ⴷ ⵓⵙⵙⵔⵅⵓ ⵏ ⵜⴰⵡⵓⵔⵉ ⴳⵔ ⵉⴳⵔⴰⵡⵏ ⵏ ⵓⴼⵔⵓ ⴷ ⵓⵙⵏⴰⵇⵙ ⵏ ⵡⴰⵜⵉⴳ ⵉⵣⵎⵣ ⵏ ⵜⵉⵡⵓⵔⵉⵡⵉⵏ ⵉⵣⵔⵉⵏ ⵉⵡⵜⵜⴰ ⴷ ⵜⴰⵎⵔⵏⵉⵓⵜ ⵏ ⵉⵙⵏⴼⴰⵍⵏ ⵏ ⵜⵙⴱⴱⴰⴱⵜ ⴳⵔ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⴷ ⵓⵙⴷⵓⵙ ⵏ ⵜⴰⵎⴳⵓⵔⵉ ⴷ ⵜⵉⴷⵔⴰⵡⵉⵏ ⴳⵔ ⴰⵎⵎⴰⵙⵏ ⵉⵥⵕⴼⴰⵏⵏ ⵉⴳⵔⴰⵖⵍⴰⵏⵏ.

ⵔⴰⴷ ⵉⵙⴰⵡⵍ ⵓⵏⵎⵓⵇⵇⴰⵔ ⴰⴷ ⵍⵍⵉ ⵜⵙⴽⵔ ⵜⵔⴰⴱⴱⵓⵜ ⵏ " ⵊⵓⵏ ⴰⴼⵔⵉⵇ ⵎⵉⴷⵢⴰ" ⴳ ⵓⵙⴳⴳⴰⵙ 2021 ⴷ ⵜⴷⵔⴰ ⴳ ⵓⵙⵏⵎⴰⵍⴰ ⵏⵏⵙ ⵜⵉⵎⵜⵙⵍⵜ ⵏ ⵓⵥⵕⴼ ⴰⴳⵔⴰⵖⵍⴰⵏ ⴳ 30 ⵏ ⵜⵉⵖⵉⵎⵉⵜ ⵅⴼ ⵉⵙⵡⵓⴷⴷⵓⵜⵏ ⵉⵥⵍⵉⵏ ⵙ ⵓⵙⴷⵓⵙ ⵏ ⵜⴰⵥⴹⴰⵕⵜ ⵏ ⵜⵉⴷⴷⵉ ⵎⵏⵉⴷ ⵜⵉⵎⵓⴽⵔⵉⵙⵉⵏ ⵏ ⵜⴰⴷⴰⵎⵙⵉⵏ ⵏ ⵓⵎⵏⵥⴰⵡ ⵏ ⵉⴼⵔⵉⵇⵢⴰ ⴳ ⵢⴰⵏ ⵓⵣⵎⵣ ⵏ ⵉⵖⵡⴰⵖⵏ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%9C%E2%B4%B0%E2%B5%87%E2%B4%B0%E2%B5%9B%E2%B5%89%E2%B5%9C-%E2%B5%8F-%E2%B5%93%E2%B5%A5%E2%B5%95%E2%B4%BC-%E2%B5%9C%E2%B4%B0%E2%B4%BC%E2%B5%94%E2%B5%89%E2%B5%87%E2%B5%89%E2%B5%A2%E2%B5%9C