ⴰⵙⵜⴰⵢ ⴰⵎⴰⴷⴷⵓⴷ ⵏ ⵍⵎⵖⵔⵉⴱ ⴷ ⵍⴱⵓⵔⵜⵓⵖⴰⵍ ⴷ ⵙⴱⴰⵏⵢⴰ ⴰⴼⴰⴷ ⴰⵙⵏⵓⴱⴳ ⵏ ⵜⴰⴽⵓⵙⵜ ⵏ ⵓⵎⴰⴹⴰⵍ ⵏ ⴼⵉⴼⴰ 2030

12 ⴷⵓⵊⴰⵏⴱⵉⵔ 2024 Version Imprimable

ⵣⵢⵓⵔⵉⵅ - ⵉⵜⵜⵙⵜⵉ ⵍⵎⵖⵔⵉⴱ ⴷ ⵍⴱⵓⵔⵜⵓⵖⴰⵍ ⴷ ⵙⴱⴰⵏⵢⴰ ⴰⴼⴰⴷ ⴰⵙⵏⵓⴱⴳ ⵏ ⵜⴰⴽⵓⵙⵜ ⵏ ⵓⵎⴰⴹⴰⵍ ⵏ ⴼⵉⴼⴰ 2030 ⵙⴳ ⵜⴰⵎⵙⵎⵓⵏⵜ ⵜⴰⴳⴷⵓⴷⴰⵏⵜ ⵏ ⵡⴰⵎⵓⵏ ⴰⴳⵔⴰⵖⵍⴰⵏ ⵏ ⵜⴽⵓⵔⵜ ⵏ ⵓⴹⴰⵕ “ⴼⵉⴼⴰ” ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⴰⵙⵙ ⵏ ⵓⴽⵔⴰⵙ ⵙ ⵜⴰⴱⵔⵉⴷⵜ ⵏ ⴼⵉⴷⵢⵓ.

ⴳ ⵜⴰⵙⵓⵜⵍⵜ ⴰⴷ ⵍⵍⵉ ⵉⵙⵙⵉⵅⴼ ⵊⵉⵢⴰⵏⵉ ⴰⵏⴼⴰⵏⵜⵉⵏⵓ ⴰⵏⵙⵙⵉⵅⴼ ⵏ ⵡⴰⵎⵓⵏ ⴰⴳⵔⴰⵖⵍⴰⵏ ⵏ ⵜⴽⵓⵔⵜ ⵏ ⵓⴹⴰⵕ “ⴼⵉⴼⴰ” ⵙⴳ ⵣⵢⵓⵔⵉⵅ ⵎⵙⴰⵙⴰⵏ ⵉⴳⵎⴰⵎⵏ ⵏ ⵜⴰⵎⵙⵎⵓⵏⵜ ⵜⴰⴳⴷⵓⴷⴰⵏⵜ ⵅⴼ ⵜⵉⴽⴽⵉ ⵏ ⵜⵉⴱⵔⵣⴰ ⴽⵕⴰⵟ ⵙ ⵓⵣⵎⵣⵣⵓ ⵏ ⵓⵙⴽⵜⵉ ⵡⵉⵙⵙ 100 ⵏ ⵜⴰⴽⵓⵙⵜ ⵏ ⵓⵎⴰⴹⴰⵍ ⵉ ⵍⵓⵔⴰⴳⵡⴰⵢ ⴷ ⵍⴰⵔⵊⵓⵏⵜⵉⵏ ⴷ ⴱⴰⵔⴰⴳⵡⴰⵢ ⴳ ⵎⵓⵏⴹⵢⴰⵍ 2030 ⵖⵎⴽⵍⵍⵉ ⵔⴰⴷ ⵜⵙⵏⵓⴱⴳ ⵜⵉⴳⵍⴷⵉⵜ ⵏ ⵙⵙⴰⵄⵓⴷⵉⵢⴰ 2034.

ⵉⵙⵏⵉⵎⵎⵔ ⵓⵏⵙⵙⵉⵅⴼ ⵏ ⵜⴰⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵢⵜ ⵏ ⵜⴽⵓⵔⵜ ⵏ ⵓⴹⴰⵕ ⴼⴰⵡⵣⵉ ⵍⵇⵊⴰⵄ ⵉⵏⴰⵎⵓⵏⵏ ⵉⴳⵎⴰⵎⵏ ⵏ “ⴼⵉⴼⴰ”ⵍⵍⵉ ⵉⵙⴽⵔⵏ ⴳ ⵢⴰⵜ ⵜⵖⴰⵡⵙⴰ ⵢⴰⵏ ⵓⵣⵎⵣ ⵏ ⵜⵓⵎⵔⵜ ⵉⵛⵛⴰⵔⵏ ⵍⵍⵉⵖ ⵜⵍⵍⴰ ⵜⵎⴰⵔⵉⵜ ⵏ ⵓⵎⴰⴷⴰⵍ ⵍⵍⵉ ⵉⴷⵔⵓⵙⵏ ⴰⴷ ⵜⵉⵍⵉ ⴳ ⵉⴳⵔⴰⵏ ⵢⴰⴹⵏ.

ⵉⵏⵏⴰ ⵎⴰⵙⵙ ⵍⵇⵊⴰⵄ ⴳ ⵢⴰⵜ ⵜⵙⴳⵓⵔⵉ ⵉⵜⵣⵎⵎⴻⵎⵏ ⴳ ⵜⵉⵏⴰⵡⵜ ⴰⴷ “ ⴰⵔ ⴽⵏ ⵙⵏⵉⵎⵎⵔⵖ ⵅⴼ ⵜⵉⵇⴰ ⴳ ⵜⴰⵎⵓⵔⵜ ⵉⵏⵓ ⵍⵎⵖⵔⵉⴱ ⴷ ⵉⴷⵔⴰⵡⵏ ⵏⵏⵙ ⵍⴱⵓⵔⵜⵓⵖⴰⵍ ⴷ ⵙⴱⴰⵏⵢⴰ ⴰⴼⴰⴷ ⴰⴷ ⵙⵏⵎⴰⵍⴰⵏ ⵜⴰⴽⵓⵙⵜ ⵏ ⵓⵎⴰⴹⴰⵍ ⵏ ⵜⴽⵓⵔⵜ ⵏ ⵓⴹⴰⵕ 2030”.

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⴰⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵢⵜ ⵏ ⵜⴽⵓⵔⵜ ⵏ ⵓⴹⴰⵕ ⵎⴰⵙ ⵔⴰⴷ ⵢⴰⵡⵙ ⵓⵙⴷⴰⵡ ⴰⴷ ⵏ ⴽⵕⴰⵟ ⵜⵉⵎⵉⵣⴰⵔ ⴳ ⵓⵙⴷⵓⵙ ⴳ ⵓⵎⵣⵔⵓⵢ .ⵉⴳⴰ ⵓⵎⵓⵙⵙⵓ ⴰⴷ ⴰⴳⵔⴰⵖⵍⴰⵏ ⴰⵎⵣⵡⴰⵔⵓ ⵍⵍⵉ ⵔⴰⴷ ⵉⵜⵜⵓⵙⵏⵎⴰⵍⴰⵏ ⴳ ⵉⴼⵔⵉⵇⵢⴰ ⴰⵙⴷⴷⵉ ⵏ ⵜⴰⴳⴼⴰⵏⵜ ⴷ ⵓⵎⵏⵥⴰⵡ ⵏ ⵓⵕⵓⴱⴱⴰ “.

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B4%B0%E2%B5%99%E2%B5%9C%E2%B4%B0%E2%B5%A2-%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B5%8D%E2%B4%B1%E2%B5%93%E2%B5%94%E2%B5%9C%E2%B5%93%E2%B5%96%E2%B4%B0%E2%B5%8D-%E2%B4%B7-%E2%B5%99%E2%B4%B1%E2%B4%B0%E2%B5%8F%E2%B5%A2%E2%B4%B0-%E2%B4%B0%E2%B4%BC%E2%B4%B0%E2%B4%B7-%E2%B4%B0%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%8F-%E2%B5%9C%E2%B4%B0%E2%B4%BD%E2%B5%93%E2%B5%99%E2%B5%9C-%E2%B5%8F-%E2%B5%93%E2%B5%8E%E2%B4%B0%E2%B4%B9%E2%B4%B0%E2%B5%8D-%E2%B5%8F-%E2%B4%BC%E2%B5%89%E2%B4%BC%E2%B4%B0